تو ماجِرد المحاني تبسّم ريفها

Part 22

واسئ سيارته بسيارة سَياف نطق بسام : سَياف خفف سرعتك عشان يروح فيها هو واضح من عيونه ناوي على شر
سَياف : اذا ناوي على شر حتى انا ناوي على شر
بسام : فكني من عنادك وخفف سرعتك
سَياف : دق على المعسكر اطلب فريق يجي
بسام : طيب رفع السمعه يطلب فريق
سلمان : مقرك؟
بسام : عند الدوار القريب من المستشفى ...
سلمان : دقايق وهم عندك
على تقفيلة بسام لف عليهم بسرعه تتجاوز 200 ضغط بسام على الفرامل يتدارك الوضع لكن حصل الي حصل فتح الباب بعد عدة دقايق يلتفت يمين ويسار يناظر الفراغ الي هم فيه صاح بعلو صوته سَياف عجز كيف ينقذه كون ان السياره مقلوبه من اتجاهه مسك جيبه يدور جواله لف على صوت سيارات المعسكر ركض يطلب منهم سيارة اسعاف
سلمان : وينه؟
بسام : ليش تأخرتوا؟ المشكله المسعكر ماهو بعيد
سلمان : اللوحه؟
بسام : بجوالي ما ادري وينه
سلمان : اتصلوا على الاسعاف وعلى سطحه تجي ترفع لنا
بسام : بالاول اسعاف سَياف ماندري عن وضعه ، انرفعت السماعه على المستشفى نحتاج سيارة اسعاف عاجل بالمقر الفلاني ، طلعت من غرفة الطوارئ على اصوات المسعفين استوقفت واحد منهم تفهم وش الي صاير تدعي من قلبها ان الخبر مو الي ببالها : ماندري لكن المقر قريب منا الوقت معنا نتأخر زياده يمكن نفقد المصاب ، تركت جوالها وراها تركب معهم بتوتر وخوف ما يطلع سَياف المصاب ، بعد مرور ربع ساعه وصلوا لمكان الحادث انفتح باب سيارة الاسعاف الخلفي لمحت بسام ماسك راسه من الخلف يتأمل السياره الي شبه معدومه انهارت تجر خطاويها بالقوه وقفت قدام بسام تسترسل كلامها تحت تأثير بكاءها والي اغلبه مو مفهوم لبسام : لمحته؟ شفتوا وضعه حركتوه انطق ولو بكلمه يا بسام غطت وجهها من بشع المنظر
بسام : انهيارك ما بيفيدك بشي لسَياف حاولي تنقذينه
سُلاف : مقدر يا بسام مقدر ، قربت تحضنه من شدة خوفها تفقده جلس يطبطب على ظهرها ويهديها يعطيها ما يملك من تحفيز وهو يحتاج من يطمنه ويقول سَياف بخير نطق واحد من المسعفين : حالته خطره جداً فاقد دم بشكل كثير ، لف بسام يناظر في انعدام وجهه البشوش وجسده كلياً المغطى بالدم قربت منه تحاول تلمح شي يطمنها بتحسن حالته فقدت الامل من كثرة دمه الي فقده جلست على رجولها ما عاد فيها ذرة تحمل عقب كل الي شافته قرب بسام منها يترجاها : سُلاف بتقدرين تنقذينه لا تخليني اعيش شعور فقدان الاخ انتي قد ذا الشي واثق فيك سَياف في امس الحاجه لك الحين
سُلاف : يا ليت يوصل خبر لاهله عشان لاقدر الله لو يصير شي يكون عندهم خبر وانت الحقني لازم تكون موجود
بسام : خلاص طيب بس اعطيهم رقم اللوحه واجيكم
سُلاف : تمام ، مشت تسابـ ...
#تو_ماجِرد_المحاني_تبسّم_ريفها

—————————————————————
مشت تسابق خطواتها ركبت وقفلت الباب خلفها نطقت تسترسل كلامها : ركبوا له مغذيه و وجهه لازم ننظفه عشان نقدر نتحكم بشغلنا ونكشف عليه زين ، بدوا ينفذون الي قالته لهم وهي جلست تنظف جسده المليان دم وصلوا المستشفى بدوا ينزلون وينزلونه بشويش دخلوا ونظرات الانتصار بعيونه ضحك بخفه يبعد الشكوك عنه : غرفة الكشف نكشف عليه بالاول بعدين نبدأ شغلنا
خالد : حالته متدهوره لو ندخله غرفة العمليات نلحق عليه
سُلاف : تدخله وانت ماتعرف وش الي فيه؟
خالد : بكيفك ترا تطاولك بالعمل بيخليك تفقدينه
سُلاف : اسلمك الحاله خلاص
خالد : غرفة العمليات على طول ، مشى خالد وهم وراه طلعت تشم هواء تقوي نفسها وترجع لهم
سُلاف : اكتشفتوا شي؟
خالد : فاقد دم نحتاج له 3 كيلو الحمدلله ما واجهنا فيه اي كسور لكن الضربه جت على راسه وذي الي سببت له فقدان وعي فيه خدوش في بطنه التنفس عنده متضارب لازم نلحق عليه عشان ما يستدعي الوضع انعاش للقلب
مسكت راسها تستوعب مدى صعوبة حالته سُلاف : طيب فصيلة دمه عرفتوها؟
خالد : O+
سُلاف : حصلتوا متبرعين
خالد : لا باقي
سُلاف : خلاص بتبرع انا
خالد : اذا تبرعتي اشربي لك عصير طماطم
سُلاف : تمام ، طلعت من غرفة العمليات على صراخ صادر من الاستقبال بسام وسيف! تعجبت من الموضوع تذكرت كلام سَياف "ناوين يكمل علي"
بسام : بجيح جاي وجالس هنا ولا كأنك مسوي شي
سيف : يدك نزلها لاكسرها لك والحقك خويك
رفع السماعه لسلمان : مهما كان مكانك تعال المستشفى القريب من الدوار
سلمان : الامر طارئ؟
بسام : لا طال عمرك بس بتعبك كذا
سلمان : دقايق وجايين
بسام : تأخير لا يحصل
سلمان : طيب ، قفل منه يأخذ معه كم جندي ويطلع متجه للمستشفى، قربت سُلاف : ممكن افهم الي صاير
بسام : الكلب ذا هو الي وصل سَياف لذا الحاله
سيف : عقبالك ، صفقه كف يمسكه من حلقه : اخرتك بالسجون
سُلاف : بسام هد نفسك كلمت اهل سَياف
سيف : ماعنده اهل بالاساس ، ناظرت بصدمه من كمية الحقد الي بسيف لسَياف نطقت : يا بجاحتك يا سيف مين معبيك على سَياف؟
سيف : الحقي عليه لا يموت وتموتين علينا معه
سُلاف : بسام جوال سَياف معك؟
بسام : ليه
سُلاف : بتصل على انَوار
بسام : هاك ، اخذت الجوال تبحث عن اسمها تكتب انَوار ، عمه انَوار ، ما يطلع لها شي شد انتباهها اسم " ست الكل " تسألت مين هذي دقت تنتظر الرد ماهي الا ثواني و وصلها : هاه وش تبغى يامزعج
سُلاف : انَوار صح مو غلطانه؟
انَوار : اي حبيبي فيه شي؟ ، وصلها صوت شهقاتها
مسكت قلبها انَوار : تكفين لا تقولينها سَياف فيه شي؟
سُلاف : الحمدلله وضعه كويس بس حبيت اعطيكم خبر تجون تشوفونه
انَوار : -
#تو_ماجِرد_المحاني_تبسّم_ريفها

