ايات . سديت المبايل رحت اريد انام مكدرت بقيت اتكلب الحد ساعه ب 2 بالليل ومكدرت انام كلت خل اكوم اباوع اشوفهم نايمين كاعدين
يم سيف
سيف . هية كالت رح انام اني هم طفيت المبايل ورحت كعدت وياهم وبقينه سالفه تجر سالفه الحد ساعه وحده ونص
حنان . يلا منال تعالوا للغرفه حضرتهه الكم ارتاحوا شويه
منال . اي والله اني ضهري صار نصين
حنان . جان كلتي حته نروح
منال . لا يمعوده اكلج الله عليج اريد اسألج سؤال وجاوبيني علي
حنان . خير كولي
منال . انتو جابرين ايات ع سيف والله اذا هية متريد هسة اكله يعوفهه لان اني مثل ما ما اقبل على بناتي ينجبرون على شي ما اريد بنات العالم هم ينجبرون على اي شي وخاصتا ايات الله شاهد بعيني هية مثل بنين وحنين
حنان . منال احجيلج الصدك لو الف وادور وياج
منال . احجي
حنان . ايات متريد سيف واصلا رفضت الفكره حته قبل ما نكوللهه ... حجيتلهه كلشي
منال . والله تريدين الصدك
حنان . اي
منال . سيف همين مراد ايات وكال اريد اخطب حبيبتي ..... حجيتلهه كلشي
حنان . وهسة شنسوي وياهم
منال . والله حيره ما اعرف
حنان . اني ما اريد اخلي سيف ينجبر على ايات
منال . الله شاهد حته اني ما اريد اخلي ايات تنجبر على سيف لان سيف مينطاق هسة هوة مو ابني واني امه وهوة طالع من بطني مينطاق والله
حنان . شبي يعني مياخذ بكلامج لو شلون
منال . والله لو هيج جان حمدت الله الف مره باليوم لج عيني مطيح حض البيت كله حته نسوان اخوانه مسالمين من عنده هاي كل ما يجون البسي هيج وخري هيج امشي هيج روحي هيج تعاي هيج سوي هيج
حنان . اي
منال . ولو شاف وحده من البنات مخليه شي على وجهه عينج لشافت يملخهم والله وكله صوج ابو والله من جان صغير هوة طلع عينه كتله يا رجال هذة باجر عكبه يكوم مياخذ بحجيك وهسة خل يشبع
حنان . ولج منال اني هاي همين هيج تسوي بيه والله من جانت صغيره هوة طلع عينهه كتله هاي بنيه انوب تسوي اشكال والوان هوة كال لا عوفيهه لا خليهه تسوي لا معليج بيهه والله دمرني دمرني
منال . همة هيج بعد شنسويلهم نصبر والله يفرجهه
حنان . الله كريم
سيف . هذة كله ديحجوا واني دا اسمعهم لان واكفين يم الباب واني بالحوش باوعت ع شباك غرفتهه شفت الاضويه مشتغله ستغربت لان هيه كالت رح انام كلت يجوز نامت ونست الاضويه قطع تفكيري صوت خالتي
