﷽
روايـه : الريتانيـن " مِتـْـراسِ الدَّرْزِيُّــاء "
الڪاتبه : تاليـن
• لا تنسوون التصويت بنجمة والتعليق بين
الفقرات " ڪونتيساتي " ... 🤎🪶
• متابعة حساب الواتباد باليوزࢪ tallen9n
• حساب الأنستا tallen.n_
• مُعࢪف قناة التلي 9_taffi
▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪
" غيدة "
ما ضل براسي دماغ يفتهم نڪرت الأسم الذڪرته وتأملت يڪون مو هو همست بتأڪيد
_ اي محمد ؟
عادت علية الصدمة
إيثـار ::- محمد الـ مِتْراسِ
خليت ايديه على حلڪي اباوعلها وڪأنه وڪفت الدنيا بية وديدور محور حياتنا حول شخص واحد
_ درى بيج حامل منه قبل لا تجهظين ؟
هزت راسها بـ أي وبدت تحجيلي
إيثـار ::- من اول ما بديت اشك بروحي حامل
سويت اختبار حمل وطلع أيجابي انهدت حياتي على راسي وضاقت بية السُبل
جنت بحاجة احجي لاحد يفهم ويفهمني شلون صار بية ڪُل هذا وحياتي من ذيج الليلة انقلبت رأسا على عقب وقبل لا تتغير حياتي تغير الشخص اللي روحي حبته و بهالمحبة انقتل العقل والوعي عندي
لحد هاللحظة المأساوية الاني بيها والدمو؏ التنزل مني جففت عيوني الجانت تهوى تشوفه اني ممستوعبة الجرأة والغباء الجنت بيهم بذاك اليوم الدمروني
لو محڪمة عقلي وتارڪة مشاعري ما جنت اليوم نايمة بالفراش اون صيح ودمع من أذية بطني وأذية گلبي
محد يدري بالسويته وجنت ناوية اضمه سر للموت ما اڪوله ولا احجي بي لاي احد وتضل حياتي واڪفة علي وعالذنب الارتڪبته وياه صار هالحمل وانجبرت اروح اني الاحجي وياه رُغم تجاهله وابتعاده عني
من ذيج الليلة لا باوعلي ولا حاول يحاجيني
من دريت حامل بأول اختبار رحتله للشرڪة مو لسبب احاجي عن تجاهله لا واني اصلا ترڪته وما قررت اعاتبه لان روحي ما عاتبتها هي غدرتي قبل لا هو يغدرني وياخذ مني اليريده ويذبني
رحت للشرڪة لمڪتبه دڪيت بابه حاسة بأهانة لتنازلي فتحت الباب ودخلت جنت متوقعة يقابلني بنفس جمود قبل لڪن من شافني نهض من مڪانه يتقدم يمشي باتجاهي مبتسم بفرح لجيتي
::- إيثـار
فتت بس اباوعله ما ادري اسلم علي لو ابدي بعتابي
لو عيوني ونظراتها تڪفي بالحجي والعتاب
أشرلي اڪعد ڪعدت على احد الڪراسي المقابيل ميز مڪتبه وهو ڪعد عالڪرسي الثاني مقابيلي
::- ليش ترڪتي الشغل بدون اسباب الاهل ڪلهم مستوحشين غيابج وڪأنه فرد من العيلة غايب
حجيت ايدية تعارك بعضها
_ من ابقى اتأذى
قطب حواجبه بعدم بفهم
::- تتأذين من شنوو احد بينا ديضايقج ؟
أنت تقرأ
الريتانين " متراس الدرزياء "
Lãng mạnشتـان بينهما كل الأختــلاف يتبين عـدم العدل والأنصاف هنالك من يعيش بتَـرف وثَــراء وهنالك من ولـدَ من رحـم العنـاء ... ! شتا على طبق من ذهب يُـقدم ما يتمنـاه وشتا سعى للرخــاء ولـم يلقـاه نصف يُلحق بسمـاء رحبــة كطيـرً حُــر ونصف اخر تضيق ب...
