نظرات محرمة (الفصل الثاني )

الجزء13

الحلقة 89
بقلم لينا صبرينة
كوبيت ودموع في عينيا وخنقة حكمتي في صدري من لخبر وفي نفس الوقت كيفاه نقول لأصيل واش سمعت .درت شهيق زفير ومسحت دموعي ورحت عندو فتحت لباب ودخلت لقيتو مع البيسي كما غلقو _صباح الخير _هزز براسو وحط دراعو على عينيه _أصيل راك بخير _كما راكي تشوفي فيا مانيش مليح .قعدت بجنبو نحا يديه وجبدني لعند حضنو جييت نخبرو سبقني هدر قبلي _علابلك كنت عارف بلي يرفضو طلب ليحطيتو باسكو شبه مستحيل يقبلو صعيبة بزاااف بصح كيوصلني الرفض فرحتي كلاوهالي بصح درك متأمل كيطلعوني لقراد فالخدمة هاد ليام نزيد نحط طلب من جديد ماش راح نستسلم _بعدت عليه .أصيل حبس الخدمة هادي قبل لا نولد ياك تقدر عادي _ايه نقدر بصح ماش راح نحبسها_ (تنرفزت وحكمت روحي ) ماش وقت هادي الهدرة درك انا جييت نقوللك حاجة _واش هيا اصلا نشوف في وجهك ماهوش مليح وعينيك مدمعين واش كاين وشكون عيطلك قبيل على صباح سمعت ثلفونك يصوني _يماك عيطت _علاه؟_ بصح كيهزيت لقيتها ختك قاتلي اسمها مفيدة وخبرتني بلي يماك وختك لبنى دارو آكسيدو بطونوبيل لبارح فليل _وسع عينيه تخلع وناض وقف _ماش عارفة كيفاه نقولهالك مي البركة في راسك ختك الله يرحم ماتت فلبلاصة ويماك راهي كومة _حط يديه على راسو ووجهو رجع صفر من الخلعة حتا شواربو بياضو هز ثلقون وعيط بقى يهدر عرفتو مع عاطف كيكمل كوبا ورماه على سرير وبقى غير يفيبري مع روحو ويمشي فالشمبرة يروح وييرجع مافهمتوش واش راه يخمم بصح باين عليه الخوف والتوتر وليت قدمت ليه _أصيل أحبس وشبيك واش تخمم هيا البس وروح وشوف يماك وحضر جناوة ختك _شاف شاف معايا ولا راح لخزانة فتحها تفاجأت كيلقيتو جبد الكومبا _راح تروح بقش الخدمة _ايه بصح رايح نخدم مانروحش عندهم _ااااه؟؟!!!! وشبيك يماك حالتها ماش مليحة ونتا رايح تخدم وماش راح تروح عندها واش في عقلك !!_ادا رحت راح نتلاقاهم كامل وانا ماش حاب نروح ماش حامل نشوفهم _بصح يماك هادي وكون بعيد شر تموت ونتا ماشفتهاش واش تديير _وجدان قتلك مانقدرش نقابلهم بعد هادو سنين نورمالمو هوما كانو جاوني قبل ماش انا ليتروح ليهم ودرك اسكتيي عليا كلمة مانزيدش نسمعها _بقيت نتفرج فيه لبس وراح خرج منو صح ماحبش يروح عندهم قلبو مافهمتوش من واش مخدوم حجرة مايحس ماشفق وضمييرو ميت فرط في يماه غير على مصلحتو باه مايقابلش خاوتو __رحت هزيت ثلفون رجعت عيطت لمفيدة ولو هادي اول مرة نهدر معاها بصح عاملتني عادي كانت تحاول فيا باه نهدر مع أصيل ونقنعو يروح هدرت معاها لفيتها تبكي وحس معاها بزاف. زدت سقسيتها قاتلي مازالت باه تفطن ولبنى راح يدفنوها لعشية __صفحة قصص لينا صبرينة_فليل كيجاء تعشا وبساكت حتا شوفة ماشافش فيا حتا حكمت بلاصتي باه بدا