نظرات محرمة (الفصل الثاني )

الجزء8

الحلقة 53
بقلم لينا صبرينة
أصيل وشبيك مقلق راني برك تعباتة كيكنت فالبازار حسيت بدوخة ممكن سكر ولا لاطنسيو هبطولي شوف كيفاه راني نرجف تعيش ماتزيدش عليا _ايببه كون هدرتي من الأول علاه تقولي والو وهو باين عليك ماراكيش مليحة _ديراكت ديمارا وحبس عند سوبيرات دخل شرا ورجع مدلي شربت عصير .زييدي كولي كاسكروط تاعك _ماش قادرة راحتلي الشهية والنفحة _لالا ماش كما تحبي .فتح الكاسكروط ورجع يوكل فيا وحتمهولي كامل بيه بالعصير كييكملت دورت نشوف صمد ومنها نشوف ادا نضال ورانا .شفت بصح ماقدرتش نعرف ادا ورانا ولا نو بزاف طونوبيلات _خليه وجدان راه رقد وماش راح يطيح حكمتو مليح ماتخافيش_أصيل ماكالاه نرجعو ليوم لدار خلي نباتو هنا _مانقدرش نصبح خدام _نورمال على صباح قبل لفجر نديماريو حاسة روحي ماش مليحة وقلبي داير عليا تعيييش_زيدي حاوليني _كون نزييد كتر اتأكد راح نتقيا فطونوبيل باسكو ماش قادرة نحكي كتر _تبسم وديمارا وصح قلبي داير عليا من الماكلة ليحتمهالي ومن الخوف المصران تعقد مسكيين وزيد حبيت نبات هنا ومانروحوش باسكو خفت من نضال يتبعنا .شوي وحبس قدام لوثال _علاه جبتنا هنا _ويين حابني نديك حابة تحوسي ؟_لالا قصدي ياك عندك دارك _لالا بيعت كلشي ماعندي والو _حتا لخدمة وخرجت منين كان ييخدم سامي _ياحسراااه كيكان سامي فالحبس انا خرجت من معاهم بصح دراهمي مخبيهم راح يجي نهار وندير مشروع هو ليهزني _واش قصدك_يجي نهار وتفهمي قصدي انا ماش كما نتي حابسة فالماضي تاعك انا دايما نشوف لفوووق وللمستقبل يعني نشوف لبعيد _(هززت براسي ولو مافهمت والو بصح كان داير خطة في راسو ومتيقن بلي يجي نهار ويوصلها )_هبطنا انا هزيت صمد وهو هز الكابة وصوالح ليشريت والورقة تاع نيميرو مازالت في يدي لمزية صغييرة ماتبانش. شفت من ومن بصح ماقدررتش نركز مليح أصيل دايما حاط عينيه عليا وعلى كل حركاتي خفت يفيقلي دخلنا ودومندا زوح شنابر وحدة بإسمو ووحدة بإسمي _عقدت حواجبي استغربت علاه دوموندا زوج بصح قلت ممكن ممنوع لانو ماعندناش عقد زواج .كيطلعنا ليهم دخل معايا حط واش في يدو ورجع غلق الباب وانا حطيت صمد في بلاصتو فتحتلو شوي قشو كانت سخانة وهو تاني نحا ثريكو تاعو بقى بديباردور  يعني راح يبقى معايا ؟_لاه تشوفي هكدا اكيد وين تكوني نكون انا _مالا علاه دومديت زوج شنابر _ دايما نقولك خدمي عقلك تفهمي .باينا باه مانخلي حتا دليل ورايا كاين بزااف شياتين هنا قادرين كيشوفوني يخبرو نضال وهو يلقاها فرصة واجدة في طبق من دهب ويحكمها عليا ولا عليك بصح ماش عليا واحد مايطيحني في سياجو _الله يبارك عليك .كيراح جيهة صمد وليت زربت رميت الورقة مور لقاواز كان كاين فيد .رميتو منين مايشوفوش ودرت روحي نحي فالخمار لقيتو قرب ليا وحكم يدي قلت سور شافني خفت موت .وينو خاتمك علاه ماكيش تلبسي فيه _نسيتو فدار_وعلااه تنحيه اصلا ياك قد صبعك ماراهو مزير ماراهو مرخوف علاه تنحي فيه _كينكون مع صمد نقيسو بيه عليها نحيتو _شوفي ليا ماتختبريش صبري خاتمك كينرجعو لدار نحبك تلبسيه ومايهمنيش في صمد ادا تقيسيه ببيه ولا نو المهم ماتزيديش تنحيه من صبعك سمعتي _ايه صايي اطلق يدي وجعتني _طلقني ودخل جيهة دوش وانا زربت رحت هزيت الورقة حطيتها داخل الباكي تاع ليبنود وحطيتهم في ساشي منين  مايبانوش بزاف وبقيت ندعي مايحس بوالو  __لعشية خلاص كان مع صمد فوق سرير يلعب معاه بيدو .حبيت نقولو يديني للمقبرة بصح هاد الشيئ لا يجوز رجعت سامي كينخمم فيه برك تعتبر حرام وانا في رقبة راجل وحتا باه نزورو لا يجوز شوف يادنيا وين وصلت بيا سبحان الله عليها يقولك ماتدري هادي دنيا واش مخبيتك ظهرت انا مخبيتلي مفاجآت وصدمات ربي يقويني ويقدرني عليهم _كيخرج هز معاك ثلفوني وكواغطي وراح مازالو موسوس مني .
الحلقة 54
بقلم لينا صبرينة
بقيت نخمم في كلام نضال واش يلزمنيي ندير لازم نتصل بيه ونأكدلو كلامي باه ينفدو ومبعد نجبد بيه الزربية بصح كيقالي عيطليلي خربطلي لحسابات يلزمني خطة نديرها تكون مفعولها لصالحي يلزمني نخمملها قبل مانفدها باسكو ادا وصل نضال وبرأني من هادوك لحكايات ساعتها بابا وعمي يحوسو عليا وعمي يجي يديني ولتم ماكان حتا قوة لأصيل باه يزيد يحبسني عندو ويطلقني ويديه فوق راسو كما هو يعرف يهدد انا تاني نعرف نقطة ضعفو الخدمة ونقدر نهددو بيها بصح يلزم بابا وعمي يدخلو فالنص وهاد الشيئ كامل يلزم بدايتها نستغل نضال بلكدب _بعد لعشا رقدت صمد وانا هزيت فيزو وبيستي من ليشريت باسكو ماجبت والو معايا من دار ورحت دخلت درت دوشت وخرجت لقيتو مع ثلفون يتفرج فاليوتوب .طلع راسو ليا شاف ليا ولا هبط راسو لثلفون وتبسم _واش شريتي هادي باه تغريني بيها ماتعرفيش مامبا تخيري نرجع انا نشريلك ماعجبنيش دوقك _لبستها ليا ماش ليك .قعدت على حافة سرير ونشف في شعري بالمنشفة لقيتو قرب ليا وهمسلي في وذني .نسيتي حاجة ليوم مادرتيهاليش ولا حتا نفكرك _تعبانة وزيد عارفة راح نلقى منك الرفض _جربي حظك ليوم ممكن نرحمك _حنا هكداك وثلفونو صونا راح ليه هز وانا بقيت نتصنت _أمي ماش راح نجي وماتسنايش مني نجي يموت ولا يحيا مايهمنيش قوليلو ولدك مات من نهار طيحتلو سروالو وطيحتلو قدرو معاه.خليه يموت وهو ضميرو يأنب فيه عمري ماراح نسامحو ومرة اخرى كيتعيطي اذا حابة تحكي مع ولدك وتسقسي عليه مرحبا بصح باه تهدريلي عليه نرجع نكوبي في وجهك هيا تهلاي في روحك وتصبحي بخير _دوررت ليه .كنت تهدر مع يماك بهادي الطريقة !!_علاه وشبيها طريقتي _صراحة ماكش محترمها _نحترم روحي بزايد _أصيل واش كاين بينك وبين باباك وعلاه اتصالاتك مع فاميلتك متقطعة حتا اول مرة شفت فيها يماك نهار الفاتحة وقبل جامي هدرت معاها قدامي غير ليوم _قتلك مقاطعهم حاجة أخرى مادخلكش فيه _سمعتك هاداك نهار تحكي على بوك نتا عندك مشكل معاه؟_ايه المشكل لكبير معاه من كان عمري 17سنة تبرأ مني _علاه بصح _درت حاجة صعيبة بزااف في حقو ومايتقبلهاش لعقل _مادام راك تقول مايتقبلهاش لعقل بعني راك نادم عليها _ضحك .جامي جامي ندمت عليها ولا راح نندم عليها الشيى ليدرتو يستاهل ماكتر منو _واش درت احكي ؟؟