မြို့စားကြီးအိမ်​တော်မှဆန်ကုန်​​မြေ​လေး || Volume 2

Chapter 126

အခန်း (၁၂၆): တကယ်စိတ်သ​ဘောထား​ကောင်းတဲ့သူ

Words Count:

UNICODE

မည်သူမဆိုသူတို့အားသက်​တော်​စောင့်တစ်​ယောက်၊ အ​စေခံတို့နှင့်အတူ ခရီးထွက်လာသည့်သာမန်မျိုးရိုးမြင့်သခင်​လေး​တစ်​ယောက်ဟုသာထင်မှတ်ကြမှာပင်။

'မဟုတ်ရင်​တောင်ဒီအဖွဲ့ ကနဂိုတည်းကအဲ့လိုပဲဟာ'

သူ​မေ့​လျော့သွားခဲ့ရ​သောယင်းအချက်အ​ကြောင်းအား Cale သည်ပြန်စဥ်းစားမိရင်း​ရွှေအို​​ရောင်ဆံပင်တို့ရှိအမျိုးသားငယ်အားပြုံးပြခဲ့သည်။

သို့​သော်လည်းကိစ္စများမှာသူထင်ထားသလိုမဖြစ်လာခဲ့ပါ​ပေ။

'ဘာလား?'

ထိုအမျိုးသားမှာ Cale အားပိုလို့ပင်သတိတကြီးဖြစ်လာ၏။

Ron အားစိုက်ကြည့်​နေသည့်သူ၏မျက်လုံးသူငယ်အိမ်မှာအနည်းငယ်တုန်ယင်​နေ၏။ ယင်းအမျိုးသားငယ်မှာ Ron ၏ဘယ်ဖက်လက်​မောင်းအားစိုက်ကြည့်​နေတာဖြစ်သည်။

Ron ၏ဘယ်ဖက်လက်​မောင်းဆိုသည်မှာအသက်သွင်းသူ Mary ဖန်တီးပြုလုပ်​ပေးထားသည့်လက်ဖြစ်​ချေသည်။

ပုံမှန်အတိုင်း Ron မှာရှပ်အကျီလက်ရှည်နှင့် လက်အိတ်အမည်းကိုဝတ်ဆင်ထား​တာ​ကြောင့်သိပ်မမြင်​နေရ​သော်လည်း ​ရွှေအို​ရောင်ဆံပင်တို့ရှိအမျိုးသားမှာယင်းဖုံးကာထား​သောဘယ်ဖက်လက်​မောင်းအားစိုက်ကြည့်​နေ​သေး​လေသည်။

သူ၏မျက်နှာမှာမ​ရေမရာဖြစ်မှု၊ သတိတကြီးဖြစ်မှု နှင့် စိုးထိတ်​နေ​မှုတို့အကုန်​ရောယှက်​နေ​သောအမူအရာရှိ​နေ​လေသည်။

မသိလျှင်သူမှာထိုလက်​မောင်းမှာအတုအ​​ယောင်ဖြစ်ပြီးအ​မှောင်ထုနှီးနွှယ်မှုမှပြုလုပ်ထား​ကြောင်းကိုသိ​နေသည့်အတိုင်းပင်။

ထိုအမျိုးသားအတွက် ယင်းအားအမှောင်ထုဖြင့်ဆက်စပ်​နေ​သောအရာဖြစ်မှန်း​အတည်ပြုရန်တစ်ချက်ကြည့်လိုက်ရုံနှင့်လုံ​လောက်သည်။

'...အို?'

Cale မှာသံသယဝင်မိသွားသည်။

သူ၏အကြည့်တို့သည်​ရွှေအို​ရောင်ဆံပင်တို့ရှိအမျိုးသားနှင့် အမျိုးသမီးတို့ဆီကျ​ရောက်သွားသည်။ သူတို့မှာသိပ်မဆင်လှ​သော်လည်း တစ်ချိန်တည်းမှာပင်ထူးထူးဆန်းဆန်း​မောင်နှမနှစ်​ယောက်အလားထင်မြင်ရသည်။