نظرات محرمة (الفصل الثاني )

الجزء10

الحلقة68
بقلم لينا صبرينة
لمزية كان عندي نيميرو تاع رقية وعيطتلها ووراتلي دارها وين تجي بالضبط ماكانت بعيدة غير قدام الدار كيوصلت عند لبلوك تاعها لقيتها عند لباب تستنا سلمت عليها ومديتلها صمد وصاكة تاعو_خير واش صرا وين رايحة ؟وهادي الكابة تاع واش لي في يدك ؟ _أصيل صرالو آكسيدو فالخدمة تاعو وراه فسبيطار _يااا مسكين ياك لاباس عليه _ماش عارفة بصح صاحبو قبيل قالي مازال باه يفطن وليت عيطت ليماه راهي جاية فطريق وانا وجدتلو شوي قش حطيتهولو فالكابة اكيد يحتاجهم _ربي يسترو ان شاءالله ويشفيه _آمين درك نخليلك صمد عندك وريلي برك منين نروح لسبيطار الفلاني _ايه زيدي امشي قدد حتا تلقاي طاكسيات اركبي في  طاكسي ويوصلك وين حابة اصلا سبيطار معروف ياك عندك دراهم ؟ _ايه عندي برك اتهلاي فالطفل ومرة على مرة راني نعيطلك _ان شاءااله وطمنيني معاك _هززت براسي ومشيت اكيد ماش راح نهرب ونخلي كلشي ورايا مفتوح ومفضوح تحتمت عليا رجعت كواغطي في بلاصتهم وسكرت الكوفر ودرك برجلي رايحة عند أصيل ماش باه نرجعلو خيرو ولا باه نكون زوجة صالحة ومثالية من غير جاتني فرصة ليدي ويلزمني نستغلها احسن استغلال وبهادي الطريقة راح نزيد نقري لامان لأصيل وباه يزيد يحط ثقتو فيا كتر وكتر ويصدقني ويرخف قيودو عليا ومع شوي اهتمام ومحبة وخوفي عليه ليكلو راه يكون اصطناعي وثمثيلية لتم أكيد راح يحط عليا نظرة أني والفتو وتقبلتو في حياتي وماش راح نسمح فيه وبلي رجعت نمشي كما يحب هو يعني راح يصدق الوهم لينعيشهولو .ودرك كون يبقى عايش فهادي الفرصة تكون هدف لمصلحتي ونتيجتها تفيدني وادا مات فربي يرحمو ماش راح نتأثر لانو ماحبيتوش وأضرارو عليا خبات محبتو. هو صح مكانش يضربني بصح كان يجرحني نفسيا والعذاب النفسي اصعب من الجسدي أضعاف .جسمك مع ليام يرتاح ويرجع كيف قبل بصح نفسيتك اذا دمرت تطول باش تتعدل واحيانا من سابع لمستحيلات تتسڨم، راح تقولو عليا قاسية خبيثة متمردة أنانية شريرة بلا ضمير معندكش قلب مايهمنيش أصيل صح عاوني ووقف معايا بصح المساعدة تاعو كانت ليها مقابل وغالي وعذب نفسيتي وخيرو ماش راح ننكرو صح حماني يكتر خيرو بصح كيمرضت ومرض ولدي وماكلتنا وشرابنا عندي دراهمي كنت قادرة حتا نبني بيهم قصور بصح هو مقيد عليا كلشي يعني الشيئ ليدارو عليا كنت نقدر نديرو لروحي وبلا مزية حتا واحد الخير ليخلاهولي سامي يكفيني ويوفيني وضميري تاع درك مرقدة فيه ورجعت نرجسية كيفو نخمم غير في مصلحتي __ رحت كما قالتي كانت بعيدة شوي وتلفتلي بصح كيسقسيت لقيت طاكسيات ركبت ووصلني لسبيطار مي ماقدرتش ندخل وانا بلا لاكارت باسكو سبيطار عسكري .