—————————————————————
سُلاف : الحمدلله وضعه كويس بس حبيت اعطيكم خبر تجون تشوفونه
انَوار : جايين ، قفلت متجهه لغرفة تبرعات الدم جلست تسمح لهم يسحبون من دمها ويعطونه اهم شي تشوفه بصحته وعافيته رفعت جواله تتأمل خلفيته " هو وبحضنه لوسي وتركي قدامه و وجهه المتوسطه ابتسامته الجذابه " نزلت دموعها لا ارادي منها خايفه من فكرة انه يطول بفقدان وعيه ولا يتذكرها بعدين
النيرس : خلصنا يا دكتورنا سُلاف
سُلاف : خلاص وديه للدكتور خالد
النيرس : حاضر ، وصل سلمان سحب بسام سيف يرميه قدام سلمان تقدر تأخذه وتشوف شغلك معه
سلمان : مين ذا؟
بسام : ذا الي لحق سَياف بضرر
سلمان : كلبشوه واخذوه قدامي
بسام : اتركوه لين سَياف يصحى
سلمان : على كذا بيخمج عندنا
بسام : ابرك الساعات خله يعرف مكانه زين ، كان متوقع ان بجلوسه في المستشفى ما احد بينتبه له وبيكون الكل مشغول ما بيلبون له بس ما يخفى على بسام شي
~ عند هنادي وجمانه ~
جمانه : لو يلحق اخوي ضرر صدقيني ما بسكت لك
هنادي : خلاص اسكتي من اليوم وانتي تعيدين بنفس كلامك
جمانه : ماني زيك بدون رحمه وقلب
قامت تشدها بشعرها : اسكتي خلاص
جمانه : ماني زي سيف اطيعك باي شي خلي يوصلني شي بضرر اخوي والله ما ارحمك ، مشت عنها تتجاهل تهديدها لها
~ عند انَوار وحليمه ~
انَوار : حليمه كيف اقوله خايفه على امي
حليمه : خلاص هدي انا بروح اعلمهم
انَوار : تمام ، طلعت من عندها متجهه للصاله استرسلت كلامها : يبه ويمه
الجد راجح : وشبلا وجهك كذا؟
الجده عهد : صاير شي يا امك؟
حليمه : سَياف تعرض لحادث بس وضعه كويس وسُلاف قالت تعالوا شوفوه
مسك قلبه يهدي من روعته الجد راجح : الله يهدي ذا الورع ما ذابحني غيره
الجده عهد : لا تقول له شي
بتال : مشينا اجل الوقت معنا
الجد راجح : يلا
~ عند عبدالعزيز ونوره ~
نوره : ها وينها ذا البنت؟
الجد سامي : خلي ذا البنت في حالها
نوره : بس يا يبه
الجد سامي : وش الي بس اسكتي
~ عند ياسر ~
اتصلت سُلاف عليه و وصلها الرد في اقل من دقيقه : وش عندك؟
سُلاف : وينك؟
ياسر : في البيت
سُلاف : احتاجك بالمستشفى تعال
ياسر : صاير شي؟ صوتك ما يعجب
سُلاف : تعال وبعلمك
ياسر : يلا مسافة طريق ، قفل وبعدها بعشر دقايق وصل الجد راجح والي معه
الجد راجح : وين اقدر احصل سَياف بن محمد؟ ، على سؤاله طلعت سُلاف : باقي في غرفة العمليات تقدرون تنتظرونه عند الغرفه
الجده عهد : مافيه شي بليغ؟ ، قربت تقبل راسها تطمنها : لا الحمدلله وضعه كويس لكن بنعاني مع رجعوا وعيه له
انَوار : هذي تهون اهم شي انه بخير
بسام : ابطيتوا
حضنه تركي برجوله : وحشتني
رفعه بسام يقبله على خده : -
#تو_ماجِرد_المحاني_تبسّم_ريفها