تو ماجِرد المحاني تبسّم ريفها

Part 14

حليمه : عاد تدرون مشوار الطريق
انَوار : اهم شي وصلتوا بالسلامه ، دخلت وهج للمطبخ : خاله انَوار وحشتيني
انَوار : وجع لا تناديني خاله والله انتم وحشتوني اكثر
وهج : خلاص بتوب بناديك باسمك
حليمه : يمه سَياف وينه؟
الجده عهد : لا تسأليني عن ذا
حليمه : وش صاير؟ بعدين غريبه بسام عندكم
الجده عهد : لزم عليه تركي يعيش معنا وماقصر ما خلاها في خاطره
حليمه ناظرت في انَوار : الله في ريحة زواجات قريب
انَوار اللي فهمتها من النظره : اقول اسكتي
حليمه : مافيها شي دام تركي حابه بعدين خوي سَياف ونعم فيه
انَوار : وانتي علامك يمكن الرجال مايبغى
حليمه : يبغى بس تحري الموعد انَوار : سَياف يقول مايداني النسوان
حليمه بضحكه : يداني وحده من بينهم
انَوار : يمه سكتي بنتك
الجده عهد : ريحوني افتك من سَياف وبسام تجوني انتم
حليمه : طيب علميني ليه زعلانه من سَياف
الجده عهد : وهج اخذي القهوه و وديها لابوك
وهج : ابشري ، اخذتها وطلعت
الجده عهد : يبغى يتزوج بنت نوره سُلاف
حليمه : واذا يا يمه مافيها شي بنت خالته
انَوار : ابوي رفض
حليمه : وليه ان شاء الله؟
انَوار : والله ما ادري علمي علمك يا حليمه
حليمه : يمه سَياف لاتعقدونه ثم يهج من عندكم
الجده عهد : مايسويها
حليمه : عاد علمتك انا خلوه يتزوجها ويدري بعد الزواج مابيسوي شي
الجده عهد : يصير خير هيا نتقهوى
انَوار : بصحي تركي واجيكم
حليمه : ورعك خربان وش ذا النوم اللي لين العصريه
انَوار : ما نام زين خليه
حليمه : لاتبطين عشان تكحلين عيونك
انَوار : اسكتي عني سبحان الله والله انك زي سَياف
حليمه : يازينه حبيبي مسوي لكم جو لاتنكرون
انَوار : جو يرفع ضغطك
الجده عهد : ياكثر هروجكم وخروا عني ، ضحكت حليمه : يلا يا انَوار صحي تركي وتعالوا
~ عند سَياف وسُلاف ~
سَياف : تم لبينا طلبك
سُلاف : البلا في انك كيف بتعرف تعزف
سَياف : ما انولدنا نعرف كل شي بتعلم
سُلاف : انتظرك
سَياف : شاهي؟
سُلاف : ما احبه
سَياف : جربي مابتخسرين شي
سُلاف : تمام ، مر يأخذون شاهي بعدين يرجعها لسيارتها
سَياف بابتسامه : ياحبيبي
الموظف : طلبك معروف مايحتاج
سَياف : بس المره ذي اثنين
الموظف : ابشر ، بعد مرور ٤ دقايق اخذ طلبهم ومشى
طلع بكت الدخان ، مسكت يده توقفه : خلاص ارحم نفسك كم دخنت مره؟
سَياف : مع الشاهي لازم
سُلاف سحبته منه : جرب تشربه بدون ماتدخن
سَياف : طيب ، شرب رشفه رشفتين عجز يتقبل طعمه استرسل كلامه : هاتي بس زقاره وحده
سُلاف : واذا زادت؟
سَياف : ماتزيد ان شاء الله
عطته سُلاف : نشوف ، خلصت الزقاره والشاهي باقي ناظر فيها بينطق قطعت عليه : مافـ ...