يتلمس فيا ويتغزل وهو لحمو سخووون يغلي ماعجبنيش لحال انو يماه راهي تحتضر وهو يتمعشق معايا حاسة بالذنب في بلاصتو بعدتو عليا _فيق أصيل مع روحك يماك ليهزتك في كرشها 9 شهور وولدتك ورباتك وتبعت معاك ودافعت عليك وماسمحتش فيك راهي فالموت ونتا معايا هنا بيض قلبك وروح شوفها وطمن عليها وهادوك مايهمكش فيهم بالعكس برهن ليهم بلي نتا راجل وسيد رجال شوف روحك فلمرايا علاه ماش واثق من روحك اوقف وشوف وجهك والكور تاعك كيفاه دايرين نتا اصلا ملامحك ليشوفهم يخاف باسكو عندك الحدة في عينيك ووجهك فيه هيبة وعدوانية نتا كون القعدة يخرج مني حرف مايعجبكش تتحول لشراسة وتخوف ترجع نتا وشيطان كيف كيف روح وعرض دراعك وريلهم أصيل تاع بكري كيفاه رجع خليهم هوما يتفاجأو بيك ويطلبو سماح ويمشو وراك نتا القائد وهوما الجنود هز قامتك وافتخر بروحك كيفاه رجعت وريلهم أصيل على أصولو الرجلة والثباث والشهامة والكاريزما ولا مبالاة الراجل المستفز ولي يقصف ولا يبالي الراجل القاسي والمدمر وليكلو تحدي ومايخاف من حتا واحد.
الحلقة 90
بقلم لينا صبرينة
من لخر روح وخليهم يحشمو من رواحهم وقتلهم برزانتك وهندامك كما قتلوك من قبل باتهامات باطلة وريلهم بلي رجعت راجل لا يعلى عليه كونك فحل وقدها ماش تتخبا كيف لفار وتخليلهم فكرة انو مازلت ... _يااا عبو راسة تاعك ماعرفتك تشكري وتمدحي فيا ولا راكي تعايري اخرجي عليا برا لا نغلط معاك _علاه كدبت _انا ليطاحن قاعد نسمعلك  .ناض عرفتو جاي ليا زربت خرجت من شمبرة لحقني وغلقها في وجهي بالقوة _واش ندير حقيقتك مرة يلزم تسمعها _وجدااان روحي من قدام الباب .فاق بيا هادا كلو من لخلاخل ادا تنفست يخبروه شياتين من لكبار_رحت للبيت وفي قلبي ماتستاهلش نمدحك برك تحتمت نطلعلك المورال باه تقنع وفي نفس الوقت لقيتها فرصة وبردت قلبي في وجهو والوقت كان ماش مناسب هو لي خلاه يشفعلي ومايديرش ردة فعل شيطانية _قعدت ونخمم في يماه مسكينة كون ربي يعطيها عمر جديد كيفاه دير كيتسمع خبر موت بنتها __صفحة قصص اينا صبرينة .مع ليل فطنت مع صمد شربتلو حليب ورجعتو قلت نطل على أصيل كيفاه حتا ماطلبنيش. لقيت لباب مازالت مغلوقة فتحتها ودخلت لقيتو راقد في نص لفراش على كرشو ومن فوق ماش لابس ويعرق وومانعرف واش راه يقول شغل ينازع قدمت ليه حطيت يدي على جبهتو لقيتو يغلي بالحمى عليها كان سخون كيكنت معاه فالسهرة _جبدتلو دواء ونوضتو وهو يشوف بنص عين ماش قادر شربو وطاح رقد مستحتلو وجهو وضهرو من لعرق وخليتو رجعت للبيت رقدت مافطنت غير وهو ينوض فيا _حبي نوضي _ممم ماشبعتش نوم _هاتي بوسة خليني نروح نخدم _كيقال هكدا تقعدت ونخبش في راسي ونشوف فيه بطرف عين _منك بصح راح تخدم ويمااك _مارجعليش وبعد وبعد مني وخرج من لبيت تبعتو ولحتلو