#جحيم_العشق_الأسود #فريده_احمد_فريد

الفصل العشرين(انا هرجعك ل حبيبتك)

#جحيم_العشق_الأسود

#فريده_احمد_فريد

الفصل العشرين(انا هرجعك ل حبيبتك)

نسرين: انا حطيت لمحمود  بيسه ف قهوته  وخليته مدمن... وحطيت آثار  ل عمي  وحسن  وخلتهم  اتقبض عليهم، وسلطت بلطجي ف سينا  ع  عمار، وعمار  ... عمار  اضرب  منهم  و... و... واترمي  للتماسيح.

صوت سيف من خلفهم: ايييييييييييييييييييه.

نسرين  برقت له بفزع... سيف قرب منها وغضب العالم ع وجهه.

جمران  وقف امامه، نظرا لبعضهم بكره شديد.

سيف: اوعي من وشي احسن لك.

جمران: وإلا إيه يابن إسماعيل الأنصاري.

سيف: بقولك اوعييييي.

دفعه ف صدره، جمران  لم يهتز حتي، نسرين  وقفت بينهم وقالت: اهدي يا جمران.... وانت  انت بتراقبنا ولا إيه.

سيف  بغضب: عملتي إيه  ف  إخواتي يا نسرين.

نسرين  خجلت من نفسها... قالت: عملت اللي كان لازم يتعمل يابن عمي، اخواتك مجرمين.... ولازم يأخدوا جزاءهم.

سيف بتهديد: وديني،،، سامعه  وديني يا نسرين  لو عمار جرا له حاجه.... لموتك يبقي ع ايدي انا.

نظرت له نظره حزينه... وقالت بكسره: ما انت قتلتني يا سيف، انا أتدبحت ادام عينك  وانت وقفت تتفرج عليا يااااابن عمي.

سيف كأنه  لم يسمعها، قال: انا رايح ل حسن   هأخده ونطلع ع سينا، ولو عرفت  ان عمار  حصل له أي حاجة هناك،،، قسما بربي  لأدفنك حيه.... انتي طول عمرك  شيفاني  ناقص  ودلوقتي بتعايريني أدام الغريب، انا بقي  هوريكي الناقص دا  هيعمل فيكي إيه، بس اتطمن ع اخواتي الاول.

نسرين  اشفقت ع نفسها، سيف لم يأبه ل جرحها  ووجعها... جمران  قال له قبل ان يخرج: وكانت فين الشجاعه دي  ومراتك بيغتصبوها  ادامك، جاي دلوقتى  تهددها، قلي يا ابن إسماعيل   هتروح  سينا تحارب عشان اخوك، طب ما حاربت ليه عشانها، ما دافعتش عنها ليه، حتي ما حاولتش تجيب لها حقها  وتخليها  ترفع رأسها من تاني..... وبعدين   انت عرفت  مكانا  إزاي.

سيف بأحتقار: انا مش مجبر  أرد  ع واحد زيك،، ولو صعبانه عليك اوي كده، دافع عنها انت  وهات لها حقها  من اكبر رئيس عصابه ف البلد، الهانم هيه اللي دخلت عشت الافاعي برجلها، جايين تلوموني  انا ليه  ع اللي حصل لها، وعرفت مكانكم إزاي، المخزن دا بتاعنا  يا شجاع افندي، وكان عندي شغل هنا  واتصدمت  بالحلوه  واقفه معاك هنا، انا مش هسألك  بتعمل إيه  مع مراتي ف المكان المهجور  دا، لأنها ما عدتش تلزمني، نسرين..... انتي  طالق.

تركهم  وخرج مسرعا، نسرين   انفجرت ف البكاء، جمران  لم يعرف كيف يهدأها، اضطر ان يضمها  لصدره العريض.