මණ්දාකිණි | BL | Horror | Ongoing

9.

මම හති දදා ඉද්දි තමයි දැක්කෙ අපේ ක්ලාස් අයිඩී කාඩ් මාක් කරන තැන පෝලිමේ හිටගෙන හිටිය පහන් අයියව.

ඒත් ඉතින් මූ මොන එහෙකටද ඌව දැක්කයි කියලා මාව ඇදගෙන මෙහෙට ආවෙ කියලා මටත් ටික වෙලාවක් යනකන් හිතාගන්න බැරි වුණා.

මං දැනන් හිටියෙ නෑ මූත් අපි යන ක්ලාස් එකට එනවා කියලා.හැබැයි හරිනම් මූ ඉන්න ඕනි අපිට වඩා අවුරුදු දෙකක් වැඩිමල් අයගෙ ක්ලාස් එකක මිසක් අපිට වඩා අවුරුද්දක් වැඩිමල් උන්ගෙ ක්ලාස් එකක නෙවෙයි.

එනපොට නම් හොඳ නෑ වගේ ඕෂියෝ..

"ඇයි දැන් උඹ අරූව දැකලද මාව මෙච්චර දුරක් ඇදගෙන ආවෙ?"

"මොකාද?"

හත්තික්කේ..

මූ අදහස් කළේ පහන් අයියා ගැන නෙවෙයි ද එතකොට? මටද වැරදුනේ මුටද වැරදුනේ.

"අර පහනා!"

මං නිම්නයගෙ ඔලුව අංශක හතලිස් පහක් දකුණු පැත්තට හරවලා උට කාඩ් මාක් කරන තැන හිටන් හිටිය දැල්වෙන පහනව පෙන්නුවා.නිම්නයා එතකොට තමයි දැක්කෙ පොර මෙතන කියලා.

"අහ්,මේ කිරි පණුවා කොහෙන්ද මෙහෙට කඩන් පැන්නෙ ඒ පාර? අලි මදිවට උලමො කිව්වලු!"

"ඇහ් බං?උලමො කොහෙන්ද මේකට සම්බන්ධ වෙන්නෙ?"

"අනේ මේ මගුලක් කියවන්නැතුව හිටහන් ඕෂධයා! මං උඹව එක්කන් ආවෙ නිවිච්ච පහන් දිහා බල බල ඉන්න නෙවේ!"

ඌ මගෙ කනට එකක් ගැහුවා එවලෙ.

"මොකද්ද වෙලා තියෙන්නෙ අයිසෙ!?ඇයි තෝ මාව-"

"අර බලපන් කවුද ඇවිත් ඉන්නෙ කියලා!"

ඌ මගේ ඔලුව අංශක හතලිස් පහක් වමට හැරෙව්වෙ අයිඩී කාඩ් මාක් කරන තැනට ප්‍රතිවිරුද්ධ පැත්තෙ තිබ්බ ලිෆ්ට් එක පැත්තට.

ලිෆ්ට් එක ළඟ අපෙ p6 සෑර් හිටියා.සෑර්කාරයා එක්ක තව උස කෙට්ටු රැවුලෙකුත් කතා කර කර හිටියා.නිම්නයා මට පෙන්නුවේ සෑර්ව නෙවෙයි.ඇත්තටම ඌ මට පෙන්නුවේ අනික් පොරව.

"ආශ්..! මං යනවා බං"

ඌව දැක්ක පාර මට ජීවිතෙත් එපා වෙලා ගියා.ඒකට විසාල අතීත කතාවක් තිබුනා.ඒ අතීත කතාව කසාය වගේ තිත්ත එකක් හින්දා මට ඒ වෙලාවෙ ඒ පොරට මුහුණ දෙන්නවත් හිතක් තිබ්බෙ නෑ.ඉතින් මම නැගිටලා ඉස්සරහට ගිහින් ඩෙස්ක් එකේ තිබ්බ බෑග් එකත් එල්ලන් පඩිපෙල පැත්තට යන්න ගියේ හිස හැරුන අතකට යන්න හිතන්.