ဒီရက်ပိုင်းတွေမှာ ခါတိုင်းထက်ပိုကာဆူဘင်းနှင့်သူအဆင်ပြေနေခဲ့သည် ၊ မနက်စာနဲ့ညစာကိုမျက်နှာချင်းဆိုင်အတူတူစားဖြစ်ရင်း အလုပ်အကြောင်းများကိုလည်းဆွေးနွေးဖြစ်သည် ၊ တစ်ခါတရံပိတ်ရက်များတွင်လည်း ဆူဘင်းက ယောန်ဂျွန်းအား ဟင်းများချက်ကျွေးတတ်သေးသည်မလို့ ရာသီဥတုမှာ အလွန်ပင်သာသာယာယာ ၊ ဆူဘင်းနှင့်အဆင်ပြေနေခဲ့သည့်အကြောင်းများကို အတွေးရောက်မိတော့ နှုတ်ခမ်းထက်တွင်အပြုံးပါးပါးတို့က ရေးရေးထင်လာ၏ ၊ ဒီလိုအခြေအနေကို သူမျှော်လင့်နေခဲ့တာ...ဆူဘင်းကိုဘေးနားခေါ်ထားနိုင်ရုံတင်မဟုတ်ပဲ နှစ်ယောက်သားအဆင်ပြေပြေနေနိုင်မဲ့ ဆက်ဆံရေးမျိုးကို တောင့်တခဲ့တာ ၊
" အရမ်းကိုကြည်နူးစရာလေးလို့တွေးမိသွားလို့လား "
Lea noona ရဲ့မျက်နှာမှာ အတော်ပင်စူပုတ်လျက် ၊ မျက်နှာကိုအမြန်ပြင်ကာ noonaစကားများကို အာရုံစိုက်လိုက်ရတော့သည် ၊
" မသိရင် သူတို့ကမိသားစုလိုပဲ "
လီဂျယ်ဟီးတို့သားမိနှင့်အတူ ဆူဘင်းအား mallတစ်ခုမှာတွေ့ခဲ့ကြောင်းကို ပြောပြီးစိတ်ဆိုးနေခြင်းဖြစ်၏ ၊ noona သည် လီဂျယ်ဟီးအားမကြည်သလို ဆူဘင်းကိုလည်းကြည့်မရ ၊ ကိုယ့်လူနာဖြစ်ခဲ့ဖူးသည်မလို့ အလိုက်အထိုက်ဆက်ဆံပေးသော်လည်း ယောန်ဂျွန်းနှင့်ပတ်သက်ပြီးအစာမကြေမှုတွေက ရှိနေသေးသည် ၊ ဆူဘင်းကိုလည်း ထို့အတူပင်...
" ဘာမှမပြောပဲ အဲ့အတိုင်းလွှတ်ထားမှာလား ၊ ပတ်ဝန်းကျင်မှာလည်း မြင်လို့မကောင်းဘူး "
" လီဂျယ်ဟီးကို ဆူဘင်းအစ်မလို့သိထားကြတာပါ ၊ အရမ်းစိတ်မပူပါနဲ့ "
" ချွဲဆူဘင်းအပေါ်မှာရှိတဲ့ ယောန်ဂျွန်းရဲ့စိတ်ကိုသိနေတာမလို့ စိတ်ပူတယ် ၊ ငါတို့ရဲ့ ကလေးလေး တိတ်တိတ်ကလေးဝမ်းနည်းနေမှာမျိုးကိုမဖြစ်စေချင်ဘူး "
သူကိုယ်တိုင်တောင် မေသချာတဲ့ စိတ်အခြေအနေတွေပါ ၊ noona က ဘာတွေများသိနေသည်လည်းတော့ ယောန်ဂျွန်းမပြောတတ်ပေမဲ့ သူ့အပေါ်မှာထားတဲ့ noonaတို့၏ မေတ္တာတရားကိုတော့ ယောန်ဂျွန်းခံစားရသည် ၊ noonaနှင့်Kai က ယောန်ဂျွန်းအတွက်တော့ မိသားစုပင်ဖြစ်၏ ၊