_قتلك مادخلكش بركاي ماتسقسي كتر ولا نتحول خليني طرونكيل . الماضي تاعي ماعندو مادخلك فيه الوحيد ليكان يعرفو هو سامي ومادام ماحكالكش يعني انا موصيه الهدرة ماتخرجش وانا وسامي كتر من ..._سكت وناض ينفض في روحو ووجهو حمر ويعيط في وجهيي _استغفر الله كل مرة تعاودي تفكريني ونغلط فالهدرة وترجعيني معاك للباسي _ الباسي ليتهدر عليه جامي ماراح يتنحى من عقلك وادا ضميرك يأنب فيك فتستاهل _وجداااان _علاه كدبت ولا نسيت نزيد نفكرك _قرب مني وحكمي من شعري بالقوة وقفني بيه .نتي واش تحوسي مع هادا ليل علاه راكي تخلطي وتنبشي فيا حسباتلك كيتقولي هكدا راح تأثري فيا بالعكس راكي تلعبي بالنار ونتيجة راح تضرك _نتا واش هو نوعك من البشر تعرف غير تهدد وحاب تمتلكني بالقوة افهمها الحياة والحب ماش بسيف _زاد زير يدو عليا حسيتو راح يعلقني فلهواء .حبيتك عشقتك يااا ### نحبك ونعشق كلشي فيك وغير انا ليعندي الحق والسلطة باه نمتلكك _هادا ماشي حب راك تقدملي فيه راه عداب نفسي الحب تاعك فيه مرض وراح غير يضرك ويضرني _طلق يدو عليا وبدا يشوف ليا وعينيه مدبالين ويركز في وجهي عرفتو جاتو حالتو وبدا يتلمس في وجهي بهاديك الحنية ليمانقدرش نطيقها لانو نشوفو بملامح واحد مريض في عقلو _وجدان باحبي انا قابل نضر روحي بصح نتي مانحبش نضرك من غير نتي معاندتني ومخشنة راسك كون تتقبليني من قلبك راح نعيشك عيشة لملوك _(استغليت فرصة ضعفو ولعبتلو على النقطة الحساسة مع دموعي ).مانقدرش أصيل ونتا ادا صح ماش حاب تضرني كتر وتحب مصلحتي وراحتي خليني نروح لبلادي خاف ربي فيا وسرحلي طريقي .
الحلقة 55
بقلم لينا صبرينة
وانا تاني مانقدرش وجدان غيرك انساي والديك وفاميلتك وبلادك كون نشوفك تموتي قدامي ماش راح نخليك تروحي وكون تهربي مني قبل ماتلحقي عندهم نكون ديجا ضريت ودمرت شرف وحدة غيرك قتلك دراهمي يديرو كلشي وانا مافياش غير الهدرة برك أنا على جالك نلعب بالنار عادي ماعنديش خوف المهم تكوني ليا ونرجعلك ليا بأي طريقة كانت _يعني ماش راح ترحمني وتسرحني من حياتك برضايتك _جامي تصرا _كون جاء في بلاصتك سامي ..._ماكملتش الهدرة وخبطني لوجهي ورماني لسرير وتبدلو ملامح وجهو ورفعلي صبعو _ردي بالك تعاودي تخرجي من لسانك اسم سامي ادا هو ساكن قلبك وعقلك نوعدك من غير مؤقتا مابقاش وتولي موهوسة ومريضة ومدمة غير بيا وغير أصيل يلعبلك بأعصابك_ خرج وصمد ناض تخلع كيغلق الباب بالقوة عاودت رجعت رقدتو وفهمت من أصيل انو مايحبش يهدر على الباسي تاعو سيرو على سامي يحسسو بتأنيب الضمير .بقيت نبكي خفت من كلامو انو صح راح يحرمني من والديا ومابقاش نزيد نروح ليهم .راسي كان راح يتفجر من كترة تخمام ولبكى وليت تفكرت دواء تاع منع الحمل ونضت بزربة وشربتو ياربي مايفيد قادر يدخل عليا في أي وقت لازم ندير احتياطي _كيرجع لقاني مازلت ساهرة مع لاثيلي نتفرج .نحي قشك وهيا لعندي _كيفاه؟!_ليسمعتيه يالله ياك نتي مرتي وحلالي من حقي ندخل عليك ونعاشرك وواحد ماعندو حق فيك من غيري انا مالا هيا نوضي نحي قشك _شفتو هو بدا ينحي في قشو وانا تقعدت على حافة سرير حشمت نحي البيستي الفيزو كون نحيهم نبقى غير بدوبياس وهو حسيت بيه كيطلع لسرير .واش تستناي هيااا _كون نحي نبقا عريانة _كيشغل ليام ليفاتو كنتي مستورة ماتعبينيش وديري لييقوتلك _وليت خممت قلت خلي نتهنى ونحي عليا الذل ليسلطو عليا مادام طالبني يعني صايي راح نتفك من إهاناتو .نحيت قشي وزربت دخلت تحت لغطا _دوري لعندي علاه مقابلة فالسقف هيا دوري وقدمي _درت وقدمت ليه وهو حط صبعو على وجهي يمشي فيه وطلعلي وجهي ليه _ وجدان حبي حابة تتهناي ؟ _ايه _حابة ندخل عليك _ايه _بصح نتي ماكيش صبية راكي مرا فاقدة عدريتك ديجا من قبل وزيد من فوقها والدة طفل كيفاه تقوليلي ندخل عليك هادي الكلمة ماش مناسبة ماتليقش ليك نقولوها غير للصبية ليفيارج ماش لوحدة كما نتي _والمعنى علاه راك تقولي فيها _باه نفكرك برك وتعاودي تقوليهالي بكلمة متناسبة لحالتك هيا قوليها راني نستنا _(كان كلامو ماش يجرح بالعكس كان مستفز فوق الحد وغايتو باه يذلني)_ادا ماتنطقيش نعطيك بطهري ونرقد ونخليك _صايي عاشرني دير معايا علاقة كاملة نورمالمو درك كلامي متناسب مع حالتي _لقيتو زاد قرب مني كتر وباسني وفتحلي من لور وبقا يتلمس وهمسلي في وذني غير لكلام الجريئ_ وجدان كيراني نتلمس فيك درك اكيد حسيتي بالرعشة وشعلتي بصح دوماج انا ماش حاب أرقدي خير .بعد مني بقيت مشوكية فيه _أصيل كيفاه بطلت ؟_ايه علاه واش كنتي ناوية _ياك قلت راح تعاشرني _مانفحتليش علاه بسيف! _مادام ماش نافحتلك علاه تقرب مني _ضحك حسباتلك العقاب تاعك قصير ياوطويييل وعندك ماتزيدي تجرجري عليا وتحاوليني بكل الطرق وياربي مانرضى قتلك ندمك عليها وانا نهار نرحمك راني  ندخل عليك برك ماش راح نعاشرك نحب نشوفك ونحسك عروسة جديدة قدامي  _ويعني ؟_خدمي عقلك وتصبحي بخيير _عطاني بظهرو ورقد وانا كي لبهيمة نضت لبست وحكمت بلاصتي حكمت دمعة بسيف رخيس مازال يزيد يذل فيا بصح ماعليش يجي نهار وانا تاني ندمو عليها __ماقدرتش نرقد وحتا صمد هبلني رقد بكري وناض يلعب. كيشفت ساعة 4 تاع صباح نوضتو باه نروحو _علاه حتا درك مازال لحال ارقدي ياولوكان نوصل روطار للخدمة مايهمش _لالا هيا نروحو درك خيير شوف حتا من صمد وفاطن _يعني نتونا فاطنين حتا انا نوض معاكم _ناض راح غسل وحنا لبسنا وهبطنا كانت ديجا وصلت 5تاع صباح شفت من ومن وركبت ودعيت ربي نضال مايكونش شافنا لانو متأكدة يكون بايت هنا فالطونوبيل تاعو موحال يخلي فرصة هادي تروح من يدو عليها انا فضلت نمشو بكري خير على الاقل يكون غالبو رقاد ومايحسش بينا حياتي رجعت دراما وأكشن وانا الضحية وعشتهم فالواقع .ديمارينا وتولهت لأصيل يشوف وراه بزاف ومركز عينيه بزاف لطريفيزور _وشبيك تشوف لوراك بزاف _قتلك شياتين في كل بلاصة لازم ناخد حدري ياولوكان الحالة مازالت مضلمة _في قلبي لمزية تولهت ونحيت عليا هادا تخمام _مادام الحالة مظلمة علاه لبست نواظر تاع شمس علاه ثورجور تحطهم برا _علاه توحشتيهم حابة تشوفيهم اصبري نوصلو لدار وكحلي عليهم قد ماتقدري بصح خسارة ماتقدريش يلزمك تصبري حتا لغدوا فليل باسكو ليوم نبات فالكازارنا ماعنديش وقت باه نمدلك حقك وتشبعي رغباتك وشهواتك عارفك راكي تشعلي من داخل غير باه نقرب ليك _سكت عليه وهو بقى يستفز فيا بكلامو بسيف لاسكت ورجع مرة على مرة يهبط يتكيف ويشوف لطريق ويعاود يركب ويديماري .كيوصلنا لدار فتح الباب ودخلنا رحت حطيت صمد في بلاصتو وبدلتو لاكوش شوي وعيطلي رحت ليه كان فشمرة كيدخلت لقيتو فتح صوالح كامل ليشريت لبارح .ديراكت شارلي بصبعو لساشي تاع ليبوند .
