نظرات محرمة (الفصل الثاني )

الجزء6

.الحلقة 44
بقلم لينا صبرينة
وقفتو وطولو وعينيه كلهم فيهم صيفات سامي من غير لون البشرة مغاير .كان لابس كلاسيك قمجة بيضاء بدرعيها وسروال كحل _قدم ليا وحكم يديا ليرجفو _هووب هووب ماترجفيش هكدا درك راكي مع راجلك وحلالك ماتخافيش وانا معاك ماسمح لخد يقرب منك ويآذيك وكون كاش واحد يقرب ويبعدك عليا راسو نقطعو انا كدبت وقتاه رجعي مرتي وملكي .مانكدبش عليك قبيل في لحظة توسوست منك انو ترفضي بصح كيدخلت امي قدام الشيخ وقاتلو على موافقتك ونتي حسك ماكانش حسيت بصدري تشرح ورتاح _هز يدو حطو في خصري ويد يمشي فيه على شعري ووجهي ونظراتو كلها شوق _مبروك علينا وربي يباركلنا في زواجنا واخيرا راكي مرتي حلالي والنظرات المحرمة صايي راحت ورجعت فعل ماضي ناقص ومن ليوم تنتج نظرات حلايلية نظرات كلها حب وعشق وجدان شحال وانا نستنى في نهار ليوم باه نمتلكك وتكوني ليا غير باه نعيش لحظة وانا قريب منك بكل حرية وبدون اعتراض منك باه نخليك تحسي بحبي ليك وترتاحي معايا وتبادليني نفس الإحساس وماش محتمة حب من أول ليلة المهم تبادليني راحتك واستمتاعك ونتي بين يدين راجل مهووس بيك .ماش راح تقولي حاجة علاه ساكتة سمعيني صوتك _ماعندي مانقول خلاص زواجي بيك تم وربي يكون ليفيه الخير _تبسم وجبد ثلفون وحنا بهاديك الوضعية صورنا وزاد حطو بعيد علينا ويصور وحدو وهو غير يتملسني وانا حاولت قد مانقدر نتحكم في روحي ونبقى شامخة ماش حاباتو يفيق بضعفي باسكو ادا ضعفت اكيد راح يهجم عليا بدون مقدمات باسكو درك ماعندو حتا حاجز يمنعو _طلعلي راسي ليه وهو يتبسم .زينك كما قاتلك أمي زين الغجريات عندك زين مخلط مع لون بشرتك وعينيك المارو يبرقو بريق يخلوني مانقدرش نتخطاهم وخشمك وشواربك المعدولين وجهك فيه البراءة وجادبية ماتقدريش تتصوريها حتا شعرك لكحل الطبيعي سيرتو كيخليتيه كما راه زاد جنني وزاد فيك نص مع لبستك تاع ليوم ونتي أصلا كيتكوني على طبيعتك ونتمعن في مواصفاتك مانعرفك دزيرية ولا مصرية صعيدية ولا مكسيكية هندية ولا اسبانية بإختصار اندلسية وغجرية تاعي حمدلله ربي كتبك ليا _حنا هكداك وصمد ناض يبكي ديرتها فرصة وبعدت منو رحت هزيتو_وجدان ماتهزيهش بزاف واش قال طبيب ولا نسيتي _رايحة نديه لبلاصتو خير هادا سرير صغير ونخاف يطيح منو _طفل مازال صغير خلاص موحال يطيح منو بصح ماعليش راني فاهمك اديه لبلاصتو وحاولي ترقديه بكري _قعدت نشوف فيه_صايي ماتشوفيش ليا هكدا باينا ليلة ليلتنا ماتروحش باطل هيا أديه رضعيه وبدليلو وانا نروح نجيب عشاء ونجي  __كيرجع كنت فالبيت وغالقة الباب قالي رقديه وهيا تتعشاي نستنا فيك .بقيت لتم طولت وهو مازادش رجع ليا بصح لوقتاه نبقى هاربة لازمني مانخليهش يتقلق ويهيج عليا وليت نضت وخرجت عندو كان فالكوزينة قاعد وصباعو يكركب فييهم فوق طابلة تاع القلقة كيشافني بدل ملاحو تاع زعاف وتبسم وقدم ليا حكم يدي وقعدني بجنبو فالكرسي لقيتو جاب كبدة وفيونداشي وفريت وسلاطة وعصير _حبيت نجيب حاجة خفيفة على المعدة هيا كولي وشبيكي حاشمة ليوم موالفة تاكلي الاخضر واليابس_أصيييل راح تحاسب فيا _ياعمري على إسمي شحال شباب من فمك غيرك ماتزيديش تنطقي اسمي خلينا نعمرو كروشنا ومبعد ليل كلو ليك وقولي اسمي وعاوديه ماش راح نمل منو _يماك علاه راحت ؟_راجلها مايحبهاش تبعد عليه_قصدك باباك _مممم اصلا راحت خير فدار الضيق وانا ونتي عرسان مانحبش واحد يديرنجيني _راهي يماك كيفاه ماتحبهاش تبقى معاك ماتواحشتهاش _توحشتها بصح قلبي باغيك نتي انا كينكون معاك ننسى أمي وولدي يعني نسمح فيهم على جالك_تشوكيت من كلامو ماعرفتو منو صح ولا غير يضحك .كملت ناكل وهو بقى يوكل فيا حتا كملنا .حكم يدي وداني لشمبرة وانا نمشي معاه مصارني كانو يتقطعو من داخل من الخوف .دخلت لقيتها مزينة ورد وشموع وفالنص فوتاي باج قيس زوج بلايص وقدامو طابلة فيها طارطة مدورة وكيسان ومكسرات .قدم ليا وحكم خصري بيد وجبد ثلفونو تصورنا وحتم عليا نتبسم للكاميرا كيكمل حكمني بزوح يديه_ماحبيتش تدخلي الشمبرة هادي غير باه نخليها جديدة عليك حبيتك تدخليها ونتي مرتي باه تحسي بالفرق بربي ان شاءالله هادي شنمرة راح تشهد على حبي وشوقي ليك وتشهد على عشرتنا .