نظرات محرمة (الفصل الثاني )

الجزء 9

الحلقة 64
بقلم لينا صبرينة
دخلت للبيت عند يماه وانا من داخل نرجف خايفة يفيق لثيلفون _بنتي وشبيكي _تبسمت .مابيا والو خالتي علاه _وجهك راه صفر وحسيتك تايهة تخمي في كاش حاجة _ايه من غير مقلقة على صمد كيختنولو غدوا _والو بنتي درك عملية صغيرة وصايي  وماتحسيش بالعوام كيفاه يفوتو وتلقايه كبر ورجع عريس تفرحي بيه _ان شاءالله خالتي .حنا هكداك وأصيل عيطلي _وجداان ارواحي_رحت لعندو برجل لقدام ورجل لور لقيتو واقف عند الباب حاكم الباس وحركلي براسو باه ندخل .من غير دخلت سكر الباب قلت صايي فاقلي وخلات وجلات عليا .بصح هو ديراكت جبدني من مسلاني ليه _تواحشتك ابقاي معايا شوي _عيب ماش درك خلي ومبعد _وجدان ياحبي قتلك تواخشتك ومحتاج تشحنيني شوي _واش نشحن مافهمتش _هز يدو يمشي فيه على وجهي .محتاج شوي من حنانتك ولمساتك وقربك ليا وحتا محتاج انفاسنا تتخلط وتتاحد مع بعضها _(عرفتو ماش طالقني وليت بادرت انا الأولى وتقربت كتر منو وهو رماني لسرير وبقى غير يحضن وبوس بلهفة حتا سمعنا صوت يماه تعيط عليا صمد ماحبش يسكتلها بصح هو بقى متشبك فيا وطفل راه فاحم بلبكا .أصييل خليني نروح _راه مع امي مايصرالو والو درك تسكتو _تعيش اطلقني وجعتني _وين وجعتك وانا من ليلتنا مازدتش دخلت عليك خليتك ترتاحي _قصدي وجعتي من يديك ارخفهم عليا _مانقدرش صح تقربي مني نحسك مغناطيس مانجمش نزيد نبعدك عليا _الرحمة على والديك فكني خليني نروح لطفل راه يبكي ماش لازم يبكي بزاف _اشش قتلك كيتكوني معايا ماديريش سبايب بولدك كيتطلعلي راني نطلقك _زدت معاه كتر من نص ساعة باه رخف يدو عليا وناض يعدل في روحو ومدلي يدو حكمت فيه ونضت وقفت _حبي استحملي هبالي هادا كلو من حبي ليك الله غالب قلبي حبك وعقلي مهووس بيك _وانا ماقلت والو برك ساعفني حتا نوالفك _ان شاءالله هيا عدلي مكياجك راني رسمت وجهك خريطة وكيتكملي اخرجي لمعانا _كيخرج عدلت روحي وزربت رحت جبدت ثلفون حبستو وحطيتو في صدري وانا نرجف خرجت لقيتهم يحكو مع بعض وليت رحت لدوش غلقت الباب وجبدت ثلفون شفت الفيديو كيخرجني راح ديراكت للكوفر غلقو وجبد لخزانة عليه وماشفت والو من ظهرو كان مغطي كلشي يعني ماستفادت حتا حاجة حتا انا غبية درت روحي دراما في باطل مستحيل نقدر نصور الكود بصح ماعليش محاولة باه جرأتي تزيد ومانبقاش خايفة ___فاصيت الفيديو كليا وخرجت رحت للكوزينة ونسمع فيه حاط لغناية تاع يفرج ربي عشق فيها ويماه تقولو هاد لغناية ماتخرجش عليك علاه متأثر بيها _باسكو من قبل كنت محروم من من دار ومرا وولاد ولحنانة بصح درك كلشي رجع بين يديا فهادي لغناية كينشطح فيها نحس روحي ربحت كنز كبير ونتأثر بيها وثمثلني بصح نطلب منك تبقاي تدعيلي تكمل عشرتنا __شوي ولقيتها جاتني تتبسم ربي تدوم فرحة هادي دار بلا ماتحكيلي فهمت بلي رجعت