نظرات محرمة (الفصل الثاني )

الجزء16

الحلقة 105
بقلم لينا صبرينة
خرجت من سبيطار وخليت براء ورايا ومن رجعت لدار مانهدر معاه مانشوف ليه حاكمة بلاصتي وغابنة روحي صرالي اكتآب مابعد الواادة عيا يهدر فيا بصح كنت حجرة وهو مرة يكسر من الغش ومرة يجيبها بسياسة مي كنت كيف الاطرش معاه حتا كيقولي هيا نديك نشوفو براء نروح وبالساكت وصمد لمزية رقية تجي وتعاوني فيه باسكو مرات نرقد مانفيقش بروحي  .نهار ليخرجت براء من سبيطار لدار درت جنازة لعمري غير نبكي ماقدرتش نسكت نشوف ليه ونشهق بلبكى والتساؤلات لي في راسي راح يقتلوني كيفاه نقابل المجتمع وكيفاه كون يسمعو والديا يما برك كيتسمع كيفاه يكون ردة فعلها راني نهدر  معاها بزاف وجامي فاقتلي بلي تزوجت وبلي كونت بالحمل ودرك كيتسمع واش يكون ردة فعلها اكيد تزيد تتبرأ مني حتا هيا وبابا ماكانش هدرة معاه راح يزيد يكرهني كتر اااه ياربي على الامتحانات ليحطيتني فيهم _وجدان ماديريش لعمرك هكدا كلشي يتحل بلعقل _مالا سجل براء بإسمك سجلووو علاه غير بإسمي علاه تمدلو في لقب تاع ولد حرام ومجهول الأب _راكي في دارك وهو في دار باباه ماهوش مجهول بركاي هاد لكلام اصبري برك أكيد يجي يوم ونسجلو بإسمي _كدااب نتا تعرف غير تقولبني وتراوغ فالهدرة معايا والصح ماكانش تصبر فيا على حاجة مستحيلة كنت عارفة من الأول ماش راح تكتبو بإسمك وراح تمرمدني وتمرمدو معايا جامي شفت واحد يحب صلاحو كما نتا حققت أحلامك بمقابل تعاستي وتعاسة ولدك ربي وكييلك هادا مانقولك _تنهد ووقف .انا نخليك تريحي راسك مني وتهدني مع روحك وكينرجع نتمنى تحبسي عليا هاد الخرطي وتعيشي حاضرك كيف ماهو _خرج وانا بقيت وحدي مع ولادي وتخمام يدي فيا ويجيب مانيش مليحة في عقلي.القصة كاملة في صفحة قصص لينا صبرينة. لغدوا رجع من لخدمة فليل درت روحي راقدة مانعرف واش دار وقدم ليا باسني وانا عدمت الحركة تاعي ماش حابة نشوفو ياربي ربع ساعة وناض براء يبكي رجع ينوض فيا .تقعدت بلا مانشووف ليه ورحت رضعتو ديراكت رقد رجعت لبلاصتي لمحتو مازال فاطن ماهدرتش ورقدت ماطولش وزاد فطن براء رحت ليه رقدتو ورجعت وزاد عاودها للمرة ثالثة نضت ننفض في روحي ومتعصبة للخر رقدو وقعدت لتم ولغدوا نفس الشيئ ينوض بزاف فليل يبكي وصلت وين نعيط في وجهو ونقولو وشبيك تبكي صرعتلي راسي .مافقتش كيفاه أصيل في ثانية كان عندي خبطني من لظهري بيدو _وشبيكي تعيطي في وجهو طفل صغير واش يفهم _تعبت اوليك وليدك رضعو بدلو رقدو اخطوني برك حابة نرقد _جييت خارجة من البيت حكمني من دراعي وقربني ليه _وجدان واش هاد التصرفات علاه حاسة بيك كارهة ولدك _نتا كرهتني فيه رجعت مانحمل صوتك لا صوتهم _نحا يدو عليا وهو مستغرب فيا وانا رحت للشمرة رقدت طوول شغل ماعندي ولاد لا مسؤولية .فاتت سمانة هاملة كلشي من روحي من الدار من لولاد من أصيل .نحط لقمة في فمي ناكلها ونرجع لبلاصتي نرقد مانهدر مانضحك نسمعهم يبكو ومانروحش ليهم يجيبوهملي لقدامي ندور وجهي عليهم . غير رقية تجي فنهار تتهلى فيهم وتروح فليل وأصيل يبقى عاس لولاد ويديرلهم كلش ونهار ليخدم يروح ساعة ويرجع يتفقد ويزيد يروح عيا يقنعني باه نرجع نورمال بصح انا كل كلامو دخل من وذن خرج من وذن كيكره وماقدرش جابلي يماه حتا هيا حاولت معايا بدون فايدة رجعت غير غالقة عليا الباب وعايشة لنفسي ومرات نحس روحي دخلت غيبوبة نرقد بزاااف ومانحس بوالو وأصيل كل ليلة فوق راسي يحكي معايا ويبنيلي في أحلام وردية باه نخرج من الحالة ليراني فيها عارفة كلامو صادق بصح انا مايهمنييش أي حاجة من عندو نحسها جمرة وتحرقني .القصة كاملة في صفحة قصص لينا صبرينة .فات شهر ووحد نهار خرجت من شمبرة سمعتو يهدر مع يماه وهو كان يقول راني صابر عليها بصح زادت فيها بزاف راح تخرجني من رحمة ربي .ويماه كانت تهدن فيه وتقولو اصبر عليها درك تخرج من النفاس وترجع طبيعية هادا كلو من الظغط ليراهي تخمم فيه مرضلها نفسيتها ماعندك حل من غير تساعفها _خليتهم يهدرو وفت على البيت ودخلت للكوزينة وشافوني وسمعتو كيقال بصوت عالي .شفتي كيفاه راهي دير كيفاه حابتني نصبر وهيا رجعت متجاهلتنا وفايتا علينا شغل حنا قنطرة _حطيت تغديت كليت شبعت وماهمنيش فيهم .غسلت ورجعت للبيت شفت مع شعري وحالتي فلمراية نخلع شعري داخل بعضو وعينيا منفخين وحتا الكور تاعي حسيت روحي سمنت بيانسور غير ماكلة ورقاد .دخل عندي شاف معايا وانا واقفة غلق الباب وقدم ليا .
