نظرات محرمة (الفصل الثاني )

الجزء4

الحلقة 22
بقلم Lina sabrina
محلاها الدار كيندخل ليها ونلقاك فيها مع روحك الصامتة وغير انفاسك تدور. هاديك الدنيا ومافيها تخليني نحس بالإنتصار والفوز حتا مع نفسي _بعد مني ادا نتا ماتعرفش لحرام انا نعرفو ونخاف ربي _هزز براسو .ابقاي في بلاصتك ماتحركيش راني جايك .ناض من قدامي خرج شوي ودخل في يدو كرسي حطو مقابلني وقعد _القصة كاملة موجودة في صفحة قصص لينا صبرينة _درك وصل وقت نسألك ونتي تجاوبي _على واش _على كلشي صرا معاك في هاديك الدار الفترة الأخيرة _راني حكيتلك وقتلي بلي منصف حكالك ثاني_ماش كلش درك نحبك تحكيلي بالتفصيل الممل حاجة ماتنسيها ولا تخبيها يالله ابداي من نهار تزوجتي واش دارو معاك نضال وجواد _ونتا علاه تحوس على هاديك الفترة ماعندكش حق _كون نخمولها ماعندي حق على حتا حاجة فيك بصح درك بسيف عليك تدخلي في راسك بلي انا هو المتحكم في حياتك هيا احكي واش كانو يديرو معاك وماتخبيش _بقا عقابي يسأل وانا نجاوب وحكيتلو كلش من تحرشات نضال وبلي جواد ولا مرة عرقل طريقي ولا فقتلو بلي عينو فيا وزدت كملت حكيتلو على هادوك ليام ليعدبوني فيهم بالتفصيل حتا التهديات والاتهامات وماخليت حاجة مخبية هادا كامل تحت الظغط تاعو وانا كلما نهدر حاجة هو يعود نفسو يهيج كتر وكتر وحاكم قبضة يدو ويعرق وعينيه ليخوفو مانقدرش حتا نشوف ليهم كيكون في حالة هيجان وغش _ماعليش يسلكوها كما راهم وبالتحديد نضال نشويه فالحياة _علاه واش الفرق بينو وبينك نفس الشيئ هو ضرب وتعدى عليا وشوهلي السمعة تاعي ونتا كيف كيف هو برك سببلي جروح في جسمي بصح نتا سببتلي جروح عمري ماراح ننساهم _يعجبك ؟؟_انعم شكون _نضال _هبلت واقيل _شحال من مرة نشوفك قريبة ليه وماتديري حتا ردة فعل بالعكس دايما تخافيه ومستسلمة وحتا هو نضراتو كانت كلها عليك ماعرفتش سامي كيفاه ماكشفوش بصح انا كاشفو كان ياكل فيك بعينيه _كما نتا قتلك تتشابهو _انا على الأقل ماتحرشتش بيك وسامي حي _ياريت تحرشت بيا ولا تعديت عليا في نص الليل وزيد بقيت تصور وتهدد نوض خرج عليا كينتفكر الغاز طلعهولي _خليه يطلع وينفجر المهم جاوبيني يعجبك ؟_استغفر الله اكيد لا _صاحيتي لازم تجاوبيني باه نهنى قتلك لازم تكوني برك مطيعة ومايخصك والو _تنهدت ودورت وجهي عليه . حابة نرقد ونرتاح اخرج _علاه دايما تهربي في عينيك عليا ؟_مانحملش نشوف ليك قريب ليا من لخر نعاف ونشمأز من روحي كيتكون قريبة ليك .الحمدلله ضميري فاطن ويخليني نلوم روحي على لحرام ليراني فيه _ايه أمنتك _ناض كنت حاسبة خارج بصح صدمني كيقعد بجنبي _واش دير _نتي خاطيك لحرام بصح انا ماش هامني خلي جهنم تاكلني المهم نتمتع برزقي والفرصة ليجاتني _جيت نوض حكمني قعدني وضمني  بين يديه ووجهو غطسو في رقبتي فوق الخمار .هز يدو وبقى يمشي فيها على وجهي وكان هابط .بقيت نجبد في روحي صح ماقدرتش _اششش خليني برك نعيش اللحظة هاتي يديك في يدي هاتيه باه مانضركش كتر _أصيل يعيشك اطلقني خاف ربي فيا _عاودي اسمي هيا عاوديه _كيماحبيتش نعاود زاد عصرني بين يدو وخفت على كرشي كنت غير نبكي وليت نطقت اسمو و مديتلو يدي وهيا ترعش حكمها وشبكها بين صباعو ومرات كان يطلع يدو لوجهي ويرجع يهبطو وحسيتو راح يتجاوز حدودو _وجدان نتي منين طحتي عليا علابالك ماش مأمن بلي راكي بين يديا شوفي ليا هيا دوري وجهك ماتخلينيش ندورو بسيف _دورت ليه . وحط راسو على راسي ويدو يمشي بيه في خدي حسيتو حاب يهجم عليا كانو عينيه مدبالين ويحوسو على حاجة فيا والنفس تاعو يضرب في وجهي _واش يصبرني حتا مور ماتولدي مانقدرش ياوجدان راكي مخدرتيني هيبتي وشخصيتي القاسية كلها حاس بيها في هادي دقيقة طارت معاك وخليتيني نضعف ونتمادى في لمساتي وأفكاري _تعيش بعد مني والله ماني قادرة ارحمني _صدقيني راني راحمك باالحب تاعي على قد ماتكوني قريبة ليا هكدا راح نزيد نتمسك بيك كتر وكتر وراح نخليك تحسي بالأمان معايا راح نخليك مدللة قلبي عصفورة في قبضة يدي ومستسلمة روحك بين أحضاني وملكة في داري وحياتي .