المياه للمجرى صحيح وراكم متصالحين مع بعضكم ومديتو لبعضكم فرصة تبنو فيها حياة جديدة __فليل كيجات رقية مع ولادها هو عرضها. لبست لصمد لبسة الحنة ليشريتهالو وبقينا نتصورو معاه حاولت ققد مانقدر ننسى واقعي ونعيش هادا نهار لولدي. حناتلو خالتي وعطاتو حنانة الجدة وعوضتني في بلاصة يما كانت ليلة هايلة تهبل معاهم ومع لولاد من يوم ليمات فيه سامي مازدتش عشت نهار يفرح من القلب كما هادا .القصة كاملة مكملة في صفحة قصص لينا صبرينة.كيكملنا فرشو لرواحهم وين يرقدو وهزيت صمد حطيتو في سريرو فالشمبرة وطيحت رقدت حسيت بيه كيحضني وببقى يهمس في وذني وانا من تعبي خليتو يدير رايو ورقدت اصلا ماراهش يعاشر فيا من غير علاقة سطحية برك _لغدوا كيدخلت لشمبرة لقيتو يقرا في دوسي في يدو كيشافني هدر معايا _هاكي هادا دوسي تاع صمد تاع مرضو خليه عندك في بلاصة ماتنسايهاش _حكمتو عليه وحطيتو فلخزانة على جنب .أصيل خليني نروح معاكم _لالا واحد مايروح درك نديه ساعة ويكون في حضنك والله نرجعو ماتخافيش ولا ماش دايرة فيا ثقة _نن واثقة فيك بصح خايفة عليه درك نبقى مقلقة _درك كينوصل نفتح لاكام ونبقى نهدر معاك خلاص بركاي ماتوسسي في روحك كيتكوني معايا مليحة راح تشوفي فيا كل خير .
الحلقة 65
بقلم لينا صبرينة
هزو وراح وبقيت على أعصابي حتا صوت لولاد وهوما يلعبو ماحملتوش وليت رحت لشمبرة وحدي وانا كل دقيقة نهدر معاه ونطمن حتا رجعو نحضن فيه ونبوس تقول عام ماشفتوش وعاودت سقسيت أصيل على حالتو وهو يطمن فيا  ويعاود غي نفس الهدرة بدون ملل حتا يماه وقاتلي يابنتي اسكتي شوي طفل راه لاباس بيه بركاو ماتعاودو في نفس الهدرة نتي وياه .حطيتو في بلاصتو بقيت غير نشوف ليه كيفاه راقد وهوما خرجو بقا معايا أصيل  _مبروك راه رجع راجل وبربي نربيه يخرج انسان كما انا رجولتو تبان في أفعالو ماش من المظهر_في قلبي بعييد الشر لايخرج ليك وبكل وقاحة يقول على روحو راجل _بقا معاه ساعة وراح لبس الكومبا باه يروح يخدم وبقى يوصي فيا عليه باسكو حتا يماه منا على ساعة يجو يدوها _بعد ماراحو لزوج بقيت مع رقية وولادها وبقات تسقسي فيا وعلى علاقتنا قلتلها صايي نسيت ليفات وعايشة مع مكتوبي وفرحانة .ولات سكتت كيوصلت لعيشة هزت ولادها وراحو حتا ليل جوايه 1 تاع ليل دخل من الخدمة درت روحي راقدة بصح هو كيحكم بلاصتو قربلي وبدا ينوض فيا كيلقيتو ماش مستسلم فتحت عينيا _حبي تعبتي ؟_ايه ماحسيتش بيك كيجيت _ماعليش مالا أرقدي وغدوا يرحمها ربي نزيد نصبر __فاتو يومين ورجع كيخرج مايغلقش عليا الباب ويخليلي دوبل تاع مفتاح الدار بصح ماكنتش لاتية بالمخططات باسكو صحة ولدي سبق وزيد رجعت تاعبة مع صمد وهو كيرجع فليل يلقاني راقدة .وانا درتها فرصة باه مايقربليش لوحد نهار وانا قاعدة وتايهة مافقتش بيه كيدخل للبيت حتا قعد قدامي _خير في واش تخمي ؟ _قلقت برك وتواحشت دارنا _مازادش هدر وناض راح لشمبرة تبعتو لقيتو كما كان يفتح فالكوفر وشفتو وتعمدت هدرت معاه. أصيييل _توتر مع روحو ووسعلي عيينييه .هوووب خيير علاه زادمة هكدا بلا حس _والو برك جيت نقولك خرجنا شوي نحوسو تروح عليا ضيقة ليحكمتني قلقت _ماش ليوم .دور للكوفر وجبد دراهم حطهم في جيبو ودور ليا .أخرجي وغلقي الباب وراك _غلقت وتبسمت بخبث. ماعليش ياأصيل راني شفت الكود غير الرقم الاخير ماشفتوش تلف من عينيا كيزرب فيه بصح ساهل ومبعد نخلط بالأرقام كامل حتا نجيبو __فليل خرج ساعة وعاود دخل راح لشمبرة بدل قشو ودخل للكوزينة باسني .واش دارتلي لعشاء الاندلسية تاعي _شخشوخة حارة باه تحرحرك ليوم _خيير نشوف فيك فرحانة ماش كما قبيل _مزاجي برك يتبدل وهادي شخشوخة جابتها يماك وانا طيبتها بطريقتي تاع دزاير _ممم شهيتيني هاتي ندوقو كنت محروم من ماكلتك قتلتني ماكلة الناس_علاه واش خص طياب رقية مليح _ماش كما طياب مرتي لحبيبة عندي لسان وذوق ونفرق_مام انا مانعرفش نطيب غير تعلمت بالشوي وكان ....فقت مع روحي كنت راح نهدر على سامي وليت سكت وهو شغل فهم وبدل الهدرة وناض عاوني .القصة كاملة مكملة في صفحة قصص لينا صبرينة.حطينا تعشينا وهو غير يشكر وانا نتبسملو ونشارك معاه كل كلمة يقول فيها ونحاول ننسجم معاه ومايحس بحتا حاجة اصطناعية وفوق القلب__كيطولت مع صمد نسمع فيه غير يتنهد ومرة على مرة يجي يطل علينا وحاب يرقدو بسيف ووجهو مقلب كيرجعت 1 تاع ليل باه رقد _حكم يدي وداني لشمبرة _هيا حبي لبسيلي كاش حاجة وارواحي _واش نلبسلك _بصراحة لبسيلي لمعري كتر من لمغطي حاب نحفظ كل عرق في جسمك _هززت ببراسي ورحت لبست نويزات كحلة تاع سكاي جاية قصيرة مشبوحة من تحت وشق على جنب فيها شبكة ومن فوق غير صدر تاع سكاي وخيوط اصلا جايب كلشي معري .خرجت من دوش مافقتش كيفاه خطفني من يدي وهزني بين يديه ورجع يمشي فيا للشمبرة ويفتح بسنيه كيمينو ليلابسو من فوق باسكو حشمت نخرج بلبسة هاديك وحدها .حطني فوق لقوافاز وبعد روايح ونحالي كييمينو وبقا ياكل فيا بعينيه ديراكت هجم عليا بالبوس ويديه راح يعجنوني دايما نحسو ملهوف_بلعقل أصيل _علاه راني متوحشك مانقدرش ندير معاك علاقة وانا حنين خلاص كنت حنين معاك نهار الاول وساعفتك يلزم نزيد الفيتاس شوي ليوم بصح قبل يلزم نمدلك حاجة _راح فتح لخزانة جبد ساشي وخرج منها باط كبير كيفتحو لقيتو الوان واقلام رصاص وساشي تانيا فيهم كراس وكاين اوراق كبار وحدهم _ياك قلتي قلقتيي راني جبتلك باه تشغلي روحك كما كنتي بكري (_صراحة كيشفتهم فرحت باسكو عندي عام مارسمت والو وابتسامتي كانت عريضة ومن قلبي).يعطيك الصحة واخيرا نرجع نرسم ونصمم كما كنت _ايه عارف بلي حرقت اوراقك لولين بصح راني عوضتك درك وغير يجي مودال في راسك أرسمي وأبدعي _ديراكت عبس وجهي _خيير وين راحت إبتسامتك واش تفكرتي .