الحلقة 106
بقلم لينا صبرينة
راكي تشوفي في حالتك كيفاه راهي وكيفاه دايرة بصح ماعليش نورمال راني قابلك كيف ماراكي المهم تبقاي قريبة مني  _ماجاوبتوش ورحت قعدت في بلاصتي وهو راح لخزانة يلبس يروح يخدم وبراء برا نسمع فيه يبكي ماحبش يسكت .خرج ليه سمعتو يهدر مع يماه شوي وجابهولي .هاكي سكتيه ماحبش يسكتلي _شربلو لحليب ولا شوفلو لاكوش _راه نظيف وشبعان _أديه عند يماك علاه جايبهولي خرجو من شمبرة_قدم ليا حكم وجهي دورو ليه  وضغط على حناكي بيدو _وشبييه ### علاه ديري هكدا راه ولدك افطني مع روحك وتحملي المسؤولية تاعو شوي واش هادي لامبالاة ليرجعت عندك _نحيتلو يدو ووقفت .علاه جبتو وحدي باه نتحمل مسؤوليتو ياك نتا بقيت عقابي صباح وعشية غير باه نهز الحمل هااه راني جبتو وهزيتو 8شهور في كرشي وولدتو حتا من هو جاي مزروب لهادي الدنيا اتهنى وافرح بيه خلصت المهمة تاعي معاه واصلا راني كارهة روحي وهاملتها كيفاه حبيتيني نقوم بيه _نتي ماش هادي هيا مشكلتك نتي مشكلتك انو براء ولدي انا .كاين فرق كبير بين براء وصمد مع ولد سامي كنتي متهليا فيه على الشعرة حتا اهتمامك بيه كان مبالغ وزايد ودرك كيعاد براء ولدي انا ومن صلبي حابة تنتقمي مني بيه  _ههههه برااافو راك فهمت وحدك مالا علاه تكسرلي  في راسي وخرجو من قدامي راسي راح يطرطق من لبكاء تاعو _وجدااان راني نخنقك كون تبقاي هكدا راني مساعف فيك قد مانقدر _دخلت يماه بالمنشفة في شعرها هزت براء تسكت فيه .وشبيكم علاه تيعطو هكدا خرجتوني من دوش نجري  _قولي لولدك يخطيني مايبقاش يرن فوق راسي كلشي يهدر فيه مايهمنيش غرام راه غير يعدب في روحو في باطل قتلو ولادك ربيهم نتا ماتقربهمش ليا اااو ماتفهمش _علابالك نتي راكي تبينيلي انو ماتصلحيش أم وماعندكش حتا مشاعر الامومة ناس يحوسو على لولاد بالريق الناشف ونتي عندك وعاطيتهم بالظهر خسارة فيك كلمة أم ماتستاهليهاش ياعرة النساء ياتافهة تفووه عليك هادا ماتستاهلي بنتيلي حابة الرخس باه تفطني لروحك وباه يكون في علمك هادي راهي ساهلة عندي ادا ماقبلتييش ولادك نرجعك خدامة عليا وعليهم ونعيشك الذل على أصولو وترقدي على بزاقي يال#### _ولدي واش هاد الهدرة العنو شيطان _خليها تستاهل ### _كيبزق في وجهي وهدر هكدا وزيد قدام يماه حسيت روحي صح كرامتي زادت تهانت كثر و تلفو أعصابي مرة وحدة عيطت عيطة حسيت عروق رقبتي خرجو وراسي راح ينفجر .أخرجوووو اخطوووني اخجووو قيلوووني  _سدلي فمي بيدو لتم رجعت غير نبكي ونخبش فيه وحركاتي كلها هماجية ويماه خررجت وغلقت الباب وهو بقا يحاول يهدن فينا ولو سكت من لعياط بصح بقيت نقطع في شعري راح نهبل_ بقينا لزوج قاعدين فالأرض . نتا نتااا سبابي انا ضحيت وقبلت بيك وتقبلتك في حياتي وعشت العيشة تاعك بصح نتا ماحبيتش تضحي وتعيشني كيف الناس وكل همك هو مصلحتك ومخليني انا نحارب نظرة وكلام الناس فالفترة الجاية نتا تحب تعيشني غير في حاجة مشبوهة وتحت اسم لحرام هكدا يرجعو الناس يهدرو عليا يقوليلي وحدة خامجة وعاقعرة جابت ولدها فلحرام .حتا والديا وحارمتني منهم خليتني رجعت نغلق عليهم ثلفون باه مانقابلهمش رجعت نحشم كينتقابل معاهم وجه لوجه ماعادش عندي كوراج اطلاقا نحكي معاهم .رجعتني غير نكدب عليهم ونخبي ونستر في افعالي .عيفتني في روحي في هاد لحياة الخامجة .ايييه هادي العيشة نتا تسميه حلال بصح انا بالنسبة ليا لحلال الخامج _غمي فمك وجدااان راني نهرسك على هاد لكلام _واش تستنا راني قدامك نتا خايف تضربني ونموت على يدك هكدا دايما تقولي بصح ماعليش قابلة اضرب اعطيني السوط اسلخ كسرني ادبحني مايهمنيش المهم هنيني من هادي لحياة راني كرهت وتعبت منها ريحني وراااسك _قربني ليه حضني وحطلي راسي على صدرو ويلعب بشعري بيدو .صايي اسكتي حبي بركاي من هادي الهدرة ماراكيش مليحة درك يامات وترجعي كيف ماكنتي بصح شوفي ديري فيا الثقة هادي الوضعية ماش مطولة وعد مني راح نعقد عليك قانونيا ونخرجك قدام الناس ونقولهم هادي مرتي حلالي واحد مايسالي وراح نسجل ولدي على أسمي ونعيشو كيف ماراكي متمنية  _تحبس الخدمة ؟_الاحتمال هادا خرجيه من مخك _كيرفض يحبس زدت تهولت كتر وكتر وهو بقى حاملني وصابر حتا انو ماراحش يخدم وبقى عساس عليا فهمتو خاف كاش ماندير باسكو حالتي تاع وحدة مجنونة داخلة في عقلها وحس بيا انو لحياة بالنسبة ليا رجعت رخيسة وماش مهمة وقادرة في أي لحظة نوقف أنفاسي ونحط حد لحياتي .
