باخد الشاي وبدخل البلكونة وأنا منورة الإضاءة الخفيفه. براقب البلكونات حواليا عشان مكسلة أدخل تاني أجيب طرحه لما بتطمن إن الشارع فاضي ومفيش حد، بسحب التوكة اللي عامله بيها ديل حصان وبسيب شعري على سجيته..
بدندن
"انا مش مبينالو انا نويالو علي ايه"
صوت حد بيسقف وبيصفر، ببص يمين وشمال مفيش حد ومفيش حد ساكن قصادي ولا فالشارع!
_ بُصي قصادك كويس..
بسحب كرسي صغير بقف عليه، ببص، بيصرخ ف وشي وسط الضلمة بصرخ معاه فبيضحك
بدخل أجيب طرحه، بتمشى في الطرقة وباخد بق شاي، برجع البلكونة تاني..
_ كملي.. صوتك حلو..، نويالو علي ايه بقا
_ ملكش دعوة..
المرة دي كان صوته هو اللي بيغني، يمكن مش حلو أوي لكن دافي..
_ مش شايفة إنك اتأخرتي النهاردة؟
_ مش بكلم الناس الأغراب..
_ بس إحنا جيران..
_ وبعدين..
_ النبي وصى على سابع جار..
_ أنا معرفكش..
_ اسمك ليل، بتعشقي شيرين والچيم والاطفال...
وبتحبي تقفي فالبلكونة وإنتي بتشربي الشاي، اممممم ووقت الغروب بتقفي كمان تتفرجي على الشمس وبتبتسمي، شعرك طويل وبتعمليه دايمًا ديل حصان، وبتضحكي على طول، دايمًا بسمعك وإنتي بتضحكي.. شوفتي إني أعرفك إزاي
شايفك بتضحكي على فكرة..
_ عاوز إيه إنت دلوقتي، مش كفاية ضاعت عليا وصلة شيرين بسبب رغيك..
_ عاوزك..
_نعم!
_ عاوز أقع في حبك.
_ بلاش.. أنا بتحب من برا بس، يمكن أكون شخص مثير للفضول مش أكتر لكن محدش بيقدر يستوعبني..
_ بس أنا عاوز قلبك ومتأكد إني هحاول... وهفضل للأخر..
_ كلهم بيقولوا كده، محدش بيكمل للأخر..
_ إديني فرصة..
_ الفرصة اللي هديها لك مش عادلة، هتحاول إنت لوحدك وأنا هقف مكاني اتفرج من بعيد، قصاد عشر خطوات منك همشي لك خطوة..
_ مش عاوز غير إنك تستنيني، مش عاوزك تعملي مجهود، يكفيني إنك تبصيلي وتضحكي زي كل يوم بس اللي هيفرق المرة دي هتبقي شيفاني وقصداني..
_ هتتعب معايا..
_ وماله لجل الورد، وبعدين شايفك تستاهلي كل التعب..
_ مش بعرف أثق في حد..
طب جربي صابت كسبتيني خابت مش حوار..
بضحك فبيكمل..
_ مقصدش حاجة غير إني اضحكك ومش يمكن تحبيني وتثقي فيا لدرجة تتجوزيني..
=الطموح حلو
-غامري مش هيحصلك حاجه يا ام تمني
= عرفت منين اني بحب الاسم دا
-حافظك زي خطوط ايدي امتي بتفرحي و امتي بتزعلي وامتي بتضحكي مجامله وامتي بتكوني تعبانه وتتمني تنعزلي بعيدا عن البشريه ، محدش هيحبك زي ما انا بحبك
- ايه؟
-ايه!
"تفتكروا نهايتهم هتكون ايه؟
#سيدة_الكتابة 🤍🤸♀️
أنت تقرأ
غجريه في ظلام الايهم 🐋✨
Romanceايهم بغضب للخدم : افتح الباب فنفذ اوامره بخضوع وفتحه وتدفق نور القصر لداخل ذلك الغرفه القاتمه لياتي النور ع عيناها الباكيتين "وما سحر الا عندما رايت عيناها ولمعتها فكانت ترتجف من الخوف وتنتظر الحمايه الم تكن تعلم انها ستبدا مذاق عذاب جديد من نوع ا...