الحلقة 66
بقلم لينا صبرينة
ديبلوم تاعي بقى في هاديك دار تاع الخليج مانعرف واش صرا فيها انا مازدتش تواصلت معاهم وكنا معولين انا وياه نرجعو يعني بقاو حوايجنا فيها وحتا أوراقنا _ماتخميش راهي شركة محتمة وكلشي يمشي على حساب القانون اكيد كلشي محفوظ عندهم ويجي نهار ويبعتوهملك خلي ماتخميش حتا يجي وقتهم اصلا معايا ماعندك ماديري بديبلوم ماش راح نخليك تخدمي _بصح ...._اشش صايي ماتفسديش علينا ماش وقت هادي الهدرة _راح حطهم فوق لفوتاي ورجع هز لباط تاني صغير فتحو كان فيهم زوج خلاخل تاع رجل رقاق يبانو تاع ذهب _حطي رجل على رجل _درت واش قالي ولبسهملي في رجليا لزوج وهبطني للأرض قالي امشي حابة نشوفهم ونتي تمشي بيهم _مشيت وانتبهت بلي كينمشي يديرو الحس بزاف شغل فيهم جرس صغيرون صغار ومحاينهم كبار _حبي جاو يهبلو عليك تحفة بصحتك _يسلمك ويعيطك الصحة على ليكادو _تستاهلي ماكتر اصبري عليا برك ونخلي معيشتك كلها كيف لملوك وسلاطن _قدم ليا وحطني معاه على سرير وقابل وجهي بوجهو وحكم مسلاني ليه _حبي هادو لخلاخل مايفسدوش لا بالماء ولا جافيل لا والو يعني ماتنحيهمش من رجليك الا كيتخرجي لبرا برك وكيترجعي تلبسيهم فهمتي _علاه ؟_نحب دايما نشوفهم على رجليك كلما تهززتي يتهزو مع مفاتنك نتي حلالي خليني نتمتع برزقي كما يهوالي راسي ونتي عيشي لحياة معايا ماتخليهاش تروح خسارة متفاهمين _ايه كما تحب راني ليك ورجعت كلشي ليا ملكك دير رايك ومع الوقت راح نوالف _هكدا نرجع نزيد كتر نعشق فيك ونحبك مافهمتش بنظرة وحدة منك خليتيني نعشق فيك واش درتيلي  يالأندلسية .جبد ثلفون وحط غناية (عشقت طفلة أندلسية ) ورجع هجم عليا وكل دقيقة يقولي تفاعلي معايا .كنت نتفاعل معاه وقلبي راه يبكي دم وعقلي نافر منو وجسمي عايف روحي وعايفو هو بصح كان محتم عليا ندير هكدا ......فاتت ليلة ساعاتها كانو طوال وعاشرني ودار معايا علاقة كاملة كان همجي شوي ومنا كمل معايا رقدت ديراكت من تعب وهو متشبك فيا بيديه ورجليه تنفس مرات نحسو راح يروحلي من تزيار تاعو .القصة كاملة مكملة في صفحة قصص لينا صبرينة .