نظرات محرمة (الفصل الثاني )

الجزء17

الحلقة112
بقلم لينا صبرينة
من صحك حابني نروح لدار عندهم ونتواجه معاهم ونهددهم علاه تشوف فيا أنا قدهم باه نديرها  _ايه تديريها بصح نكون معاك مادام نسرين عادت تعرف كلشي وزيد ماجاوبتش كيعيطتلها يعني راحت طايرة عند نضال خبرتو يعني هادي الدقيقة انا قادر ندخل نخسر الخدمة ونتحبس .يسموك درك تروحي معايا عندهم نحاولو نحبسوهم ونسكتوهم كيف لعادة بتصاور نسرين معايا وهاد المرة نتي ليتهدديهم وحاولي قد ماتقدري تستفزيهم وتخوفيهم  _أصبر نتا همك الخدمة ولا خايف من الحبس فهمني؟_ هههه الحبس للرجال عادي موالف ندخلو كعقاب ليا فالجيش بصح درك هامني الخدمة تاعي تضيع من بين يديا ونرجع بلا مستقبل هو عندو معارفو قاويين وعاليين قادر يدير كلشي باه يحطني تحت الشبهات عليها انا ماش واجد نريسكي ودرك يلزم تروحي معايا وتواجهيهم محتمة عليك ديريها وتصحي الغلطة تاعك _مانروحش ودبر راسك اصلا راني نحوس عليها تحبس الخدمة وتهنيني من هادي لحياة تاع لحرام _### واش من حرام تهدري عليه ماتجهلينيش في هادا ليل راني غير حاكم روحي عليك كون صيبت راني كسرتك طراف على هادي العملة تاعك اسمعي لكلامي ونفديه ولا مايعجبك لينقدر نديرو يلزم نتي توقفي في وجوهم وتقنعيهم بلي راكي ورايا وأي حاجة تصرالي نتي كاينة باه تندميهم ماتعبينيش كتر راني راح ننفجر _اووه .رحت قعدت ثواني وليت وقفت اوك نروح معاك بصح زعما نضال راح يبقى خايف على سمعة ختو مانضنش هادي المرة هو حاقد عليا وعليك وماش راح ييفوت هادي الفرصة _هو يسمع بزاف ليماه هيا ليتقنعو هيا امشي وجدي روحك بلا مانتعطلو كتر _كيفاه درك نروحو راه ليل _ايه ياربي مانوصلو على صباح _شفتو هز ثلفون بقا يخلط فيه ويمسح في وجهو ورقبتو بيدو باين عليه مقلق . انا رحت لبست حجاب فضفاض فنوار مع فاست تاع لافيرور فالباج وبوت فالباج وصاك وخمار نوار وهو لبس سروال جين زرق مع تريكو بيض وفوقها فاست كحلة كيكملنا رواحنا كملت لولاد وعلى قد ماحاولتو ماحبليش وقالي ماندوهمش معانا يلزم يبقاو هنا ماتدري واش يصرا لتم مانريسكوش بيهم بالتحديد براء ماش سامعين بيه .خرج هو لول جاب طونوبيل لجيهة باب لبلوك وانا خرجت مع لولاد وركبنا وخليناهم عند رقية وديمارينا طول طريق وهو مرة ساكت ومرة ينصحني باه نبقى شامخة قدامهم ومانخافش وقالي دبري راسك واش تهدري باه يقتنعو .هو يهدر والفولون هاديك قريب يكسرها من لخبيط ترنيك الخدمة تاعو يعشق فيها وماش واجد باه يسمح فيها والحبس مايهموش .منا وصلنا كانت 5 تاع صباح مازالت شوي ضلمة فطرنا وكيكملنا الوجهة ديراكت لهاديك الدار من غير قارا شفت مع داري شفت مع دروج تفكرت نهار رجعنا من لبحر و تكسرت رجلي وسامي خاف عليا تفكرت الماضي وحنيت ليه وضعفت .