نظرات محرمة (الفصل الثاني )

الجزء15

الحلقة 102
بقلم لينا صبرينة
فالأول كان هو متكسل على سرير وهيا دخلت بلسبة مفضوحة وهو صفرلها انا لتم حبست مازدتش كملت الفيديو ورحت عندو البالكون وكيرجعني للشمبرة وأجبرني باه نكمل الفيديو كامل لقيت انو بعد مادخلت نسرين لعندو أصيل هو ناض ووقف ورجع مايبانش فالفيديو وهيا بقات تدير في عفايس مانقدرش نهدرهم تاع إغراء وماطولش وأصيل وراح قدم ليها و رماها لسرير وهيا تدلل فجأة دور روحو للكاميرا وهز ثلفون ليكان يصور بيه ومشاه لعندها رجعت نشوفها غيير هيا عن قرب وهو نسمع في صوتو برك _حبيبي واش  ديير _ ثلفون راه يصور برك وحالتك هادي راهي مصورة خطوة بخطوة _(هيا تبدلو ملامح وجها) .مافهمتش علاه بصح ؟_ساهلة باه كلشي نوصلو لخاوتك وليماك _(حسيتها تصمرت فلبلاصة )أصيل بصح تفاهما كلشي يبقى فالسر حتا نقنع أمي _ايه الغباء منك نتي صدقتيني ودرك خليني نديرلك شوي فيديوهات وفوطوات واضحين وشابين _( غطات روحها وبقات غير تبكي وتحاول فيه وهو غير يهدد ويفرغ في غشو) وقالها كما درتو لوجدان ووسختوها نوسخكم كما ظلمتوها نظلمكم كما طعنتو في شرفها نطعن في شرفك ماش بفيديو بليفوطو برك باه تجيني ساهلة .أصيل علاه دير فيا هكدا كوبي بركا ماتصور حرام عليك ياك متزوجين عادي _اييه متزوجين صح تزوجتك عرفي بصح لدقايق معدودة وترجعي مطلقة قوليلي نتي شكون ليشهد في زواجك خوك باباك عمك خالك ؟! ماكان حتا واحد شكون راح يصدق بلي تزوجتك _الشيخ والشهود وخالتي كانت موجودة _علاه تعرفي نتيي الشيخ والشهود غير انا نعرفهم _أصيل قتلي بلي غير يقنع أمي ونضال ونكتب عليك صداق وتثبث زواجي بيك علاه دورت عليا في كلامك واش كاين واش دخل وجدان انا مادرتلها والو _ساهلة كدبت عليك ونتي صدقتي وأصلا موحال نزيد نحطك على اسمي وليلة ليوم نخليهالك عالقة في راسك وتكوني ثمن غالي لأغلاط نضال ماخلالي حتا فرصة غير باه نوسخ روحي ونوسخك معايا بصح على جال مصالحي قابل ندخل روحي فالنار _لتم تكوبا الفيديو وطلعلي راسي ليه _فهمتي درك واش درت واش حاب ندير _يعني حاب تبتز نضال بنسرين ونفس التهديد ليدرتو معايا هاديك ليلة درتو معاها _طلق يدو من شعري وسمعت صمد يبكي .صاحيتي الفحلة تعبتي مخك شوي وبديتي تفهمي بصح تخمام مازال ناقص وهاد الشيئ مقلقني منك وزيد وضحتيلي بلي ثقتك فيا مازالها صفر _اي وحدة يوصلها الشيئ ليوصلني وليشفتو تدير نفس ردة الفعل والثقة تتهز _ضحك وغلق البسي وحطو فلخزانة .