حلقة 56
بقلم لينا صبرينة
(الخوف ركبني بصح حكمت روحي ) باسكو استعملت منهم _عقد حواجبو علاه مريضة ديجا مازال نورمالمو _حسيت بسطر قلت ممكن راح تقدملي _بصح علاه شريتي من هادو لكبار _عادي خفت برك تصرالي كما المرة ليفاتت _ممم اوك اخرجي درك باه نلبس ونروح _أصبر نهزهم ونخرج _علاه مقلقة باه تهزيهم قتلك اصبري نلبس ومبعد دييري ليتحبي وادا حابة تبقاي كما تحبي _لقيتو بدا ينحي في قشو وليت خرجت من عندو .ياخاااه والله صح يخوف يعني قعد قعد وراح شاف واش شريت لبارح غير ربي يسترني مايتوسوسش كتر ويفتح الباكي . رحت انا تاني بدلت قشي ودعيت مايكون شاف والو ويصدق كلامي. شوي وبدا يخبط فالباب _أفتحي _خفت وتخلعت بصح فتحتلو . قتلك ماتزيديش تسكري الباب بالمفتاح علاه تعكسينيي _كنت نبدل برك عليها _بكري ماكنتيش مرتي قتلك سكريه الا في حالة تبدلي قشك بصح درك راكي مرتي ممنوع تغلقيه ماتخلينيش ننصل الباب من بلاصتو وتتهناي _صايي بركا ماتعيط صمد يتخلع _راني رايح ونتي تهلاي في رواحكم وهاكي ثلفون بصح ردي بالك تغلطي كون ديري حاجة من ورايا تسلكيها غالية وراكي شفتي المرة ليفاتت واش قدرت ندير المرة الجاية دالة كاش واحد عزيز عليك نفس هدرتي تاع ابارح _بركاااا ماتهدد فيا هادي ماش حياة _مالا كونك مطيعة لراجلك مانضركش هيا بسلامة ادا حتجتيي حاجة عيطيلي _مور ماخرج رحت هزيت الدواء خبيتو فالخزانة مع قش صمد منين مايبانش والورقة تاع نيميرو بقيت نشوف ليها مع ثلفون واش نقدر ندير نعيط لنضال وكون يفيق بيا أصيل والله ساعتها يدفني حية يكفي الشيى ليهدرو لبارح وزيد مانيش مرتاحة كلامو زاد وسوسني ليوم واش يعني عينو عليا مايكونش زعمة راه يتجسس عليا من ثلفون ويسمع كل مكالماتي .ايه ماش من الموحال يقدر يديرها وثاني قادر يكون حاط كاميرات فدار هاداك لبنادم يقدر يدير كللشي باه نبقى تحت عينو توسوست من كل النواحي .ديراكت كرفست هاديك الورقة ورحت لثوالات رميتها مانقدرش نغامر ونعيطلو هكدا راح يضرني كتر مايفيدني ياريت ماطلبتش منو درك نبقى على أعصابي من هادي لحكاية .بقيت طول نهار موسوسة وكيطاح ليل ماحبيتش نشعل الضوء وكنت غير نشووف لحيوط كاش ماتبالي حاجة .البيت متأكدة مافيها والو من غير لاثيلي وخزانة بيضاء وشمبرة بانتلي مافيهاش ومانعرف بصح الهول بانتلي لومبا حمراء فالكادر ليمعلق فالحيط لفوق .هاداك الكادر من فوق مخدوم بخيط لونهم باج وكحل ومشبك في بعضو من غير شفتها حكمتني خلعة اكيد راهي كاميرا حاطها باه يعسني رخيس عليها كيغيب يكون مطمن .من تم يقدر يشوف كلشي شكون دخل وشكون خرج من الدار ويشوفني كينكون داخلا ليشومبر ولا للكوزينة بصح مايقظرش يوشف واش ندير فيهم من غير شمبرة جايا أونفاص ليها . مالا يلزمني من ليوم ناخد حدري من أي حركة نديرها .
الحلقة 57
بقلم لينا صبرينة
من وراها هزيت ثلفون شعلت لفلاش ورحت جيهة كوزينة وشمبرة غير نمشي وندي ونجيب فالقش ودرت زعمة شمع فالكولوار وشعلتهم وزدت فاابيت وشمبرة .ورحت للكوزينة هزيت موس خبيتو في صدري ورحت للبيت وجبدتو وحطيتو تحت لفراش تاع سرير تاع صمد وزدت رجعت للكوزينة جبدت صابونة وخبيتها في صدري وررحت للشمبرة من جيهة وين يرقد هو يعني بعيدة من الباب الكاميرا تاع الكولوار ماتبينش واش ندير من جيهتو تبين غير جيهتي .جبدت هاديك صابونة فتحتها وحطيتها مور لفراش تاعو وعدلت سرير ورجعت لبلاصتي عند صمد نرجف وننهج ونعرق حسيت روحي راح نرتكب جريمة بصح انا درت هادو الصوالح غير باه نتأكد ادا حاط كاميرات فشمبرة وفالبيت ولا نو لانو تاع الكولوار 90بالمية هاداك الضوء لحمر هيا كاميرا .ونهار يروح يشوف التسجيلات نقدر نفهم منو باسكو هو ليراح يكشف روحو ادا راح لفراشو يخرب فيه يعني كاينة كاميرا فالشمبرة وادا جاء لفراش صمد يحوس يعني كاينة كاميرا هنا والكوزينة مايهمنييش فيها واكيد مافيهاش لانو ادا فيها كون سمعني هاداك نهار واش هدرت مع رقية هيا نحيها من حساباتي واكيد بدلت بلاصة دواء حطيتهم في بلاصة مايوصلهمش .ومن زهري الكلب بقيت هاديك ليلة بلا ضوء حتا لصباح وهو أصيل ماجاش وانا استغليتها وبقيت نشارشي على شخصية أصيل ونتعرف عليها عن قرب ودرت المتصفح المختفي باه مايلقاش واش شارشيت . صباح درت روحي رحت لجيهة الكونثور ونهدر مع روحي كيشغل الكونثور سوطا وانا مافقتش _ فليل باه جاء دوش وتعشى وراح تكسل في بلاصتو وانا نراقب في كل حركاتو شويا لقيتو يعيط رحت ليه لقيتو مع البيسي فوق سرير وطلع راسو ليا _لبارح راح تريسيتي فليل ؟؟_لالا تبان الكونتور سوطا وانا ماتولهتش برك حتا لصباح باه فقتلو كيلقيتو مارجعش _هزز براسو _كيفاه عرفت بلي تريسيتي كان ماكانش _شفت ليطراس تاع شمع دايب فالأرض قلت ياراح تريسيتيي ياوجدتيلي جو رومنسي وماجيتكش ايا لقيتك فرشة ماعندكش فالراس من كل الجيهات _طلعت حواجبي وجيت خارجة(رخيس يعرف يراوغ فالهدرة ) _شكون قالك أخرجي _واش دير بيا ؟_تبقاي واقفة برك هادا أمر مني ونتي تنفديه بفم ساكت _أصيل مانيش جندية عندك باه تعاملني هكدا _أيوااه جبتيها باسكو مانخدمش مع نساء عندي غير رجال بصح فادار عندي الجندية تاعي واش رايك ندربك نشوفك ادا تحملي ولا نو _أصيل بديت تخلط فالهدرة _مانيش نخلط وتبقاي واقفة هنا قدامي حتا نقولك روحي ومانسمعش صوتك وماكالاه تزيدي تنطقي اسمي نسمع حرف منك نخليك توقفي على رجل وحدة عقاب ليك _جيت ننطق وسعلي عينيه سكت وبقيت واقفة حتا كمل و سكر البيسي وناض قدم ليا _تعبتي؟_هززت براسي_حاوليني باه نخليك تقعدي _مادرت والو علاه تعاقب فيا هكدا _راح تريسيتي ومامبا تصلتي بيا _على هادي؟_ايه باه تتعلمي أي حاجة تصرا تخبريني _اوك ان شاءالله ودرك خليني نروح عند صمد راه رقد ومامبا بدلتلو لاكوش _حط يدو على شعري ويمشي فيه حتا لتحت .