الحلقة 107
بقلم لينا صبرينة
من وراها بيومين جاء عندي قعد بجنبي .وجدان عندي خدمة خارج الولاية راح نروح ليها وماش باينة شحال نقعد _هززت براسي _وجدان نروح ونتمنى كينرجع نلقاك رجعتي لطبيعتك وراح نخلي معاك يما حاجة باينة ماتبقايش وحدك _طريق سلامة _يسلمك حبي .ناض هز قشو كامل ورجع ليا وقفني حضني وبقا يعصر فيا بين يديه ودار هادوك لعفايس كيف موالف وفالأخيير باس يديا لزوج .اتهلاي في روحك بزااف وفلولاد راهم تواحشوك ومحتاجينك ماتحرميهمش منك ومن حنانتك ماتجهليش هوما ماعندهم حتا ذنب اوك _ان شاءالله _خرج راح وانا رجعت لعوايدي مانهدر مانشوف ليهم عيات خالتي تفيقني بصح والو حتا ثلفون وغالقة فيه ثاعي وهو يوميا يعيط ليماه وتقريبا كل ساعة ماهو حابس وهيا تجي تقعد قدامي وتحط ثلفون بارلور باه نسمعو واش يهدر بصح جامي جاوبتو مرات حتا هو يسكت ويساعف ومرات يعيط ويسبني ويكوبي .القصة كاملة في صفحة قصص لينا صبرينة .حتا في ليلة وانا راقدة دخلت عندي خالتي تنهج وراسها مربوط بالخمار .نوضي بنتي براء راه مريض بزااف وراه غير يبكي وصمد نوضو حتا هو داير حالة تعيشي بنتي هيا معايا مام انا مريضة حالتي حالة ماقدرتش ليهم لزوج راح نطيح من طولي _ هززت براسي ونضت رحت ليهم لقيتهم لزوح دايرين حالة بلبكى ماعرفتش كيفاه حتا ماسمعتش صواتهم كان قاوي بزاف .شفت براء لقيتو لاهب بالحمى سقسيتها و درتلو دواء وبقيت نديرلو فالماء لرجليه باه تهبطلو وصمد مع خالتي سكت بصح فاطن .كيوصلت 3 تاع صباح براء حسيتو دايخ والحمى مازالت طالعة شوي وشفت شغل رغاوي خارجين من فمو هنا قلبي فجع عليه ورجعت نعيط و ضامة فيه لصدري وخوفي عليه زاد .خالتي د يلزم ندوه لسبيطار راح يموت بين يديا ياخالتي ازربي شوفي حل ندوه .حتا هيا تفرفشت وسمعتها راحت هدرت فثلفون وكيكملت قاتلي هيا وجدي روحك أصيل درك يبعتلنا طاكسي فيها ثقة _لبسنا وخرجنا ديراكت لسبيطار هبطولو الحمى بصح حكموه الليلة لتم دارولو ليزاناليز وفحصوه مليح حتا لصباح قالو حساسية برك في صدرو قاوية يلزملو طبيب مختص باه يبرى ماتكبرش معاه .رجعنا لدار وأصيل كل خمس دقايق يعيط يسقسي وخايف عليه وفليل قالي شفتي براء يشبهلي حتا أنا عندي حساسية كينعرق ويقيسني لهواء تطلعلي الحمى _مالا يلزم كيترجع حتا نتا تداوي _ماعندي علاه نداوي مادام مرتي تحت حناحي راح تبقى تداوي فيا بحنانتها ماش راح نخاف على روحي __فاتو يامات وخرجت من نفاس ومن هاديك ليلة كيتفجعت على براء حاجة تحركت فيا ورجعت لطبيعتي والأمومة تاعي من كانت في سبات فطنت من جديد عليها يقولو الصدمات مانخرجو منها غير بصدمة وانا زادلي الإكتآب والظغوطات واحساس اني نفقد ونخسر ولدي صعيب ويزلزل المشاعر .كان ابتلاء من عند ربي العالمين باه نفطن من الدوامة ليكنت فيها الحمد والشكر لله_وحد نهار عيطنا لرقية خليناها مع لولاد وانا وخالتي خرجنا غير قدام الدار دخلنا ساع عند حفافة قصيت من شعري شوي باسكو طوال بزاف ومنها نديرلو كاش كوب وماحبيتش نصبغو خفت من أصيل مايعجبوش ويديرها سبة ويفرغ غشو فيا اصلا راه يحوس عليها وكيكملنا قضينا شوي لدار وشوي قش لولاد سيرتو صمد كل شهر قشو يصغار عليه .كيرجعنا لدار صونا ثلفون تاعي لقيتو أصيل هزيت عليه قالي بلي ليلة يرجع في وقت العشاء يوصل كوبيت ومع التعب رحت طيبت وحدي خالتي كانت مريضة من رجعنا من برا وهيا رابطة في راسها يوجع فيها _من وراها بساعتين سمعت الباب يطبطب جات ليا خالتي .