جبدت ثلفون عيطت ليماه قاتلي نص ساعة ونكون عندك .رحت قعدت في كراسة تم وبقيت نستنا حتا وصلت رحت ليها تسالمنا وهيا من وجها باينة مقلقة وخايفة وشفت راجل هبط من طونوبيل وراها عرفتو خوه تبسم ولاح عليا السلام مع يدو باه نصافحو رفضت من غير رديتلو سلام وعرفني بروحو اسمو عاطف _خالتي هاكي قشو ادخلي شوفيه وطمنيني راني مقلقة عليه _علاه مادخلتيش _مانقدرش لاكارت ماعنديش غبرتلي _نطق خوه .ابقاي هنا واستناي درك نفريها ونرجعلك _هوما دخلو وانا بقيت نستنا مامبا خمس دقايق رجع لعندي _هيا مرت خويا تقدري تدخلي درك _هززت براسي ومشيت هو لقدام وانا وراه ركزت معاه نفس لاطاي ونفس المشية تاع أصيل بصح مايتشابهوش فالملامح عاطف جاي سمر وعينيه عادي مارو برك شوافرو طوال كما يماه .القصة كاملة مكملة في صفحة قصص لينا صبرينة.طلعنا منين كاين أصيل لقيت يماه مع طبيب تهدر قربت ليهم سمعتو قال بلي مازال باه يفطن بصح حالتو الصحية تجاوزت الخطر برك يلزملو وقت ويفطن صرالو ارتجاج فالمخ .بقينا نستناو مدة ويماه دايرة جنازة عليه ولاطنسيو تاعها هابطة قريب راح تتغاشى بسيف قبلت تاكل شوي وتتهدن وسقساتني على صمد وينو حكيتلها وحنا هكداك قاعدين نحكو حتا جاو رجال لابسين الكومبا تاع العسكر صافحو مع عاطف وشفت واحد منهم مدلو ثلفون عرفتو تاع أصيل ونفس راجل قدم لينا لاح سلام وقالنا ربي يشفيه وبقى يشوف ليا _نتي أخت أصيل _بلعت ريقي وجاوبتو ايه اختو وعاطف شفتو عاقد حواجبو مستغرب _يعني انتي ليهدرت معاك فثلقون صباح ؟ _جاوبتو وماحبيتش نكتر معاه الهدرة باه مانبانش دزيرية ولمزية خالتي فهمت وبقات هيا تهدر معاه وحكالنا كيفاه صرا لاكسيدو وانو واحد غدرو وضربو للراس بحطبة خشينة كيكانو في عملية فلجبل بقا يحكي و بسيف لاراحو كامل وعاطف قدم لينا _كاين لغز مافهمتوش علاه قلتي بلي نتي ختو ماش مرتو ! _رجعتلو يماه .باينة خوك راه متزوجها غير بالفاتحة _وعلاه ماعقدتش عليك قانونيا وين المشكل _ولدي علاه تسقسي بزاف هيا عندها مشكل في كواغطها وراهم يستناو فالتسوية وراح يعقد عليها هادا ماكان _مافهمتش بصح يلزمني نفهم مع الوقت _اسمع ولدي الشيئ ليسمعتو ليوم لا خاوتك لا باباك يسمعوه بربي يفيق أصيل ويفهمك كلشي _هزز براسو وطلع حاحبو .ايه ماش مشكل سركم فالحفظ والصون .