حكمت روحي بسيف وقاومت دموعي مايهبطوش قدامو _هبطنا حكم بدي وقربنا لبابهم ماش طبطب بدا يخبط ديراكت تقول جاي يحارب على 6 تاع صباح .شوي وفتحلنا نضال الباب ومتفاجأ بينا _واش جابكم صباح ربي _هنا أصيل تحولو ملامح وجهو ورجع مبتسم وغمزلو تواحشتك وتواحشت نسابي و جييت نشوفك فيها عيب _العيب فيكم نتوما راه وصلني خبركم _عارف ختك حمارة في عقلها وتوصلهالك سخونة عليها جيت نحطلك النقاط على الحروف بصح قبل خلي العايلة تتلم باه انا نكمل نسمعهم ماتشقيش روحك نتا _واش نيتك برك ؟_لقيتو ضغط على يدي فهمت روحي باه نهدر _نيتنا واضحة جايين نتواجهو مانبقاوش نتخباو _شاف ليا من فوق لتحت وشنف عليا .عيفتيني فيك صح كنت شاك فيكم بصح كنت نكدب في روحي _عيفني ولا حبني ماش مشكلتي وبعد من طريقي ندخل _بعدتو ودخلت ومعايا أصيل لقيت بهيجة خرجت لعندها مستغربة .واش كاين ونتوما واش دييرو هنا واش صاري _تواحشتك حماتي لعزيزة وعارفة مام نتي فرحتي كيشفتيني _ياخي مرخسة الله لايشوفني فيك واش تديرو هنا ؟_ماعليش وينهم لولاد وضرتي قوليلهم يجو نتقابلو مع بعض يعني ماسمعوش صواتنا راقدين بنيتهم _شكون ضرتك هادي واش تهدري نتي _علاه عندك عشرة بنات عندك فريال متزوجة وساترة روحها وعندك نسرين المطلوقة هاديك هيا ضرتي _حنا هكداك وهيا هبطت ومعاها فؤاد وجها كان زرق ومجروح وبهيجة راحت ليها تمس في وجها .وشبيه وجهك ياطفلة شكون دار فيك هكدا _نطق اصيل .بنتك ماش حابة تحشم على روحها ومازالت تعيطلي في نصاص ليالي بصح سمعت مالا يرضيها وجرات عند ولدك نضال تشيتلو أيا عطاها طريحة برك ماكنتش حاضر بصح السيناريو توقعتو _نسرين صح هادا واش راه يهدر _هززت براسها وسكتت _شوي وتلمو كلهم فالصالون وخبرهم نضال انو أنا وأصيل متزوحين الكل تفاجئو والأكثرية منصف حتا قالي عندي بزاف وانا ندافع عليك وفالاخير يظهر كلام نضال صحيح وكنتي تخوني خويا سامي مع صاحبو _انا ماغدرت ماخنت بصح بعد ماخوك ويماك عدبوني في هادي الدار مالقيت غير أصيل نلجأ ليه كون ماش هو كون راني يافالحبس يافلقبر ياداخلة في عقلي_ نطق نضال .ايه واش حكايتكم نتوما لاه جيتو على صباح _راح قعد أصيل بجنبي  على الفوتاي وحط رجل على رجل .باينة علاه جينا مادابيك الشيئ ليسمعتو نتا ويماك وخاوتك يبقى بيناتنا _ههههه علاه خايف نخبر بيك وتدخل للحبس _أصيل مايخافش من الحبس هو ماعندوش حاجة يخاف منها  باسكو الرجولة تاعو ريحتها معبيا الصالون   ماش كيفك نتا حضورك دايما يكون فيه شوي من الضعف والخوف اما هو النار يدخلها برجليه ومايهابش .