كلام خليتو يحبس في بلاصتو _أصيل ادا ماتت يماك راح توقفلك في منامك وراح تبقى تلومك ونتا ساع ندامتك تترسم على جبينك هاديك يماك فالوقت ليكانو كامل ضدك هيا كانت واقفة بجنبك وحاولت بالشيى ليتقدر عليه باه تكون سند ليك ودرك هيا ليمحتاجة ليك باه تردلها على الاقل شوي من تضحياتها _دور ليا وتنهد ورجع لشمبرة قعد على حافة سرير ومهبط راسو حسيت بلي كلامي أثر فيه _ طلع راسو ليا .هيا نروحو _وشبيك انا مانقدرش نروح معاك يفيقو بيك _ياك قلتي عليا انا راجل مالا نتحمل مسؤولتي ونتحدى الناس والقانون ونحارب المهم ماتكونيش بعيدة عليا وخلي نار تحرقني هيا بيك بصمد _هززت براسي ووجدت روحي وهو هدر فالثلفون على الخدمة باه يغطو على غيابو ورجع قعد .نوض تلبس _نروح هكدا _لالا اصيل البس نورمال خير ليوم واجهم عادي والمرة الجاية واجهم ونتا لابس الكومبا باه كل مرة يشوفوك يزيدو يهابوك ويديرولك حساب _رحت خيرتلو جين كحل مع تريكو كحل فيه غير شريط أبيض في صدرو مع باسكات نواضرو وساعتو في يدو وبقيت نشوف ليه _هكدا جيت راجل وعندك هيبة _وجدااان أعرفي واش تهدري علاه من قبل كنت مخنث _حاشاا قصدي اللبسة ولونها يلعبو دور هادا ماكان _كيكملنا رحنا ركبنا من ديمارا وهو يوصي فيا باه مانهدرش بزاف وكون يسقسوك قوليلهم انا تونسية بصح عشت بزاف فالخارج برك وماتكتريش هدرة وكون تهدري استعملي كتر لهجتنا وصمد يكون ولدي برك طلقنا وعاودت رجعتك كيولتدي _بصح عاطف يعرف على صمد هكدا يماك قاتلي _لالالا يارب العالي  ماتغلطيش تكون هيا فهمت غالط ان شاءالله برك ماتكونش زادت غلطت فالهدرة معاه كيفاه ماتولهتش لهادي النقطة ممكن تكون هدرتلو وهكدا تكون ضربة ماش لصالحي دااك زهر _بقا يخبط فالفولو .وشبيك تقلقت ياك قبيل ونتا تقول نتحرق بالنار على جالك ومانعرف واش ودرك خفت وبدلت رايك كون من الاول مالا ماجبتنيش _غمي غمك درك لا نكسرو وسمعيني واشدش نقول. هو يعرف بلي نتي متزوجة من قبل وراجلك مات بصح صمد ولدي أنااا فهمتي؟ _اوك صايي فهمت وربي يكون ليفيه الخير __ساعة وصلنا لسبيطار كان ديجا عيط لعاطف وقالو على اسمو _هبطنا دخلنا حكم يدي وصمد كان هازو بيدو وحاط نواضر على عينيه _سقسا وطلعنا لقيناها خرجت من الكومة حمدلله وفطنت وسمعت ببنتها بلي توفات فالأول لقينا غير عاطف معاها وهيا ممدودة فلفراش رجلها مكسر وبالجبس من فوق لتحت وضربة في جبهتها .ومبعد زاد جاء خوه وختو ليهدرت معايا كيشافوه حسيتهم توترو بقاو يركزو معاه و قدمو سلمو عليه ويحضنو ويهدرو وهو كلمة ماخرجهاش بقى صامد وشابح في وجهو ومفيدة سلمت عليا وبقات غير تحكيلي واش صرا مور لاكسيدو ومبعد تولهو لصمد سقساو عليه وهو جاوبهم ونفس الهدرة قالو داو عينين أصيل وسمورة تاعي وهو فالحق صمد يشبه لسامي .