اسمعي ماش كل مرة ديري سبة بولدك انا كون نخشن راسي راني نحرمك منو وهو قدامك يعني لا ولدك لا ولدي من دمي ولحمي يأثرو عليا ويخلوني نرحمك انا هكدا قلبي قاسي بصح معاك حنين أفياقي مع روحك واستغلي حبي ليك وهيا درك روحي كملي شغالاتك وحكمي بلاصتك معايا ومرة خلاف ولو نكون غايب ترقدي في بلاصتك ماش فالبيت وعودي جيبي صمد معاك_وين علابالك بلي رقدت فاالبيت ماش هنا _نعرف حتا واش راه يحكي معاك ضميرك ماتستغبينيش وهيا كملي وارواحي _خرجت من عندو بظلت لصمد كان راقد وررحت رميت لاكوش وبقيت نشوف في أصيل واش يدير لقيتو عادي راح شاف صمد وبقى يصور فيه وزاد خرج يتكيف وحكم بلاصتو يعني ماحوسش على واش خبيت وهادا يعني انو ماحاطش كاميرات فالبيت والشمبرة هكدا نطمن .درك _هاديك ليلة كما العادة ذلني وعطاني بظهرو ورقد مافهمتش كيفاه راه يقدر يحكم في روحو كل هادي المدة حارم روحو ويعاقب فيا وحتا سمانة ليجاتني فيه العادة تاني مارحمنيش وانا بديت نكره حاسة روحي محبوسة لا خرجة لا دخلة وزيد مراقبة حتا يما مانحبش نعيطلها بزاف لانو تبقى تسقسي فيا نفس الأسئلة علاه ماجيتيش ومع من عايشة وانا أجوبتي غير كدب وليت نحشم ونعاف روحي من الشيى ليراني ندير فيه.في ليلة عيطتلها ماجاوبتنيش وليت عيطت لوسام هزت عليا سمعت لغناء والهرج _خير واش عندكم ؟_راهي حنة بنت عمي حسينة _مالا درك نكوبي ونعيطلك بلاكام اتا نغلق تاعي باه مايشوفونيش ونتي فتحيها نتفرج _كوبات وعاودت عيطت بلاكام ونتفرج فيهم وهوما يغنو ويصفقو ويشطحو لمتهم وفرحتهم حسدتهم عليها ياريتني كنت معاهم بقيت غير نتفرج ونبكي بالشهقة سيرتو كيكانو يحنولها وشفت يما وجدة وبقات تدور فالكاميرا حتا شفت بابا فالكرسي مسكين باين عليه بلي رجع عاجز كليا وإبتسامتو بسيف يخرج فيها باين عليه حاجة ناقصتو هو من بكري فرحتو ناقصة وزدت كملت عليه أنا ربي وكيلهم فليكانو السبب .
الحلقة 58
بقلم لينا صبرينة
بقاو يحنولها وانا نبكي ونغني معاهم والقلب يبكي دم مافقت غير بيد خطفتلي ثلفون قلبي حسيتو كان راح يحبس وكنت راح نعيط من الخلعة بصح غلقلي فمي بيدو كيشفتو أصيل رجعتلي الروح _هوب هوب وشبيكي لهادي درجة مركزة مع ثلفون وماسمعتينيش كيدخلت _نحيتلو يدو .ماسمعتش كنت نتفرج _هز ثلفون وبقى يتفرج _تاع من العرس هادا _تاع بنت عمي _أخت سالم ؟_ايه _هاكي بالاك تشوفيه ممكن تواحشتي حب قلبك لقديم _أصيييل ليفيا يكفيني ماتبداش تنبش فالماضي تاعي _نحا الكومبا تاعو ودور ليا _علابالك تمنيت طفلة لينحبها مايكونش ليها ماضي بصح المكتوب تاعي طيحني في مرا عندها باسي مع زوح رجال وممكن كتر واش يعرفني _تنهدت وهزيت ثلفون نتفرج وكملت مركزة معاهم حتا لقيتو رمى الكومبا تاعو على وجهي ولحديدة ليفسانتورة قاستني في رقبتي .طللعت راسي ليه _خيير واش تحوس عندي علاه رميتها عليا شوف جرحتني _قدم نحالي ثلفون وغلقو رماه فوق سرير وحكمني من رقبتي وهو يتنفس في وحهي كيثور الهايج _باه كينعود فدار ماتبقايش لاهية مع أمور خلاف صح ندخل لدار كل إهتمامك وتركيزك غير فيا انا ماش تحطيني فثقيل شغل ماجيت ماهدرت _راهم فاميلتي نتفرج فيهم حس بيا حتا بلاكام وحاسدني عليهم وحارمني راك شوفت لمتهم كيفاه وزاهيين وانا وبعيدة عليهم مغبونة ووحيدة فالغربة حس بيا شوي حط روحك في بلاصتي_مانقدرش نحط روحي في بلاصتك لازمك نتي تفهمي عقليتي_أصيل راني تواحشتهم والله خليني نروح عندهم نبقى يامات نحاول نهدر معاهم باه يتفهموني ويصدقوني ونرجعلك صدقني غير نرجع _موحال نخليك نروحي عارف كون نخليك ماش راح ترجعي عليها قتلك انساي عليك تخرجي من تونس نتي بلاصتك عندي برك من هادي دار ماتخرجيش ومن قدام عينيا ماتزغديش _بعد مني وزادو هبطو دموعي غاضتني عمري .حرام عليك ربي راح يحاسبك عليها _ بركاي من لبكى مسحيهم يالله أنا دموعك نحتاجهم ونحبهم ينزلو غير عليا مانحبش ينزلو لغيري فهمتي  _نتا مريض صح روح أجري على روحك ودااوي مرضك بعيد عليا ماش تجي تتقوى و تتلذذ بيا_واش حابة تقولي ؟_يعني نتا إنسان سيكوباتي _ديراكت خرجلي عينيه وانا تحكمت في روحي ولو ندمت اني تسرعت و قلتو هادي الكلمة بصح وقفت بكل قوة وتواجهت معاه بالنظرات_قدم ليا وحط يديه لزوج في وجهي ولصق جبهتو في جبهتي .وجدان ادا كنت انسان مريض وعندي سخصية سيكوباتية ولا نرجسية ولا سادية ولا قاسية ولا عدياني ولا موسوس فحاجة وحدة تبرأني أنو عندي هوس حب التملك وماش فالناس الكل انا مريض ونرجسي وقاسي غير معاك انا هادو الصيفات كلهم نحطهم فيك لانو مريض بيك وفيك وباه نداوي ولا نتبدل ماش راح نديرها باسكو عاجبتني روحي هكدا ونحب نفرض روحي معاك نحب ضعفك وخوفك مني نحب نمتلكك وندير فيك ليهوالي راسي نحبك رهينة لقلبي ولحياتي يعني كل الصيفات راهم فيا ومعاك نتي فأنا قابل بروحي نكون مرضي وعندي اضطرابات نفسية ونتي تتقبليني ويديك فوق راسك ومرة خلاف كون تخرجي هاديك الكلمة من فمك ونسمعها منك ساعتها وجهك هادا ليحاكمو بيدي نشوهولك ونخليك فرجة لياماتك الجايين قبل ماندخلك لقبرك ودرك هزي رجليك وخرجي عليا كون تزيدي ثانية قدامي عضامك يتكسرو _رخف يدو عليا وانا خرجت رحت للبيت و قعدت كنت نعرق وصدري ضايق من خوفي وهو مرة على مرة نسمعو مانعرف واش يخبط وريحة القارو واصلة لعندي حتا كيرقدت حسيت بيه كيقدم ليا وشوي وفتحت عينيا لقيتو قاعد مقابلني فالكانابي ويتكيف ويشوف ليا بملامح تخوف حبيت نقولو ماتتكيفش قدام طفل بصح سكت عارفة كون نهدر نسلكها أضعاف_لغدوا لقيتو ماكانش خرج خممت وخممت وليت رحت هزيت ثلفون وعيطت ليما ونجرب حضي .كيهزت عليا بلاكام سقسينا على بعضنا وخبرتني بلي غدوا عرس بنت عمك ومنها جبدت الهدرة _يما راح نطلب منك حاجة وديريهالي _عينيا نعطيهملك وجدان خير قولي _أرواحي لعندي لتونس ارواحي تديني مانقدرش نجي وحدي _علاه ماتقدريش باسبور تاعك وين حصل علاه طولو عليك _يما تعيشي ماتسقسي والو درك برك قوليلي ادا تقدري تجي تديني ؟سكتت زمان ولات نطقت ودمعتها على خدها .