ماكالاه تشوفي ليفوطو تاعها ليدرتهملها عيب تشوفيهم روحي شوفي صمد وارواحي  _(نضت رحت عند صمد شربتلو حليبو وبدلتلو وخليتو يلعب بصح في هادوك دقايق راسي كان يطلع ويهبط وخممت بعقلي سجلت فيه أمور بسيطة ممكن يعاونوني يوما ما وزيد باه مانخسرش على روحي ونزيد نعقدها على حياتي كتر فضلت أني نمشي معاه فالخط بصح على جال صلاحي و النية تاع قبل راحت في خبر كان مع هادي العملة الموسخة ليدارها ولو نسرين عدوة بصح تبقى ولية والطعن فالشرف جربتو هو أصعب شعور تحس بيه لمرا )القصة كاملة في صفحة قصص لينا صبرينة _رحت لعندو لقيتو قاعد ويخلط فثلفون. فهمني وقبل قولي كيفاه ماراكش خايف يكشفوك بلي راك تتزوح بالسر وكيفاه راك تقدر تتزوج وتطلق وقت ماتحب فهمني _فلبلاد هادي القانون يمنع ويعاقب بصح شرع ربي واحد مايمنعو وانا ماش الاول وماش الأخير كاين لي كيفي بزااف وماش غير في بلادنا تلقايهم في بلادك وبلاد الغير وانا ماكنتش ناوي نزيد نتزوحها بصح تواحشتها وقلت نزيد نمتع روحي واش قلتي فيها ؟؟_تكدب نتا ماش راح تسمح فيا على جال شهوتك برك انا مكفيتك وموفيتك قلبك وعقلك كلهم ليا وهيا تزوجتها غير لصلاحك واكيد ماش باه تتمتع غير باه تهددها تقنع يماها تسحب الشكوى يعني لصالحي أنا .وكلشي درتو نتا معاها على جالي _وقف وقدم ليا بكل صرامة وحط يديه على ضهرو .نتي تباني ديتيها في روحك بزااف حسباتلك انا على جالك ندخل للحبس وعلى جالك نخسر خدمتي .هوب هوب هوب بركاي من هادي ثقة فالنفس الزايدة انا كلشي درتو أولا لمصلحتي اكيد مصلحتي قبل كلشي وثاني شيئ مانكدبش على مرتي لغالية لمصلحتك ثاني يعني عصفورين بحجر واحد بصح ماش باه نستنى ست الحسن تروح تقنع يماها باه تتراجع على شكاوي .هاد المرة انا نوقف قدامهم مع شوي تهديدات وشوي دلائل كون يحبو يشوفوهم طبعا ونتي رجعتي حرة منهم _واش  تقصد _يعني راح نهدد بهيجة بتصاور بنتها كون ماتسحبش الشكاوي ليحطتهم عليك انا ساعتها بنتها نخليها فضيحة وسيرة على كل لسان وكلامها بيها بخالتها بلي أنا تزوجتها عرفي واحد مايصدقهم اكيد يصدقوها فالدار بصح الناس ياحليييل شكون يصدق يااو الثقة فالوثيقة _ونتا تقدر تحط فوطوات تاع مرتك وهيا مكشوفة للناس راهي شرفك وعرضك _كااانت شرفي راني طلقتها وجيت يعني كيكملت مصلحتي معاها خلصت حكايتها واصلا نسرين ماتعنيلي والو زدت كرهتها كتر وكتر كيشهدت ضدك ورجعت تشبهلهم لتم صايي عشرتي معاها الحلوة فيساع مرمدتها بالحقد وزيد صبري نفد وأكيد ماش راح نبقى نستنى فالشروعات وندي ونحيب ونخطط ونخبي فيك ونخمم فيهم وإسمي يبقى تحت الخطر .كنت عارف راح يتماداو كتر وماش راح يطلقوك عليها هادا شهور وانا غير نخمم فالحل ولقيتو انو نسرين يلزم تكون طعم نستعملو باه نوقفهم عند حدهم كان لازم عليا نضحي بيها بصح كاين فرق كبير بينك وبينها نتي كنتي ضحية حبي المجنون بيك وهيا ضحية كره .