فاتو يامات وجامي نسيت دوايا ومفرغة الحبات مع دواء خلاف في باطة باه مايفيفش ليه والكاشيات الفارغين رميتهم بطريقة مايقدرش يلقاهم وهو كل مرة وكل ليلة جرأتو تزيد معايا وكيلقاني ماتفاعلتش معاه يزير عليا باه نفيق روحي حتا رجعو دراعي زورق من يديه ولو انا بشرتي سمراء بصح ليطراس تاع يديه ييبانو فيا .وبكل بساطة أصيل كل ليلة يبرهنلي انو صح مهووس ومريض بيا مرات صمد يكون يبكي ويمنعني نروح ليه وفنهار كيكون  فدار هو يجري ليه ويهتم لكل حاجة تخصو بصح كينكونو بهاديك الوضعية ينسى روحو فيا ويمنعني على حاجة اخرى يلزم يكون هو أول وآخر اهتماماتي ونفضلو على ولدي _في نهار هو راح يخدم ستنيت ساعة من خرج ورحت للكوفر حطيت الكود ربع أرقام ليشفتهم والخامس بديت نخلط غير بشوي حتا لقيتو ومن زهري من المحاولة الثانية لقيتو فرحت فرحة لا توصف فتحتو لقيت فيه كل اوراقي بقيت حايرة كيفاه قدر يجددهم بلا حضوري شفت معاهم ورجعتهم كما كانو وغلقت الكوفر اكيد ماش وقت الهربة يلزم قبل ندرسها مليح ومانخليلوش فرصة يزييد يهددني باه نرجعلو __فاتو أيام وحد صبحية سمعنا دقديق فالباب راح فتح سمعتها رقية وليت نضت لبست وخرجت عندها سلمت عليها نطق ليها هو _رقية دار راهي ليك وتهلاي في صمد مليح حنا نخرجو وفليل باه نرجعو _وين رايحين _درك نخرجو وتشوفي بعينك _راح لشمبرة تبعتو غلقت الباب _قولي وين رايحين انا مانتحركش بلا ولدي _وجدان حبي ديري فيا ثقة حابة يكون هادا نهار لينا لزوج ولا يوم خرجك وحوست بيك وليوم مانيش خدام قلت نستغل الفرصة ونبقاو مع بعض آلاز _بصح بلا صمد مانيش متحركة_ياحبي نتي طول لوقت تقولي حاسة روحك مسجونة ماتفسديش علينا وهيا وطفل راه مع رقية مايخصو والو وكون ترفضي ولا تزيدي كلمة راني نتحول معاك هيا روحي وريلها دواه وامشي تلبسي _شفت شفت وليت خرجت عندها بقيت نوصي فيها على صمد وعلى دواه وكلشي يخصو وهيا تشوف ليا _ياك فهمتي _ايه اصلا كلشي مكتوب بصح راني نشوف في يديك ورقبك راهم زورق راهو يضرب فيك؟ _اسكتي وردي بالك تقولي هكدا ماهوش يضرب فيا من غير كيعاشرني يخليلي ليطراس _وجدان بصح ماش لهادي درجة شوفي روحك فلمرايا حسيتك راكي في عداب معاه .