الحلقة 23
بقلم لينا صبرينة
ماش حابك تندمي انو جيتي معايا بصح استحملي نظراتي وانفاسي وجنوني وهمجيتي عليك استحملي هوسي وحبي ليك ليمايعرفش الحدود تاعو اتنعمي واستحلي لمساتي خليني نوصل لأعماق قلبك ونملك روحك وجسدك بين يديا لزوج _بصح ماش وقتو والشيى ليديره فيه مانرضى عليه مايرضى علبه ربي  _عارف بصح خليني حتا نفيق لروحي من سحر ليدرتيهولي كيشفتك داخل داري وماتخافيش ماش راح نآديك ونتي مادرتي حتا حاجة حرام وماترضيش ربي راه كلشي فورصي عليك وانا ليراني ندير في كلش خليني نتمتع بهادي اللحظة _صبرت صبرت بصح لمساتو كلما راهي تتجرأ كتر  انفجرت هزيت يديا لوجهو وطبعتو  وخبشتو هكداك باه فطن مع روحو وطلقني ونضت وقفت _بقا مدة مهبط في راسو ويمس في وجهو بيدو ومبعد طلعلي عينيه ليا _واش درتي درك _بسبابك عييت منك . نتا ليتجاوزت حدك معايا _قتلك واش درتي درك جاوبيني واش درتي انطقييي _وليت نطقت بصح نهجي من خوفي كان غير طبيعي كل مرة ملامحو يتبدلو قبيل برك وهو انسان ضعيف ومهووس بيا ودرك فيه ملامح الشياطن  _طبعتلك وخبشتك من وجهك غير باه تبعدني _ ناض ليا وحكمني من خدودي _راكي تغلطي بزاااف بصح راني غير نفوتهملك باسكو ماكيش عارفة عقليتي مليح بصح اي غلطة تتعاود مرة خلاف نحاسبك عليها ودرك أطلبي مني سماح وقولي ماش راح نعاودها باه تبقاي متفكرتيها _هززت براسي ودموعي على خدي _تبسم .راكي تبكي لاني وجعتك ياك مالا حاوليني نسامحك باه نطلق يدي منك وماتبقايش تتوجعي وتبكي باسكو دموعك ماش راح يخلوني نرحموك بالعكس كينشوفهم نعرف روحي بلي خوفتك وقساوتي هيا ليتبكي فيك _سامحني وماش راح نعاودها اطلقني _ديراكت تبسم و قربني لصدرو وحضني وهو يعصر فيا بين يديه بسيف باه طلقني _كيتنفدي كلمتي هكدا مانضركش هيا حطي راسك في بلاصتك وغطي ورقدي  _هيه اخرج ودرك نرقد _يالله لبلاصتك وديري ليقتلك _خقت وليت رحت لبلاصتي وغطيت لقيتو جبد قارو شعلو يتكيف و راح قعد على الكانابي مقابلني _واش دير _غمضي عينيك ورقدي وأنا قاعد هنا ليلة تاع ليوم ساهر نتفرج فيك _تقعدت ومستغربة .نتا منك صح واش في مخك _وجدان ماتعبينيش وهيا رقدي وابقاي بخمارك نورمال وماتعطينيش بظهرك راني بعيد عليك المهم سمعي لكلمتي ونفديها وماش راح نتجاوز الخط الاحمر ارقدي برك وكونك مطمنة هيا اتكسلي _مالقيتش حل من غير درت ليقالي عليه وهو بقى يتفرج فيا مانحاش عينيه مني وكان كما المهووس نظراتو المحرمة وقعدتو كانت تخوف ركبلي الرعب كان انسان قاعد قدامي غير طبيعي ولا يم خممت اني نوصل نتحط في هادا الموقف والمشكل كلو حرام في حرام بصح يديا كانو مربوطين وزاد غمني بريحة الدخان كنت كل الوقت هاربة في عينيا منو بصح من داخل راني نرجف تحملت وقاومت رقاد بصح ماقدرتش كتر وليت غمضت عينيا حتا رقدت وطول ليل كنت نرقد و نفطن وهو مازال معايا بصح متأكدة مازادش قرب مني بصح ليلة ليوم اكتشفتو مريض عندو هوس حب التملك والسيطرة بمعنى الحب الاستوحادي كيكان قريب مني كان غايب على الواقع ويديه يعصرو فيا حسيتو حاب يدخلني في روحو ويغلق عليا ماكانش ناوي يطلقني غير إلا يشبع رغباتو وكلامو كلو تملك وعندو شخصية قاسية وشخصية نرجسية خبيثة ويحب يتلذذ بضعفي ويسلب مني شخصيتي ويتحكم في حياتي من حركاتي وتصرفاتي وكلامي وهادو زوج ادا اجتمعو فالنتيجة كما صراتلي ليوم وادا يبقى هكدا فأكيد راح ننضر نفسيا .ليلة برك تعبتني ماعرفتش كيفاه راح نتحمل هادو الشهور.
