ဆရာ ရုတ်တရက်ကြီးပျောက်သွားတာကြောင့် နေထက်ဖုန်းတွေအကြိမ်ကြိမ်ခေါ်ကြည့်နေလိုက်သည်။
ဆရာ အဆင်ပြေရဲ့လားမသိဘူး..ငါဖုန်းကိုထပ်ခေါ်ကြည့်လိုက်ရင်ကောင်းမလား....
ဟာ..ကြာပါတယ်ကွာ...ကိုင်တာမကိုင်တာအသာထား ထပ်ပြီးခေါ်ကြည့်လိုက်မယ်...။
တူ...တူ...တူ....
ဖုန်းကိုင်ပါတော့...ဆရာရယ်...စိတ်တွေပူလှပြီ...ချီး*
နေထက် အတွေးလွန်ပြီးခေါင်းတွေပါကိုက်လာတာကြောင့် လက်ဖြင့်နှိပ်နေလိုက်ရသည်။
"Hello "
ဟာ...ဖုန်းကိုင်ပြီဟ!
"Hello....ဆရာ...ဆရာဘယ်တွေရောက်နေတာလဲ"
"အခုကအိမ်ပြန်ရောက်ပြီ"
"တော်သေးတာပေါ့...ဆရာရုတ်တရက်ကြီးပျောက်သွားတော့ကျွန်တော်စိတ်ပူသွားတာ...ဒါနဲ့ နွေလေးကရောဆရာ....သူရောဘယ်ပျောက်သွားတာလဲ"
နေထက် သိချင်စောနဲ့မေးခွန်းတွေဆက်တိုက်မေးနေမိသည်။ ဆရာ့ဘက်က သက်ပျင်းချသံ ကြားလိုက်ရသည်။
"ဟိုကောင်..ဧက ခေါ်သွားတာ"
"ဟမ်...ဒီကောင်နဲ့ဆရာနဲ့က ပတ်သက်မှုမရှိတော့ဘူးမလားဆရာ..သူကဘာလို့ ခုမှပြန်ပေါ်လာရတာလဲ....ခွေးသူတောင်းစားက"
"ဒီကောင် အရောင်းအဝယ်အဆင်မပြေလောက်ဘူး နေထက်....အဲ့တာကြောင့် ငါ့ကိုလာပြသနာရှာနေတာ"
"ဒီကိစ္စကို ကျွန်တော်ကြည့်ရှင်းလိုက်မယ်ဆရာ...ဒီကောင်ကမှတ်လောက်သားလောက်ရှိအောင်လုပ်ပေးမှတော်ကာကြတာ"
"အင်း...နောက်နေ့မှအေးဆေးဆက်ပြောကြတာပေါ့..မင်းလည်းတစ်နေ့လုံး မနားရသေးဘူးမလား"
"နေထက်တို့က ဒီလောက်လေးကတော့အပျော့ပါဗျ...ဆရာသာ ဆရာ့ရဲ့ဘေဘီလေးနဲ့ အေးဆေးအနားယူပါ...ဟဲဟဲ"
နေထက် အသံကိုကြားပြီးရှိန်းဂုန်ရောင်ပြုံးလိုက်မိသည်။ဟက်! ဒီကောင် တကယ့်ငနောက်!
လူငယ်ပီပီ နေထက်က ပျော်ပျော်နေတတ်ပြီး တစ်ခြားသူတွေကိုလည်း အမြဲစနောက်တတ်သည်။ မျက်နှာကလည်းအမြဲတမ်း ပြုံးရွှင်နေတတ်ပြီး ဖော်ရွေသည်။ ဒါပေမယ့် အရေးကြီးတဲ့ကိစ္စတွေမှာတော့အမြဲတမ်းတိကျပြီး စည်းကမ်းရှိသည်။ ဒီအချက်တွေကြောင့်လည်း နေထက်ကို လူရုံတော်အဖြစ်ခန့်ထားတာဖြစ်သည်။
YOU ARE READING
He's mine❤️✨ (Completed )
Aventuraဆရာ၀န်နဲ့ကျောင်းသားလေးတို့ရဲ့အချစ်ဇာတ်လမ်းလေးပါနော်🥰