الحلقة 113
بقلم لينا صبرينة
هو قادر يدخل للحبس عادي يتعاقب ويخرج ويكمل حياتو بصح انا ماش حابة نزيد نخلي ولدي صمد يتيتم من جديد باسكو أصيل صح كان أصيل معايا ومع ولدي وعاوني بصح  في لحظة زعاف كيشفت ختك مازالت تعيطلو في نصاص ليالي هزيت عليها وخبرتها وهو كان واجد للحبس عادي على جالي نعرفو يقدر يدير أي حاجة بصح انا فيا الرحمة والرحمة ماش فيا وفيه وفي ولدي الرحمة في ختك ولية كيفي كيفها باسكو كون أصيل يدخل للحبس نضمنلك بالعشرة نفضح ختك باسكو فوطواتها وليفيديو كلشي عندي ماش راح نخليها تخربلي داري وزواجي وحياتي ونسكتلها وكما نتوما طعنتو في شرفي راح نرجع ضربتي ونطعن في شرقها ونمرمدها بيها بيكم أصلا راني نحوس عليها وغلطة منكم في حقي ولا في حق أصيل ماش راح نسكت عليها ونرجعلكم ضربتي أضعاف _(الكل بقا باهت فيا متفاجأ وانا راح نطيح من طولي مانعرف منين جاني هاد لكلام وهادي الجرأة والقوة)_يعني نتي جايا تهددي فيا بنسرين _افهمها كيف تبغي بصح اكثر حاجة كون أصيل تصرالو حاجة ولا يدخل للحبس نحملكم المسؤولية وختك تتفضح ونزيدك ماش غير تصاور وليفيديو هادوك برك كاين أمور خلاف متعلقين بيها والله لايشوفكم فيهم كانت دير أي حاجة باه تغري أصيل من بعيد وترجعو ليها وتقدرو تتصورو وتفهمو واش نقصد ودرك خير ولا خيرو مستقبلكم نتوما ونسرين ولا الفضيحة والعار _نطقت ليا بهيجة .كونك متهنيا زواجكم راح يبقى سر واحد مايسمع بيه بصح بنتي أخطوها وانا نوعدكم ماش راح تزيد تقربلكم ونحرمها من حوايج بزاف باه تستعقل _أمي واش هادي الهدرة انا بنتك وهادي عدوتك _اسكتي نتي غلطتي ونتي تسلكيها انا ماش راح نخلي هادي الفرخة تخلينا فضيحة على كل لسان _نطق نضال .وانا ماش راح نبقى نستر على بنتك وأصيل ووجدان يتحاسبو وراح نخبر بيه ونخلي ناس يهدرو على رواحهم مايهمنيش _نضااال ولدي انا يماك وهادي ختك ومادام قلت نسكتو يعني نغمو كلش بيناتنا _أسمع لكلام يماك وماتخلينيش نجهل وتشوفو مني ليمايعجبش باسكو نتا ممكن ماشفتش واش دارت ختك مع أصيل بصح انا شفت كلش غير لخماج تعيف _ماكاش واحد قدك يعيف ياوجدان ونتي تدافعي وواقفة مع ليكان ثاحب راجلك ويجي نهار وتسلكيها غالية وتشوفي _الشيى ليفات عليا يكفيني اي حاجة تقدر ديرها ماتهمنيش ودرك ياك تفاهمنا نتوما تسكتو وحنا نسترو _متنضمنش نبقى ساكت _كما تحب نتا دير واش يساعدك وانا ندير واش قالي راسي ودرك مادابيكم هادي دار ترجعوها بإسمي لانو ماش من حقكم من حقي انا ووليدي_ ياخي زيدي اتشرطي كتر هادي دار بإسمي وخلاهالي ولدي سامي ليا _بصح ياحماتي لعزيزة تقدري على جال بنتك تسمحي فيها _لقيتها سكتت ونضال بدا ينفض في روحو ويهدر بلعياط ويماه تقولو نمدلها الدار ونروحو لدار الثانية المهم بنتي تبقى مستورة وهو راح يجهل حتا منصف قال خليهالها ونبعدو وفؤاد وجواد غير يتفرجو ونسرين هالكة روحها بلبكى وتشوف لينا يمكن ماهمهاش الموضوع قد ماهمها اني سرقتلها راجلها (كلمة شوي توجع تاع سرقتلها راجلها بصح المكتوب مامنو مهروب والواقع بعض الأحيان مر ) دورت لأصيل لقيتو قاعد مرتاح و يشوف ليا ومبتسم وغمزلي _بركاو من عياطكم هادا اتهدنو وريحو فالدار راهي ليكم ماعندي ماندير بيها بصح ماش راح نخليها على جالكم كنت قادرة نديهالكم بصح غاضوني منصف وفريال هوما كانو خاوتي في نص دار ساكنين فيها غير الوحوش _نطق منصف .