الحلقة 69
بقلم لينا صبرينة
وراها بساعة برك لقيناه بدا يفطن كان ممنوع علينا نشوفوه من غير طبة يخبرونا بلجديد ومبعد خرج طبيب قال راه فطن بصح يطول باه يفطن مليح ويستوعب وصحتو لاباس عليها ونتوما ماعندكم ماديرو هنا خلو لغدوا ورجعو يكون لاباس عليه وتقدرو تدخلو عندو _بعد ماطمنا عليه هبطنا خرجنا من سبيطار وعاطف قال يوصلنا لدار وهو يروح يبات فلوثال _ركبنا فطونوبيل ونطقت خالتي _عاطف قبل ماتوصلنا لدار نروحو نجيبو صمد ولد أصيل _(كاين يحط فالسانتورة كيسمع الكلمة هادي حبس وتخطف ودور ليا )_واش من طفل ثاني منين جاء ووقتاه ؟؟!_عاطف غدوا يفهمك خوك وهادا طفل ولد وجدان وأصيل خلاص ماتبقاش تسقسي _سكت وديمارا رحنا جبت صمد وزدنا رحنا لدار وعاطف دخل معانا بقى شوي مع يماه وانا بقيت فشمبرة كيسمعتو راح يروح تفكرت ثلفون خرجت عندو _عاطف خويا تعيش اعطيلي ثلفون تاع أصيل _جبدو مدهولي ليدي _ادا احتجتو حاجة عيطولي _راح وانا نحيت حجابي ودوشت وصليت ورحت قعدت مع خالتي لقيتها مازالت تبكي وخايفة عليه _تعيشي خالتي ماتبقايش تبكي راكي سمعتي طبيب واش قال راه بخير حمدلله علاه تهلكي في روحك بلبكى _عارفة بصح ليوم سلك منها غدوا ماتدري هادي الخدمة تاع العسكر من نهار دخل فيها وانا حاكمة قلبي من الخوف .خايفة يجي يوم يعيطولي ويقولو ولدك الله يرحمو _بعيد شر عليه مازال صغير وبربي مازال عمرو طويل اتفائلي بالخير _مسحت دموعها وتبسمت .شفتي كيقتلك كيتعاشريه راح تحبيه وليوم تأكدت من كلامي خوفك عليك كان باين من وجهك سيرتو دموع لي في عينيك يوضحو بزاف أمور  _(في قلبي دموعي كيغضتيني نتي برك اما هو كان باين بسبع رواح )القصة كاملة مكملة في صفحة قصص لينا صبرينة_لغدوا جاء عاطف لبسنا وخرجنا رحنا لسبيطار بصح صمد مانقدرش ندخلو معايا هو عندو مناعة ضعيفة مانقدرش نريسكي بيه قلت لخالتي تدخل هيا لولة ومبعد ترجع ونروح انا نشوفو _نطق عاطف _لالا روحو نتوما لزوج وصمد انا نحكمو _كيفاه ماتطلعش تشوف خوك _أمي ومبعد ونطلع نشوفو روحو نتوما برك _خوك كان على شعرة ويموت عيب كون ماتروحش لعندو _خلاص قتلك كيترجعو نروح عندو _مديتلو صمد ودخلنا لسبيطار طلعنا عندو لقيناه حطوه في شمبرة دخلنا من غير شافنا تبسم وهز دراعو لزوج راحت ليه يماه تحضن فيه وتبوس وتحمدلو على سلامتو كان راسو مربوط بشاش ومن وجهو يبان تاعب .كيبعدت عليه يماه مدلي يدو حكمتها وحمدتلو على سلامتو وهو فرحتو تقول تاع كاش واحد ربح الباك _بقا يحكيلنا واش صرا معاه ومبعد جبدت ثلفون مديتهولو _كيفاه وصل ليك _صاحبك لبارح _غمض عينيه وفتحهم . قوليلي شكون خبركم بلي دخلت لسبيطار _كيبقيت مقلقة عليك ضليت غير نعيط حتا لبارح صباح هز عليا صاحبك وخبرني _هوب هوووب هدرتي مع صاحبي ثاني _أصيل تحتمت _ولدي علاه هادو الأسئلة تافهين خلاص فاتت مادريش عليها مشكل _ايه عندك الحق ونتي أمي شكون جابك ووقتاه جيتي ؟