الحلقة 24
بقلم لينا صبرينة
لصباح فطنت لقيتو ماكانش معايا نضت لدوش شفت ضوء شاعل وليت رجعت سمعت خرج منو وراح لشمبرة كيغلق الباب نضت غسلت كيخرجت لقيتو فالكولوار واقف ومتكي على الحيط ويديه في جيوبو لابس سروال جين مع باسكات وتريقو فار مقطن _صباح الخير _هززت براسي وجيت ماشيا _رديلي ساع ومبعد دخلي _تنهدت .صباح النور _ماتاكلي ماتشربي حتا نديرلك ليزاناليز _واشمن ليزاناليز تاني _طبيبة طلبتهم ندرلهملك غير يخرجو نديرك لطبيبة تشوفك تعودي تكونطرولي عندها هيا وجدي روحك حقا راح نسقسيك كيقلتيلي بيتك هاداك الكلب برا مع شتاء والبرد مور مادخلك وكانو يمدولك فدواء واش من دواء كنتي تشربي وكنتي فايقة مع روحك يعني مني بالحمل ماكانش لازم تشربي برك _نهار الاول مافقتش واش مدولي بصح من بعد كيقريت كان غير دواء تاع لاقريب وقريتو مايضرش البيبي _متأكدة نتي _ايه علاه راك تسقسي _ان شاءالله كلامك صحيح هيا روحي تلبسي _فهمني ساع واش كاين _روحي البسي قتلك سقسيت برك _رحت صليت ولبست وخرجت عندو كان قاعد فالكوزينة كيشافني ناض لبس لافاست تاعو وهز دوسي في يدو وخرجنا كان كوروار عريض وفيه زوج بيبان تاع الجيران وكاين دروج يطلعو لفوق .هبطنا وخرجنا ركبنا وداني درت ليزاناليز عرفتهم تاع السكر كيخرجو رحنا لطبيبة شافتني قاتلي كلشي مليح بصح ديري ريجيم اي حاجة حلوة ماتقربيش منها من غبر دوقي راه عندك سكر الحمل _والبيبي كيفاه راه _هززت براسها وتبسمت .لاباس عليه ماتقلقيش _كيكملت معاها خرجت لقيتو عند الباب حكم عليا دوسي وركبنا ماسقسا لا والو بصح شفتو يبعت فليميساج وكاين ليراه يردلو _من تم داني لوحد البازار نسائي حطلي دراهم فساك وقالي دخلي اشري حوايج ليخاصينك_مانشريش مانحتاج والو _وجدان قتلك ادخلي اشري راكي مرا وبالحمل اكيد.كاين خصوصياتك تحشمي تطلبيهم مني مالا ادخلي اشري وهنيني ماتخلينيش انا ندخلك ونشريهملك _فهمت عليه وليت هبطت وطلعت للبازار شريت كلشي نحتاجو ورجعت عندو كيشافني هبط حط ساشيات لداخل وركب رحنا للدار دخلنا _هاكي لغدا وماتنسيش ريجيم تاعك ماتخلطيش برك _وين علابالك _نعرف حتا واش راه يدور في راسك _حكمت عليه حطيتو فالكوزينة ودخلت للبيت بدلت و فرزت القش ليشريت وصليت الظهر ستنيتو يخرج من دار ماخرجش وبقا يعيط باه نروح نتغدوا وليت خرجت لقيتو فالكوزينة قاعد وحاط الماكلة قدامو _يالله قتلني الجوع _قعدت كليت ومهبطة راسي وساكتين كيكملت لقيتو مدلي ثلفون جديد وناض _هادا تاعك راه فيه لابيس وانترنت وفتحتلك فيسبوك تقدري تهدري مع يماك وخواتاتك برك من غيرهم ماتتواصلي بحتا واحد وبلا مانوصي ماتغلطيش فالهدرة وتقولي راح تتزوجيني مور ماتولدي _فرحت هزيتو ديراكت رحت للبيت جيت نغلقها حكمو برجلو يعس فيا على الشعرة .خليه مفتوح البابز ممنوع يتغلق مسموح الا كيتجي تبدلي قشك برك .
الحلقة 25
بقلم Lina sabriba
من فرحتي هززت براسي برك ودخلت قعدت ماحبيتش ناقشو طابيت نيميرو وبقيت نستنى ترد عليا بسبف هزت وهدرت معاها بقينا نحكو على حوال بعضنا وكيلقيتها آلاز وخواتاتي معاها تفاهمنا نهدرو بلاكام خير وليت كوبيت وشارشيت على فايسبوك وحدة منهم وعيطتلهم مسنجر كيشافو وجهي تخلعو باسكو مازال فيه ليطراس تاع ضرب ليخديتو من عند نضال لتم وين تشجعت وحكيتلهم كلشي صرا معايا لبنات كانو غير يتصنتو ودموع يهبطو من عينيم ويما حاكة راسها بيدها وباينة من داخل تحرقت عليا ودموعها مانشفوش وفرحتلي بالحمل تاعي _ودرك وين راكي ومع من ؟