تو ماجِرد المحاني تبسّم ريفها

Part 24

تبددّ ظلام الليل يُعلن بدايات الفجر وشروق شمس نجد العذيه والبهيه مع اصوات الرعود ورذاذ المطر صحت تفتح الشباك على خفيف تتأمل الجو كانت تشهد على اجواء الرياض الحلوه وهو معها والحين وينه؟ لا حس ولا خبر يصدر من ناحيته قربت تصحي انَوار : ياروحي انتي خلاص اصحي انتي بسام عشان الدكاتره يقدرون يأخذون راحتهم بالشغل
انَوار : ابشري
~ عند الجد سامي وياسر ~
الجد سامي : ها وين اختك قلنا لها اشتقنا وقامت تتغلى يومين ما شفناها
تذكر انهيارها امس ولا قدرت تفتح فمها بكلمه وتعلمه بالي صاير نطق : سَياف امس صار عليه حادث وهي الي مشرفه على حالته
فز الجد سامي : شفته؟
ياسر : لا والله بس من وضع سُلاف واضح وضعه ماش
الجد سامي : قم قم ودني لهم
عبدالعزيز : يبه مستوعب انت؟
الجد سامي : الواجب نقوم فيه والي صاير سَياف ماله دخل فيه كله
وقف ياسر : دقيقه وش الطاري؟ اذا تخبون حقيقة شي علمونا وريحونا
نوره : مافيه شي خذ جدك ورح
ياسر : الايام قادره تكشف لنا كل شي ونتايج الشي ذا تحمليه انتي وابوي ، مشى تاركهم وراه يحس بصله تربطهم بسَياف بس عجزان يكشف الصله ذي وشهي
الجد سامي : قلتها بلسانك يا عبدالعزيز النتايج اتحملها انا عساك على القوه ، وطلع يلحق ياسر
~ عند الجد راجح وعايلته ~
الجد راجح : ما وصلكم خبر من انَوار شي؟
حليمه : لا والله على نفس وضعه
الجده عهد : خلاص اجل بدال ما نسبب زحمه في المستشفى نروح على دفعات
حليمه : افضل
الجد راجح : اجل انا وعهد وتركي وبكره انتم
بتال : اجل اوصلكم؟
الجد راجح : تفعل خير
~ عند سُلاف وخالد ~
خالد : كذا تقريباً تداركنا نزيف الخدوش الي بوجهه نقدر نشيل الشاشات عنه ونكتفي بس بلصقات جروح
سُلاف : خلاص اسويها انا فيه شي ثاني؟
خالد : اوضاعه مستقره بس ليش لحد الان فاقد وعيه ماندري لازم نكشف على راسه زين لايكون فيه ضربات اقوى جابرته على فقدان وعيه لمده طويله ، تمسكت بالسرير ما عاد تقوى تسمع اخبار سيئه عنه
خالد : اكلتي شي؟
سُلاف : ابغى شي حالي
خالد : ثواني ، طلع يركض لبوفية المستشفى يطلب لها قهوه مع حلا
وصل سلمان للمستشفى دخل للاستقبال : سَياف بن محمد بأي غرفه؟
الاستقبال : غرفة العمليات باقي ماطلع منها
سلمان : يعطيك العافيه ، مشى يدور الغرفه لمح بسام وراح له
بسام : عساه خير؟
سلمان : كيف وضعه؟
بسام : شوفة عينك
سلمان : اول ما يصحى يا ليت تعطينا خبر
بسام : فيه شي؟ انا اقوم فيه لين يصحى
سلمان : شي يخص سَياف اذا صحى يلقاها جاهز بالمكتب
بسام : مشكور
سلمان : واجبنا ، وطلع من عندهم بخبر ما كان يدري عن ماضي سَياف بشي كان شديد معه بس سَياف ما كان يطـ ...
#تو_ماجِرد_المحاني_تبسّم_ريفها

—————————————————————
وطلع من عندهم بخبر ما كان يدري عن ماضي سَياف بشي كان شديد معه بس سَياف ما كان يطق له خبر بدأ يحسن تعامله بعد ما فات الاوان
~ عند الجد سامي وياسر ~
ياسر : وصلنا تقدر تنزل
الجد سامي : على وين؟
ياسر : هنا ماني رايح
الجد سامي : انزل معي
ياسر : ادخل وبلحقك انا
الجد سامي: لا تبطي ، على نزوله من السياره وصل الجد راجح بصدمه : سامي!
الجده عهد : وينه؟
بتال : شفيه ياعمه قدام
الجده عهد : اي والله هو وش جايبه
الجد راجح : نزلنا نزلنا نعرف وش جايبه الحين
الجده عهد : يلا ، نزلت ونزل الجد راجح معها وقف الجد سامي يناظر حنّ لايام تجمعاتهم وسواليفه مع الجد راجح بس كل البلا من هنادي هي الي خربت كل شي وهي الي ماهي موجوده بينهم الحين بنت حواجز بينهم ما قدروا يكسرونها ، مشى يتقدم لهم
الجد سامي : ياهلا ومرحبا بالي مبطيٍ عني زوله
حضنه الجد راجح على كل الي بينهم ماينكر محبته للجد سامي ابداً : يا هلا فيك وش ذا الغطه ما عاد نشوفك؟
الجد سامي : تدري بالامور انت عاد
الجد راجح : الله يزينها هيا دخلنا
الجد سامي : مشينا
~ عند خالد وسُلاف ~
خالد : بفتح في الشباك وشويات وقفليه عليه عشان مايبرد
سُلاف : تمام
خالد : لا تبدين بشي لين تشوفين نفسك متحسنه
سُلاف : مشكور الحمدلله وضعي تمام الحين
خالد : ابدي بشغلك اجل
سُلاف : يلا ، بدت تشيل جميع الشاشات وتكتفي باللصقات انتهت شغلها تتأمل ملامحه الحاده المليانه تعب ، دق جهاز قياس التنفس الدال على تدهور النفس عنده مشت بخوف تطلع من الغرفه مسكها خالد : اهدي مافيه شي بنستمر على 30 ضغطه ونشوف
مسكت وجهها : خالد بعد شف شغلك انت ، فتحت الباب حصلت جدها سامي بوجهها ركضت تحضنه ببكاء
الجد سامي : بسم الله عليك وش صابك؟
سُلاف : لا تسألني ، قام الجد راجح يمسك يدها المرتجفه بسبب خوفها : هدي يابنتي مافيه الا العافيه ان شاء الله ، بعدت تمسح دموعها تسترسل كلامها : ان شاء الله ، مشت تطلع من المستشفى تحس الدنيا كابته على قلبها لا تنفس تتنفسه زين ولا شي ماشي بطريقته الصحيحه شافها ياسر بالقوه تلقط انفاسها قرب يمسكها : وش صاير؟
سُلاف : سَياف وضعه في تدهور زايد
ياسر : امشي معي وتفائلي خير
سُلاف : تمام
~ عند جمانه ~
يوم كامل واخوها ماله وجود اتصلت مره مرتين ثلاث ما تستقبل رد رفعت السماعه على هنادي تسترسل كلامها : لو ما يوصلني خبر عن اخوي موضوعك من بدايته لنهايته عند ولدك
ضحكت هنادي تستفزها اكثر : ذا اذا لقيتي من يسمع لك
جمانه باستغراب : وش تقولين انتي؟ ذابحه ولدك ، قفلت بوجهها جلست على الكنب تستشعر مدى صدمتها بام تسوي كذا ولا يحنّ قلبها على ولدهـ ...
#تو_ماجِرد_المحاني_تبسّم_ريفها