_خوك عاطف وجينا لبارح و راه لتحت درك شوي يجيك _ماعليش امي تروحي تجيبيلي قرعة ماء باردة ليعندي سخونة _ناضت وقاتلو فهمتك حاب تبقى وحدك مع مرتك خود راحتك وبلا مشاكل وانا راني قدام الباب .خرجت وهو وقف ووقفني بدراعي ويزير عليا _مالا هدرتي مع ### صاحبي وزدتي حكمتيي عليه ثلقون وعاطف بايت معاك فدار _صاحبك محتمة عليا ماش انا ليحبيت نهدر معاه وخوك بات فلوثال كونك متهني ودرك تعيش اصيل اطلقني وجعتني _جاوبيني ساع كيفاه دخلتي لسبيطار بلا لاكارت _خوك دخلني _يعني راه يبين في رجولتو معاك معاعليش قوليلي هدرتي معاه ؟_لالا يماك ليكانت تهدر معاه برك طلبت منو يمدلي ثلفونك باسكو صاحبك مدو ليه بركا ماتتوسوس في باطل ياك راني مرتك وحفظتني كيفاه نمشي .تعيش اطلقني واحكم بلاصتك راك ماش قادر توقف على رجليك _طلق يدو مني .واش حسيتي كيسمعتي بيا _خفت عليك وزربت عيطت ليماك وخليت صمد عند رقية وجيتك _وكون مت واش يصرا فيك ؟ كيفاه ديري ؟_ساعتها نضيع بلا بيك ومانقدرش نسخايل حياتي ونتا مافيهاش ماش راح نحمل ندفن السند الوحيد ليبقالي في هاد لحياة بلا بيك نموت ومايبقالي طعم لحياة وتظلام عليا دنيتي باسكو نتا بشوي رجعتها في عينيا نور ونسيتني فالخايب وراسك مرة خلاف اتوله على روحك وفكر فينا قبل  _ياعمري على حبي واش راهي تهدر لهادي درجة خفتي عليا  وبديتي توالفيني _ايه والفتك وتفرت فيا من غير كنت نكدب على روحي راني عام وانا عايشة معاك ليلة ليماتدخلهاش لدار نحسها سامطة بلا بيك. كيفاه كون بعيد شر صراتلك حاجة و ..._اشش خلاص راني قدامك ياحبي .(بقى يمسحلي في دموعي ليطاحو وانا نعرفو بلي يتلدد ويحب دموعي كيطيحو عليه )_وجدان صمد خليتيه عند رقية _لالا راه لتحت مع خوك فطونوبيل _ديراكت تبدلو ملامح وجهو .كيفاه راه مع خويا درك تهبطي تطلعيه ومرة خلاف ردي باااك تخلي ولدي في حضن راجل خلاف _نورمال راه خوك _هز صاكي مدهولي وهز تاع يماه ومشاني للباب لقينا خالتي كانت قاعدة فالكرسي كيشافتنا وقفت وجات وكاين رجال تاع عسكر ومن بينهم صاحبو تاع لبارح كانو فايتين كيشافوه لاحو سلام عليه وحمدولو على سلامتو وراحو غير صاحبو بقى واقف قريب لينا ويخزر لجيهتنا وأصيل عاد يهدر معانا بلعقل شغل يتمتم _أمي بلا كثرة هدرة تهزي وجدان وتروحو لدار ونتي وجدان من البداية لمجي تاعك هنا غالط ودرك تروحي مع أمي ومن الدار ماتزيديش تتحركي حتا انا نخرج مانيش مطول سمعتي _ايه اوك بصح اتهلى في روحك وبيناتنا ثلفون _مالا ولدي نوصلوها ونرجعلك انا وخوك _هزز براسو ودخل وحنا رحنا وصاحبو دخل عندو .هبطنا لعند عاطف كيشافنا نزل مدلي صمد ليدي وبقى يشوف ليا _وشبيكي كنتي تبكي واش صرا وجهك ماش عاجبني ؟ .