الحلقة 91
بقلم ليتا صبرينة
حاولو يهدرو معاه بصح هو كلمة وقص ماش معبرهم نهائيا قاعد غير يواسي في يماه قطعتلي قلبي وهيا تبكي على بنتها ليراحت وهيا صغيرة غير 25 سنة ماش صابرة عليها خلاص دموعها ماحبسوش على حساب واش تحكي أنو لبنى كانت قريبة ليها بزاف وتحب يماها وخرجو فليل مع سخانة باه يبدلو جو بصح قدر الله ماشاء فعل خطفتها الموت __بعد مدة همسلها في وذنها مانعرف واش قال ليماه و نضنا نروحو يماه بقات تحاول فيه باه يبقى ونروحو لدارهم بصح هو رفض باسها من راسها ووعدها انو يرجعلها .هز صمد وحكم يدي بعد مابقيتهم على خير وخرجنا يمشي فيا ويزرب حسيتو هارب قبل لا يجو خاوتو لوخرين باسكو عندو ربع بنات وربع رجال وكلهم كبار ليصغيرة فيهم 23 سنة وأصيل جاي فالوسط مالكبير مالصغير _رجعنا لدار وهو بدل قشو وكان خارج _وشبيك من خرجنا من سبيطار مازدتش هدرت _واش حبيتيني نهدر ماشفتيهمش كيفاه كانو يشوفو ليا حسيت روحي رجعت لنظرة الماضي _بالعكس كانو يشوفو فيك كيفاه رجعت وبلي شكوكهم كلها كانت غالطة _سكري الموضوع هادا عليا وراني رايح غلقي الباب مورايا_خرج رحت غلقت الباب بالمفتاح باسكو رجع مايسكروش عليا .صليت العصر ودرت حليب شربتو وقصرت شوي مع يما فثلفون حكيتلها بلي شارعوني هادوك لكلاب ومانقدرش نخرج من لبلاد لازم نصبر .ماعجبهاش الحال بصح سكتت وبابا حوالو مازال هو ماتبدل والو مايتحكش من غير يهدر برك يكتر خير خالتي هيا ليعاونتهم ولمتلهم دراهم من عند المحسنين ومدتهم ليما بلا مايفيق بابا __لغدوا كيرجع لقيتو باين على وجهو مريض مديتلو شرب دواه ورقد كيناض صباح حسيتو تحسن وهكدا حاولتو يروح يشوف طبيب بصح رفض قال راه موالف هادا هو البرد تاع الكازارنا __أصيل نحتاج دراهم _طلعلي حاجبو .خير واش ديري بيهم _نبعتهم ليما بابا مسكين مازال عاجز على الأقل يداووه مايبقاش هكدا بيديه مايحركهمش _اوك ان شاءالله _أصيل ماش دراهمك نقصد دراهمي _يالحمارة ماتقدري تخرجي حتا دورو من دراهم سامي حتا تخلاص شرع تاعك _اااو _ايه واش حسباتلك نتي كلشي راه مبلع _مالا انا عندي دراهمي ليمحطوطين بآسمي نجبدهم ونبعت _بركاي ماتكسري في راسي قتلك غدوا نمدلك وبعتي صايي كيدراهمي كيدراهمك _سكت عليه وخليتو مع صمد يلعب فوق سرير(مانحبش نعاندو بزاف نخاف يتوسوس ويتحول ) _الصفحة الأصلية للقصة قصص لينا صبرينة _رحت نديرل غدا لصمد باسكو درك رجع ياكل بسلامتو كبر .