مانحتاجش ديري فيا مزية الدار ليك ولا ليهم مايهمنيش راني رايح ومتبرأ منكم ومن بخايصكم _راح ونضال يتخنزر فيا _خييير علاه تشوف ليا هكدا عيب عليك قادر تجيك الضربة من حيت لا تدري هادا يسموه أصيل مايحبش على مرتو من قبل كيكان سامي عايش ومريض كنت كيف الكلب تبع فيا وتتحرش فيا بصح درك قوتي كاينة مع أصيل _شكون كان يتحرش فيك بركاي من لكدوب _ايه يابهيجة ولدك كان يتحرش فيا وفات حدودو معايا باسكو طمع عماه وزاد عماك حتا نتي معاه _بقينا انا وهو كلمة بكلمة حتا أصيل ناض وعرف كيفاه يستفزو كترر وكتر وكبرت بيناتنا وجبدنا كلشي من الماضي مخبى .
الحلقة 114
بقلم لينا صبرينة
وأكيد أصيل مايقدرش يحكم في يديه ونضال تعصب بزيادة وفقد أعصابو للخر رجع كيف لمهبول يهدر وجبد كلشي مخبيه وقال بلي يعرف حملي بصمد هو أول واحد من نهار توفى سامي وداوني لسبيطار لتم سمع وماحبش يخبرني باسكو كان ناوي يجبرني نطيحو ونتزوج بيه حتا اعترف بلي سامي مات فسبيطار ماش فالمسجد بصح بقا يحلف ويعاود انو مادارلو والو وماش هو سبب موتو مي مانكرش انو فرح كيمات سامي باسكو كان طامع في كلشي ليه والحاجة ليحيرتني كيقعد فالأرض وبكى بدموع وقال بلي نادم على كلشي وتصرفاتو كان ليها أسباب وحط اللوم كلو على سامي انو كان ماش مقادرو وحارمو من كلشي ومتقوي عليه بدراهم ومتسلط عليه .عليها هو هز عليه حقد كبير باسكو حسسو بنفسو تافه وكان حاب ينتقم منو بيا . للحظة كيكان يهدر ويدمع وضعيف كنت راح نصدقو بصح كينتفكر نتراجع ونحكم حقدي منو . شوي ودخل منصف في يدو كابة _الله يسترنا منكم و ربي يبعدني على ناس كيفكم .راني رايح وتبقى بيناتنا غير صلة الرحم بصح العيشة معاكم رجعت من الموحال _خرج ويماه وخاوتو تبعوه وهاداك مازال مهبط راسو وفي حالة إكتأب هاديك اللحظة حسيت بحاجة داخلي ماعجبتنيش روحي واش درت وين وصلت روحي _بعد ماراح منصف جات بهيجة هجمت عليا وتعرشلي وأصيل ماخالاهش توصلني وبقى يبهدل فيها وفيهم حتا هو ماش قليل يهدر كلمة يدفنلك راسك فالأرض وهاداك مافهمتوش ادا صح نادم ولا يمثل حتا لقيت أصيل يهدر معاه _اييي هاتلي مفاتح دار وجدان _شاف معاه .واش دير بيهم_دار مرتي من حقها تدخلها _كيقال هكدا نسرين رجعت تاكل في روحها وتعصر في يديها _ناض نضال جاب لمفاتح مدهملو وحكم يدي وانا هزيت الصاك وخرجنا وهو تنهد تنهيدة طويلة وانا معاه وبلا مايهدر طلعنا لدار فتح الباب ودخلنا ديراكت هبطت على ركايبي قعدت وهو هبط لعندي طلعلي راسي _وشبيكي ؟_فشلت ماقدرتش كنت غير حاكمة روحي قدامهم _بصح عجبتيني ماتوقعتش تهدري هكدا وبهاديك الطريقة القوية وماخليتي فرصة باه نزيد نهدر هدرتي نستعرف بيك _هبطو دموعي .