الحلقة 70
بقلم لينا صبرينة
ماكاين والو وهيا نروحو .ركبنا كامل كيديمارا تفكرت زربت هزيت ثلفون وبعت ميساج لأصيل قلتلو فيه (لبارح كيهدرت مع صاحبك فثلفون قتلو انا ختك باه ماتغلطش فالهدرة معاه )بعتو وزدت شوي وعيطتلو باه نتأكد ادا قرا الميساج .هز عليا _قريت الميساج ؟_ايه صايي _كوبا عليا ديراكت وعاطف نطق _مرت خويا لهجتك شوي مختلفة علينا ولا راني غالط _رجعتلو يماه .عاطف والله تسقسي بزاف قتلك اصبر ويفهمك خوك _هاني صابر برك قتلني الفضول نفهم وصمد الله يبارك يشبهلك برك عينيه زورق كما أصيل ربي يحفظهولكم  _يعيشك خويا .ماحبيتش نكتر معاه هدرة فهمت نيتو باه يركز على لهجتي  __وصلنا لدار هوما رجعو وانا قعدت نحيت قشي لقيت أصيل يعيط هزيت عليه .لاباس عليك كاش ماتحتاج هاداوين وصلت لدار _اسكتي شوي ماش محتاج حاجة قوليلي عاطف حس بيك بلي دزيرية _ايه شك لهجتي مختلفة ودرك يجيك مع يماك ماش عارفة واش راح تحكيلو _ساهلة درك نفريها برك حبيت نتأكد يعني نتي وأمي ماخلطتوش معاه فالهدرة وجبدتولو حكاية _لالا طول الوقت يماك تقولو اصبر خوك يفهك _ادا هكدا مليحة ونتي عرفتي تتصرفي مع صاحبي كيقلتي بلي اختي _كاش ماهدرلك عليا _علاه حتا يهدر عليك شكونك نتي وشكون يتجرأ يهدرلي عليك _ماقلت والو من غير سقسيت _اسمعي تبقاي فدار ماتزيديش تخرجي وعاطف كون يدخل لدار نتي من شمبرتك ماتخرجيش _ ان شاءالله _ماتقوليش ان شاءالله قولي حاضر  _استغفر مولاك وشبيك _كوبي وبلا تفلسيف أصلا راني معمر منك مافهمتش وين كان راسك كيجيتي لعندي وريسكيتي بيا وانا كيشفتك داخلة عندي زدت نسيت على هاد لحكاية _ جيت نهدر لقيتو كوبا .مريض على روحو ياريت يفيقو بيه . نضت فرزت شوي دار ودرت لغداء حتا جاو دخلو لزوج سربيت لغداء وعيطت لخالتي جاتني _راني حطيتلكم اتغداو وسامحيني مانقدرش نبقى معاكم _علاه أصيل محدرك من خوه ماتبقايش قدامو _ايه _ موسوس صح روحي بنتي مانلومكش _حقا أصيل هدر مع عاطف _ايه هدر وقالو عليك بلي نتي ارملة وهو تزوجك وطفل ولدك يعني كلشي حكاه صحيح برك كدب قال نتي تونسية وكنتي عايشة فالغربة عليها لهجبتك شوي مختلفة وحكاية كيقلتي بلي نتي ختو لصاحبو .أصيل قالو عادي باسكو خدمتي حساسة برك _واش كان رد عاطف _حسيتو ماقنعش _علاه ؟_مايهمش المهم عاطف درك يروح ماش راح يزيد يشك ماتحطيهش في راسو __فاتو 4 أيام وطول هاديك الفترة بقيت كل ساعة نعيط لأصيل نتفقدو فالأول كان عادي ومبعد رجعت نحسو ماهوش مليح هدرتو مثقلها عليا ويزرب يكوبي ويماه كانت يوميا تحكم طاكسي وتروح ليه وانا منعني .القصة كاملة مكملة في صفحة قصص لينا صبرينة.طيبت لغدا وفتحت تاقة تاع شمبرة تتهوى وعدلتها ولبست لخلاخل وانا نحط فالبارفا تحل الباب تاع برا سبقتني خالتي للباب لقيتو أصيل جاء لابس سيرفات نوار ليحطيتهالو فالكابة وراسو فيها فاسمة ومحضن في يماه وهيا غير تحمد في ربي وتعاود .شاف معايا وجبد روحو من يماه ودور للباب مانعرف مع من هدر ودخلل في يدو الكابة وساشي حطهم فالأرض .