الحلقة 67
بقلم لينا صبرينة
غمي فمك لايسمعنا قوتلك راني مرتاحة معاه خلاص ماتبقايش تهدري هكدا هو طبيعتو جاي يستعمل القوة برك وانا حاليا راني مرتاحة حمدلله _ مالا ربي يفرحك ان شاءالله __رجعت لشمبرة لقيتو لبس سروال جين بلو وتريكو قرونا مع باسكات وقاعد على لفوتاي مع البيسي طلع راسو ليا _لبسي تحت الحجاب سروال عريض _علاه ؟_ديري ليقتلك _شفت لقيت سروال لبستو تحت حجاب لونو موطارد وخمار باج وباسكات كيكملنا عاودت وصيتها وخرجنا .بقى يحوس فيا من بلاصة لبلاصة وخرج من الولاية ويحكي وفرحان ومرة على مرة نهدر مع رقية فلاكام بصح من ثلقونو حتا لعشية داني لوحد ساحة كبيرة فيها غير ليموطار تاع زوج وتاع ربع عجلات وغاشي كبير ليكوبل وعايلات _حبي تركبي _كيفاه نركب مانقدرش ونخاف _راكي معايا ماتخافي لا والو احكمي فيا برك ارواحي نكرو موطو ونديرو مغامرة مع بعضنا _راح شاف موطو تاع زوج عجلات كراها ولبسلي كاسك على راسي كحل وهو تاني لبس وركب وحكمت يدو وركبت وراه _فهمتي درك علاه قتلك البسي سروال عريض من تحت _ايه فهمت درك بصح ياأصيل راني نخاف جامي ركبت _ماتخافيش حبي احكمي فيا وعيشي كل دقيقة .القصة كاملة مكملة في صفحة قصص لينا صبرينة.حكمتو بيديا لزوج وبدا يمشي وقلبي نحسو راح يخرج من الخوف رجعت نقرب ليه ومشبكة فيه بالقوة وهو غير يزيد فلافيتاس والحق بلاصة تهبل وآمنة وفيها غير ليموطار فالاول الخلعة حكمتني ومبعد عجبني الحال وهو يغني وفرحان ويعيط ويقول راني عاااشق حسيتو راه يفرغ في قلبو واحد مايسمعو من غيري كيعدت قريبة ليه .كيحبس حسيت دنيا دور بيا حتا كينحالي الكاسك حطيت راسي على صدرو دوخت _وجدان حابة تتقياي _لالا برك دخت _مافقتش بروحي كيفاه حضنتو وبقيت غارسة وجهي في صدرو وهو ماهدر كلمة ومبعد فقت مع روحي بعدت لقيتو يتبسم _علاه هادي لحنانة حارمتيها عليها فدار _كيتعبت برك راسي راه يدور _ماعليش .ريحنا شوي ونطق . ارواحي نزيدو المغامرة الثانية _داني ليموطو تاع ربع عجلات كرا وحدة ركبنا ودخلنا لبلاصة شغل غابة تهبل بصح هادي لاموطو ماخفتش منها بقيت برك حاكمة فيه وهو يصور ويعاود كيكملنا رجعنا لطونوبيل ركبنا حطيت راسي على الكوسالة _واش عجبوك المغامرات _ايه هايلين ملاح _عليها قتلك صمد يلزم يبقى فدار .هاكي شوفي تصاور خرجو علامة كما تقولو نتوما _ضحكت على كلمتو وحكمت عليه بقيت نتفرج حتا كيكنا فالموطو لولة مصورين مع بعض .ضهر وصى واحد يصورنا .
الحلقة 68
بقلم لينا صبرينة
ديمارا راح جيهة لمرسى وقارا هبطنا راح هدر مع واحد ورجع قالي نتبعوه .تبعناه وركبني في يخت هيا وجدان للمغامرة الثالة فلبحر _ضحكت وركبت طلعت معاه ومشينا فيه لقينا طابلة مزية بالورد وطارطة فالوسط مكتوب فيه اسمي تفكرت باي ليوم عيد ميلادي _عيد ميلاد سعيد حبيبتيي كل عام ونتي بخير ومعايا ومنورتيلي حياتي _قعدنا وبقيت نشوف معاه وواش موجدلي وفلبحر سيرتو كيديمارا اليخت حسيت روحي فالخيال ماش فالواقع بصح بكل صراحة تونس فيها هادو الامور عكس عندنا .