_راني في دار كراهالي صاحب سامي عايشة وحدي وهو راح يعاوني باه نجدد كواغطي وغير نولد اكيد نجيكم _بصح عمي وبابا ماش قابلينك كيفاه ديري _بالاك منا لهاداك الوقت تطفى نار ويرضاو عليا انا عمي مايهنيش ليهمني هو بابا يرضى عليا برك وادا رضى راح نهزكم كامل ونسكنو بعاد عليهم ماش محتاجينهم _لقيتهم سكتو ويشوفو لبعضهم _وشبيكم واش كاين _والو بنتي انتي برك تولهي من روحك وعلى صحتك والبيبي وخلي الأمور تتهدن بالشوي _حاسة بيكم حاجة مخبينها بابا كاش مابيه _لالا راهو في بلاصتو فسبيطار نورمالمو هاد اليومين يخرج لاطنسيو تاعو تريقلت ودمو تعدل بصح قلبو رجع مايحمل والو وطبيب قال يبقى يشرب فدواء تاع تخثر الدم حتا نهار يموت _غالي ؟؟_ماتخميش خالتك تقدر تدبرلو دواء وحتا لقينا وين نديرولو علاج فزيائي بالاك يرجع يمشي يديه وحتا الهدرة قالو مع الوقت_ان شاءالله وسامحوني كون بيدي مانخليكم تحتاجو واحد بصح الظروف عكسني ودورو مانسعاه باه نعونكم كلشي مغلوق عليا مادام كواغطي ماش في يدي راح نبقى مربوطة سامحوني وصدقوني بلي ظلموني برك _يابنتي قتلك مصدقينك ومتأكدة من تربتي ليك نعرفك واعية ومتربية وماكيش تاع دوك صوالح وسالم ونضال ربي ياخد فيهم الحق. نتي نحي هادو الافكار من راسك واتهاي غير في صحتك حتا يفرج ربي _بقينا نحكو كتر من ساعتين وكوبيت .فرحت كيلقيت يما واقفة في صفي ومصدقة كل كلمة قلتها ولو مانيش بنتها بصح حاطة فيا ثقة كبييرة وكل مرة نطيح فيها نلقى يدها على كتافي. بقاتلي سندي ولو بكلمة منها تخليني نرتاح نحس روحي ماش وحيدة ومقطوعة من شجرة انا هكداك لقيتو دخل ويديه مور ظهرو زربت مسحت دموعي _عندك زوج خواتات ياك ؟_ايه علاه _حاب نتعرف على نسابي برك _جاء خارج وليت وقفت و عيطتلو _أصيل حابة نستفسر على حاجة _دور ليا وكان مغمض عينيه ولا فتحهم .تفضلي واش_ كيفاه راح تجددلي كواغطي ونضال مهددني قالي كون نفيق بيك نشكي بيك في قضية زنى وزادتلي حكاية يماه _شوفي نضال درك راه حاكم عليك أدلة وبزاف صعاب ويضروك بصح مادامكي معايا كونكي مطمنة وخلي كلشي عليا انا نعرف كيفاه نسير الأمور ونرجعلك كلشي سلبو منك _ماش خايف يفيقو بيك بلي راك معايا _مانخافش منو هو بصح مالازمش يعرف بلي راكي معايا في نفس الدار ماش لأني نخاف بالعكس خايف عليك نتي كون يحكموك معايا سمعة تاعك تزيد تسوء كتر ويثبثو عليك التهمة فهمتي درك _ايه فهمت _مي حاجة شاغلة بالي ومقلقتني تصاورك ليراهم عندو لازم نلقى حل ونديهم مايبقاش يتفرج فيك _صايي تفرت كشفتو لحمي وكليتوه  فضحتوني ورخستوني وشوهتو سمعتي وشرفي ودرك جاتك على ليفوطو _قرب مني وحط يديه فلجيوب .شوفي ليا ماتبقايش طول الوقت تفكري فيا واش درت معاك عارف روحي مانحشمش و ظالمك ومرخسك وانا شيطان وهوما كامل الصيفات لي في بالك وعارف واش درت عارف بلي دخلت عليك وكنت نستغلك ونتي راقدة ونصور وندير فليفيديو وحتا تجرأت اني نمسك ونتي ماش فايقة وعارف بلي تعديت عليك وكشفتك وهددتك وخوفتك وضربتك وهينتك وسلبت شرفك وعارف بلي خونت صاحبي وهو مدفون فلقبر وكشفت على حرمتو وهيا فالعدة وضميري راه صاحي وعارف بصح نأكدلك ماش راح نندم نهار باسكو نحبك نعشق الهواء ليتنفسيه انا مريض بيك ومهووس بيك افهمي انا مستعرف بروحي وبواش درت وقانع بلي نتيجة راح تكون لصالحي يعني ندير أي حاجة على جالك المهم تكوني ليا غيرك أبداي والفيني في حياتك ومخليلك راحتك التامة فدار كون واحد خلافي مريض بيك كيفي راه عندو شحاال من استغل الفرصة واغتصبك بصح انت ومعايا ماتخافيش مانيش وحش وحيوان باه نقرب ليك انا نحب نقرب ليك كيتكونينتي واجدة وقانعة بيا وهادي الهدرة مور ماتولدي _بصح وجودك فدار معايا وتحت سقف واحد غالط وحرام .
الحلقة 26
بقلم Lina sabrina