حطي خمارك هادا عاطف جاء انا عيطتلو _سترت روحي وهو دخل لحت عليه السلام وراح قعد فالصالون وبقات هيا معاه تقصر شوي وسمعتو قالها هيا وجدي روحك نروحو ياربي مانوصلو .خرجت من عندو وانا رحت ليها للبيت لقيتها تلبس .خالتي علاه تروحي أصيل راه جاي _نروح خير بنتي يكفي قعدت بزاف وأصيل نعرفو يحب يبقى معاك براحتو وحدكم كاش نهار يجيبك نتي ولولاد وتجو نديرلكم عشاء على جال براء مادرنالو مافرحنا بيه _ماعليش بصح على الأقل أصبري يحبس عليك سطر تاع راسك وروحي الفواياج راح يزيد عليك وادا ماقدرتيش ماش محتمة تروحي ليوم ماراح يهدر والو أصيل _ايه فكرتيني درك نقولو يروح يشريلي دواء تاع راس ليعندي مافادش  _خرجت لعندو لقيتها تعيط عليه .رحت عندها _واش مالقيتيهش _ايه من غير ثلفونو فوق الفوثاي .حوست عليه دار كامل مالقاتوش .مالا يكون خرج مادامني لابسة نفوت عند لافارماسي راهو جنب دار نشري دواء ونرجع ياربي يريح عليا ونروحو ماش حابة نبات _ايه كما تحبي _هييا خرجت وانا شفت لولاد لقيت صمد يلعب بساكت وبراء راقد .صونا ثلفون لقيتو أصيل هزيت عليه _حبي واش ديري _كنت داخلة لدوش_ علاه توجديلي روحك _ممم_علابالك تواحشتك و ..._لقيتو سكت .اسمعي نتي وينك _فدار وين راح نكون _راكي تكدبي عليا يا ### .راني هنا وصلت درك نطلع ونتفاهمو _كوبا .وشبيه هادا يسب اصلا مافهمتش وزيد قال وصل باين حاب يمرمدني ويحاسبني على ليام ليفاتو كيكنت متجاهلتهم مالا قبل مايطلع نزرب نحي عليا هادي الجبة عريضة بزاف نبان عجوزة فيها على الاقل كيطلع يلقاني لابسة حاجة مليحة وريحتي سابقتني باه يضعف وينسى ماش حابة نرجع للضغوطات _دخلت للدوش فيساع بدلت وكنت نسنع فالحس باين فدار باين وصل وراه مع لولاد _راني فدوووش خارجة دقيقة _كملت بلا مانحط الماكياج وخرجت تقابلت مع عاطف وياويييلي واش يدير هنااا ؟!!.
الحلقة 108
بقلم لينا صبرينة
كان هاز صمد في يدو وبلحفى ماش لابس في رجلو خلعني وتلفتلي دخل لجسمي الرعب  _واش دير هنا وكيفاه دخلت والباب مغلوق وشكون راه يطبطب _ انا اصلا ماخرجتش من دار كنت لتحت وينها أمي راكي وحدك !_راهي خرجت .مالا رانا وحدنا فدار .كانت لحظة إدراك وفقت لعمري أنو انا وعاطف وحدنا فدار وأصيل وينو مالا والمشكل اني ماش ساترة شعري _أزرب أخرج قبل لا يجي أصيل ويشوفك معايا هيا ماتبقاش تشوف ليا هكدا ومبعد أرجع. كما خرجت من باب الدوش خرج أصيل من الصالون وشاف معانا ديراكت عطيت الريح لرجليا قبل لايوصلني وهو قالي ليوم نهارك يالق#### _نظراتو وكلامو خنقوني بالخوف ماعرفتش وقتاه دخل كلشي صرا في دقيقة عاطف وأصيل والباب يطبطب_ .قبل مانغلق الباب سمعتو يهدر بالسبان ومن وراها بدا لخبيط هنا قلبي حسيتو راح يتوقف كنت عارفاتو انو مش راح تفوتلي بالساهل اكيد راح يشك فيا ويبقى يطلع ويهبط واصلا لوكان جا واحد في بلاصتو يدخل لدار يلقى مرتو مع خوه وحدهم وهيا ماش ساترة روحها وفوقها خارجة من الدوش راح تخماج نيتو ويفهمها بالناقص وبالاخص اذا كان هاذ الواحد هو اصيل لي فقد الثقة في ناس كامل حتى نفسو وليت نندب في وجهي ليوم نهاري ويجي شكون يجي مستحيل يفكني من شيطانتو والبداية اكيد بخوه _كيلمحتهم دخلو للصالون .زربت هزيت الخمار تاع صلاة ورحت للباب تاع برا فتحتها لخالتي .اجري روحي عند أصيل راه مع عاطف لقانا انا وياه وحدنا فدار وفهم غالط _خبطت صدرها وشرعت عينيا .