• "ဟူးမန်း သတိထား, သတိထား! မင်းချော်လဲသွားရင်ပြုတ်ကျပြီးသေသွားလိမ့်မယ်!"
Raon ၏မြည်တွန်တောက်တီးမှုမှာ Cale နားထဲသို့မရောက်။ Cale သည် Beacrox ညွှန်ပြရာအပျက်အစီးအပုံကြားသို့ဦးတည်လျှောက်သွားခဲ့သည်။
"ဘာတွေဖြစ်နေတာလဲ?"
"တစ်ချက်လောက်ကြည့်ကြည့်ပါ သခင်လေး"
အပျက်အစီးများအောက်မှမှောင်မည်းနေသောနေရာတစ်ခုအား Beacrox ကညွှန်ပြသည်။ Cale ကငုံ့ကြည့်လိုက်တော့ပေါက်ကွဲမှုကြောင့်နေရာပေါင်းစုံသို့လွင့်စင်သွားခဲ့ပုံပေါ် သောသေတ္တာတစ်ခုအားတွေ့ ခဲ့လေသည်။
ထိုစဥ် Cale သည်ထိတ်လန့်သွားရသကဲ့သို့သရုပ်ဆောင်ရင်းဖြင့်စကားလုံးနှစ်လုံးကိုသာပြောခဲ့သည်။
"ဘုရားရေ!"
Cale ၏အာမေဋိတ်ပြုသံ၌ Beacrox ကသူ၏ခေါင်းကိုငြိမ့်ပြသည်။
'ထင်ထားတဲ့အတိုင်း သခင်လေးကအိုက်တင်လုပ်တဲ့နေရာမှာအိတ်စပက်ပဲ'
ထို့နောက် Cale သည်နောက်သို့လှည့်ကာ Beacrox ကိုကြည့်ရင်းမေးသည်။
"အောက်ကဘယ်လောက်နက်လဲ?"
'ကြည့်ရတာတော့မြေအောက်ခန်းသုံးထပ်ထက်တော့ပိုနိမ့်လိမ့်မယ်ထင်ပါတယ်'
ထိုသည်မှာ Choi Han ၏ပြောရမည့်လိုင်းဖြစ်သည်။
"အဲ့.နေ.ရာ.က-"
သို့သော် Beacrox သည် Choi Han အားသူ၏ဘယ်ဖက်လက်ဖြင့်လှမ်းကာခဲ့ကာသူ့အစားအဖြေပေးသည်။
"ကြည့်ရတာတော့မြေအောက်ခန်းသုံးထပ်ထက်တော့ပိုနိမ့်လိမ့်မယ်ထင်ပါတယ်"
"...တကယ်လား?"
ချွတ် ချွတ်။
သူ့အနားသို့နီးကပ်လာသောခြေသံတို့အား Cale ကြားလိုက်ရပြီးနောက် မျက်နှာထားတည်တည်ဖြင့်မေးခဲ့သည်။
"မြေအောက်ခန်းမှာလေးထပ်မြောက်အထပ်တစ်ထပ်ရှိနေသေးတယ်? လူတွေပြောတာကမှော်မျှော်စင်တာဝါကြီးကမြေအောက်ခန်းသုံးထပ်ပဲရှိတယ်ဆိုပြီးပြောကြတာမဟုတ်လား?"
أنت تقرأ
မြို့စားကြီးအိမ်တော်မှဆန်ကုန်မြေလေး || Volume 2
خيال (فانتازيا)အခန်း ၁၀၁ - ၂၀၀ [No Beta Read] ⚠️ ဘာသာပြန်သူ၏အချိန်ယူ ကြိုးစားအားထုတ်မှုကို လေးစားခြင်းအားဖြင့် ဘာသာပြန်သူခွင့်ပြုချက်မရှိဘဲ ပြန်လည်ကူးယူရောင်းစားခြင်းမပြုလုပ်ကြရန် မေတ္တာရပ်ခံပါသည်။ ⚠️