الحلقة 103
بقلم لينا صبرينة
وزعما نتا راح تقدر تفضحها وهيا مكشوفة هكداك _في رايك نتي ؟؟_ماتقدرش ديرها وراني فاهمتك وقريتك درك اكيد كما درت معايا درت معاها فيك غير الهدرة برك بصح باه طبقها ماش بساهل عاشرتك وعرفتك نوايا تاعك وين توصل بيها _ايه وأصلا بهيجة ونضال اكيد ماش راح يتحداوني في هادي النقطة الحساسة يبقى هادا شرف بنتهم مايلعبوش بيه ولو يشكو بلي فيا غير الهدرة مي مايقدروش يغامرو باسكو نضال يعرفني بلي عندي خيط تاع هبال وردة فعلي راح تكون ضدو يعني مايقدرش يحط الثقة فيا درك كينروح ونواجهم اكيد يبداو يهجمو عليا ويهددوني بصح ماعندهم حتا حاجة تثبث انو كنت متزوجها صح باسكو مانيش حمار باه نفبرك حاجة راني طبقت كلشي بالحقيقة وراح نبتزو بليفوطو ونسرين راح تبقى فالصورة وحدها اكيد انا نحي روحي وكأني لم أكن ويتهموها بلي كانت مع غيري والناس كون يشوفو هاداك الشيئ راح يلوموها ويتهموها بالزنى ولحرام وترجع فضيحة وسيرة على كل لسان فالاخير الثيقة فالوثيقة وهييا ماعندها حتا حاجة تثبث زواجنا _شفت معاه وسكت وهو غمزلي .واش كاين _ هبطو دموعي ماش راح نسامحك على هادي الغدرة وعلى الخيانة ولكدب طول هادي المدة كنت نسمعك بوذني وتقولي راكي توسوسي في روحك برك ودرك خرجتهالي خرجة ماتوقعتهاش ومازلت مصدومة من افعالك وتخمامك _كان راح يحط يدو على وجهي بعدت منو ومشيت جيت خارجة لحقني وحضني من لور _علاه هادو دموع كلهم ياوجدان وعلاه ماتسامحينيش واش درت _باسكو حسيتها خيانة منك وزيد كدبت عليا لبارح كنت في أحضانها وتقولي كنت خدام وممكن ماش غير ليلة لبارح يمكن يامات ونتا لاعب بديلك من ورايا وتستغبى فيا _قسما بالله غير كانت ليلة لولا والاخيرة وراكي شفتي الفيديو واش فيه وشفتي واش كانت لابسة وكيفاه كانت تغري فيا وهكدا وبقيت بارد من جيهتها _واش يضمنلي _وشبكي متناقضة في كلامك قبيل واثقة فيا ماندخدعكش ودرك شاكة .شوفي ياوجدان كنت قادر نتمتع ونلهي روحي معاها ومبعد نعطيها ضربتي ياك حلالي بصح انا ماخليتلهاش حتا تقربلي باسكو ماعندي ماندير بيها لا هيا ولا غيرها .كون يحطولي ملكات جمال العالم كامل قدامي وحدة مور ختها باه نخير ماش راح يعمرولي عيني باسكو نتي سكنتي عينيا ومعمرتيهم ومكفيا عقلي وقلبي وحياتي والبرهان راكي شفتيه بصح غيرتك عليا تجي حلوة وقتلك من قبل الا نروح وتديني غيرك كاش وحدة مرجوعي ليك وهادي المخلوقة ليتديني عليك موحال تلقايها باسكو راجلك مدوخ بوحدة يسموها وجدان _أطلق يديك عليا خليني نروح _باس كتفي .ماعندك وين تروحي دموعك وغيرتك خدرتني .......