بصح كاينة حاجة في قلبي حاسة روحي فككت عايلة وانا سبابهم _اشش ماتبكيش على جالهم والله منصف يستاهل عايلة خيير من هادي واش يدير معاهم هو مايليقش ليهم هو جاي من صغرو عايش لروحو وحتا راه روطار كيخرج من معاهم درك يتزوج ويستقر وفريال من الاول ماش متفاهمة مع نضال يعني نتي مادرتي والو من غير فيقتيهم بلخرايب وفتحتي الثغرات هادا ماكان بركاي من لبكا بالعكس افرحي باسكو على الأقل قدرتي تنتقمي منهم ولو شوي صايي .وجدان درك نخرج نشريلك حاجة تشربيها ونفري أمر تاع خمس دقايق ونجي وغلقي الباب من ورايا هاكي مفاتح _هو خرج وانا غلقت الباب ودرت نشوف مع الكولوار فيهم تصاورنا انا وسامي بقيت غير نتفرج .دخلت للكوزينة مازال زجاج مرمي فالأرض وحالتها حالة والدار كلها فيها فوضى أصلا ماش قادرة نمشي القصة كاملة في صفحة قصص لينا صبرينة .رحت لصالون قعدت وعيطت لرقية وسقسيت على لولاد وراتهملي فلاكام حتا رجع باه كوبيت ورحت فتحتلو كانت في يدو ساشي رجعت للصالون وكلني حبة بانان وعصير بسيف عليا قريب تقييتهم وحسيت راسي تقييل رصاص حطيتو على الفوتاي تكيت .لقيتو قرب مني نحالي الخمار .وبقى يمشي في يدو على شعري _واش درتيلو _قصيتو _وقتاه _شفت معاه .زعما نهار ليجيت فيه هاديك صبحية خرجت قصيتو غير شوي وعدلت روحي على جالك وفالأخير نتا كيرجعت صرا ليصرا وكملت حرقتو تحتمت عليا كملت عليه بالمقص وحدي فدار ماكفاكش خربتلي حياتي وكملت على شعري _بصح كلامك ليكان لتحت ماهوش هو نفسو تاع درك ولا مازلتي تكدبي عليا _آخر مشكل بيناتنا فسد علاقتنا _يامات برك ويتصلح كلشي انا ساهلة عليا نفسدها كيف ماساهلة نرجعها لطبيعتها .ناض وقف وزاد دور ليا _وحاجة خلاف انا كون ماعنديش ثقة فيك كون راني قتلك ماكيش حية قدامي درتلك درس وفي نفس الوقت إمتحان ونجحتي فيه كنت نستنا فيك وقتاه تنفضي روحك عليا ونشوف غيرتك بصح لقيت غيرتك خرجتيها فالمرا الغالط _تبات تتمعشق وتخدع فيا وتقولي امتحان عييت نفهم تفكيرك _ياك راني معاك صباح وعشية ونبات فدار يعني ماخنتك لاوالو وادا على ثلفونات كنت ندير فيها عند قصد باه نعدبك بالتفكير ونساء ليسمعتيهم من غير ليزامي مايعرفوني مانعرفهم نحكو غير في تطبيق فالانترنت مخلطين ببين نساء ورجال ووحد نهار وحدة فتحت لاكام وانا استغليتها زيدت لصوت وخرجت لدوش غير باه نشوفك ادا ياكلك قلبك ولا راكي باردة بصح لقيتك فيساع نضتي وشفتي ورجعتي سمعتك وفايق بروحي وبيك _نتا كل مرة تبرر لروحك غير باه ماتكونش غالط راني حفظتك _مانيش نبرر حكيتلك برك ونتي حرة صدقي ولا كدبي برك حبيت نقولك بلي نجحتي فالامتحان بصح خليتيني انا تحت التهديد المباشر من عند نضال ونتي ردي بالك تصدقيه راه غير يمثل باه تتعاطفي معاه _آخر همي هو .بقا يشوف معايا وانا بدلت عينيا فيه جات عيني في فوطو معلقة فالباب تاعي وتاع سامي تيهت فيها بلا مانفيق حتا لقيتو قابلني بوجهو _وين راكي تشوفي !.