خليتهم يطيب ورجعت عنهم لقيتو فاتح تاقة ويهدر لحقت عليه كيقال لعمر ولكبدة ولقلب وهوما كامل .فيساع حس بيا _رحت هزيت صمد وهو كوبا وغلق تاقة _علاه كوبيت كمل الهدرة مع حبيبتك _بركاينا واش من حبيبتي ماكانش خلافك _مالا شكون لعمر ولكبدة ولقلب هادي _كنت نهدر مع صاحبي ويحكيلي كيفاه يدير مع مرتو منايفتو قتلو قولها هكدا تدوب كما تدوب مرتي لعزيزة كينقولهملها _سكت عليه .حبي كاش ماتشهيتي نجيبلك _لالا _كيتشهاي خبريني ماش حاب نبخل عليكم والو نتي ولدي لي في كرشك وهادا الكتكوت ليقدامي ياك يابابا تتهلى في ماماك في غيابي .وجدان حبي سمعيني هادي دنيا فيها حياة وموت ماتدري ماش نهار يتغمضو عينيا ونخليك ورايا نتي ليعليك ماتوثقي في حتا واحد من غير نفسك تهزي روحك وولدك وترجعي لبلادك انا درك مادام مديتلك فرصة تثبتي بلي مقتنعة بيا وولدي في كرشك يكبر رجعت نخليك دار مفتوحة مع الحرية ومخليلك اوراقك كلهم قدام عينيك فالكوفر والكود تعرفيه وهادا شيى يعني انا حاب نعيشك في وسط آمن وتحسي روحك مرتاحة وتقبليني كتر وكتر بصح ادا كاش ماصرالي وتأكدتي بلي تدفنت دييراكت لبلادك _واش هادي الهدرة _وجدان سامي من قبل غدرتو الموت وماوصاكش بصح انا درك راني وصيتك ونتي أحفظي كلامي بصح وعديني درك بلي ماتزيدي تكوني لحتا راجل من ورايا _استغفر الله راك تخلط فالهدرة .حطيت صمد فوق لفراش ونضت جيت خارجة لحقني حكمني من يدي وجبدني ليه وحضني بالقوة يعصر وشعري راح ينصلو بيدو .وجدان قتلك أوعديني كون نموت ماتكونيش لغيري هيااا _حسيتو نسى على روحو وليت نطقت ووعدتو رخف روحو وهز صمد داه للبيت ورجع ليا خطفني لفراش .
الحلقة92
بقلم لينا صبرينة
وعمل عملتو كيف موالف وماخافش على ولدو المهم شبع رغباتو كيكون حنين معايا نقدر نتفاعل معاه سيرتو كينشوف لعينيه بطريقة غير ارادية نتفاعل ولو قلبي مازال نافر وهو تعجبو ويتمتع ومرات مانقدرش نتفاعل ويبقى يفكر فيا بصح كيتحول لمفترس وهمجي بطريقتو دموعي هوما ليعجبوه ويتمتع بيهم ويمارس معايا رجولتو المتوحشة .....
