Unicode
ရုတ်တရက် ခန်းမတစ်ခုလုံးမှမီးများမှာ မှိတ်သွားပြီး လေလံပစ္စည်းများထားရာ စင်မြင့်တွင်သာ အလင်းရောင်များရှိနေတော့သည်။
ရှောင်းကျန့် အပါအဝင် အားလုံးဟာလည်း စင်မြင့်ထက်က သူများ၏လုပ်ရှားမှု တစ်ခုချင်းစီကို သေချာစောင့်ကြည့်နေမိသည်။ထိုသူများ၏လက်ထဲမှ လေလံတင်မည့်ပစ္စည်း တစ်နည်း လက်နက်ဟာ ပုံမှန်လက်နက်များနှင့်မတူပါပဲ ခေတ်ရှေ့ပြေးလွန်းကာ ဆန်းသစ်လှသည်။
အပေါ်ယံ မြင်နေရသည့် လက်နက်၏အဆင်းမှာတောင် အရှိန်အဝါတစ်ခုရှိနေတာကြောင့် ထိုလက်နက်၏အသုံးဝင်ပုံကိုလည်း လူတိုင်းက စိတ်ဝင်စားနေကြသည်။
ခဏအကြာ လေလံတင်မည့်အဖွဲ့ထဲမှလူတစ်ဦးဟာ သူ့ရဲ့လက်ထဲမှာရှိနေသောလက်နက်ကို ယူဆောင်၍ လူအများ projector မှအနီးကပ်မြင်နိုင်စေရန် ထိုအရှေ့တွင်တင်လိုက်ကာ
"ဒီလက်နက်ရဲ့နာမည်ကို 'Brown Way' လို့ ခေါ်တွင်စေပါတယ်။လုပ်ဆောင်ချက်တွေကတော့ ပုံမှန်ကျည်ဆံကို ပစ်လွှတ်လိုက်တဲ့အရှိန်နှုန်းထက် ၃ဆပိုမြန်စေပြီး Mr.005ကိုယ်တိုင် ဖန်တီးထားတဲ့လက်ရာဖြစ်တာကြောင့် နဂိုရှိရင်းစွဲမူအတိုင်း ပစ်ခတ်လိုက်တဲ့အခါမှာ အသံလုံးဝထွက်မှာမဟုတ်ပါဘူး....လက်နက်ကိုအသုံးပြုပြီး ပစ်လိုက်တဲ့သူကိုယ်တိုင်တောင် ကျည်ဆံဘယ်ချိန်ထွက်သွားမှန်းမသိေလာက်အောင် အသံလုံလွန်းလှပါတယ်...."
Mr.005၏တီထွင်မှုဟာ တစ်နေ့ထပ်တစ်နေ့ ဝေဖန်စရာမရှိလောက်အောင်ပင် ပြည့်စုံလွန်းနေတာကြောင့် ပွဲတက်လာသူအားလုံးတို့မှာ ထိုလက်နက်အပေါ် သဘောအကျကြီးကျနေတော့သည်။
Mr.Graceက မေးစေ့ကိုပွတ်၍ လက်နက်ကို စိတ်ဝင်တစားကြည့်နေသလို Nayဆိုသူမှာလည်း projectorမှ အနီးကပ်မြင်နေရသော လက်နက်ကို အသေအချာပင်ကြည့်နေမိသည်။လက်နက်မှာ နာမည်နဲ့လိုက်အောင်ပင် အညိုရောင်ဖြစ်နေပြီး ပုံမှန်လက်နက်များထက် သေးငယ်သလို စိတ်ဖြင့်ခန့်မှန်းကြည့်ရင်တောင် လက်တစ်ဖဝါးစာလောက်သာ ရှိလေမည်။ကိုင်ပုံကိုင်နည်းနှင့် ပစ်ခတ်နည်းကိုပြသည့် video ကိုကြည့်ရသည့်အခါမှာလည်း လက်နက်မှာ သေးပေမဲ့ သွက်လက်ပေါ့ပါးလှပြီး ဦးတည်ရာတစ်ခုတည်းကို တစ်တန်းထဲရောက်အောင်ပင် ကြားခံနယ်၃ခုလောက်ကို ထိုးဖောက်ဝင်နိုင်သေးသည်။