خلايااا تقلبت دار عليك وعلينا ياربي نتا الستار .راحت تجري عندهم وانا موراها لقينا عاطف فوق الفوتاي وأصيل فوقو يسب ويضرب وزادو طاحو فالأرض ورجعو العكس أصيل كان يضرب وهمجي بصح حسيت عاطف غير يحاول يحبس ويفهم فيه ويحمي في روحو بصح اصيل كيف المجنون وعاطف يشرحلو بلي كيكان يستنا في يماه توجد في روحها هو خرج للبالكون وشاف لباب فتحو وهبط تكيف لتحت كيطلع لقا غير صمد قدامو هزو وكيفتحت انا لباب تقابلنا هادا ماكان _ولو شرحلو ماحبش يصدق .حتا كيقربت ليهم خالتي ناض ليها وبدا يعيط في وجها وحط لوم كامل فيها .هكدا يما خليتلك وجدان أمانة عندك وليتي خرجتي وخليتيها مع عاطف واش نيتك حابة تطلقيني منها وتديها لولدك _ألعن شيطان خرجت شريت برك دواء ورجعت ياربي خمس دقايق وعاطف ماكانش فدار _كدااابين كان فدار مع مرتي وحدهم وتقولو راني فدوش وهو يقولو رانا وحدنا مابقاش ولقيتهم راقدين في فراش واحد_كيقال هكدا حطيت يدي على فمي _هادا خوك ومرتك كيفاه تشك فيهم هكدا احشم على روحك بركا ماتسخط فينا _اخرجي عليااا .حكمها من دراعها وخرجها طبعها بالقوة لمزية حكمتها ماطاحتش .مكانش يشوف قدامو من الغش غلق الباب ورجع عياطهم لزوج .عاطف كلمة وهو عشرة وتكسار ولخبيط غير يزيد وخالتي فشلو رجليها قعدت فالأرض وحاطة يديها على راسها قدمت لمعاها وماش عارفين درك واش يحبس أصيل وحكيتلها واش صرا بالتفصيل _القصة كاملة موجودة في صفحة قصص لينا صبرينة .طولو وهوما لداخل وانا متكية راسي للحيط وحاطة يدي على قلبي أصيل خلاني نرجف من داخل عارفة راح تجي دالتي دوبل وخالتي ناضت تخبط فالباب باه يفتحلها فاتت بسيف فتح الباب وخرج وجهو كلو شر ومضروب ووراه عاطف فسدلو وجهو والدم خارج من فمو .شاف ليا بنظرة كره قرب مني هزني من شعري كركرني لشمبرة ويماه تبعتنا كيجاء يغلق الباب هيا لحقت بيه ماخلاتوش _وراسك ماديرلها والو والله على ضمانتي ماغلطت في حاجة وكلشي صرا بسبابي من غيير سوء تفاهم _حتا نتي حسابك جاي والكلب هاداك ادا مادفنتوش مانتسماش أصيل _قادر روحك أصيل انا يماك _يما ولا ### روحي من وجهي .حكمها من دراعها وطبعها برا شمبرة مسكينة شفتها طاحت وهو غلق الباب بلا رحمة ولا شفقة دور ليا وانا غير نبعد في خطواتي هاربة اول حاجة من نظراتو بدون مقدمات بزوح خطوات منو وصل لعندي ضربني كف ونحالي لخمار وبقى يخلخل فيا من شعري يدي ويجيب وانا نعيط من أوجاعي وخوفي __هكدا تخليني نروح وتعدلي روحك لخويا كيكنت معاك شعرك مكرفس ووجهك مندوب وقشك مقلوب وهازة شنايفك وهاملتني وهاملة ولادك وكيغيبت عليك ربيتي اللحمة وشابحة لاطاي وشعرك متحوف وريحتك معبية الدار وزيد قدام خويا هكدا مقابلة فيه وتقوليلو راني جاية ياطحانة تخوني فيا مع خويا يا ### _راك فاهم غالط حاول تسمعني والله ماصرا ليفي بالك _واااش دانا لي في بالي علاه قلتي هكدا اااه مالا سور كاش ماصرا في غيابي _ياأصيييل افهمي ماصرا والو نحي يدك من شعري بركا ماتخلخل فيا باه نركز ونفهمك مليح ماتسرعش __يارخسية يكفي اني شفتك مقابلة مع خويا هكدا ليوم هادا شعر نحرقو ونكمل بلحمك .زاد ضربني كف وطبعني للأرض طيحت وخرج لبريكي من جيبو وعفص على شعري برجلو قد ماحاولت نوض ماقدرتش _واش رراح دير أصيل فيق مع روووحك لاااا _ بلا رحمة قعد على ركايبو ورجعت نشم في ريحة شعري يتحرق كان يحرق فيه بلبريكي وهو يسب فيا ومرخسني ونار خارجة من عينيه ووجهو حمر يخوف.