الحلقة 115
بقلم لينا صبرينة
وحنا هكداك طبطبو فالباب .شكون ليجاء _بعد مني .هزي خمارك ودخلي لكاش شمبرة راه ماصو جاء باه ينحي الباب الثانية ويبنيها باه هادوك مايزيدوش يطلعو ونبدل فاشات تاع الباب _درت مليح .نضت رحت لشمبرة وهو راح يفتح لباب _دخلت وغلقت الباب وبقيت تايهة في كل حاجة فالشمبرة هزيت لفراش وبعدتو رميتو على الأرض باسكو معمر قش هادوك ماخلاو والو فلخزانة كلش رماوه عليه وعلى الارض. قعدت على سرير وحطيت راسي على مخدة غمضت عينيا ولدقايق فات عليا شريط الماضي بكل مرارتو وحلاوتو .دموعي نحسهم سخونين يهبطو من عيني حالتي كانت لا توصف بالكلمات ماش ساهلة نرجع لداري ونقعد في شمبرة ليجمعتني بسامي وعيشني فيها أحلى أيامي ماش ساهلة نحس بالذنب والغدر مشاعر قاسية وتوجع .بسيف نضت واستغفرت وبقيت نحوس بين القش على كاش حاجة تخصني مهمة بصح كل مرة عيني ويدي يطيحو في قش المرحوم كنت متمنية نبكي بالصوت مي كتمت أوجاعي داخلي لكن دموعي ماقدرتش نحبسهم انا أصلا جامي نسيت سامي القلب دايما يبكي عليه بصح كاتمة مشاعري .فاتت ساعة وحبس الحس برا زربت مسحت دموعي وعدلت روحي شفت روحي فلمرايا باينة كنت نبكي بصح ماعندي ماندير ماقدرتش وأصيل أكيد راح يتفهمني .رحت للباب من غير فتحتها لقيتو في وجهي واقف ويديه وراء ضهررو ويشوف ليا بهادوك النظرات مع وقفتو ليخوفو بلعت ريقي _ادا كملت هيا نروحو _واش كنتي ديري _قاعدة برك _مالقيتي غير شمبرة تقعدي فيها ؟_ حبيت نريح راسي ونرقد عليها جيت هنا _ودرك رتاح ولا تعمر بالذكريات _أصيل نتا جايبني هنا واش متوقع مانتفكر والو باينا كلشي نتفكرو وباينة نبكي ونتحسر وماعندكش حق تلومني هاد الشيى فوق طاقتي _هزز براسو وراح للصالون قعدت تبعتو .هيا نروحو _سكت زمان ولا ناض مافيهاش روحة درك راني خارج وراح نغلق عليك الباب حتا نرجع ونتي أشبعي بذكريات تاعك تباني يلزملك حل باه مانبقاوش ندورو على أوجاع الباصي تاعك _واش تقصد _ماعلاباليش .خرج وخلاني صح فدار من جيهة عجبتني اني بقيت وحدي وخديت راحتي في داري ومن جيهة قلبي طاب وانا نتفكر تقهرت .القصة كاملة في صفحة قصص لينا صبرينة .بدا يطيح ليل وانا نعيطلو يكوبي عليا منا رجع كانت فاتت العشاء _وين كنت هادا كامل وصل بينا ليل وحنا هنا _علاه شبعتي من دارك ومن ليسوفونير _خلينا من هاد الهدرة وهيا نروحو تواحشت لولاد _دورت باه نروح نجيب الصاك والخمار لقيتو حكمني من لور وعصرني بين يديه كيف العادة وهمسلي في وذني .ليلة ليوم نفوتها مع مرتي حلالي في دار راجلها الأول وعلى فراشو _كيقال هكدا طاح مني النص .