#تو_ماجِرد_المحاني_تبسّم_ريفها

—————————————————————
خلصت الزقاره والشاهي باقي ناظر فيها بينطق قطعت عليه : مافيه ارتاح مايحتاج تتكلم
سَياف : امري على الله بكمله بدون
سُلاف بطقطقه : يلا بسوي نفسك واشربه مع الدخان ، سحب البكت منها يسترسل كلامه : تخسين
سُلاف : رجعه عشان ما اصفقك
سَياف : والله ماني مدخن خلاص
سُلاف : ما اصدقك هاته
سَياف : خلاص اعطيك وتحطينه بالدرج اللي قدامك؟
سُلاف : اي ، اخذته وحطته بالدرج زي ما قال لها استرسلت كلامها : خلاص اسكت ريح من اليوم وانت تتكلم
سَياف : ما اقدر اسكت انا من فئة الا بسألك يابو عبدالعزيز
ضحكت سُلاف : انت وصلت للفئه اللي بعدها
سَياف : مجالستي تنشرى احمدي ربك معطيك من وقتي
سُلاف : ما ادري احمد ربي على ايش
سَياف : احمديه علي كلياً
سُلاف : ستوب خلاص اسكت دقيقه بس
سَياف : نقصي لاني ما اقدر
سُلاف : ٣٠ ثانيه يلا تستطيع
سَياف : احسبي طيب ، ما مر الا ١٥ ثانيه الا هو يضحك : قلت لك ما اقدر بتسكتيني بالقوه انتي؟
سُلاف : فاشل ٣٠ ثانيه تراها ماهي دقايق
سَياف : عاد ذا الموجود
سُلاف اللي تذكرت كلام بسام انه يكره الظلام وبحكم ان المغرب قرب خلاص نطقت : كم باقي ونوصل؟
سَياف : ليه وراك شي؟
سُلاف : لا بس و وقفت ماقدرت تكمل
سَياف : انطقي بس ايش؟
سُلاف : بسام قال لي انك تكره الظلام عشان كذا سألت
سَياف : باقي معنا وقت ان شاء الله
سُلاف : ان شاء الله
~ عند نوره وعبدالعزيز ~
نوره بخوف : بسم الله ذي وينها تأخرت مره
عبدالعزيز : لقيتها متصله علي شكلها مشغوله باقي
نوره : وش ذا الشغل ياعبدالعزيز
عبدالعزيز : اصبري اتصل على ياسر ، مع اتصاله ياسر داخل البيت رفع جواله بمعنى " انا هنا "
عبدالعزيز : وين اختك؟
ياسر : اعتقوها خلوها تأخذ راحتها من يوم طرت لكم الملازم اول وانتم معقدينها تعرفونه علمونا وفكونا من ذا العيشه
عبدالعزيز بذهول منه : سألتك عن اختك ماقلت لك عطني لسانك الطويل ذا
ياسر : ماقلت الا الحق بعدين سُلاف مع ميرا
عبدالعزيز : زين
نوره : عشان كذا اتصلت علينا
ياسر : ماكنتوا يمها توكم تطالبون خاله هنادي
نوره : تستاهل خالتك ذي
ياسر جلس يسحب الكلام منهم : بوش تستاهل؟
نوره : تستاهل وبس
عبدالعزيز : وش تبغى انت هالحين؟
ياسر : ابغى اعرف حقيقة ذا الملازم اول اللي كبتوا اختي عشانه
عبدالعزيز : مانعرفه ارتحت
ياسر : صدقني انك تعرفه بس مردنا عارفين كل السالفه
عبدالعزيز : يدك وما جابت من علم
ياسر : يصير خير
~ عند تركي وبسام ~
تركي : يبه ، استغرب الكل من مناداته لبسام
بسام : سمّ
تركي : شف امي ماخلتني ارقد زين قم خالتك جتك من زين القعده هالحين
ضحك بسام من شكاويه : وهي صادقه قم اشتقت لك
-