الحلقة 109
بقلم لينا صبرينة
وقفني ورالي شعري فلمرايا _شفتي كيفاه رجعتي مبهدلة وكيف هادوك المتشردين درك فليل نكمل نحرقلك لحمك ونوريك كيفاه تلعبي من وراء ظهري _وحنا هكداك عاطف من برا بدا يخبط فالباب ويقول لأصيل أخرج نوريك كيفاه تضرب يما اخرج كون راجل وحاسبني غير أنا علاه تترجل عليهم _طلقني وراح فتح الباب خرج عندو وجبدها عليا منين مانبانش .تبان ضرب ليخديتو ماكفاكش وحاب نزيدلك ياك ماشبعتش _حسيت بلي راح يزيدو يتشابكو في بعضهم سورتو كيبعدو من الشمبرة وخالتي نسمع فيها تهدن فيهم بصح واحد ماسمعلها يلزمني انا ندير حل ونستعمل نقطة ضعف أصيل باه هو يحبس _تحسرت على شعري ولبست الخمار وخرجت لعندهم كانو فالصالون وخانقين بعضهم بيديهم وعفصات تاع دم كيشفت رجليهم لقيت عاطف الدم يسيل من رجلو يبان عفص على زجاج تاع ليفاز ليتكسرو وليت قربت ليهم_أصيل أطلقو بركاو ياك تعرفني وحفظتني بلي ماكانش واحد نشوف ليه من غيرك انا هيا مرتك وأم ولادك كون جات نيتي حاجة خلاف كون كيرجعت مالقيتنيش بصح انا راني في دارك مع ولادك ومع يماك وكنت نستنا فيك وحتا وجدتلك باه تتعشى وكلشي وجدتو ليك نتا هو الراجل الوحيد في حياتي وسندي وبيك نحس بالأمان ماتبقاش تضرب وتكسر مادامني قدامك هاديك هيا الصح نتا دير فيا ثقة والباقي مايهمكش أتفكر واش موالفة نقوللك _(كيهدرت هكدا حسيتو تهدن وطلق يدو مرات نحسو يلزم نعاملو كيف طفل صغير باه على الأقل يتهدن مؤقتا ) _روح وماتزيدش تجي لداري ولا تقرب لمرتي _نطق ليه عاطف .أصيل خويا راك مريض روح داوي روحك مرتك بكلمة زوج منها ضعفت ورخفت أعصابك قبل ماتحاسبنا يلزم تحاسب روحك ودير ثقة في روحك لتم تبان رجولتك ماش فالضرب والسبان _واش تقصد واش تهدر وااش حاب توصلي قصدك مازلت في نظركم مخ ن ث مازلكم حاكمين عليا هادي النقطة  _ايييه راح تمرضني معاك الغلطة فيا لجيت عند واحد فاقد ثقة في روحو وأفهمها كيف ماحبيت ياااورجلة تبان على الوجه ودرك بعد من قدامي _عاطف مشا من غير زوج خطوات وأصيل دور ليه خبطو برجليه على رجلين عاطف جابو راكع وحكمو من شعرو ودورو ليه وعطالو ضربة للوجه والله حسيتها فيا وزاد هز زجاجة قدامو سلخلو فخدو بيها وكان راح يكمل عليه من رقبتو لوكان برك ماش خالتي هبطت لعندو وبدات تندب بالصوت للتم هو فاق مع روحو وحبس ناض راح حط راسو فالحيط وحتا عاطف ناض يعيط من لوجع تاعو قعدتو خالتي على الفوتاي وراحت جابتلو خمار ربطتلو بيه رجلو بصح كان قرااف دمو ماش حابس .حتا راح ليه أصيل قالو كون حكمت فمك مانديلك هكدا .نحا هاداك الخمار وكمل قطعلو سروال من جيهة الجرح ودور ليا .أخرجي نتيي وااش تتفرجي هنا _فهمت خرجت ويماه جابتلو دواء ياه يعقملو الجرح .القصة كاملة في صفحة قصص لينا صبرينة .طليت على لولاد لقيتهم لزوج فاطنين ماعرفتش كيفاه ماتخلعوش و مابكاوش من عياطنا .رحت جبت لبراء رضعتو وكملت لصمد من وراها شفت ثلفوني يصوني لقيتها ختي وئام مانقدرش نهز عليها نخاف تزيد تنوض حرب وتسمع وتشك .شوي ونفس الشيى بدا عياطهم وأصيل يحاوز فيه وعاطف يقولو دقيقة مانزيدهاش عندك كون ماجيتش نقادرك كون رجعتلك الضربات بصح الله غالب عليك مغلوب عن أمرك والله تغيض .رحت عندهم لقيتهم خارجين وخالتي حاكمة في عاطف باه يتسند عليها كيغلقو الباب من وراهم دخلت عند أصيل .روح أديه لسبيطار كيفاه راح يسوق في هادي الحالة _ واااش دخلك وااش غاضك حبيبك يارخسية _أصييل احترم روحك _ايه رخيسة وساقطة قوليلي شحال بعتي روحك ليه _ماشش لهادي الدرجة نتا هبلت سيفيني عليك كيفاه عايشة معاك ومتحملاتك لهنا وخلاص .جيت خارجة لحق بيا _ويين رايحة رايحة تهزي قشك وتروحي وين لخلااااك ولا عندو ولا عند غيرو _قبل مانرد عليه صونا ثلفون راح خطف روحو جابو _وئام راهي تعيط زعما هيا صح ولا راهو راجل ونتي كاتباتو بإسم ختك باه تستغبي فيا _ربي يهديك راهي ختي هات نهز عليها وسمع بوذنك _ماحبش يمدلي وهز هو وحطو بارلور وهدر وبقا يحقق معاها وهيا حاستها تبكي وتقول شكون نتا وينهي ختي فالأخير قالها انا راجلها ونتي واش يضمنلي بلي ختها _راجلها علاه وجدان وقتاه تزوجت ووينهي اعطيهالي مانيش قادرة نزيد نهدر كتر _هاني ختي اهدري واش كاين وشبيك _من صباح وانا نعيط ياختي واش نقولك جدي صباح طلعوه لسبيطار وزاد عليه الحال ومات ربي يرحمو جدنا مات ياوجدان وجدة تاني حوالها مايعجبوش وبابا من سمع خبر جدي زاد عليه الحال حاولي كيفاه تجي .
