#جحيم_العشق_الأسود #فريده_احمد_فريد

الفصل الرابع والعشرين(نهايه العشق المحرم)

#جحيم_العشق_الأسود

#فريده_احمد_فريد

الفصل الرابع والعشرين(نهايه العشق المحرم)

فتح الباب ع الأخوه الثلاثه.... الرجل لم يجدهم ف الغرفه... فجأة  رزع الباب ف وجهه، سقط أرضا.

خرج الاخوه  لكنهم لم يتخيلوا  ان الوضع بالخارج هكذا، غرف ع كل جانب  وف كل غرفه هناك مساجين

شعروا  انهم ب معتقل  وليس منزل ل رجل، رجال الرويعي  نظروا  لهم بسخريه

قال  احدهم: إيه فكرين هتضربوا  واحد  وتهربوا... تعالوا... تعالوا  برجلكم احسن ما تتجروا  من قفاكم  قصاد الناس.

عمار همس لأخواته: اسمعوني بقي، نفذوا كلامهم، وبرا  وسط الناس  هنحاول  نهرب  أهم حاجه ما حدش فيكم يستفزهم  عشان ما ننضربش بالنار  ونترمي للتماسيح.

عمار نظر ل سيف بحزن  وقال له: انا اسف يا سيف، انا عارف انك مالكش ف جو الارهاب دا، وانك طول عمرك بتكره المشاكل، انا بجد اسف اني ورطك معايا.

سيف بجدية: لاء يا عمار  انتوا اخواتي، احنا عيله  ، بنقف جمب بعض ف الحلوه والوحشه، انا اللي غلطت اني بعدت عنكم، لو كنت زيكم عمر ما مراتي كانوا قدروا يعملوا فيها كدا ادامي، انا اللي آسف  اني ما طلعتش راجل زيكم.

عمار وحسن طبطبوا  ع اخيهم، لم يلاحظوا  منذر الذي وقف يسمتع لهم بسخريه

منذر: لو بدكن تحكوا هيك، ما راح نبلش اليوم، بيكفي حكي فاضي، هاتوهم.

.........

ف الساحه أمام  اعين الناس... خرج رجال الرويعي  كالعاده يثيروا الرعب ف نفوس اهل البلد

بصراخهم المستمر فيهم، الناس تهرول هنا وهناك، عند رؤيتهم للرويعي ورجاله.

الرويعي  بصراخ: اسكتوا  يا بلد البهايم... اتفرچوا ل تاني مره ع عمار الأنصاري... الراچل العره دا اتحداني... وچه يخطف بت من بناتكم.. بت الشيخ ابو زيد... واني  أدبتها... وهوه  وخواته  ورچالتهم... هيتجتلوا  اهنه  كدامكم  كلكوا.. عشان تعرفوا  ان البلد دي فيها راچل.. بيحميكوا  ويحمي بناتكو... يلا يا رچاله... كتفوا الكلاب دول.

حسن ل يرتجل: اصبر يا رويعي، قبل ما تعرضها ادام اهل البلد الغلابه  اللي شكلهم  كارهينك  وقرفانين منك... انت نسيت حاجه  مهمه.... فينه  منذر  الإرهابي  اللي انت  اوويه ف بيتك... المجرم اللي كل الدنيا بتدور عليه... مش انت شايف نفسك دكر اوي... وهوه  زيك... خليه يواجهني  راجل ل راجل.... ولو غلبني  يقتلنا  أدام  الناس دي كلها... ولو  انا اللي قتلته  بايدي  من غير سلاح... يبقي  تسيبنا نمشي انا واخواتي والرجاله من غير مشاكل... ووعد مني مش هتشوف  وشنا تاني  ف أرضك.... ها  قلت إيه  يابو الرجاله.