نظرات محرمة (الفصل الثاني )

الحزء 12

الحلقة 85
بقلم لينا صبرينة
بقيت متناقضة في أفكاري معقول كيكان صغير كان مخنث وكيكبر تبدل عليها قال بلي طفولتي تعكس حاضري .يلزمني نعرف كلشي خير مانبقى عايشة فالشكوك. أصيل فهمني وأحكي واش عندك قولي واش عشت وعلاه تلوم في باباك _شاف ليا وجبد قارو خلاف شعلو .وجدان انا عشت صغري كلو في ضغط نفسي وكنت عايش في وسط اتهامات أنو أنا إنسان مخنث وشاد فهمتي درك_(يعني تخمامي كان في محلو بصح يلزمني نفهم معنى الصحيح لكلامو) كيفاه يتهموك هكدا وعلاه ؟_ باسكو شهب شعري كان صفر عينيا زروقا وبشرتي بيضاء_بصح هادا ماش سبب باه يتهموك هكدا كاين بزاف كما نتا وجامي تهموهم ولا وصلوهم _الفرق هو آباءهم ماش كما بابا كنت غير نطول برا ماندخلش لدار بابا يدير فيا رايو يدخلي للبيت يضربني ويشوفني ادا كاش ماعملو فيا لولاد _كيفاه يشوف مافهمتش ؟؟!_غمض عينيه تنهد تنهيدة طويلة وفتحهم .يشوف ادا اغتاصبوني ولا نو _لالا ماكانش منها أب يدير هكدا لولدو راك تتمسخر!! _كاينة منها وعشت ماكتر فالأول كنت مانفهمش بصح ومبعد كيتعرضت لتحرشات برا وواش كانو يحكولي فهمت واستوعبت كانو كاين ولاد كبار عليا صح يستغلوني ويحاولو يتقربو مني بطريقة باشعة بصح كل مرة واحد يمنعني وبابا كان يوصلو كلش عليا وكل مرة جرأة تاعو تزيد باه يكشفني ادا كاش مادارولي .صفحة قصص لينا صبرينة رجعت كلما نطول فليل ماندخلش لدار يقابلني بلعصا عند الباب نفهم بلي ليوم جاتني طريحة يدخلني للبيت ويبدا يضرب فيا من هاديك لبلاصة ويستجوب فيا وانا كنت فالاول صح ماش عارف وماش فاهم بصح منبعد فهمت وكنت نقولو واحد ماتوشاني بصح ناس مايرحموش بقاو يوصلولو فالهدرة غالطة وانا صح فيقت واستوعبت مازدت خليت واحد يثوشيني ياولوكان بغلطة من صبعو في كتفي رجعت حدر من روحي . وبابا زاد عليها بزاف كنت نشوف الفرق فالمعاملة بيني وبين خاوتي هوما معاهم يكبرهم ويبينلهم الإهتمام ولمحبة وانا يستصغرني ويحقرني ويعايرني وزاد مارحمنيش وشوهلي سمعتي قدام خاوتي وفاميلتي وصحابي خرجت فيا هدرة عيانة واتهمني اني انسان شاد ومخنث وصلت بيه وين كبرت وهو مازال يكشف عليا وحتا وصل وين ماخليتوش يزيد يكشفني ضربني وحتم عليا وداني لطبيب وهو كشفني قالو ولدك مابيه والو وهكدا وبقى يضرب ويسب ويعاير فيا كان يحففلي شعري ويحب يخليني أصلع كانو صباعو قريب يعمو عينيا وكان يربطني فالشجرة فالجاردة ويقولي باه تسمار ماتبقاش بشرتك بيضاء كيف لبنات كان ناوي يغير ملامحي ويغير خلق الله مارحمنيش اطلاقا انا واش دنبي ادا كانو عندي هادو المواصفات واش دنبي اني صغير وعلى جال مواصفاتي تعرضت لتحرشات كانو يقولولي نتا خنثى ومتعب باباك بزاف لدرجة وصلو يشريوني بدراهم هادا كل من بابا كون هو دافع عليا ووقف في طريقهم وكان سند ليا ماش العكس كون ماوصلوش صحابي هاداك الوقت يديروني اضحوكة بيناتهم ويوصفوني اني خنثى ويتنمرو عليا حتا وليت طوايشي كتر وكتر وعصبي كنت نفقد أعصابي من واش يقولوه من غير فئة قليلة كانو في صفي ومتفاهمين معايا وهادوك بابا ليكان يشك فيهم يقولي راهم يعملو فيك رايهم وعاجبك الحال وساكت كنت متمني على الأقل يخليها بينو بين نفسو ولا معايا برك بصح هو بهدل بيا وشيعها عليا قدام الناس الكل _(طول الوقت وهو يحكي يشوف ليا ثانية ويبدل عينيه عليا ويحكي ويفرغ في قلبو مانكدبش عليكم شقلي قلبي من واش سمعت ماضنيتش من قبل انو وصلت بيه باباه يعيشو طفولتو هكدا بهادي الطريقة الباشعة ).أصيل ماتفهمنيش غالط بصح نتا متأكد هادا باباك الحقاني باسكو موحال أب يدير هكدا لولدو لي من لحمو ودمو ؟_للاسف هاداك بابا ماكانش شك وتمنيت نكون يتيم ولا عندي أب كيفو علابالك بلي كان يتمنالي الموت باه يتهنى مني ديجا كان يعطيني طريحة الموت وغير أمي ليتسلكني .ياولوكان نغلط بكلمة يجي يحاسبني يتسبب وكان يعلقني من رقبني بيديه باسكو كنت خفيف ريشة وديما يكشف عليا ويبزق عليا ويقولي نتا عرة لولاد وريحة رجلة ماش راح تعرفها وماش راح تعيش الرجولة في حياتك وماكانش ليتقبل بيك ونتا وطفلة تتشابهو .