البراتفيا-الوريثة الضائعة (باللهجة الجزائرية)

𝐏𝐀𝐑𝐓 𝟐𝟏

وصلو للمنزل الظلام كان مسيطر على الجو و كذاك الهدوء حمل جوزيف أنوشكا فوق کتفو فهي دخلت بالفعل في سبات عميق و تبعو دانيال مستند على خوه اندريه و قرروا أنو دخولهم يكون من باب الخدم تفاديا لأي مشاكل و كان ذلك ، سبقهم جوزيف باش يحط انوشكا في شمبرتها فالمشكل يكمن فيها فلو شافو دانيال شارب هو أمر عادي لكن أنوشكا فهذي مشكلة فعليا فتح باب الغرفة و شعل الأضواء إلا أنو قابلو منظر خلاه يبلع ريقو

كلمو بصوت خشن " اعطيهالي و روح "

اقترب آخذها من عندو و حطها على الفراش فتحت عينيها و قعدت فترة اومبعد انفجرت بالبكاء أمّا هو خذا مكان بجانبها يربت على ظهرها بحنان بعد فترة وجيزة سكتت ناظرها عيونها انتفخو و صار لونهم أحمر وجهها صار لونو احمر قاتم رفدها و داها للحمام يغسللها وجها لعلها تفطن بدات تحس ببطنها يوجع و راحت ترد كل ما شرباتو ، خرجها و حالتها ما زالت سيئة مشي عارف واش شربت باش وصلت لحالة كيما هك مسحلها على وجها و قال " دوك سيي تنحي حوايجك هذو انا نروح نجسبلك دوا باش تجيكش الحمة و ميوجعكش راسك "

هزت راسها موافقة لأنو الألم و الحمى بدا مفعولها على جسدها خرج و هي حاولت قدر المستطاع تنحي هذا الفستان و تلبس بيجامة مريحة بعد رحلة صراع غيرت ملابسها جلست على سريرها حاسة قلبها يوجع و انها ارتكبت جريمة عقلها مزال موالاش للوعي الكامل قاطع تفكيرها دخولو عليها قدملها دواء شرباتو و تمدت على فراشها للنوم وقف و حط البطانية فوقها و راح يمسح على خصلات شعرها حينها فاجآتو بسؤال " علاه راك دير معايا هذا كامل "

تبسم و أجاب " اعتبريه رد دين و فقط "

غمضت عينيها اللي بداو يثقلو لأنها عارفة الجواب و معناه "شكرا "

"العفو باربي"

اما اندريه وصل خوه دانيال لغرفتو و قعد قدامو

" عارف بلي مشي راح نخرج حتى نفهم كلش "

دار ليه " واش حاب تفهم ؟ "

رفع حاجبو " من وقتاه السي دانيال يهتم لأمر العاهــرات"

" تبانلي ناسي بلي كان عندها دور مهم في واش وصلت لولا حبها لنيكولاي المجنون مكانش قريب انكشف الملهى اللي كنت حاكمو و قريب دخلنا مع لابوليس و فلخر انتهى بي الأمر الابن الفاشل لألكسندر و طفلة عايشة في الميتم "

" هي أذنبت و خلصت ذنبها انقتلت و خلاص نتا علبالك بلي الكسندر مش راح يلقالك اعذار اي خطأ نخلصوه غالي"

اطبق جفنيه بقوة " مشي علجال الڪسندر علجالي أنا انتقام منها وحدها ميكفيش لازم ننتقم منو حتى هو "