الحلقة 59
بقلم لينا صبرينة
مانقدرش بنتي _علاه يما واش كاين علاه حتا نتي ماحوستي عليا لا والو ماحاولتي تجي وتحكمي يدي وتخرجني من هادي لبلاد وترجعيني لعندك علاه سمحتو فيا يايما _شوفي من قبل ماكنتش حابة نخبرك بصح كيعاد قلبك معمر عليا خليني نصارحك .باباك يابنتي قالي كون تروحي عندها ترجعي محرمة عليا فهمتي درك من غير بدا يهدر قالهالي وانا كنت ناوية نجيك بصح كيقال هادي الكلمة زاد ربطني كتر وماقدرتش نسمح فيه وهو عاجز وماقدرتش نجي عندك ونفهم ونعرف وينك وواش ديري والله كون جاء باباك بصحتو كون تغاضيت على كلمتو وجيتك ياولوكان نتطلق بصح راه عاجز ماعطانيش قلبي نخليه وحدو وبكل الأحوال ضميري راه يأنب فيا عليكم  _يعني ماش راح تقدري _بكات وقاتلي سامحيني بنتي والله كلشي فوق طاقتي انا كل مرة نهدر معاك ونشوفك بخير تاكلي وتشربي وتحت سقف على الأقل نطمن عليك بصح عارفة بلي حاسة روحك وحيدة واش نقولك من غير أصبري وأتحملي وألقاي طريقة يزربولك فالباسبور وأرواحي لعندنا _هززت براسي وسكت _بنتي كاش ماكاين أحكيلي كاش مامخبيا _ماكاين وااو برك حبيتك تجي لعندي _بقات غير تعطيلي في ألف طريقة باه نرجع لدزاير بصح ماقدرتش نشرحلها واش عايشة وكل مرة نقولها بلي أصيل يعاون فيا ماقدرتش نقول بلي تزوجتو _ليلة هاديك كيدخل لدار جاء لعندي للكوزينة .هاتي ثلفونك _راه يتشارجا فالبيت _حكمني من دراعي .كينكون نهدر تدوري تشوفي ليا وتهدري ماش بظهرك _طلقني وشفتو راح للبيت وصمد ناض يبكي _ارواحي سكتيي عليا ### صوتو _خلعني ماش موالف يعيط قدامو .رحت هزيتو وهو قاعد يخلط فثلفون تاعي _واش هدرتي مع يماك صباح _(سور كاش ماسمع )قلتها تجي تديني ولا تجي عندي باسكو تواحشتها وقلبي راه يبكي دم عليهم _يعني انا ماكيش دايرتيلي حساب تعرضي فيها وزيد بصحانية وجه طلبتي منها تجي تديك يعني انا قنطرة في حياتك وكلامي كلو دخل من وذن وخرج من وذن _ياك ماكدبتش عليك وقلتهالك في وجهك وراك عارف واش في قلبي وواش نخمم ماش حتا نزيد نشرحلك _اوك ويماك راح تجيك ؟_بلعت ريقي وهززت راسي لالا _وقف وقدم ليا .شوفي ببلادك وبوالديك بفاميلتك كلها تبراو منك وانا تاني متبرئين مني يعني انا ونتي على كف واحد ونتشابهو مالا ماعندك ماديري بيهم وماتزيديش تحوسي عليهم انا نكفيك ونوفيك و كونك عاقلة وماتزيديش تطلبي منها تجيك باسكو كون تجي وتحوس عليك هيا ولا غيرها راني نمحيك من الخريطة قبل مايلحقو ليك فعيني الحمراء ماتخليهاش تخرج ونورمالمو وريتهالك مرة كيكنتي فالعدة واش درت فيك اتفكري _خرج وشفتو راح لشمبرة هز البيسي وخرج من دار .كل مرة خوفي منو يزيد ومالقيت حل نديرو حصلت حصلة معاه تاع كلاب والباب ليخرجني ضيق بزاف وأضرارو قاسية .من خرج  طول باه رجع كيدخل لقاني مع صمد ساهرة _وشبيه ؟_غير يبكي مافهمتش عليه _هاتيه لعندي _مانمدش قبيل ماحبيتش صوتو وهو يبكي _هاتيييه هنا كنت غير قلقان قبيل .القصة كاملة مكملة موجودة في صفحة قصص لينا صبرينة .هزو وبقى يسكت فيه بصح والو درنا معاه كلشي والو وبزاف عليه لبكى .ديناه لاكلينيك قالونا عندو التهاب ونفخ لازم تختنولو في أقرب وقت لتم تحتمت علينا غدوا من داك ديناه لطبيب تاعو قالنا يحبس دواء مدة سمانة تاع راسو باه تقدرو تختنولو . بعدها ب3ايام صمد كان غير دواء مكالمي فيه بصح اكيد نختنولو و أم أصيل جات وهو فرح بيها وانا استقبلتها وحسيت شغل حنانة يما فيها وزيد عجبني لحال كيقبلت تبات ومن حسن حظي ليلة هاديك أصيل يبات فالكازارنا خدام وحنا ساهرين نطقت ليا _وجدان كيفاه نتي وأصيل متفاهمين _هبطت راسي وتنهدت .حمدلله _احكيلي بنتي ادا كاينة حاجة قوليلي ديريني كيف يماك _نحاول نتألقم معاه بشوي برك ماش بسهولة نتقبلو _نسقسيك وجاوبيني بصراحة .دخل عليك ؟_طلع وجهي حمر من سؤالها حشمتني بصح جاوبتها بلالا _علاه نتي ماش قابلة _هو رافضني _استغربت .كيفاه رافضك وهو يموت عليك وكان مكدب وقتاه ترجعي مرتو وحلالو _غلطت معاه وهو عاقبني مانقدرش نحكيلك التفاصيل _أصيل صح يخشن راسو وواحد يغلط معاه يرجع شيطان راه ولدي ونعرف طبايعو ماهوش ساهل هو باباه ومارحموش ورجعلو الضربة _(لقيتها فرصة واستغليتها )علاه واش كاين بينو وبين باباه _درك نحكيلك باه نتي تاخدي حدرك منو وتعرفي كيفاه تسيري حياتك معاه نقولك الحق والصراحة باباه انسان متشدد وقاسي وأصيل من كان صغير مشاغب وماياخدش راي عكس خاوتو وخواتاتو كان مايعرفش حاجة اسمها عقالة كان طوايشي بزاف وباباه دايما يعاقبو ويضربو ويعايرو بالمخنث _علاه بصح يقولو هكدا كاش ماشاف منو _لالا طفل كان صغير وشعرو كان صفر ماش كما درك وعينيه زورق وبشرتو بيضاء كان يقولو هادا زين تاع لبنات ماش ليك سيرتو غير هو ليخرج يشبهلي والباقي لباباهم _صراحة ماش من حقو يقول لولدو هكدا هادي خليقة ربي نورمالمو يقول حمدلله انو خلق كامل ومايشكي من مرض ولا تشوه كاين بزاف يتمناو زين تاع أصيل .