الحلقة 110
بقلم لينا صبرينة
حطيت يدي على فمي ودموعي رجعو ينزلو وحدهم وهيا كوبات .ياربي جدي مات وهو غاضب عليا بقيت غير نبكي ونهدر وحدي وحسري كبيييرة _أصيل خليني نروح عندهم جدي مات مسكين وهو هاز حقد عليا خايفة يزيد بابا تخطفو الموت وانا ماشفتوش _ماكانش ماتروحيش وجدك الله يرحم ماديريش فيها جنازة هنا ماش راح يزيد يحيا على قد ماتحاوليني طلبك مرفوض _ قعدت فالأرض وكملت نبكي ونندب ونعيط في وسط هاديك الفوضى والدم ليعلى الأرض كلشي جاء وراء بعضو عييت نوقف على رجليا قلبي حسيتو يتفتت بقيت غير نخبط في راسي ونخبش في وجهي _حبسي عليك هاد الشيى صايي راه مات ماعندك ماديري علاه ديري في روحك هكدا واش تستفادي _بسبابك نتا كل مرة تزيد تثبتلي انو قلبك حجرة ودرك صايي مات وماشفتوش وماطلبش منو سماح وماسامحنيش ومات وهو غاضب عليا على الأقل خليني نروح لجنازتو قادرة نلحق قبل مايدفنوه وماتبقاش غصة في قلبي ونخليلك لولاد ووعد مني نرجع لعندك _في هادي مانديرش فيك ثقة طول حياتي نتي تحولتي ووليتي تقدري تسمحي في ولادك وحتا نتي رجعتي مصلاحجية وتهمك مصلحتك قادرة تروحي وماترجعيش راني شفتك كيفاه هاملتيهم وكيرجعت لقيتك حابة تحكمي فالخيط الراشي ربي كشفك _نضت وقفت .نتا مريض والله مريض شوف يديك مطليين بالدم قريب قتلت خوك ودرت جريمة وهكدا مازلت عند راسي تآمر وحابس فيا وتخمم في أوهامك وشكوكك .علابالك علاه راك دير هكدا باسكو في عقلك خيط ماراهو صحيح وجاهل نورمالمو لحقت خوك وديتو داويتو بصح نتا مكمل في أغلاطك وقاعد معايا خايف نهربلك .جدي مات وانا متحسرة عليه ومخنوقة ونتا تهدرلي على الخيط الراشي هادو الشكوك تاعك كما قاال خوك تعتبر انو نتا ماعندكش ثقة في روحك ولو شوي مارحمتني مارحمت خوك ولا قادرت يماك هادا كلو من المرض ليحاكم فيك ماغلطتش نهار قتلك نتا انسان...._وجدااان تكملي تنطقيها نهرسك برجلي بلعي فمك_خرج من قدامي مانعرف واش كان يدير وانا بقيت على حالي نبكي حتا رجع لعندي _حسابك ماكملش ومبعد نكمل واش خليت _ماجاوبتوش وخرج من الدار .هزيت ثلفون عيطت لوئام نستفسر كان عندها نفس لكلام وحكاتلي على حالتهم .حتا ليل عيطتلي ولقيتها يما رخستني مضغتني وبهدتلي وكوبات للأسف وئام حكاتلها وماسترتش عليا الغلطة فيا مانبهتهاش ادا كيسمعت بلي تزوحت سمعتني وسخ ودنيا وقاتلي كسرتي ثقتي فيك مالا كون تسمع بلي عندي طفل واش يكون ردة فعلها تدمرت تدمرت وخلاص شوي وزدت عيطت ليماه سقسيت طمنتني وكوبات بصح كلشي دارو أصيل وهكدا وقاتلي ساعفيه مسكين ماعندو غيرك .عرفت أنو مهما يدير أصيل فيها تبقى حنينة عليه وتجبدلو فالأعدار حتا خوه نغس الشيئ كان قادر يدافع على روحو بصح حاول قد مايقدر يساعف .ديراكت طفيت ثلفون قلت مابقاش يزيد واحد يعيطلي من خواتاتي ولا يما ماش قادرة نواجهم .أصيل حطني في موقف كنت بزااف خايفة منو .القصة كاملة في صفحة قصص لينا صبرينة .بقيت مع لولاد نرقد فيهم وانا معاهم هو دخل هززلي براسو باه نتبعو _بلعت ريقي وتبعتو لشمبرة لقيتو قاعد على حافة سرير ويشعل فالنار تاع لبريكي ويطفي فيها بصبعو .واش رايك نحرقك ولا نكويك خيري؟ _اصلا راني محروقة ومكوية تحب تكمل عليا كمل مايهمنيش أصلا مادرت والو باه نستاهل هاد الشيئ منك وادا نتا شايغني غلطت فراني ليك وقدامك _راكي تتحداي فيا زعما تبالي نسيتي واش درتي ليوم حكمتك مع خويا وسمعتكم واش هدرتو _نتا ماركيت في مخك غير لكلام ليحسيتو فيه شكوك وماحاولتش تفهم الباقي _علابالك من رحلنا لهادي دار ماحبيتش نديرلك كاميرات قلت صايي وجدان داير فيها ثقة ونرجع نعيشها كيف ناس مرتاحة ومستراحة في دارها بصح نتي خرجتيلي العكس وفاجأتيني .شفت بعيني الباب من تحب تغلقت وكيطلعت لقيتو معاك قدام الدوش وهاز ولدي ونتي شابحة روحك وشعرك عريان من قبل مانفتح عليك انا كنتي معايا ساترة روحك على لخر بصح قدامو كنتي شغل سلعة وراكي توري في روحك قوليلي واش تحبيني نفهم ااه  _افهم ليحبيتو مابقاش نزيد نشرح ليك ماغلطت ماندافع على روحي _ليفهمو أنو نتي وحدة رخيسة غيبت عليك درتي رايك ورجعتي ساقطة في داري كون حكاولي مانصدقش بلي وجدان تقدر ديرها بصح عيني شافت وقفتك وحركاتك ووذني سمعت كلشي هدرتيه ولحد اللحظة هادي ماش عارف كيفاه مخليك قدامي واقفة حية وتتنفسي بصح ماعليش نوريك شكون أصيل واش يدير فيك يارخيسة ودرك قلبي عليا خليقتك وألتاي بولادك ليراكي مطيشتهم كيف لكلاب سكت عليك وساعفتك بصح ماركيتهم في مخي كلهم ودرك غلطاتك من نهار زيدتي تسلكيهم حبة حبة ويوميا نرجعلك أيامك جحيم .القصة كاملة موجودة في صفحة قصص لينا صبرينة.خرجت من عندو ورحت عند لولاد كملت رقدت صمد وبقيت لتم اكيد ماش راجعة ليه باين ماش قابلني وزيد ماش كيسكت عليه يعني راني قابلة بالذل تاعو ليا صح الصبر مابقالوش وينفجر بصح يلزمني نتعايش مع هادا الوضع ونخليه يحس بلي واثقة من روحي لتم راح يصدقني بصح كون نبقى نبكي ونشرح راح يبقى غير يزيد يلوم وكل كلمة يحولها للسلبي يلزمني نكمل فالصبر وكلش في مخي مدروس ومانيش بهلولة.