ماطولش وكمل معايا رحت شفت صمد لقيتو راقد ورحت دوشت خفافي وزربت درتلو لغداء قبل لا ينوضلي .كيطاب جبتو للكوزينة نغدي فيه دخل أصيل _وأنا ماتغدينيش _روح تاكل برا مالحقتش نطيب _كينكون نهدر معاك طلعي راسك شوفي ليا _ماحبيتش نرجعلو _وجدااان نخرج وغير نرجع نلقاك مازلتي بهادي التصرفات وزيد مشنفة عليا قسما بالله ماتسلكيها مني _خرج وغلق الباب بالقوة .وانا لتم دموعي رجعو يهبطو غاضتني وعفت روحي كيفاه عايشة مع انسان كما هادا وزيد هازة ولدو في كرشي على قد مانقول رجعت حاملة العيشة معاه يخرجلي بعفسة تدمر كلشي ودرك محتمة عليا نسكت على جال صلاحي وبربي يجي يوم وننهي هادا الصبر _القصة كاملة في صفحتي قصص لينا صبرينة_فاتو يومين وانا مشنفة عليه مانهدر معاه لا نضحك لا والو وهو ماش عاجبو الحال وراح يكلاطي من تصرفاتي استنيتو يطلب سماح يدير محاولة بصح واااالو أصيل موحال يطلب سماح ياولوكان غالط بقى غير يهدر وحدو واش راح يدير بصح انا نسمع ونسكت وحتا خبرني كيفاه وصل لنسرين قالي بلي رجعت تقرا فالجامعة وتبات عند خالتها وهو استغل الفرصة وتقرب منها ومن خالتها ولعبهالهم صراحة تصرفاتو شوي خارطة طريق وشيطانية .وانا قاعدة صونا ثلفون عرفت نيميرو تاع نسرين .هزيت عليها _اسمعي غيرك هدري مع أصيل قولو الشيئ ليناوي ديرو يتراجع عليه ولا نضال كون يسمع راه يشكي بيه _علاه واش دار ياك كان بايت معاك هاداك نهار وما أحلاكي علاه درك تعيطيلي شوفي نسرين انا ماتهميني لا نتي لا أصيل لا نضال خودو بعضاكم _كوبيت عليها وأصيل دخل ويديه وراء ضهرو .
الحلقة 104
قصص لينا صبرينة
توجدي روحك نروحو عندهم _شكون ؟_مع ليكنتي تهدري معاها راني سمعتك _مانقدرش نواجهم معاك _ممم ماعليش مالا خليها عليا __زادو فاتو يامات وعيطتلي المحامية هزيت عليها خبرتني انو كل الشكاوي المنسوبة ليا سقطت وسحبوها برك قضة الزنى رجعت المحمة تشارعني عليها بصح ماش مشكل بجلسة زوج ندي البراءة .فرحت فرحة عندي بزااااف مافرحتهاش حتا دخل اصيل وماحسيتش بيه _مبروك عليك _يبارك فيك وقتاه فريتها ماحكيتليش واش صرا _كيلقيتك متغشة وقابلة خليقتك عليا قلت حتا نفريها وتسمعي لخبر ليفرح ونحكيلك _قعد على الكانابي وبدا يحكي _اول حاجة درتها رحت عند بهيحة حكيت معاها هيا لولا ووريتلها شوي تصاور أكيد صدقتني وبنتها أكدتلها وكيسمع نضال ماخلا في ختو حاجة صحيحة ولتم رحت عندهم واجهتو راس راس وقتلو ليتقدر عليه درك دييرو شرف بنتهم فالمحك وكان حاب يخوفني بالقانون وكلشي بصح انا ماش بساهل باه يقدر عليا قتلو بلي كون ندخل للحبس ولا نموت تصاور ختك يتنشرو يعني كون يصرالي حاجة واحد غيري راح يتكلف _وصح ؟؟