الحلقة 60
بقلم لينا صبرينة
ايه قتلك باباه ماقدرش يتقبل انو عندو ولد بهاداك زين وزيد متهور وطوايشي . المهم كيكبر أصيل بقى على نفس الحال وباباه غير يزيد يتقلق من تصرفاتو ومشاغبتو وكيرجع عمرو 17 سنة راح لاجونس تاع طونوبيلات تاع باباه وهز منها طونوبيل كانت غير تاع لكرا حب يدور بيها شوي مع ولد عمو باه يتعلم سياقة كتر بلا مشورة باباه بصح تقدرت انو أصيل ماتحكمش فالفولو ودخل في طاكسي خلاف والحمدلله خرجو منها سالمين من غير تكسر من يدو بصح باباه بهدلو ورخسو كيخرج طونوبيل بلا مايشاورو  و نهار خرج من سبيطار وجاو صحابو يطلو عليه دارو الهرج وهو زاد هبل وراح يحاوزهم قالو خسرتلي طونوبيل وزيد مجمعلي مع صحابك نورمالمو حسك مانسمعوش. هنا أصيل ناض يعيط عليه ويلوم فيه وغاضتو منو كيراه ماخممش فيه ويخمم فالطونوبيل ليفسدت يعني حط في بالو انو فضل طونوبيل خير من صحة ولدو و باباه ماتحملش كلام أصيل كيقلل إحترام معاه يغني صح أصيل تزايد بزاف فالهدرة لتم باباه تقوى عليه وهو مع يدو مكسرة .هبطلو سروالو وضربو بالسانتورة وصحابو كلهم شافوه كانو مازالو ماراحوش .من هاداك نهار أصيل هز كره وحقد كبير على باباه وكيخدم طونوبيل وجابها لقدام الدار أصيل جاب ليسونص وشعل غيها نار حرقها وكيلحق بيه باباه وبدا يعيط ويسب كان راح يزيد يلوح عليه ليسونص ويكمل عليه _بقيت نسمع ليها بصح مشوكية مصدومة مخلوعة من هادا لكلام .يعني ولدك كان في عقلو كيحرق طونوبيل وزاد كان راح يكمل على باباه!!_أصيل هاداك نهار وصل لدرجة الجنون كل مرة نسقسيه على هاداك نهار يقولي مانيش نادم ويستاهل واش نقولك هاداك نهار لمزية ولاد لافامي والجيران لحقو عليه صينو كون دار جريمة في باباه وليزاد طين بلة باباه كان راح يشكي بيه بصح انا وقفت في طريقو لتم تبرأ منو نهائيا وداه عمو يعيش معاه بصح اصيل قطع اتصالتو معانا بسيف باه رجعها معايا_لا حول ولا حوة الا بالله يعني ممكن هادا هو السبب ليخلا اصيل درك يتعامل مع الناس بهادي الطريقة القاسية يعني تعرض لضغط نفسي وعنصرية من باباه وزاد دارلو عقدة في حياتو _ايه ممكن وزيد كاين اتهامات واعرين كان باباه يتهم بيهم أصيل وهو كان غير يحكم في قلبو ومرات كان يضر غيرو باه يراضي نفسو ويحس برجولتو _واش هوما _مانقدرش بنتي هادو الاتهامات ماش من حقي نقولهملك من غير الا هو هدرهم المهم خبرتك بالسبب ليخلى باباه يتبرأ منو وبلي أصيل انسان دمو بارد عليها درك قتلك يلزمك تعرفي كيفاه تسري حياتك معاه ديريلو خاطرو وفرحيه اتقبليه وسانديه وصح تكوني مرا متقبلاتو وواقفة معاه وحاطة يدك على يدو والاحترام متبادل وتسمعي لكملتو وتعطيه أهمية وقيمة لحياتك ماش راح تلقاي مشكل معاه نهائيا المهم ماتصتصغريهش وماتهينيهش وماتبقايش تفكري فيه نتي شكون وفالماضي تاعك وهو حبك حب صافي كان يحكيلي عليك ويقولي امي نصحيني واش ندير راهي دخلت لروحي ومابغات تخرج منو .فهمتي بنتي راهو حبو ليك ليخلاه يتقرب منك وزاد لقاكي محتاجة سند وعاونك بصح كيلقى منك الاخطاء والأغلاط وتستخسري فيه وتصغريه وتعانديه وتسبيه راح يهز حقد عليه وماش راح يفوتهالك باساهل ادا باباه مارحموش فكيفاه ناس عمو كان مهبلو كان دايما يدير المشاكل واي واحد يغلط معاه يرجعهالو دوبل وزاد دخل للعسكر هز طبايعهم ورجع انسان قاسي بصح كون تعرفي كيفاه تكسبيه ليك ساعتها راح يعيشك سلطانة مايخصك والو وثيقي فيا قبلو اكييد يجي نهار يفرج ربي ويعقد عليك وتدي كل حقوقك كونك مطمنة ماش راح يغدر بيك .القصة كاملة مكملة في صفحة قصص لينا صبرينة_بقيت غير نسمعلها واش تهدر ومشوكية من واش عاش أصيل مع باباه من تم هيا تعبت رقدت وأكيد ماقدرتش نحكيلها واش راه يعيش فيا وانا بقيت نخمم كون يعرف بلي طلبت من نضال يعاوني ووهمتو نقبل نتزوج بيه وش يقدر يديرلي ياربي واش درت لعمري أصيل مادام باباه وكان راح يحرقو انا كيفاه يديرلي وزيد بداها بصمد كان راح يحرمني منو ودايما يعاودلي الكلمة تاع بدراهمي نوصل لشرف باباك يعني مقصودو خواتاتي .راجل مريض صح ويخمم غير في مصلحتو وباه يشبع غرورو ويدير روحو دايما هو الصحيح وانا نبان راح نتعفص تحت رجلو كون نبقى معاكستو ومعاندتو يلزمني نبدل طريقتي ونستسلم حتى نلقى وجهة ثانية يلزم نفياق وناخد حدري ألف مرة قبل ماندير حاجة أصيل ماش معاه اللعب يلزمني نكون معاه كما يحب ومن تم نقدر نلقى باب نخرج منو بأقل أضرار __لغدوا فطرنا وبعد تخمام طويل .قلت ليماه تخرجي معايا نشرو لبسة لصمد حابة نديرو سهرة حنة ياولوكان بيناتنا وتكوني نتي معانا _ايه نخرج معاك قبل مايجو يدوني واكيد نهار حنتو نجي نفرح معاكم _ان شاءالله مالا تعيشي عيطي لأصيل وخبريه _قبلت وعيطتلو وفهمتو بلي حابة ندير سهرة قالها ماكانش ماتخرجش درك نجي نخرجكم أنا .