الحلقة 111
بقلم لينا صبرينة
فاتو ايام وأصيل مايهدرش معايا ومتجاهلني كااامل يلعب مع ولادو يضحك  بصح أنا كأني غير موجودة قدامو حاولت نهدر معاه بطريقة انو نسيت واش فات بصح مالقيتش منو تجاوب ورجع صباح وعشية فدار يبان كونجي وثلفون مايحبسش عليه مرة يهدر بزعاف مرة يهدر ويضحك مرة يغلق غليه الباب ومرة يهدر قدامي وسمعتو شحال من مرة يهدر فليل وضوء تاع شمبرة شاعل لساعات وكون ندخل لعندو يحاوزني بلا كلام يخسر عليا برك يقدم ليا ويطبعني لبرا وخلاص .والشيئ ليحيرني كييفاه صابر عليا 40 يوم تاع نفاس ماقربليش وزيد من وراها كيرجع نفس الشيئ متحكم في روحو كنت حاسبة راح يرجع يعاقبني كيف موالف بصح هاد المرة التجاهل هو سيد الموقف .وحد ليلة شفتو خرج لثوالات وسمعت صوت مرا فالشمبرة .هزيت روحي بجريا لقيت البيسي شاعل والصوت من تم زربت رجعت مانقدرش نقرب وهو ماطولش ورجع سكر عليه الباب تأكدت بلي راه يبات يتمعشق الخاين الخداع ومانعرف واشش راه يدير ثاني .تصرفاتو بدات تقلقني والتجاهل تاعو بدا يجهلني في عقلي وبديت نفقد اعصابي وثلقونات تاني مابقيتش حاملتهم يعني هو عايش حياتو طول وعرض وبراحتو وانا حاسة روحي مدفونة وعايشة في كفن .القصة كاملة في صفحة قصص لينا صبرينة .حتا لوحد نهار كان فالبالكون يتكيف وثلفونو صونا وانا كنت فشمبرة نطبق فالقش زربت شفت شكون لقيتها نسرين .هادي مازالت تعيطلو رخيسة .بدون اي تفكير هزيت عليها _واش تحوسي مازال عند أصيل ماش راح تبعدي عليه يعني الدرس ليدارهولك مايكفيكش يالكلبة ماتبعيش من الذل ماعندكش كرامة تهزيها راهي تعبت من تكركير _وجدااان ؟! _ايه وجداان بلحمها وشحمها _نتي واش ديري عند أصيل وعلاه نتي هزيتي ثلفون _حابة تعرفي واش ندير عندو أول شيئ راني نهدر معاك من شمبرة تاعنا لي في دارنا يعني يالرخسية أصيل يكون راجلي وأنا مرتو فهمتي درك ونزيدلك ... _هوووب هووب واش ديري مع من تهدري اسكتي _دخل ديراكت سكتني ونحا ثلفون شاف معاه وخبط راسو بيدو وكوبا _يا ### علاه قلتيلها بلي نتي مرتي وانا راجلك _علاه كدبت ياك متزوجين وكما سمعت نتا فاميلتي نسمعها حتا هيا باسكو كترت على ماوصاوها علاه مازالت تعيطلك وعلاه نتا مازلت تهدر معاها ولا رجعتها على عصمتك وانا لا خبر _وجدان ماش وقت هادي الهدرة افهمي راكي درتيلي درك مشكل مافهمتش علاه هزيتي عليها واش وصيتك من قبل _مايهمنيش مانبقاش ساكتة على حقي راك زودتها بزاف نتا لقيت برك خوك مقابلني نوضت القيامة فدار كيفاه انا نشوف راجلي يهدر ويتمعشق ونسكت أبدااا مانبقاش كيف الصنم _وجداااان استوعبي الشيئ ليدرتيه درك غالط درك توصلها لنضال وهو يخبر بيا نعشي بايت فالحبس _ماتخافش راهي مكلوبة عليك ماتقدرش ديرها وتتوخد فيك _نتي بنتيلي رجعتي مريضة كيفي وتستهزأي بصح حمارة في مخك هيا درك من غشها ديراكت توصلها ليه بلا ماتخمم للعواقب وندخل للحبس ونتي قادر يوصل ليك لغيابي هاداك نضال يستنا غير فالطعم ويهجم عليك ماكيش قدو باه تواجهيه درتيلي مشكل ودرتيه لعمرك هادا شحال وانا موصيك ومحدرك وفالأخير فسدتي كلش من غيرتك _بعدت عليه باسكو حسيتو راح يهجم عليا بقا غير يعيطلها ويعاود ماتهزش عليه ونشوف فيه يغلي راح ياكل روحو واضح عليه الخوف انو يخبرو بيه لثواني وشاف ليا _وجدي روحك تحلي هادا المشكل _واش دخلني انا واش نقدر ندير مافهمتش_لينقولو تنفديه بالحرف درتيها بيديك تحليها بسنيك وفي هادي دقيقة تبعي تعليمات تاعي بالحرف _بقيت نسمع ليه وفاجأني بكلامو والوجهة تاعو راح يكمل يحرقلي فيها الماضي تاعي ليبقى بطريقة مرةوتوجع وحرق فيها قلب زوج وليات وهو بقى تحت التهديد والحبس يناديه في أي لحظة .