_ بيانسور صح كون نموت ولا ندخل للحبس كاينة نتي اكيد راح تنتقمي لراجلك _المهم قولي درك خلاص تهنيتت منهم _ايه عندك كل الحرية وكما حكاتلك المحامية برك يلزمك نتي تان تتنازلي على شكوى تاعك وهكدا تتصافاو ونتصافاو _ايه نتنازل يخطوني برك اووف حمدلله ياربي _ودرك مازلتي زعفانة ومناينفتني ؟؟_الشيئ ليدرتو وخليتني نشوفو ماش أي واحد يقدر يتجاوزو احترم مشاعري شوي _تصدقي ولا نو صح كنت ماش عاجبيني تصرفاتك الاخيرة ونتي عاتبة عليا بصح في نفس الوقت عحبني انو قدرت نغيرك وقدرت نشوفها والغيرة ماتجيش من الحب برك تجي حتا من الاهتمام والمعزة بهاداك الإنسان عرفت من غيرتك انو انا حطيتيلي بلاصة في حياتك وكبيرة وهادا يكفيني وفرحان بيك وفرحان انو مشاكلنا بداو يتحلو خطوة خطوة _سكت مالقيت مانجاوبو وهزيت صمد ونضحك معاه _وجدان تحبي نخرجو ليوم ماش خدام _ايه مانقولش لالا _مالا  وجدي روحك ووجدي صمد وهيا فالحين صيبو ماش راح نحكم روحي على ابتسامتك هادي ربي يدومها في وجهك وفي عينيا _ ان شاءالله القصة كاملة في صفحة قصص لينا صبرينة _كيخرجنا بقينا نكملو نشرو قش البيبي وحنا هكداك حسيت بسطر قلت والو بصح حسست ببيه كلم نمشي كلما هو يزيد حتا تحتمت رجعني لدار بقيت في بلاصتي مي فليل زاااد قوى .عرفتها تاع زيادة بصح راني غير فثامن هزني ديراكت لاكلينيك وخلينا صمد عند رقية وطول طرريق وهو يسقسي وكيفاه مازال الحال وانا بديت نقطع قشي من سطر كيشافتني الطببيبة قاتلي تاع زيادة ومابقالكش .زربو دخلوني لبلوك وطفل حسيتو زلق يعني كون بقيت كتر فدار فأكيد كون ولدتو للتم ربي سترو بعد ماولدت حسيتهم كيقربوه ليا بصح انا طاقتي كانت ماكانش يهدرو معايا بصح راني في عالم آخر مي كنت حاسة بشوي تحركاتهم .كيريحت وقدرت نفتح عينييا لقيتو قدامي ومبتسم وناض باسني مبروك علينا حبي _أصيل كييفاه طفل وينو _راه فالحاضنة ماتقلقيش لاباس عليه _تقعدت كيفاه فالحاضنة كاش مابيه عندو هو ثاني تشوه ؟_ألعني شيطان وشبيكي شحال من مرة طبيبة قاتلك طفل مابيه والو حطوه فالحاضنة باسكو ناقص ميزان برك ياحبي جبتيلي  طفل كيف لقمر ينورلنا حياتنا مع صمد _حمدلله وسميتو ؟_ايه كما تفاهمنا براء الدين _ربي يحفظو ان شاءالله بصح جيبوهولي نشوفو _نتي ارتاحي ودرك شوي نديك تشوفيه مايقدروش يخرجوه من الحاضنة على جال صحتو _تمنييت براء تاني نهزو في حضني ونشربو حليبي _قعد قدامي وحضني .صايي وجدان قولي حمدلله ماعطانا ربي وخلاص وجايين ليام وترضعيه  _طلعت راسي ليه _كيفاه سجلتو؟ _تبدلو ملامح وجهو .سجلتو بإسمك مانقدرش نحطو بإسمي راكي علابالك _بعدني اطلقنييي اخرج من قدامي ماتخلينيش نزيد نشوف وجهك _اركحي والله مؤقتا برك ونلقاو حل يرضينا لزوج _تحبس الخدمة قووول تحبس ؟_براء ولدي أنا بوه ونتي يماه ومبروك علينا وخلصت الهدرة _قالها وخرج وخلاني نندب في وجهي كيفاه راح ندير درك من جيهة كبدتي ومن جيهة نظرة الناس ليا وواش ردة فعل كيسمعو والديا بولدي براء  .