قربت ليه مبتسمة ورحبت بيه وحمدتلو على سلامتو وحطيت يدي على دراعو ودخلنا للبيت ديراكت هز صمد ويضحك معاه _أصيل هيا تغسل باه تتغدا راه واجد _تغديت ماتشقيش روحك (هدرها وماشافش ليا )_تدوش؟ تحب تريح في بلاصتك ؟_راني كبير ونعرف صلاحي ماتبقايش تغني فوق راسي _شفت مع خالتي دارتلي بصبعها اسكتي .مافهمتش علاه يعاملني هكدا _نضت هزيت الكابة خبيت القش لنضيف وغسلت ليستعملهم ودواه والبيسي حطيتهم فوق الفوتاي(البيسي دايما كيخرج صباح يخرجو معاه ولعشية كيرجع يدخلو معاه قليل وين يخليه فدار )جبدت الكومبا كانت فساشي عليها الدم تاعو غسلتها بعد وشغلت روحي كيراح لبلاصتو لشمبرة تبعتو غلقت تاقة _تحب تدوش نعاونك _تخنزر فيا. علاه فيا ريحة خانزة حتا من دخلت ونتي تطلبي فيا ندوش _لالا حاشة برك حابة نعاونك _اعطيني البيسي وهاتي ثلقونك واخرجي وغلقي لباب هكدا تكوني عاونتيني _درت واش قال وخرجت بفم ساكت ماعليش دير رايك _تغدينا وبقينا فالبيت وهو حسو ماكانش حنا لعشية خلاص باه خرج دوش ورجع لبلاصتو وفليل حطييتلو عشاه ديتهولو حكم عليا وقالي خرجي .مور مارقدت صمد وخالتي بعد رقدت رحت لشمبرة ليقتو يتفرج فلاثيلي لبست شورت وبيستي وحكمت بلاصتي _رايحة ديري سبور حتا لبستيي هادو _مافهمتش _تنوضي تلبسي لراجلك كاش حاجة _بصح راك مريض _ واش حابة تقولي مريض مانقدرش نوضي لبسي وارواحي ونوريك الرجلة كيفاه دايرة عندي _استغربت منو ونضت لبست نويزات حمراء ورجعتلو وقدم ليا وقابل وجهي مع وجهو وبقى يمشي في صبعو لخشين على شفافي وعينيه مدبالين نحسهم مخدرين _وجدان نسقسيك سؤال وتجاوبيني ؟ .
الحلقة 71
بقلم لينا صبرينة
ايه قول _كيدخلت لسبيطار نتي كانت ليك كل الحرية باه تهربي مني ومانزيدش نلقاك وتقدري درك تجددي كواغطك عادي بلا بيا وتتخباي مني وترجعي لبلادك بصح علاه مارحتيش _كيفاه نروح ونخليك نتا كنت الحامي والناجي تاعي ودرت فيا خير كبير وفي صمد وقبل خيرك كما قتلك والفتك في حياتي ونتا سند تاعي بلا بيك نضيع انا صح نقرب ليك رجعت ننسى روحي بين يديك وكيترجع بعيد نحوس على حضنك يدفيني _معناتو ماش الخوف ليخلاك ماتروحيش وإنما رجعتي متقبلتيني في حياتك ولو عندي اخطاء درتهم في حقك ومن قبل ذليتك وضلمتك _ايه بصح حبك وحنانك بداو ينسو فيا وكون مادرتليش هكدا انا مانفيقش لروحي ونبقى غابنة روحي فالماضي بصح نتا فيقتني بلي لحياة متواصلة ويلزمني نستغلها ونعمرها وبالاك يجي يوم وتحن عليا وتخليني نروح نشوف والديا ونرجعلك _وجدان وعد مني راح يجي يوم لينخليك تروحي تشوفيهم بصح يلزمك تصبري ماش بسهولة نخليك تروحي _شحال نصبر _يمكن عام عامين ربعة ماتدري _(كيقال هكدا قلبي حسيتو هرب مني)_ماعليش مادامني معاك راني صابرة _بقا غير يشوف ليا ويتلمس فيا وساكت _وشبيك ؟