—————————————————————
قفلت بوجهها جلست على الكنب تستشعر مدى صدمتها بام تسوي كذا ولا يحنّ قلبها على ولدها الوحيد حطت الموضوع براسها وجلست تبحث عن وسيله توصلها لسَياف
~ عند خالد ~
اعتمد على 30 ضغطه كبدايه ما شاف اي تحسن بالموضوع زود بالضغطات لوصول 60 ضغطه انهى الضغطات بتعب واضح من رخوّ جسده كح سَياف يبعد الاكسجين عنه رفع راسه خالد يمنعه يسترسل كلامه : خله كذا افضل لين تتحسن حالتك شوي ، مسك راسه من الخلف يتحسس باماكن الوجع فيه رفع نفسه يجلس يحاول يتذكر اخر شي حصل له يتراود بعقله " اذا ناوي على شر حتى انا ناوي على شر " استوعب مدى خطورة الموضوع من الكلام نطق : بسام وينه؟
خالد : ما اعرف مين بسام بس استريح انت اطلع اناديه لك ، طلع من الغرفه يناظر فيهم كيف ينتظرون منه خبر يفرحهم ويبعد الهم عنهم نطقت سُلاف : تحسن؟
خالد : يا خوافه ليش تركتيني لحالي ورحتي؟
سُلاف : مو وقتك جاوب
خالد : مين فيكم بسام؟ ، فز بسام يأشر : انا ليه؟
خالد : مُصابنا ينتظرك داخل
نطت من فرحتها تحضن خالد ، همس لها : مو قدام البشريه هدي
استوعبت وبعدت عنه تسترسل كلامها : معليش
قرب يحاوط كتفها : الحين انبسطي قايل لك اولى تفائلي خير
سُلاف : حب عمري
الجد راجح : ونقدر ندخل كلنا الحين؟
سُلاف : خلوه يخلص من بسام بعدها تقدرون بس حاولوا ما تضغطون عليه عشان ما ينتكس وضعه
الجده عهد : ماقصرتي يابنتي يعطيك العافيه
سُلاف : يا حبيبتي انتي اشكروا خالد لا تشكروني ما سويت شي
تركي : انتي دكتورة خالي مو خالد ، ضحك خالد : وليه مو انا دكتوره؟
تركي : بس اعرف سُلاف
سُلاف : والحين صرت تعرف خالد صح؟
تركي بغيره : اي
~ عند بسام وسَياف ~
بسام : اخ منك يابو محمد شلعت قلوبنا بالخوف عليك
ضحك سَياف : والله وطلعتوا تحبوني
ضربه على راسه يسترسل كلامه : توك تدري؟ ، مسك راسه ينطق بعصبيه : لا تضربني خلقه انا جسمي كله مكسر
بسام : عاد متعود تحس انك تذكرنا كلنا ولا ناسي اشخاص؟
سَياف : ماني ناسي الا الي صار انتم الحمدلله متذكركم
بسام : كويس اجل معليك من الي صار اهم شي عدت بسلامه
سَياف : الحمدلله ، انفتح الباب بقوه من تركي طل براسه يشوف من رجد الباب لمح زوله ومسك راسه : كملت تجمعتوا علي
تركي : ليش السرير مرتفع عني بكثير؟
سَياف : وش تبغى؟
تركي : الشوق لازم نسلم
بسام : تعال انا ارفعك ، رفعه بسام يسلم على سَياف
سَياف : ياجعلك تسلم وش عندك من علوم؟ ، ناظر تركي انهم باقي مادخلوا ونطق : سُلاف حضنت الدكتور خالد
بسام : ليش حارق اعصابك انت طيب؟
تركي : ذي زوجة خالي ما احد يقرب لها
سَياف : ما يحتاج اقوم بالواجب ماقصر حبيب الكل
تركي بزعل : مـ ...
#تو_ماجِرد_المحاني_تبسّم_ريفها