قتلك عارف ماتبقايش تعاودي في نفس الهدرة اتحملي وصبري حتا تولدي هيا شربي دواك راكي نسيتيه وانا راني خارج شوي ___بعد ماخرج شربت دواء ولميت الكوزينة كيخرجت منها قابلتني شمبرتو رحت فتحتها كانت بلا مفتاح .دخلت لقيتها فيها شمبرة كوشي واسعة وحيوطها بويض وفيها رسمات فلكحل والسرير باج وفوقو حيط مخدوم فيه بلاكات كوحل ويشعلو ضوء موف والحيط ليمقابلو فيه بلازما معلقة صراحة شمبرة شابة برك قشو مرمي ولفراش ماش معدول والضلمة من الضوء ليشاعل فالحيط حتا لاقوافاز وفيها ضوء موف شفت دوسي فوقها عرفتو نفسو لمدتهولو طبيبة ازل مرة رحت فتحتو لقيت فيه لعجب وتفاجأت كيلقيت ليفوطو تاع لحمي مضروب مافقتش وقتاه صوروني وكيفاه قدر يديرها وزعما واش يدير بيهم علاه حاكمهم وماهدرليش عليهم غلقتو وخرجت من شمبرة مانقدرش نسقسيه عليهم باسكو محدرني من قبل ماندخلش ليها __مور المغرب وانا نصلي سمعتو دخل كيكملت خرجت لقيتو فالكوزينة يدوق فلحريرة درتها لعشا سخفت عليها _كيحس بيا دور .يعطيك الصحة بنينة _درت معاها فريت ادا تاكل _ايه ناكل كلشي من يديك بصح عجبتني شربة بنينة _اسمها حريرة ماش شربة _جيت دايرة خارجة عيطيلي _وجدان هيا تتعشاي معايا _كينجوع ناكل _رحت للبيت وانا في قلبي جيعانة بصح ماحبيتش نقعد قدامو اصلا مادام راني معاه في دار وحدة جاتني صعيبة وكل دقيقة تفوت نحس روحي ثقيلة وقاعدة على الشوك .كيكمل وراح لشمبرة وليت خرجت كليت ولميت الحالة لقيتو دخل شاف معايا وخرج للبالكون تاع الكوزينة حط كرسي وقعد يتكيف وانا رحت صليت وبقيت قاعدة نتفرج فاليوتوب وبالي تايه غاضتني كيماجبت والو من ريحة سامي كلز بسباب نضال الله لا تربحو لازم نلقى حل موحال نخليهم جاتني فكرة .وليت نضت ورحت عندو كان مازال فالبالكون_أصيل نحتاجك _لقيتو تخطف ووقف يشوف ليا _بسم الله وشبيك _خطفتيني برك واش كاين _حابة نجيب قشي من داري _علاه كاش ماخصك اصبري يومين ونخرجك اشري واش ناقصك _لالا ماش هكدا حابة نجيب امور يخصوني_طلع حواجبو وراح قعد وجبد جبدة طويلة من القارو ونسفها ودور طلع راسو ليا _حابة تجيبي ليفيديو تاعك نتي وسامي وحابة تجيبي ريحتو ياك ؟_بلعت ريقي شغل خفت بصح تشجعت هو ماعندو حتا حق يمنعني على هاد الشيئ _ايه كلشي يخص سامي خليتو تم حابة نجيبو _ماكانش كيفاه تجيبيه تصبري حتا تولدي  _مستحيل نقدر نصبر قادر اصلا نضال زكارة فيا يحرق كلشي يخصني ويخص سامي تعيش ياك دايما تقول تدير الموحال على جالي مالا اديني نجيبهم وكونك نتا حاميني منهم أصيل ربي يعيشك ماترفضش الطلب تاعي _هبط راسو والتنهيدة تاعو وصلت لعندي ودور ليا _روحي ترقدي حتا نهار نلقى حل _يعني موافق _ايه _تبسمت حتا بانو سناني .ياعمري يعطيك الصحة فرحتني .قلتهالو بطريقة عفوية ودخلت للبيت لقيتو خطفني من يدي وحشرني في صدرو تخلعت ووسعت عينيا من الفعل المفاجئ ليدارو معايا طلعت راسي ليه لقيت وجهو وعينيه ملامحهم نفسهم تاع ليلة لبارح _أصيل راك تخوف فيا هكدا تعيش بعدني وماديرهاش بيا ياك وعدتني _ماراح نديرلك والو برك حاب نشبع رغباتي بعينيا برك _بصح راك تآذي فيا نفسيا _نداويك ياعمري والله نداويك بين يديا .هبطت راسي وهبطو دموعي على قد ماحبيت نبعد منو بصح كان عاصر فيا ماقدرتش نتفك منو .طلعلي وجهي بصبعو مقابل وجهو _وجدان راح يجي يوم وتحبيني كما حبيتي سامي _ماتحطنيش قدام هادا سؤال درك واطلقني حرام عليك _جاوبيني ايه ولا نو _(خممت قلت كون نقولو لا قادر يغتصبني زكارة ومايجيب خبر لعمرو )وليت نطقت .ايه مع الوقت كلشي يتبدل وراح نحبك _تبسم ووجهو بدا يقربو ليا كتر وكتر دورت وجهي وغمضت عينيا وهو حط راسو في رقبتي فوق الخمار _اتأكدي بلي كيتحبيني راح تعيشي معايا ملكة وماكانش ليكيفيك يعودو يغيرو منك حتا ولادنا موحال نحبهم كتر مانحبك نتي .وجدان ماعليش نطلب منك حاجة وتنفديها _واش هيا قلتهالو وانا نرجف _حضنيني _مانقدرش راه حرام افهم حرااام الشيى ليراك دير فيها معايا هادا راه زنى بأتم معنى الكلمة وحاجة تغضب ربي سبحانو تعيش اطلقني وبعدني وبركا ماتمسني .