(بدون مقدمات ديراكت حط شفافو عليا وهجم بيديه يضغط عليا كما موالف وانا أوجاعي الجسدية والنفسية حابستهم لداخل من غير دموعي يهبطو _حبي لاه تبكي وجعتك مازال باه ....._يديك وجعوني أرخف شوي راك عاصرني _ياعمري نتي عاديي والفي وخليني نوجعك باه نشوف دموعك باسكو بيهم ناري تشعل ونتمتع برجولة تاعي  .....طول معايا عينيه مخدرين ويتبسم وهو يتلذذ بدموعي وكل مرة نقولو بعقلك يزيد كتر وكتر حتا كيكمل معايا العلاقة يبقى لاصق فيا ويهمسلي في وذني _يلزم قطرة ماتهبط منك حابك تجيبيلي ولد من صلبي في أقرب وقت _وكينجيبوه وحنا ماش عاقدين كيفاه نديرو _قابلني بوجهو .ماتدري ممكن يقبلو الطلب تاعي ونعقدو اتفائلي بالخير _بعد مني شوي جيت نايضة ماخلانيش وحطلي مخدة تحتي وغطاني وبقا جنبي لاصق فيا متكي على دراعو ويشوف ليا _وجدان ياك حابة تكملي حياتك كلها معايا وباه تدوم عشرتنا يلزمنا ولاد ياك _ايه بيانسور كيليوم ان شاءالله_يعني حتا نتي متقبلة انو تجيبي مني ولاد _أكيد وملتهفة باه نزيد نحمل ونجيبلك ولد من صلبك بصح انا لينسقسيك مادام حاب تجيب علاه ماحتمتش على نسرين من قبل _فالأول درتلها رايها كانت تحلم تعيش شهور معايا آلاز ومبعد دخلتي نتي في نص قلبي وعقلي هلوستيه رجعت كيتقولي مازال على لولاد نوافق شغل مخدر بيك وماش حاط لحكاية في راسي .نتي ولو كنتي متزوجة بصح عقلي بقا يحلم بحاجة مستحيلة تصرا. فاتو عوام وانا نحاول باه ننساك ونقولها نجيبو ولاد بصح بقات رافضة وتقنعني باه تعيش حياتها بدات بشوي طيح من عيني وكيرجعتي وشفتك زدتي رجعتي خرجتي أوجاعي من جديد وزدت نحيت من راسي حكاية لولاد _وكيطلقتها صح على جال هادي لحكاية _الصح لالا شغل جاتني فرصة وطلقتها باسكو هيا رجعت في حياتي نقطة بيضاء فارغة ماعندهاش أهمية زايدة ناقصة وكيبقيت مع روحي قلت نرجعها مانضلمهاش نعطيها فرصة ممكن هيا تخرجني من الغرقة تاعك بصح نضال زاد الطين بلة ولتم صيبو قلت نطلق ونتهنى منها وممكن نلقى خلافها ليتنسيني فيك بصح لمكتوب لعب لعبتو  _أصيل حبيتها من قلبك ؟_وفي رايك نتي _ اكيد حبيتها باسكو كانت تحكيلي عليك تقول بلي الدار كيتكون هيا مافيهاش تسماطلك وشحال من مرة نشوفكم منسجمين مع بعضكم __حابة الصح ايه حبيتها باسكو لقيت رايي فيها كنت أي كلمة نقولها تقولي ايه اي حاجة نطلبها تقول حاضر أي حاجة نأمرها بيها تنفدها كانت تموت على لهواء لينتنفسو وتعشف الارض لينمشي عليها كانت مرا مطيعة لدرجة كبيرة ومهمتة بيا على شعرة كنت كينقولها ماتقوليش ماتروحيش ماتهدريش تاخد راي حتا كينذلها ونهينها ونعاقبها عادي تعجبها وتبقى تحلل فيا ولو انا ليغالط هيا ليتطلب سماح كانت تتمتع بقساوتي نحسها عندها مرض نفسي بصح بالمختصر لقيت كل راحتي وانا معاها بصح نتي خربتي كلشي نظراتي ليك خلاتني نحبك بجنون ونعشقك ونفهم انو حبي ليها من غير مصلحة شخصية ماش حب من القلب والحق الحب انواع حب فلعقل وحب فالقلب ونتي دخلتيهم كلهم وخربتيلي حياتي _هبط راسو ودفنو في رقبني وحاكم شعري بالقوة ويتنفس كيلهايج ومازلت كيدير هكدا نشمأز منو لانو نحسو حيوان مفترس ماش إنسان  _أصيل وشبيك _تحبيني ؟؟