موحال ديرها أصيل _بلا مايهدر جرني بيدي وداني لشمبرة وصرا ليصرا بكل التفاصيل وكانت علاقة كاملة في دار وشمبرة وفراش سامي ....... حاولتو وترجيتو وبكيت وكان كلامي على المكشوف واضح بصح هو حرقلي الماضي ليبقى بكل مرارة وبدون تفكير منو ولا شفقة ولا حتا إحترام لصحبتو وعشرتو مع سامي .كيكمل بقى حاشر صدرو على ظهري وعاصرني بيديه وانا مخدتي كانت غارقة بدموع هاد المرة هو شافهم وفهم أنو قلبي كان يتدبح بصح من سكوتو باين أنو غرورو وقساوتو وهوسو بيا ليخلاه يدير هكدا حاب بأي طريقة يمتلك كلشي فيا يوضحلي بلي الماضي يلزم يتمحى ويبقى غير هو وحدو فيه وتقدرو تتصورو حالتي واحساسي ليراني فيه بلا مانهدر __لصباح فطنت بيه يهدر ودخل لشمبرة مبتسم ويشوف معايا وكأنو ماصرا والو لبارح _صباح الحب نوضي لبسي كيمينو عليك بسيف لقيتو بين القش المرمي لبسيه وروحي غسلي باه نفطرو _حكمتو عليه لبستو ورحت للدوش بساكت أصلا ماخلالي حتا حاجة نهدرها وانا لداخل سمعت الباب طبطب.وشوي حتا لقيتو يعيطلي باه نخرج وليت خرجت قابلني واقف مع نسرين وهو مالابس والو غير الشورت وانا غير الكيمينو قصير _علاه تخرج فيا وهادي هنا .جيت راجعة زرب لحق ببا وجبدني من يدي وقربني لصدرو ويتلمس في وجهي وهيا غير تشوف .واش ديير بعدني _نسرين ليوم جابتلنا فطورنا بيدها مازالت ماش راح تستسلم ولا حتا تتربى ولا تحشم بصح ليوم يانسرين راح ندييرلك درس على المباشر شفتي هادي لمرا ليراهي بين ييدي هادي وجدان مرتي انا هادي على جالها نفني حياتي .
الحلقة 116
بقلم لينا صبرينة
بيها قدرت نشوف الفرق بينك وبينها وقدرت نمحيك ونهرسك من قلبي بيها خرجتك من عقلي وبيها تشجعت وخرجتك من حياتي وقلعتك من إسمي الحب تاعي ليها فاق الحدود عماتلي عينيا على أي مرا قدامي ومنهم نتي .علابالك نتي درك كيفاه نشوفك قدامها غير نملة مافيك فايدة منين نحتاجك نجيبك نعفص عليك ونرميك اما هيا حاطها فوق راسي درتلها حياتها جنة فوق الأرض وهيا بدورها زهاتلي حياتلي وغيرتها وفرحتني بأمور بزاف عكسك نتي عليها نقولك من ليوم أنسايني عليك وأرحمي روحك وقلبك وعيشي حياتك من ليوم مانحتاحك في حتا حاجة انا قلبي وعقلي كلو سرقتو وجدان وهيا فازت بيهم وخطفتهم منك ونتي جامي نزيد نشوف معاك ياولوكان بنظرة اعجاب مستحيل ودرك تهزي كرعيك كيف الكلبة وتخرجي من دار ومن حياتي تزيدي تعيطيلي ولا توصليلي ندفنك عايشة ولتم ماتلومي غير روحك _كان هو يهدر وهيا تبكي هلكت روحها بلكى وانا ضاغط عليا باه مانتحركش بسيف بعدت منو ورحت للشمبرة حسيت بدوخة حكمت فلاقوافاز وهو لحقني .