သူသာလျှင်ကျွန်မဘဝရဲ့အရှင်သခင်
အခန်း(၈)
မိန်း ရေချိုးခန်းထဲကိုဝင်ဖို့ တံခါးကိုဖွင့်လိုက်တော့ ခေါင်းထဲမှာ မိုက်ခနဲဖြစ်သွား၏။ မိန်း ခေါင်းကိုလက်ဝါးနဲ့ထောက်ကာ နံရံကိုမှီလိုက်မိသည်။
"အား မူးလိုက်တာ --- "
ဘယ်ကိုပဲကြည့်ကြည့် ခေါင်းထဲမှာရီဝေနေ၏။ မိန်း မျက်လုံးမှိတ်ထားလိုက်မိသည်။ ခေါင်းထဲမှာ အရောင်တွေ ပြိုးပြိုးပြက်ပြက်လက်နေ၏။ အဲ့ဒီ့အရောင်တွေကြားမှာ မျက်နှာတစ်ခုပေါ်လာသည်။ မမြချယ်ရီရဲ့မျက်နှာ။ မိန်း မျက်လုံးကို အတင်းပြန်ဖွင့်လိုက်၏။
မိန်း အိပ်ခန်းထဲက ခုတင်ကြီးကိုကြည့်ကာ အံကြိတ်လိုက်မိသည်။
"ငါ သူ့ကိုမုန်းတယ် --- ဟင့်အင်း ဘယ်လိုမှလက်ခံနိုင်မှာမဟုတ်ဘူး --- "
မိန်း ရေချိုးခန်းတံခါးကို ဆောင့်ပိတ်လိုက်သည်။
"ဝုန်း --- "
လင်း လှေကားတွေတစ်ထစ်ပြီးတစ်ထစ်သာ ဆင်းလာတာ စိတ်ထဲမှာတော့ ညီမလေးအကြောင်းကိုပဲ တွေးလာမိ၏။
ဦးသက်ထက်နဲ့ ဒေါ်မိုးဝါ လှေကားပေါ်ကဆင်းလာတဲ့ လင်းကိုတွေ့သွားကာ ကြည့်နေမိသည်။
လင်း ခုံမှာထိုင်လိုက်တော့
"သား သားရဲ့ညီမလေး စိတ်ဆိုးမပြေသေးဘူးလား ---- "
လင်း ခေါင်းရမ်းပြလိုက်သည်။
"အခုလောလောဆယ်တော့ ညီမလေး သားကိုစိတ်ဆိုးပြေသွားပါပြီ --- ဒါပေမယ့် သား ညီမလေးကိုစိုးရိမ်တယ် မေမေ --- "
ဦးသက်ထက်နဲ့ ဒေါ်မိုးဝါ နားမလည်စွာနဲ့ လင်းရဲ့မျက်နှာကိုကြည့်လိုက်ကြလေသည်။
"သားက ဘာကိုစိုးရိမ်တာလဲ --- သားရဲ့ညီမလေးက အဲ့လောက်ဆိုးတာလည်းမဟုတ်ပါဘူးကွယ် --- "
"ဟုတ်သားပဲသားရယ် ---- "
"ညီမလေးက မြကိုလုံးဝကြည်တာမဟုတ်ဘူး --- တကယ်လို့ မြနဲ့သား လက်ထပ်ပြီးသွားရင် ညီမလေးနဲ့ ဘယ်လိုမှအဆင်ပြေမှာမဟုတ်ဘူး မေမေ --- သား ညီမလေးအတွက် စိုးရိမ်တယ် ---- "
YOU ARE READING
သူသာလျှင်ကျွန်မဘဝရဲ့အရှင်သခင်
Romanceသူတို့မိသားစုပိုင်ကုမ္ပဏီနဲ့ မိသားစုရဲ့အနာဂတ်ကို ကယ်တင်နိုင်မယ့်သူက သူတစ်ယောက်ထဲပဲရှိတယ်။ သူ့နာမည်က "လင်း"။ ဒါကလည်း မြချယ်ရီနဲ့လက်ထပ်မှပါ။ အဲ့ဒါမှ မြချယ်ရီတို့မိသားစုက သူတို့မိသားစုကို ကူညီမယ်တဲ့လေ။ မြချယ်ရီက လင်းကို တစ်ဖက်သတ်ချစ်နေရသူ။ လင်းကတော့ သူ...