الحلقة 61
بقلم لينا صبرينة
ستنيناه حتى جاء بدل قشو وريح شوي مع صمد يلعب معاه ويضحك فيه ومور لغداء رحت شمبرة نبدل قشي لقيتو دخل عليا لمزية كنت لبست بصح تخلعت _هوب هووب علاه تخلعتي شكون راح يدخل عليك من غير راجلك _كون تصيب قبل طبطب ولا نعود نغلق الباب بالمفتاح_أغلقي ونوريك واش يصرا فيك_كملت لبست وهو غير قاعد على سرير ويتفرج فيا كما العاشق الخجول بفم ساكت _كيكملت خرجنا كامل في بعضنا خلينالو صمد فالطونوبيل وهبطنا نقضو شرينا لبسة ليه وحتا واش نحتاجو وليت رحت للجيهة تاع نساء شريت ديزابيي وأمور تاع سهرة وفت على حانوت يبيع خواتم شريت خاتم نورمالمو قد صبعو ويماه فهمت عليا رجعت هيا تعاون فيا كييكملنا كلشي تفكرت حاجة ضرورية ودرتلها سبة انو ناقصيني صوالح باه نخدم طارطة .دخلنا مالقيتش المول ليحاباتو كيشفتها لاهية مع لماعن وصوالح تاع القاطو قلتلها نتي اشري واش حابة وأنا نشوف فالحانوت الثاني .كيخرجت ديراكت عند لافارماسي كان بعيد شوي بصح كنت نزرب في خطواتي وحاطة يدي على قلبي خايفة . شريت زوج باكيات تاع لابيلول ورجعت عندها وماخليتهاش تحس بلي طولت راوغتها باالهدرة كان لازم عليا نشريه ماش راح تجيني فرص كما هادي بصح ماقدرتش نشري كتر المهم مؤقتا يكفو ومبعد يرحمها ربي كيكملنا رجعنا لعندو ركبنا _مازال لحال كون زدتو شوي_مرتك عينها كبيرة _ضحك .أمي ماشفتيهاش كيتكون تاكل حتا كرشها كبيرة يامحاينك كون ماتعسيش روحك تاكلك بلا ملح _استغفرت وسكت وهيا بقات تقولو عيب ماش هكدا  _رجعنا لدار وهو غير يسقسي فيا واش شريتي واش هادا كامل ويماه كانت تنسي فيه حتا خبيت لحوايج ليشريت وبالخصوص دواء خبيتو مليح مع لولين بصح فليل شاف واش شريت لصمد وحوايج القاطو من غير ديزابيي والخاتم .القصة كاملة مكملة في صفحة قصص لينا صبرينة .لغدوا مع لعشية بديت نوجد في روحي اول حاجة دخلت دوشت و نيطوايت روحي مليح وخرجت نشفت شعري وليسيتو وماكييت ولبست ديزابيي بيضاء طويلة ومن داخل قصيرة ورجعت لصمد رضعتو ورقدتو ورحت وجدت شمبرة زيتها من ورد وشموع وبالونات وجبت طارطة ليخدمتها ببيدي صباح حطيتها فوق مايدة وزيتها بالورد حتا سرير وزينتو كما تاع لعرسان بالورد ولقلوبة تاع ضوء و تحفت كلشي فالأخير قابلت لمرايا ومسحت دمعتي وتبسمت .من ليوم ورايح راح نتبدل وراح نمشي على نفس السطر تاعو أو بالأحرى راح نمشي على نفس عقليتو ونرجع اسوء منو اذا هو شخصيتو نرجسية فانا تاني نرجع نرجسية ادا هو خبيث فأنا راح نرجع اخبث منو وادا هو قاسي ومنحرف فأنا لازم نقسي قلبي ونكويه مانزيد نحس بوالو وننحارف كثر منو وكل هذا راح نديرو على جال نفسي وكرامتي ورد اعتباري وعلى جال ولدي مستعدة ندير اي حاجة وحتى ولو هاذ الشي يخليني نتقرب منو ونخليه يحس بلي انا قبلتو قبول تام واني مقتانعة بيه وحاباتو في حياتي ويشوف من عندي غير الحب المصطنع الابتسامة والفرحة المزيفة راح نحاول قد مانقدر نبين روحي اني راضية بيه وبعلاقتنا ونخليه يأمن ويوثق فيا وغلطتي مع نضال كون يسمع بيها يكون ديجا غرقتو بأوهامي .واكيد كينغير معاملتي معاه بالطريقة ليحبها هو ساعتها راح يخف شوي عايا المراقبة والضغط وهاداك الوقت نقدر نخمم براحتي على كاش حل و ومراحش ينتابه ويضعف ونهار لينلقى فيه الفرصة المناسبة راح نعطيه الضربة القاضية ونتحرر منو ومن سيطرتو الجنونية وندمو على نهار ليخمم فيا وتعدى عليا وحرقلي الماضي بالمستقبل نخليه يندم انو عيشني الظلم والذل وسجني هنا فالغربة وبعدني على عايلتي وحرمني منهم ندمو على ليالي ليبكاني فيهم وقهرني ودخلني معاه فلحرام اكيد يجي نهار ونتحرر منو بصح يلزمني الصبر ثم الصبر واكيد كلشي وليه وقتو .
الحلقة 62
بقلم لينا صبرينة
ستنيت حتا سمعت الباب تفتح طفيت ضواو وشعلت شموع تاع لاطارت والباقي كان شاعل وقلبي كان نار من داخل  _وجدان وجدااان _بقى يعيط حتا شافني مقابلو بقى سرحاان فيا ويقدم في خطواتو ليا وجدان واش دايرة ليوم .كيدخل لاشومبر قدمت ليه وحمكت يديه لزوج (وبالاك هادي اول مرة نركز عينيا مع عينيه بدون خوف ولا ممكن راني نكدب على روحي من عينيه لانو بكل صراحة لونهم يفكروني في سامي سبحان الله يخلق من الشبه أربعين خليت عينيه هوما ليحفزو لساني باه ينطق وقلبي باه يتوهم)  _أصيل انا مرتك ونتا راجلي وليلة هيا ليلتنا ووجدتها ماش ليك وحدك وجدتها لينا لزوج باه تكون بداية جديدة لينا وثاني من حقي نمدلك حقك ومن حقك تمدلي حقي وتدخل عليا كما أي عروسة وساعتها يتم زواجنا اعتبرها خطوة جريئة مني باه نتقرب منك ونعرفك عن قرب _وادا رفضت ؟؟ _ماش من حقك ترفض هادي ليلة لانو ماهيش كما قاع ليالي ليفاتو _ايه راني نشوف صراحة ماتوقعتكش ديريها _لقيتو دار وخارج من لاشمبر _وين رايح؟ _راح ندو ونتي خطيلي نتعشا _أصيييل _ماتبقايش تنطقي في اسمي _دخل لدوش وفي قلبي اذا كيتسمع اسمك مني تضعف فراح نضغط عليك بيه وليلة راح نستعمل فيها غير الخبث _طفيت شموع تاع لاطارت رحت حطيتلو يتعشا ياكل الرهج يرهجو وشعلتلو زوج شمعات انشاءالله يحرقوه في جهنم .شوي ودخل تعشى وحاولت قد مانقدر نغريه بحركاتي الله يذلني كتر ماراني مذلولة رخس ليراني ندير فيه يجي نهار ونرخسو بيهم .القصة كاملة مكملة في صفحة قصص لينا صبرينة .كيكملنا هزيت لماعن وهو خرج للبالكون يتكيف كيطول خرجت عندو بدلال _أصيييل هيا _دور ليا .ادخلي راكي عريانة _حكمت يدو .مالا هيا معايا تعيش ادخل _طفى القارو ودخل وديتو لشمبرة _وخليت يدي على يدو وهزتلو يدو حطيتها على خصري .يعني هادي سهرة حاب تفوتها عليك ياك كنت متمني ليلة رومنسية راني درتهالك بكل حب مني ووجدت كلشي بيديا _وجداان بركاي ماتشوفي معايا هكدا وتدللي بكلامك وتديري في هادو الحركات _علاه ماتقدرش تتحكم في روحك خلاص علاه هادا لعداب ليتعدب في روحك خلاص عاقبتني بما فيه الكفاية _نتي غلطتي بزاف هاديك ليلة وكنتي تستاهلي _عارفة بصح أنسى _بعد مني .لمي شمبرة ونظفيها ودرك نجي نرقد تعبت _أصيييل أرجع _ماردليش وخرج وانا رحت قعدت تبالي ماش راح يضعف وليلة هادي راحت خسارة بقيت على هاديك الحالة حتا لقيتو دخل وتكا مقابلني فالحيط وربع يديه _وجدان دمعة ليعلى خدك عليا ؟_هززت براسي_وجدان ياحبي نتي كون قبلتيني من الاول انا ماكنتش نتعامل معاك هكدا انا ماكنتش حاباتك تحبيتي بسيف عليك حبيتك تتقبليني برك والحب يجي مع العشرة بصح نتي هاداك نهار صديتيني وبزقتي وضربتي راكي درتيهم كامل فهمتي علاه عاقبتك هكدا ونعاقب في روحي معاك _طلعت راسي ليه .ردة فعلي كانت طبيعية واش يجيك من وحدة تعديت عليها في نص الليل وهيا فالعدة وحازنة على راجلها وزدت كشفتني وعريتني وضربتني وهددتني _كانت محتمة عليا ندير هكدا باه نظمنك ليا كون مادرتلكش هكدا ساعتها من سابع المستحيلات تقبليني نكون معاك راني عارف وحافظ تخمامك من كان سامي يحكيلي عليك وزيد كون مادرتش هكدا كان نضال سبقني ودمرك وكون راكي تحت رجليه معفوصة ودمرلك حياتك انا على الأقل ضامن نغسي أني نحبك حب صافي ماش طمع انا كون جيت طامع في دراعمك ولا في جسمك كون راني استغليتك ودراهمك واملاكك رجعتهم ليا هادا شحااال وزيد كون طامع في جسمك كنت اغتصبتك من أول فرصة جاتني ولا كون راني اغتصبتك طول هادو شهور ونتي معايا في هادي دار وحدنا بصح انا صح تقربت منك وحبيت نمتلك كتر بصح تحكمت في روحي وماقدرتش نزيد نتقرب وستنيت لحلال باه تكوني معايا كيكان المرحوم عايش كنت غير نتحكم في روحي مرات يجوني أفكار شيطانية بصح مانطولش ونستغفر والمكتوب كان مرسوم انو يموت وانا نتقرب منك بطريقة بشعة والله كنت قاصد ندير هكدا باه نعرف نتحكم ونسيطر عليك. قوليلي درك راكي تحت رحمتي انا ولا كون راكي تحت رحمة نضال خير ؟ _أكيد معاك خير بصح هاديك ليلة بقات راسخة في راسي عليها ماقدرتش نتقبلك _أنسايها وجدان راه كان محتم عليا ندير هكداك وكون صيبت درت كتر باه تخافيني قتلك انا نلعب بالنار ومانخافش المهم تكوني ليا ومعايا وحبيتك تكوني مرتي برضايتك وندخل عليك ونتي متقبلتيني ماش فورصي عليك يعني انا كيحبينك حبيتك من قلبي ماش شهوة ونزوة برك كون جات شهوة راني كل ليلة معاك نعاشر فيك وبدون أي احساس ولا شعور بصح انا تحكمت في شهواتي لانو قلبي يكفيه انو وجدان قدام عينيا جسد وروح .