هادي واش جابها وعلاه _ههههه لقيتها كيف العادة معيطتلي وباعة ليميساج قاتلة روحها وليت قلتلها راني باين قدامك جيبي لفطور وأطلعي لقيتها جات تجري فحبيت نديرلها حد خلي تستاهل  بصح تمتعت ههههه_بقيت نشوف ليه وهو في وجهو الإبتسامة العريضة حاس بالنصر والتفاخر انو لبارح بدا بيا حرقني وزاد كمل ليوم بنسرين حرقلها قلبها بهادي الطريقة .أصيل يعرف يتلاعب بلقروب والمشاعر وانا نشوف معاه استحقرتو واشمأزيت من حركاتو وأفعالو حتا حسيت قلبي دار عليا رحت نجري لدوش تقييت حتا وجعتي المعدة تاعي _علاه راكي تتقياي ونتي مازلتي حتا ماكليتي والو _غسلت ومسحت وبقيت ساكتة  _نهدر معاااك علاه راكي تتقياي وحتا لبارح كنتي فاشلة _وانا وين نعلم ممكن المصران برك _اسمعي من نهار زيدتي مامسيتك ماقربت منك حتا ليلة لبارح يعني .._ماخليتوش يكمل كلتمو وهجمت عليه واش واش يعني شاك فيا ثاني والله ادا في مخك انو _عزرينك اغلقي فمك شكون قالك شاك فيك جيت نقولك موحال تكوني بالحمل اصلا نتي وتتوحمي بولادك لزوج وجامي تقييتي _بعدني وهيا نروحو من _علاه جروحك راهم يوجعو فيك هنا _راك حرقتهم ماخليت وااالو صيبو آخر شيئ توقعتو انو ديرو تجيبني هنا ودير الشيى ليدرتو لبارح _تتحملي كيف ماتحملت .راح لشمبرة لبس وانا بعد لبست كيملنا لقيتو هاز هاداك شورط في يدو فاقلي بلي نشوف معاه _راه تاعي مانيش جاهل باه نلبس تاع غيري بركايي ماتشوفي هكدا وهيا نروحو __بعد مارجعنا لدار وفاتو يومين كل واحد في حدو حتا تفاجأت كيجاو عندي يماه وخوه شوي ووصل أصيل من وراهم كان ديجا خبرتو يماه بقاو فالصالون غالقين على رواحهم وماسمعت والو.القصة كاملة في صفحة قصص لينا صبرينة. وبعدها خرجت خالتي فرحانة قاتلي تصالحنا معاه وتسامحنا_خالتي نسقسيك واش من قلب عندكم باه تجو تطلبو منو سماح وهو ليغالط _يبقى ولدي ليتحرمت منو هو عاش طفولة بزااف صعيبة وأي حاجة يديرها راح نمدلو تبريرات ونفس الشيئ خاوتو _بصح ماعندوش ثقة _ممكن في روحو صح ماعندوش بصح فالناس عندو نتي الوحيدة _علاه انا _يابنتي كون جاء ماعندوش ثقة فيك كون شفنا دمك راه يجري فالدار كون راه قتلك ومادامك واقفة وجرح مافيك يعني ثقتو فيك كبيرة بزااف وليدارو في شعرك من غير غيرة برك وعقاب خفيف حاب يوصلك الفكرة انو مايقدرش يشوفك مع غيرو ياولوكان بالغالط حاب يفهمك باه ماتزيديش تغلطي وتاخدي الحيطة من كلشي هو كون يشوفك تغلطي قدام عينو راح يبقى يعاقب فيك بصح حاط فيك الثقة وديري واش تديري ماش راح يسمح فيك لانو يحبك وهاد الشيى عاميلو عينيه _مانعرف خالتي أصيل تصرفاتو مخوفتني _ماتخافيش وكلامي حفظيه وراح يجي يوم وتقولي صح خالتي قالتها وانا ماصدقتهاش _(فالأخير كلامها راح يكون صحيح والإنفجار ليفجرتو عليه هدم كلشي وأول مرة تهبط دمعة على جالو )