#تو_ماجِرد_المحاني_تبسّم_ريفها

—————————————————————
ضحك بسام من شكاويه : وهي صادقه قم اشتقت لك
تركي : عشانك برضى عليها يلا
انَوار المصدومه منه : يا قليل الادب احد يزعل من امه؟
بسام : خليه انا اعلمه
الجد راجح : خلاص خذه معك وربه زين
تركي : لا ياجدي تسب تربيتك
الجد راجح : تربيتي مانفعت معك انت وسَياف
قام يقبل راسه تركي : حبيبي نفعت معليك ، راح يحضن امه يسترسل كلامه : انتي احلى ام في الدنيا بس خلي ولدك ينام على راحته
ضحكت انَوار تبادله الحضن : ما اقدر اخليه ينام على راحته القلب يولهّ عليه
تركي : ماني خفيف زي ابوي بسام
بسام : لا ما اتفقنا تذكرني بالشينه
قام تركي يرجع يجلس بحضن بسام : قمت اتنقل بينكم
بسام حاوطه بيدينه يقبله على خده : خلك عندي هنا لا تقوم لاحد
تركي : ابشر
~ عند سُلاف وسَياف ~
سَياف : وصلنا بالوقت المناسب
سُلاف : الحمدلله ، نزلت ونزل معها استرسلت كلامها : كنت تقدر تشوفني من القزاز ليش نزلت؟
سَياف : لابد من الموادع
سُلاف : حركاتك اللي مالها داعي فكني منها
ضحك سَياف بنكران : اي حركات بسم الله علي مؤدب
سُلاف : فيك كل شي الا الادب
سَياف : والله يابنت عبدالعزيز انتي تجبريني اصير قليل ادب
سُلاف : الله ضربتك على يدك وقلت تعال قليل ادب يا سَياف صح؟
سَياف بضحكه : ما صارت ذي بس اشوف انها بتصير في القريب العاجل
سُلاف : ودّك أأكلك من ذا الورد عشان تنكتم بالمره؟
سَياف بتخطيط : اذا يطاوعك قلبك قربي أكليني ، قربت تلبي مطلبها مادرت انه ناوي على شي ، سحب يدها ينزلها ويشدها من خصرها يقربها له اكثر يترك راسه بمساكن عنقها يقبلها بقُبلة الوداع استسلمت للوضع كل ماواجهته كل مازاد بعناده حضنته تلعب بشعره من ورا رفع راسه بابتسامه : اشوفك استسلمتي؟
سُلاف : كل ماواجهتك كل ما زدت بعنادك قلت استسلم يمكن تخفف شوي
سَياف : الاستسلام المطلوب من البدايه ، قبلته على خده تسترسل كلامها : خلاص روح توك توصل للبيت
سَياف : خايفه علي؟
سُلاف : من قال ما ينخاف عليك ما شاء الله
سَياف : هيا نشوف رحي اركبي سيارتك
سُلاف : تمام ، ركبت سيارتها ومشت وهو ركب سيارته ومشى بعد نص ساعه كل منهم وصل بيته
~ عند سُلاف ~
ماقدرت انها ماترسل له تتطمن انه وصل ارسلت بالسناب " وصلت؟ " ، رد عليها "ماقلت لك انك خايفه علي ليش تنكرين؟ " ، سُلاف " جاوب بعدين صارحني اني خايفه عليك " ، جاوبها بسنابه مصور تركي وهو جالس قدامه ، سُلاف " ياحلوه وحشني " ، سَياف " حيّاك تعالي بكره " ، سُلاف " جبه معك المستشفى " ، سَياف "يبطي عظم هو وبسام ماعاد اخذهم " ، سُلاف " ياشينك ابغاه انا طيب🥹 " ، سَياف " سددناها الله يعوض خلاص بجيبه معي " ، ضحكت سُلاف ...
#تو_ماجِرد_المحاني_تبسّم_ريفها