Unicode
ခရစ်ကဆမ်မီရဲ့လက်လေးကိုအသာဆုတ်ကိုင်ပြီး သူ့အနားကိုဆွဲခေါ်လိုက်ကာ ခါးကိုပွေ့ပိုက်လိုက်ပြီး အခြားသားရဲတွေကို ဆမ်မီကသူ့အပိုင်ဖြစ်သွားပြီဖြစ်ကြောင်းပြသလိုက်သည်။ ဆမ်မီ့ကိုလိုချင်နေကြသော သားရဲလူသားအချို့က ချက်ချင်းအကြည့်လွဲသွားကြတော့သည်။
"ဆမ်..သွားရအောင်"
ခရစ်ရဲ့အသံကအလွန်နူးညံ့လှသည်။ ဆမ်မီမှာခဏငေးမောမိသွားပြီးမှ အသိပြန်ဝင်လာကာ သူကဂျော့ကိုကြည့်လိုက်ပြီး ခရစ်ကိုပြောလိုက်သည်။
"ကျွန်တော့်သူငယ်ချင်းကရော..ဘယ်လိုလုပ်မှာလဲဗျ?"
ခရစ်က ပြုံးနေဆဲဖြစ်ကာ သူကဆမ်မီ့ရဲ့ဆံပင်လေးကိုထိတွေ့ကာ နမ်းရှိုက်လိုက်ပြီး..
"သူ့အတွက်စိတ်မပူပါနဲ့..သူအဆင်ပြေသွားမှာပါ"ဆမ်မီလည်း ခေါင်းညိတ်လိုက်ကာ ဂျော့ကိုလှမ်းကြည့်ရင်း ခရစ်နဲ့အတူလိုက်ပါသွားတော့သည်။ ဂျော့ကလည်း ဆမ်မီ့ကိုကြည့်နေကာ မျက်ဝန်းထဲ၌စိတ်ပူနေသည့်အရိပ်အယောင်တွေရှိနေသေးပေမဲ့ ဆမ်မီ့ကိုခေါ်သွားတဲ့သားရဲလူသားက ဆမ်မီ့အားချစ်ခင်မြတ်နိုးနေပုံကိုမြင်ရတော့ စိတ်သက်သာရာရသွားသည်။ ဂျော်နီကတော့ လက်သီးကိုစုတ်ထားပြီး မနာလိုမှုတို့ဖြင့် ဆမ်မီ့ကိုကြည့်လို့နေသည်။ အမှန်တကယ်ဆို အဲဒီနေရာကသူ့နေရာဖြစ်သင့်တာဟူ၍ ဂျော်နီကတွေးနေသည်။
ထိုအချိန်မှာပဲ ဆမ်မီ့ကိုခေါ်သွားတဲ့ထိုသားရဲလူသားနှင့်အတူပါလာတဲ့ နောက်ထပ်ချောမောလှပသော သားရဲလူသားနှစ်ဦးက သူ့ဆီသို့ချဥ်းကပ်လာလေသည်။ ခုဏကသားရဲလူသားက မျက်လုံးကန်းနေလို့ သူ့ကိုမြင်ပဲကျော်သွားပေမဲ့ ဒီသားရဲလူသားနှစ်ယောက်ကတော့ သူ့ကိုရွေးချယ်လိမ့်မှာသေချာသည်။ ဆမ်မီ့ကိုရွေးချယ်သွားတဲ့သားရဲလူသားကိုမရလည်းဘာဖြစ်လဲ၊ဒီသားရဲလူသားနှစ်ယောက်ကျန်နေသေးတာပဲ။ ဖြစ်နိုင်ရင် ဒီသားရဲလူသားနှစ်ယောက်စလုံး သူ့ကိုအပြိုင်လုယူကြရင် ပိုပြီးတောင်ကောင်းသေးသည်။
ဂျော်နီက ချစ်စဖွယ်အပြုံးလေးဖြင့် ထိုသားရဲလူသားနှစ်ယောက်ကိုကြည့်နေသည်။ အရှေ့ကအရင်လျှောက်လှမ်းလာတဲ့သားရဲလူသားဟာ ဂျော်နီဆီလျှောက်လာပြီးမှ ဂျော်နီရဲ့ခေါင်းမှနေကိုင်ကာ ဂျော်နီ့ကိုတစ်ဖက်သို့တွန်းထုတ်လိုက်လေသည်။
YOU ARE READING
All i need to do is clear the mission and go home.
RomansaStarted date - May/9/2024. End date - [Cover Photo credit to original Artist]