فسهرة بقا غير يبوس فيا من رقبتي ويقولي غدوا نزيد نزرقلك بلاصة خلاف _أصيل دير ليبغيتو بصح ماتنساش ولدك راه في كرشي _علاه درك على جال ولدي نتحرم انا _محتمة عليك _ضحك بإستهزاء وسكت يالطيف شحال يحب روحو ومصلحتو _ حقا غدوا نروحو عند يماك راح تخرج من سبيطار _ايه نروحولها قبل ماتخرج نشوفوها ونرجعو _يعني مصمم ماتروحش لدار وتواجهم _وجدااان رجعتي تقلقيني بهادا الموضوع كرهتيني في روحي كيحكيتلك اسمعي انا كيحكيتلك ماش باه تحسي بالشفقة عليا ولا نبرر في عمايلي معاك ولا باه تحبيني بسيف انا حكيتلك باه تعرفيني عن قرب برك وباه نبرهنلك انو نعتبرك مرتي صح ومن حقك تتشاركي مع راجلك أسرارو برك هادا ماكان يعني ماطلبت تشفقي عليا ولا تشفعيلي انا كلشي درتو معاك عن قصد وعن قناعة اووك _ايه فهمت ماش راح تزيد ندخل روحي ودرك قولي كيفاه ماش راح تحبس الخدمة باسكو ادا حبستها وديت استقالة منها ممكن يقبلو يعقدولنا _جااامي نديرها راح نفني حياتي وانا مع الجيش وشبيكي نتي من صحك تقولي نحبس !! _على جال ولدك لمصلحتو ومصلحتي درك يكملو 9شهور برمشة عين كيفاه نجيب طفل هادا بلا هوية أب خمم فيها كييفاه نواجه الناس واش يهدرو عليا  _هويتك تكفي وبزايد وماتخميش فالناس المهم انا راني واثق من روحي وواثق فيك بلي هادا ولدي وراح نعيشو كما اي عايلة تحت سقف واحد وحاجة أخرى مايهمنيش حتا يفرح ربي ماتدري قادرين كون تبدلي نتي الجنسية وتعود عندك مدة اقامة طويلة في تونس يقبلو بالطلب _شوف ليا نتا وسمعني كما نتا ماش راح تضحي بالخدمة انا تاني مانضحيش بالجنسية تاعي ونبقى جزئرية حتا نهار نموت _اندبي بيك بجنسيتك مالا وتولدي طفل ويتسجل عليك ونجيبو لدار وليعليك ديريه يا دزيرية _زيد عليها بنت أصل بنت الهمة والشان_طلع فوقي وهجم عليا قطعلي النفس بسيف بعد مني .نتي لا تاع دزاير لا والو نتي تاع أصيل وحدو .....
لمزية فليل كان حنين فالمعاملة وصباح نوضت كيف لعباد لبست وهو لبستو بعد لون لكحل غير الباسكات بيضاء (مانكدبوش على بعضنا رجال كلهم يخرج عليهم لكحل .)ورحنا لولاية تاع دارهم ديراكت لسبيطار طلعنا لقينا غير عاطف ومفيدة وهو مايشوف غير ليماه على الأقل عاطف يهدر معاه بصح مفيدة ماش معبرها كامل شغل ماكانش بقينا شوي لقيناها لاباس عليها بصح يلزملها كرسي حتا تبرا .هبطنا كامل مع بعض ركبوها فطنوبيل تاع عاطف وبقاها على خير بدات تبكي يماه وتقنع فيه باه يروح لدار لتم عاطف ومفيدة بعدو وبقينا غير حنا وهيا تحاول فيه بصح رفض بقيتهم على خيير وركبنا _أصيل هادا هو الوقت المناسب ليتواجهم ويعرفو بلي نتا انسان كلك شهامة ورجولة ماتخليهمش يحسو بلي راك خايف منهم _تخنزر فيا وسكتنا ديمارا ولقيتو ماخرجش من الولاية كيشغل يدور وماش عارف وين رايح ماحبيتش نسقسيه وفالأخير حبس قدام دار كبيرة بيضاء وطونوبيل عاطف عرفتها مقاريا تم فهمت بلي جاء لدارهم وأخيرا  .هبط بلا مايهدر حط نواضر على عينيه وهز صمد وانا هبطت تبسمت معاه وحكمت يدو والصراحة انا ليخفت في بلاصتو وقلبي رجع يضرب فالألف يادرى هو حالتو من لداخل كيفاه دايرة وهاد المرة المواجهة ماراحش تكون بيني وبين اصيل راح تكون بينو وبين ماضيه المر وأنا جامي توقعت من نغسي اني نحط يدي على أصيل ونكون سند ليه وليوم انا راني معاه بنية صافية قبل لاتزيد تغصبني الظروف .