အချစ်တွေကအပြစ်ဖြစ်ခဲ့လေသလားS.2[Completed]

P.16

Unicode

အချစ်တွေကအပြစ်ဖြစ်ခဲ့လေသလား
[Season.2]

Chapter.16

''ဒေါက်...ဒေါက်''

''ဝင်ခဲ့''

သူခွင့်ပြုလိုက်သည်နှင့်သူ့ရုံးခန်းတံခါးကပွင့်သွားပြီး ဝန်ထမ်းတစ်ဦးကသူ့အခန်းထဲဝင်လာလေသည်။

''ဥက္ကဌ...ဥက္ကဌနာမည်နဲ့စာအိတ်တစ်ခုရောက်နေတယ်''

''ပေး''

သူတပည့်ဖြစ်သူလက်ထဲကအညိုရောင်စာအိတ်လေးကိုလှမ်းယူလိုက်၏။

စာအိတ်ကိုဖွင့်ကြည့်တော့ အထဲကဓာတ်ပုံတစ်ချို့ထွက်လာလေသည်။

သူပုံတွေကိုသေချာကြည့်လိုက်ရာ...

''ဟင်!''

ခြားနားကသူနဲ့မွေ့ရဲ့လက်ထပ်စာချုပ်ပုံအပြင် သူတို့နှစ်ယောက်တွဲပုံကိုပါသူ့ကိုပို့လာတာပင်။

ပြီးတော့စာတစ်စောင်။

''ဘယ်လိုလဲ အာချောင်နိုင်သေးလား ခင်ဗျားထက်ပိုပြီးကျုပ်ကအစွမ်းအစပိုရှိတာသိပြီလား သွားသေလိုက် သုံးစားမရတဲ့အဖိုးကြီး''

ဆိုသောစာတွေအပြင် လက်ခလယ်ထောင်ထားတဲ့လက်ပုံကိုပါဆွဲပေးလိုက်သေးသည်။

''တောက်!''

သူစာကို​ရောပုံ​တွေကိုပါလုံးချေ​​ပြီးလွှင့်ပစ်လိုက်လေ၏။

''ဟာကွာ!''

သူစိတ်တိုစွာနဲ့စားပွဲပေါ်ကပစ္စည်းတွေကိုဆွဲချလိုက်စဥ် သံသာနဲ့သဲငယ်ကသူ့အခန်းထဲသို့ဝင်လာပြီး သံသာကသူ့ကိုတစ်လှည့် ကြမ်းပေါ်ကပစ္စည်းတွေကိုတစ်လှည့်ကြည့်ကာ...

''ဘာတွေဖြစ်နေတာလဲလေးလေး''

သူပြန်မဖြေမိ။

သဲငယ်ကသတိုးလုံးချေလွှင့်ပစ်လိုက်တဲ့ဓာတ်ပုံတွေကိုကောက်ကြည့်လိုက်ပြီးလူကသွေးပျက်သွားသလိုခံစားသွားရတော့သည်။

''ဒါ...ဒါက''

သံသာကသဲငယ်လက်ထဲကပုံတွေကိုယူကြည့်ပြီး...

''ဟင်!...သူတို့ကလက်ထပ်သွားပြီလား''

သဲငယ်ဆိုဖာမှာအရုပ်ကြိုးပြတ်ဝင်ထိုင်လိုက်ပြီး...