كيطاح ليل طفا شموع وحطلنا غناية happy birthday ووكلني من لاتارت وتغزل بيا وعيشني نهاري ولا في الاحلام صح حاجة مليحة وكلشي بصح دموعي سبقوني بالشهقة كان مغلوب عليا هو ديراكت فسد وجهو وبعد مني شوي وعاود رجع هزلي راسي ليه وملامح وجهو كلهو غش _علاه هادو دموع عليمن منزلتيهم _تمنيت يكون معايا صمد _استغفر وقعد بجنبي .حابة تجيبي طفل بيبي صغير لبحر نتي من صحك حابة تقتليه واش في راسك خمي قي صحتو . عندك في يدك دقيقة تمسحي هادو دموع ولا نفهمهم حاجة خلاف _تحتمت سكت ومسحتهم باه مايزيدش يشك كتر ورجعت نتبسم ونهدر معاه حتا رجع بينا هاداك اليخت وهبطنا ركبنا ورجعنا لدار كانت طريق شوي بعيدة انا هبطت وهو بقى لتم يستنى في رقية تخرج يوصلها لدارها _هدرت معاها طمنتني بلي صايي رقد وراحت وانا رحت لشمبرة لقيتها مغلوقة .حتا جاء فتحها من دخلتها تفاجأت واش موجد فيها _ انا وصيت رقية توجدها وتغلق الباب وتجيبلي المفتاح مديتهولها قبل مانخرج واش رايك حبيت نزيدو نحتفلو بعيد ميلادك حتا فدار وتكون حاجة خاصة _ايه شمبرة تهبل مالا درك ندوش ونلبس ونجيك _ خودي راحتك حبيبتي .القصة كاملة مكملة في صفحة قصص لينا صبرينة.كيكملت ررجعت لشمبرة لسبت واش يحب وهو راح لدوش بقيت نشوف فشمبرة كيفاه مزينة بالورد وشموع تمنيت نحرق كلشي وانا معاهم تمنيت نشعل نار ونتحرق في جهنم على هادي العيشة كل دقيقة تفوت معاه نزيد تكره روحي كتر وكتر الله غالب ماقدرش نتقبلو ومن المستحيل نحبو وانا هكداك وهو دخل وعيشتو دور الزوجة المطيعة ليمتقبلاتو وهو فالصح غير وهم وتثميل وهم وبس من عندي.......  ___ وحد نهار ماجاش أصيل لدار نعيطلو ثلفون طافي باسكو من قبل مرة على مرة نعيطلو باه نحسسو بلي مهتمة بيه ومايشك في والو بصح هاداك نهار هدرت معاه صباح ومبعد خلاص عاد مايهزش عليا ومبعد ثلفون تاعو عاد مغلق حتا لغدوا زدت عيطت هز عليا بصح لقيتو صوت راجل خلاف _شكون نتا ؟_ختي انا صاحب أصيل فالخدمة وثلفونو كان عندي ودرك كيتفرغت قلت نخبرك بلي راه صراتلو آكسيدو فالخدمة وراه فسبيطار _ديراكت وقفت من الخلعة . واش صرا معاه وواش حوالو درك؟؟ _من لبارح مازال باه يفيق الضربة جاتو في راسو كانت عندنا خدمة شوي صعيبة خارج الكازارنا وهو تقاس بصح ماش رصاص ماتقلقيش  _اعطيلي واش من سبيطار .(عطالي اسمو )ختي ماعليش نسقسيك ؟_ تفضل _ نتي واش تقربي لأصيل لانو كاتبك فالثلفون حرف A وزيد واحد مايعطلو من غيرك _ختو انا ختو _ااا داكور معرفة خير مالا راني مديتلك لادراس تاع سبيطار ارواحي ليه باسكو ماعندو حتا واحد _كوبا وشفت روحي نصب من لعرق وقلبي يضرب فالألف بقيت مدة نخمم وليت عيطت ليماه خبرتها بأصيل تخلعت وقالت درك ديراكت تروح ليه وانا هزيت روحي رحت لشمبرة فتحت الكوفر وجبدت كواغطي بقيت نتفرج فيهم ومترددة وفالأخير خديت قراري وماكانش رجعة منو غلقت الكوفر وجبت كابة حطيت فيها قش ولبست لصمد تاع الزربة وحطيتلو شوي من قشو ليحتاجو ولبست انا وخرجت من الدار عيطت لرقية والحرية رجعت بين يديا والباب كما فتحتو بإرادة مني غلقتو بكل قواي العقلية ولاكن الضربة تاعي والمقابل راح ترجع عليا أضعاف ونرجع لنقطة الصفر للأسف الشديييييد .