"جنة الفهد"

part 24

فتح ليل وجد نفسه فى حجرة غريبة نائما وبجانبه اخيه

نهض يخرج من الغرفة ينظر حوله يتفحص المكان كان قصر جميل

يريح الاعصاب بالوانه الهادئة بحث عن باب الخروج ليتجهة للخارج

وجد نفسه فى مكان شبه خيالى من جماله شلالات عشب اشجار كان يشعر انه يحلم

ما لاحظه هو جلوس ابيه على احد الصخور يشاهد الشلال بهدوء

تقدم وهو يحاول الوصول له وقد نجح ليكون خلفه قائلا : مش مصدق ان جايلى فى الحلم كمان

انتبه فهد له فسحبه ليجلس على الصخرة امامه يسند ظهره على صدره وهو يلف يده حوله حتى لا يقع : دا مش حلم المكان دا موجود وملككم

تحدث دون النظر لابيه :لو عايز تكلمني فى اللى عملته وعلاقتى ب سيمور او غيره ف معنديش مبرر

تحدث بهدوء ونظره موجهة للمياء الذى تنزل من الشلالقائلا :انا فخور بيك

نظر ليل ليده الذى تحاوطه باحكام ثم رفع وجهة لينظر لوالده باستغراب

استند فهد على الصخور خلفه وهو يضمه له لينام الاخر على صدر والده يستمع لحديث ابيه :كدا اريح لدماغك بالتاكيد حاسس بوجع

نظر ليل للسماء قائلا :اى اللى خلاك تقول فخور بيا مش كنت ساذج وضعيف ومتهور

فهد بحنان :بالعكس انا قولتلك كدا عشان كنت هتضعف ولانك بتتحدانى من غير سبب كنت قوى لاخر لحظة

عارف انا فخور جدا ب شجاعتك بقوتك بذكائك بحنيتك وخوفك على اخواتك

اه انت غلط فى تصرفات كتير وكنت متهور بس مش هلومك لان الغلط الاكبر عليا ان بعد عنكم عشان احميكم وابعدكم عن اى أذية لاكن حضرتك خالفت كل اللى خططله كان لازم اعرف ان امانكم الوحيد فى حضنى وان مكنش لازم أمشى غير وانتم معايا

ليل سأله بهدوء :انت ليه دخلت الطريق دا من الاول

تنهد فهد بثقل هذا السؤال له حكاية لا تحمل سوى القسوة العذاب الالم الذى لا يريد أن يدخلها لعقل ابنه لذلك قال :كل واحد فينا هيبقى ليه طريق يمشى فيه لان دا القدر لاكن انت اللى بتختار تكمل فيه ولا تبعد عنه وانا اختارت اجازف وأخرج منه واقتل الشخصية اللى كان اى حد بيسمع اسمها يترعب منها

ليل:واى اللى خلاك تدرك ان لازم تبعد وتقتل الشخصية دى

فهد بصله بحنان :انتم