الحلقة 27
بقلم Lina sabrina
حاوليني باه نطلقك حابة نسمعك ونتي تطلبي مني حاب نتمتع على الاقل كينشوفك ضعيفة هكدا نحسك صح حاجة تخصني وانا متسلط عليها _سكت زمان وليت حاولتو بكل ضعف وهو صح كان متمتع بكلامي ليه _أصيل وقت دوايا خليني نشربو ونرقد راني راح نطيح تعبت _جبد وجهو مني ويتأمل فيا ولا بعد مني وراح جاب دواء كان فوق طابلة قراه وجابلي وهو ليكان يشربلي فاالماء وزاد هز لباط تاع تحميلات .هاكي ديريهم _وسعت عينيا فيه .نتا تبان رخيس من لكبار برااا عليا _هووب هوب بعقلك وشبيكي باينة درك نخرج علاه تفهمي غالط.قرضني من خدي .ترجعي تهبلي كيتتقلقي ودموع في عينيك ترجعي مميزة كتر وكتر يايوما واش يصبرني عليك _قالهالي وشاف معايا من فوق لتحت وعض شاربو وغمزلي وخرج _مايحشمش غلقت الباب بقيت نفيبري من الغش بصح قدرت نكتشف حاجة كينردو الهدرة ونبان قوية هاداك الهوس تاعو ينقص عليه حتا هاداك نهار كيخبشتو من وجهو فاق لروحو على الاقل هادي النقطة نعود نستعملها باه نمنع روحي منو ولو مرات راح يكون قاسي بصح نتحمل لقساوة خير من يقرب مني ويتلذذ مع شهواتو _حطيت شميعات وخرجت غسلت يديا ورجعت لبلاصتي ماطولتش ورقدت شوي وسمعت شغل حاجة طاحت فالبيت فتحت عينيا خلعني لقيتو مقابلني قاعد على الكانابي تقعدت _خير واش دير عندي _طاحلي برك شارجور ماكاين والو ارقدي _ونتا واش دير عندي راح تجهلني خليني نرتاح في رقادي _شكون مانعك ارقدي انا نتفرج برك _في واش تتفرج _ماكانش تفريجة شابة كما نتي _لا حول ولا قوة إلا بالله نتا ماجاكش نوم ماتتعبش واش دير بيا _قلبي يحوس عليك وعقلي ينفد ارقدي وجدان ومايهمكش فيا ماش متحرك من ماتعبيش روحك _شفت شفت وليت سكت عارفة على قد ماراح نهدر مستحيل يستسلم ويروح .بقيت نقاوم فرقاد وهو اغتصبني بعبينيه ماتقدروش تتصورتو نظراتو ليا شحال كانت جريئة و توترني وتخوفني كيدير هكدا يبانلي مريض وماش في عقلو وهكدا فات شهر كااامل على نفس المنوال وطلبت ربي يغفرلي ماش بيدي كنت مجبورة وماعندي حل نكون فالدار معاه خير من الشارع وولاد لحرام دايرين بيا . تقريبا دايما معايا فالبيت ومرات يغلبو رقاد يرقد وكاين يامات يخدم فيهم فليل نتهنى منو بصح كيكون فدار نبقى طول الوقت مديرونجيا مرات تهلوس بيا ويقرب مني ومرات غير يبقى مقابلني بصح مايجربنيش باه نحكي معاه ولا نطيبلو او حاجة خلاف دايما يقولي المهم راكي فدار عندي والباقي مايهمش لا تهدري لا تطيبيلي ابقاي برك عاقلة في بلاصتك وانا كنت طياب نطيب ناكل ونخلي الباقي ليه بصح قليل وين نقابلو فطالبة حتا هو مايحتمش عليا __ليوم رحت لكونطرول تاع طبيبة ورجعت هاديك لعشيا صليت العصر ورحت للكوزينة سمعتو يهدر فالبالكون كيقال .نوعدك كون تنفدي واش قتلك نرجع نخمم فيك وقراري تسمعيه من بعد نتي وزهرك قادرة تكون نتيجة تحبيها وقادرة تكون العكس وادا مادرتيش واش قتلك مستحيل حتا نخمم فيك وحقدي عليك راح يزيد دبري راسك كيفاه ديري _فهمتو يحكي مع ماش كاش وحدة وليت خرجت رحت للبيت خير مايقولي تصنتي فيا شوي ولقيتو جاء لعندي _نضال راه مريض من رجلو خمجلو من داخل و غدوا راح يدير عملية يعني مايكونش فدار ادا تحبي نديك لدارك _ايه اكيد نروح _نقولك ماكالاه تروحي انا نروح وحدي ونجيبلك واش حابة _نو نتا ماتعرفش خليني نروح تعيش _لفواياج وطريق طويلة ماتساعدكش ونتي بالحمل _ماعندو مايصرالي تعيش اديني راهي فرصتي مادام نضال ماكانش نلقى راحتي _مالا أرقدي بكري ليوم باه غدوا نديماريو على 4تاع صباح ياربي مانوصلو ونرجعو _هززت براسي وكما كان الحال رقدت بكري وحسيت بيه كيقدم ليا فليل حسيت بالنفس تاعو قريب ليا بصح ماطولش وراح وكلما يقرب ليا عمري نحسها راح يخرج __لغدوا ديمارينا على بكري وكان يسوق بلعقل وطول طريق كان مرة على مرة يشوف ليا مي ساكت وانا كنت عادي ماحسيت بوالو بصح كبقريب نوصلو ياربي بقات نص ساعة برك وندخلو بدا يدور عليا قلبي حبستو شحال من مرة باه نتقيا بصح ماكانش _هاكي شربي شوي ماء وخرجي واش فليسطومة تاعك خير ترتاحي ونرتاح معاك _لالا راح يزيد عليا اركب نكملو طريقنا باه ترتاح تبان قلقتك _استغفرالله هيا دخلي رجليك .
