فهد قرب من سيدرا اللى كانت بتحاول تصحى جدها : جدو قوم جدو
فهد شالو وحطه على الكرسى واتكلم وهو بيطبطب على وشه : سيد خليل انت سمعنى
ملقاش منه رد فاتكلمت سيدرا ب خوف : عمو فهد الحق جدو ونبى
فهد وجهة كلامه ل ليل اللى كان مصدوم : ليل انده على عمك مازن خليه يجى بالعربية بسرعة
ليل مكنش بيتحرك فصرخ فيه فهد : ليل اتحرك
فهد سند خليل وشاله وهو حاطط ايده حوالين راسه خرج بيه
لقى مازن بالعربية نزل يساعد فهد يدخلوه العربية
سيدرا وليل ركبو جنب خليل
فهد همس ل مازن ب شئ وركب عربيته منطلق بيها بسرعة ناحية المستشفى
نقلو خليل لحجرة الطوارئ
وهو قاعد قدمها حاضن سيدرا اللى مبطلتش عياط تقريبا
ليل كان واقف بهدوء وهو باصص ل سيدرا وحاسس ان قلبه واجعه عليها ونفسه جدها يقوم عشان تبطل عياط
فهد : اهدى ي حبيبتى جدك ان شاء الله يقوم بس بطلى عياط
مازن جه ومعاه حياة اللى خدت سيدرا منه واتكلمت بقلق : هو كويس
فهد بهدوء: لسه الدكتور مخرجش
بعد دقايق الدكتور خرج وقال برسميه: عنده جلطة على المخ لازم يدخل العمليات فورا
هز راسه واتكلم ب جدية : انا اهم حاجة عندى يكون كويس
الدكتور بهدوء: احنا بنعمل اللى علينا والباقى على ربنا
دخل العمليات
فهد سحب ليل وضمه ليه واتكلم بحنان : انت كويس
هز ليل راسه وهمس ليه : اتخضيت لما صرخت فيا فجاءه و مضايق انها عماله تعيط كدا
فهد طبطب عليه وضمه لحضنه : حقك عليا سلامة قلبك ي حبيبى ادعى يقوم بالسلامة وهيا هتبطل عياط
ليل غمض عينه وهو حاطط راسه على كتف والده سامع صوت عياطها بس صدمته مش مخلياه عارف يعمل حاجة وهو مش بأيده حاجة
كان فهد ماسك ايده بحنان وبيبوس راسه بيحاول يهدى خضته هو فاهم انه طفل وحاجة زي دى تخوفه ومهما كانت قوة ابنه لازم يطمنه
بعد ساعات كانت سيدرا نامت من كتر العياط فى حضن حياة اللى قدرت تهديها
خليل خرج من العمليات لكن دخل الرعاية ليل كان قاعد جنب امه حاطط دماغه على كتفها وماسك ايد سيدرا
أنت تقرأ
"جنة الفهد"
Mistero / Thrillerاختطفها لأحميها ولكن وقعت بحبها كان هذا قوله بصوتا عميق ردد لنفسه وكأنه يعترف لنفسه انها امتلكت قلب زعيم مافيا.