الحلقة 63
بقلم لينا صبرينة
قدم ليا وطابس لعندي وحكم يديا لزوج _وجدان انساي بلي دخلت عليك وتعديت وضربتك صايي نوعدك مانزيدش نهز يدي عليك _مرات كون نصيب تضربني ولا تلوحلي كلامك المسموم _لالا ضرب تاعي صعيب ويقتلك في بلاصتك من الاحسن نحكم روحي وكف يكفيك باه تفطني _علاه الكف ماهوش ضرب؟ _لالا من غير تلميح للضرب  _ضحكت على كلمة تلميح في وسط خبثي وتأثيري ليه بدموعي _بالاك هادي اول مرة تضحكي معايا هكدا من قلبك ربي يدومها عليك ونتمنى نشوفها على طول وتبقى ليا وحدي .شوفي وجدان انا صراحة حاب نذخل عليك بإرادة مني ماش حتا تطلبي مني نتي وهادي ليلة شايفها مناسبة لينا ذكرنا فيها الماضي وذكرنا الحاضر والمستقبل وبربي ماتندميش انو قبلتي تكوني ليا وتتفاعلي معايا كما اي زوح متزوجين _نوعدك انا مادام درت هادي الخطوة ووجدت روحي بهادي طريقة في هادي. ليلة يعني مقتنعة ومتقبلاتك من قلبي _تنهد وبقى غير يشوف ليا _وجدان كيتكوني تهدري معايا ماتبقايش تشوفي غير لعينيا وبقاي متفكرة بلي أنا اسمي أصيل وراجلك هو أصيل _هززت براسي(حسيتو صح قرا أفكاري) .وقفني معاه وهزلي يدي حطها على حيهة قلبو _صراحة حاس هادي ليلة وهادي لحظة اسعد يوم في حياتي لدرجة انو قلبي لاول مرة نحسو راح يخرج من بلاصتو راهو ينفض ويقولي افرح ياأصيل حبيبتك ليحلمت بيها طول هادي سنين وكانت من الموحال تكون ليك ليوم رجعت حلالك وقدامك ومتقبلاتك _ربي يدومها وعندي طلب منك انو تساعفني بشوي حتا نوالفك ماش كلشي يجي ضربة وحدة _ماتخميش اكيد نجيك حبة حبة المهم متقبليتيني والباقي مع الوقت _بعدت منو ورحت لخزانة فتحتها جبدت منها لخواتم تاعو وتاعي ليموالف يلبسهالي مديتلو تاعي فتحها وانا فتحت ليعندي كيشافها تبسم ابتسامة عريضة نحيتها من لباطة ولبستهالو في صبعو وهو تاني. لبسلي خاتمي .بصحتك _يعشيك حبي كون جبدتي الخاتم من الأول كون راني طيحت على راسي وسافرت بيك لعند حنانتي وحبي _حبيتك حتا نتا تكون مقتنع وتمتلكني بحبك ليا _حضني ديراكت وزير عليا وهمسلي في وذني .وجدان واجدة ؟_هززت براسي وحجرت دموعي وخليتو يهبطلي ديزابيي ويتقرب مني حكم خصري وهبطني لسرير في وسط هاداك الورد الأحمر وعاملني الحق بكل حب ولطف وشوق والورد الأحمر ليتحتي ليماتحركش من بلاصتو كان دليل على حنانتو وأنو مساعفني وانا حاولت قد مانقدر نتفاعل معاه بصح قلبي رافض ونافر وانما درك عقلي ليكان يخدم ........كيكمل فرحتو كان واضحة وماطولش معايا حسيتو صح حاب يلعب دور العريس وانو انا طفلة عذراء انا كونت نوهم فيه بإقنتاعي بيع وهو كان يوهم في روحو انو جامي امتلكني واحد قبلو . صح كما قال توجعت وعيطت بصح دم عذريتي خداه الغالي ليراهو تحت لقبر ......كمل معايا وباس راسي وقالي مبروك عليك مرتي لعزيزة لعقوبة لذرية الصالحة _ان شاءالله _من تعبي نفسيا ماش جسديا هو لبسلي نويزات ورقدني على جنبي وهو حكم بلاصتو مورايا وبقا يمشي في يدو على ضهري ويهدر وتغزل بيا ومافقتش كيفاه طاحت هاديك الدمعة لتم شغل حس بيا وقربني ليه لصدرو _وجدان نوعدك ماش راح تندمي ونسيك فلعداب _هززت براسي وسكت واكيد يجي يوم وندمو على كل دمعة طاحت مني الله غالب عليا كانت محتمة نتقبلو غير باه نخرج راسي ومانبقاش طول حياتي مسجونة لواحد مريض كما هو .طول ليل وهو مشبك فيا برجليه ويديه وغاطس وجهو فيا حركة ماقدرتش نتحركها صح مهووس __لصباح ناض كيف لعريس وانا غير نضحك في وجهو لدرجة انو وجدتلو فطورو وهو يعاون فيا وحاب ينسيني في كلشي وحتا الخدمة ماراحش ليها وليلة ثانية عاود تشبك فيا بصح ماعاشرنيش .القصة كاملة مكملة في صفحة قصص لينا صبرينة_وصل نهار حنة صمد وكان يعاون فيا في كلشي حتا هو لبسلو وبقا يصور فيه ويقولو يابابا ياعمر بابا هادي الكلمة تحسست منها بصح ماعليش مؤقتا برك _كيجات يماه شعل لغناء وبقا يشطح حتا وصل لوحد الغنية دار فيها حالة لغناية اسمها (ياويفرج ربي )فيها كلمات تتقال انو يطلب من يماه تدعيلو انو يفرج عليه ربي لانو محروم من الحنانة والدار ولمرا بصح هو حسيتو يشطح فيها شغل بعد ماكان محروم منهم امتلكهم كلهم _ بقيت نشوف معاه كيفاه يشطح ضهر يعرف وراء وجهو القاسي والنرجسي عندو روح الفكاهة والبهجة كان داير جو باهي كنا يقولو هوما _دخلت لشمبرة شفت لخزانة منين قشو مفتوح رحت نغلقو لقيت الكوفر مفتوح وبانولي كواغطي يعني ديجا ضعف ونسى باه يغلق الكوفر مني بصح ماقدرش نهزهم ماتصلحش درك_خممت وليت زربت غلقت الباب بلا مفتاح باسكو أصيل منحيه و جبدت ثلفون درتو يكاميري وحطيتو منين سرير فالديكور تاع الحيط كاينة ببلاصة لتم ماتبانش خليتو يكاميري باه كيجي يغلق الكوفر نعرف الكود .جيت خارجة لقيتو دخل قابلني خلعني  _ياحبي لاه تتخلعي _دايما تدخل عليا على غلقة عليها نتخلع . لاح عينو لخزانة ديراكت تبدلو ملامح وجهو _أخرجي لبرا _علاه وشبيك _كينقول كلمة تقولي اوك وماتزيديش فالهدرة _هززت براسي وتبسمت وخرجت وغلق الباب من ورايا ودعيت ربي باه مايكشفنيش .الجرأة ليوصلتلها صعيبة وماش قدي وليام الجايين هو البرهان .