الحلقة 28
بقلم لينا صبرينة
دخلتهم وغلقلت الباب وركب هبطلي الكوسالة _تبقاي هكدا وغمضي عينيك _حتا هنا نغمض عينيا _وجدان لصلاحك باه ماتحسيش بلقيا راه المصران يديرلك هكدا خودي راي واتكسلي _درت كما قالي وخلا الكارو مفتوح يدخلي لهواء حتا وصلنا هبطنا فالحديقة ومشينا على رجلينا _هيا نروحو لدار لاه تمشي فيا _تبعي وسكتي _مشينا شوي و وشربلي رشفات برك من العصير ونحالي وزادلي نص حبة بانان تقول يتصدق عليا ويقولي على جال سكر باه مايطلعلكش مالازمش تكتري يضرك _أصيل راني تعبت _ايه هيا درك لطونبيل _وليت نشوف في روحي جندية وانا نفد ونتبع في أوامرو _ركبنا ورحنا للكارتي تاع داري حبس شوي بعيد وهز ثلفون عيط مانعرف لمن وقال روح منين دار وقاري منا على ربع ساعة تكون عندك .كوبا ودور ليا _هاكي لمفاتح تاع دار وهاتي ثلقونك _مديتهولو وجبد كيتمان بيض ركبو فيه وعيط لروحو وريبوندا _حطي كيتمان في وذن وحدة وماتقطعيش نهائيا لابال خليا تمشي باه نبقا نهدر معاك وغير تكملي تلقاي طاكسي تستنا فيك قدام الدار أركبي فيها هو يجيبك لعندي _ونتا علاه ماتروحش خايف ؟_تعاودي هادي الكلمة سنانك نريبهم نسيتي بلي نضال حاط كاميرا مانقدرش نقرب معاك يلزم غير واحد يدخل باه مايزيد يثبث عليك والو نضال عفريت ويخدم من تحت لتحت حتا تلقاي سوط تاعو خبطك من حيث لا تدري لازم تفياقي شوي باه مانزيدش عليك شبهات كتر _ممم كيشغل ماهوش حاكم عليا _هيا روحي وماطوليش وردي بالك تكوبي ثلفون _هبطت ورحت لدار من شفتها شوك لحمي طلعت فدروج وفتحت الباب ويديا يرجفو .من غير دخلت وغلقت الباب غمضت عينيا بكل حسرة قسما بالله صدقو ولا ماتصدقوش شميت فيها ريحة سامي دمعة هبطت من عيني سخونة حرقت روحي من داخل وخلات القلب يبكي قبل العين مافقت غير بصوت أصيل في وذني من الكيتمان _وجدان ماش وقت لبكى هزي قشك وهيا _ايه .رحت لشمبرة لقيتها مقلبة وليت نحوس عليهم كلشي داخل بعضو _أصيل راح نحي ثلفون من يدي ماقدرتش نحوس بيد وحدة _قلت ماتكوبيش وثلفون حطيه في صدرك باه يكون قريب ومايتقطعش الكيثمان من ثلفون _لثانية كنت راح نشمتو وليت سكت ودرت ليقالي_ياريت كون انا جيت في بلاصة ثلفون وتمتعت بالدفى _قسما بالله غير راك رخيس وكلب الله يلعن الراسة تاعك تفوه عليك حيوان من غشي كوبيت وغلقت ثلفون وليت رحت لاثيلي كان فيه لفلاش هزيتو وجبدت صاك حطيتو فيه زدت البيسي لمزية ماداهش الكلب الثاني ديت غير الحاجة الضرورية في كابة صغيرة منها قس ساميليلبسو آخر مرة .حوست على ليدوسي تاع سامي ولا اي حاجة تنفعني مالقيت والو يكون خباهم عندو .هزيت الكابة ورحت فتحت الباب من غير فتحتو قابلني جواد كما قارا زربت دخلت وماعرفتش ادا شافني ولا نو جبدت ثلقون باه نشعلو ونعيط لأصيل لقيت الباب من ورايا يتخبط _افتحي ##### راني شفتك أفتحي ولا نكسر عليك الباب _وليت نفيبري وانا نستنا فثلفون يشعل .من غير شعل لقيتو يعيط هزيت عليه بداني غير بالسبان ولعياط _اصيل ماش وقتك جواد راه شافني وراه يخبط فالباب واش ندير معاه _ ماتخافيش منو وخرجي ركبي طاكسي راهي تستنا فيك _من صوتو باين بلي ماش ناوي على الخير _وجدااان قتلك اخرجي وخلي راسك مرفوع وعينك مفتوحة وحمراء هيا اخرجي وماتخافيش وماتغلقيش لابال _درت شهيق وزفير وفتحت الباب لقيتو في وجهي حكمني من دراعي ويزير _ساقطة وين كنتي ماخلينا بلاصة ماحوسناش فيها عليك _نحي يدك وماعندو مادخلك وين كنت نروح ونجي كيف مانحب _ليوم نهارك مادام جيتي ماكانش ليسلكك مني حتا نضال وبح _طبعني ودخلني لداخل وغلق الباب  ونحالي لمفاتح من يدي وغلقها . واش ناوي نتا .بقا يشوف ليا من فوق لتحت _وين كنتي تباني من هادي الحطة ليلابستها كنتي عند كاش واحد لاباس بيه ولا كنتي عند صاحبك ليكان يجيك فليل انا ماصدقتش يلي هاداك أصيل _بعد خليني نخرج ولا تندم _بديت نعيط على طولي باه يخاف وهو ضربني كف غير ياه نسكت بقيت نتعارك معاه اي حاجة قدامي نخبطو بيها والباب برا بدا يتخبط وكان صوت أصيل _ياخااه علاه جاء درك يزيد يفضحني وهو تخلع كيسمع صوتو _هادا واش جابو .دور ليا لايكون صح هو ليكان يجيك ويدخل عندك فليل وكنتي معاه شهر ليفات _ماعندو مادخلك مع من كنت وبعد من طريقي وفتحلي الباب_حسيتو خاف وتوتر منو بصح ماحبش يفتح وهو صوتو حبس من غير دقيقة وكانت الباب تاع لداخل تفتحت وأصيل ونسرين ويماها وراه _الخواف كان هارب زرب فتح الباب بصح أصيل حكمو قبل مايهبط فدروج وبدا يعطي فيه فالطرايح وصرات بينانهم كبيرة وانا هكداك لقيت نسرين جبدتني من ظهري من لور قريب ماطيحتني داتني للكوزينة وهجمت عليا بالضرب بصح اكيد ماخليتهاش ودافعت على روحي بصح يماها زادت كملت عليا وتحاماو عليا لزوج ماقدرتلهمش وكان خوفي كلو هو وليدي وهيا غير تسب فيا راح تنفجر كيعاد أصيل يحامي عليا شغل فهمت بلي أصيل راه معايا وليت استنجدت بأصيل عيطتلو ماقدرتش لهادو شياطن .
الحلقة29
بقلم لينا صبرينة
ثانية وكان عندي وجهو مايتفسرش جبدني لعندو ونسرين هنا هبلت _أصيل هكدا دير بيا على جال وحدة كما هادي ياك لبارح برك ونتا تقولي _غمي فمك كلامي واضح واش قتلك مانبقاش نكرر ووجدان خط أحمر واحد مايقدم ليها _نطقت يماها .هكدا ياأصيل دورت بمرت خوك ياقليل الشرف والأصل _هوووب خيطي فمك لا نكسر لقدر لي بيني وبينك .حكمني من يدي وجينا خارجين مالقينا غير قرعة تاع زجاج تخبطت فالحيط من قوة الخبطة ديراكت قاست يدو رجع دم يشرشر من يدو سترنا ربي ماجاتش في وجوهنا .كيدرنا لقيناها نسرين ليرماتها ووجها ظلام ويخلع زادت هزت القرعة الثانية وكانت ناوية تضربني ليها زرب اصيل بعدني وحكمها وطبعها للحيط_قالها هبلتي راح تقتلينا _قدمت وركعت عند رجليه تحاول فيه وتبكي باه مايروحش معايا ويرجعها . كرامتها كلها عفسها وهيا تهين في روحها و تحاول فيه كي لكلبة المذلولة لدرجة وصلت تبوس رجعو ويدو هاداك المنظر كيشفتو تشوكيت منها  ويماها حبت تبعدها بصح تحجرت ماحبتش وقابلة تكون عبيدة وخدامة عند رجليه برك يرجعها ليه هادا كان كلامها ليكلو ذل هو حسيتو يتوجع من يدو ولا هبط لعندها وحكم وجها بيدو_اسمعي حكايتك نتي خلصت هاداك العام وراكي فاهمة قصدي ماتبقايش تحاولي فيا باسكو صايي كرهتك بصح كون تديري واش قتلك قادر نعطيلك فرصة وبركاي ماتنبحي كيلكلبة عند رجليا  _ناض وشاف ليا .امشي هزيت الكابة وهبطنا لقينا ناس واقفين برا مقابلين دار ويتفرجو وجواد كان مع جماعة ويتخنزر فيا ويمسح في وجهو _أصيل تفضحنا شوف كلهم يشوفو لينا _تفضحنا بسبابك ومبعد حسابك كبير_خفت من كلامو بصح تحتمت ركبت نشوف في يدو الدم ماش حابس منو جبد شال كحل وحطو على يدو دورها عليه وشاف ليا _مالا تسبي فيا ومن فوقها تكوبي ثلفون وتزيدي تغلقيه _نتا .._صاييي صوتك وحسك مانسمعوش والهدرة كينرجعو لدار .شاف ليدو وديمارا وأول كلينيك قدامنا حبس .تبعيني وماتبعديش من قدامي _زرب هبط باين من وجهو بلي يتوجع وانا تبعتو شفتو دخل للاسعافات سمعتهم قالولو شقف زجاج لداخل نحوهملك ونخيطو لبلاصة الغامقة .بقيت نشوف ليه من بعيد هو بشرتو بيضاء ومن لوجاع رجع حمر وعينيه يخلعو .انا هكداك شفت  نفس طبيبة ليكدبت عليا هاداك نهار وقاتلي عندك شهر حمل لتم تولهت بلي راني في نفس لاكلينيك وليت تبعتها و رحت ليها بهدلتها ورخستها وتلفو أعصابي قلتلها درك نشكي بيك وانا كنت ناوية نخبر أصيل برك لا لابوليس لا والو هيا لتم حكمتني وعادت تحاول فيا باه نسكت ومانشكيش بيها انا هكداك ونضال قابلني غير شفتو رجليا ماهزونيش وكانت زراه نفس الفرملية تاع هاداك نهار كيشفتو تفاجأت ياك زعمة عندو عملية(قلت ممكن هادي لاكلينيك ليراح يدير فيها العملية ) وخفت باسكو الذكرى بيخلاهالي هاديك الفترة تركبلي الرعب بسيف جيت رايحة لحق بيا _وين هاربة مني وين كنتي عييت وانا نحوس عليك _ماتمسنيش اطلقني ولا نلم عليك الغاشي _ياحبي علاه خايفة وترجفي ماش راح نديرلك حاجة من غير تواحشتك وراني نادم على واش درت فيك _اااه كيفاه _ايه نادم وطالب سماح ونتمنى تعطيلي فرصة نثبثلك نيتي _كداب بعدني _والله مانكدب ياوجدان حاسبت روحي ولقيت روحي غالط فيك وفي ولد خويا _درك وين ستعرفت بوليد خوك _ايه قتلك مستعرف بصح نتي سامحيني وهيا تروحي معايا لدارك والله مانزيد نقرب ليك ولا نمسك ونوعدك نجددلك كواغطك كلهم ونبرأك قدام فاميلتك وترجعي معاهم كيف ماكنتي برك ارجعي لدارك وخدش مايقيسك وانا ماش راح نزيد نفورضي عليك نخليك براحتك  _(كلامو فاجأني ) واش يضمنلي كلامك _تحبي في هادي دقيقة تروحي معايا للكوميسارية وتشكي بيا واش درتلك وندخل للحبس علاجالك المهم نتي ترجعي كرامتك وشرفك وهويتك قتلك راني وصلت للموت ولتم عرفت اغلاطي نتمنى تصدقيني وترجعي لدارك وماش راح نآذيك _انا هكداك وهو حاكم يدي سمعت صوت أصيل كينقولكم زلزل لاكلينيك يعني كل ناس حطت أنظالها لينا من صوتو العالي وانا الرعب ليركبهولي نضال ماهوش قد حجم الرعب ليركب مخي من أصيل كيشفت ملامح وجهو عرفتها بلي حسابي مضاعف والجيهتين مانقدرش نحط فيهم الثقة والباب لينسلكو هاد المرة راح يجرح الروح ويدمي القلب  .