نظرات محرمة (الفصل الثاني )

الجزء7

الحلقة 48
بقلم لينا صبرينة
هاديك ليلة طلعت هبطت في تخمامي وليت نضت موحال نخليه يدير رايو فيا لازم نلقى حل مانبقاش تحت رحمتو ونخليه يذلني كتر من هكدا .دخلت لشمبرة فتحت لخزانة جبهة تقريبا فارفة فيها غير شوي قش ليا جديد وشلايق جدد فلومبالاج تاعهم باينين ليا باه نلبسهملو خامج يخمم غير في ...فتحت الجيهة تانيا لقيت قشو معلق والجهة ثالثة قشو داخل بعضو بديت نحوس ماخليت بلاصة فيها حتا لاقوافاز وفسرير مالقيتش ريحة كواغطي بقاتلي غير الكوفر ليداخل لخزانة مغلوق قادر يكونو فيه اكيد ماهوش بهلول باه يخليهم قدام عينيا .رجعت كلشي كما كان ورجعت لبلاصتي بصح مانعيا لاقيتهم ونهربلو __لغدوا كنت فشمرة نظف فيها لقيتو جاء ولحق عليا فيها وسعلي عينيه وكانت فاصمة على جبهتو .واااش ديري تم _نظف برك _برااا عليا شمبرة ممنوع تزيدي تدخليها خليها بيها بخماجها يالله بعدي من طريقي اخرجي ماش حاب نشوف خليقتك_خرجت وستنيتو حتا خرج كانت كابة في يدو _وين رايح؟ _واااش يهمك فيا .راني رايح بصح غيرك خمي كيفاه ترضخيلي ياماتك جايين وتشوفي فيهم الويل مني وتهديدي وتحديري راهم واضحين كينرجع نلقاكي واجدة لواش جايك _واش ليجايني واش من حق عندك تبقى تهدد فيا مانيش عبدة عندك _راكي تستهزي بيا بصح كيدوقي المر مني ترجعي تمديلي لموس ليدي وتحطيه على رقبتك تطلبي ندبحك خير ماتزيدي دوقيه وهاتي ثلفونك هنا من ليوم كلش مغلوق عليك__من هاداك نهار ليراح دالي ثلفون وغلق عليا الباب و مازادش جاء عندو سمانة وكان داير حسابو مايخصني والو فدار باسكو هو كيشري يشري بزايد وطول هاديك سمانة ماخليت بلاصة ماحوسش فيها كنت غير نحوس على ثلفون ولا مفتاح المهم حاجة تخرجني من الغرقة هادي كنت نخمم نخرج من دار ونروح عند رقية هيا تعاوني مادام اصيل جدد كواغطي ونضال ماشكى بيا لا والو يعني نقدر انا تاني نجددهم ومانخافش بصح مالقيت حتا مخرج حتا من رقية مازادتش جات عندي كنت نخمم على الاقل كون جات نقولها تخبر خالها يعاوني ونتهمو بلي حابسني باسكو من ليلة هاديك تأكدت أنو مايتعاشرش ومستحيل نتقبلو وماش نكرت خيرو بصح حتا ادا بقيت معاه راح يضر نفسيتي ونفسي يوم القيامة راح تحاسبني مالا ندير قيمة لروحي ومانبقاش نخمم في خيرو الله يسهل عليه بصح لكلام ساهل مالقيت حتا مخرج . وكنت قادرة نبقى نخبط فالباب تاع برا والجيران يسمعو ويخرجو عندي بصح خفت يعيطولو ليه ديراكت ونخرج انا الخاسرة ماربحت والو درت كل الاحتمالات في راسي بصح بلا فايدة ومافهمتش كيفاه ماجاش عندنا يسقسي ولا يشوفنا حيين ولا ميتين ماخاف لا والو __وانا مع صمد بدلتلو لاكوش تخلعت كيسمعت الباب تفتح اكيد رجع .شفت مع روحي كنت لابسة بيجامة فلزرق يعني مازلت ماش حابة نخرج عندو مكشوفة .كيخرجت عندو لقيتو ينحي فالصباط كيدار وشافني كان شابح وجهو قدم لعندي وفات عليا دخل عند صمد للبيت شافو _وجديه نديه لطبيب _كنت حاسبة راك نسيت رونديفو تاعو درك نلبس وندوه _قلت لبسيلو هو ونتي من الدار ماتخرجيش _كيفاه تديه وحدك ماجاياش _مالا خليه فدار لاكنطرول لا والو ادا صراتلو حاجة اتحملي نتي المسؤولية _علاه دير هكدا راني انا يماه وطبيب يسقسيني انا باسكو نعرف كاشي عليه _اوك المدة هادي كاش ماصرالو احكيلي _لالا _ياك يتنفس طبيعي يرضع يتحرك يبكي يخمج كلشي طبيعي و مليح ؟_ايه _ عندك في يدك ربع ساعة يكون واجد هاداك هو ندوش ونبدل ونجي نديه ودرك نخليلك الثلفون ادا مافهمتش حاجة نعيطلك _قعدت شوي وانا مترددة وليت نضت لبستلو وهو كيكمل هزو بيه بالدوسي تاعو وداه ورجع غلق عليا الباب بصح خلالي ثلفون وبقيت نستنا وقلبي جمرة مرة على مرة نعيط بصح حاطني فلاليست بلوكي فاتت ساعتين وماجاش بديت نتقلق ونحط ألف احتمال في راسي ياويلي يكون داه عليا وحاب يحرمني منو ولا حاب يخلي صمد هو نقطة ضعفي ويحرقني بيه .زادو فاتو ساعتين وعادو ربع ساعات وكل دقيقة فاتت عليا روحي كانت تتعدب بعتلو ليميساج درت كلشي بصح ولا رد منو ومن خوفي رجعت نتقيا وصرا فيا لعجب سيرتو كيوصل ليل وهو مارجعش قلبي فسخ وليت قاعدة عند الباب فالأرض ونشهق بلبكى هلكت رووحي حسيت انو خسرت واش بقالي وفهمت كلامو انو ماراح يرحم لا صغير لا كبير والبداية والضحية الأولى يحرقلي كبدتي .
الحلقة 49
بقلم لينا صبرينة
وانا هكداك وصلني ميساج منو من غير قريتو وليت نبكي بالصوت ونخبط فالأرض بيديا ورجليا ونتف في شعري وندعي عليه حاب يمتحني بوليدي قالي فيه .البداية كانت بوليدك ادا صح حابة يرجعلك ومانخليهش في كاش مسجد كينجي نحبك تكوني واجدة ليا تستقبلي راجلك وتحاوليه طول ليل كما سبق وفهمتك مانحبش نعاود الهدرة وليوم كان غير درس ليك باه تفهمي انو كينحط حاجة في راسي نديرها بدون رحمة _بدون اي تفكير رجعتلو ميساج وكانت أول مذلة ليا بصح على جال وليدي نخلي كرامتي تتكرر عادي _أصيل جيبو برك وقابلة نركع عند رجليك برك ماتحرمنيش منو جيبهولي ربي يعطيك ماتمنى _مامبا خمس دقايق لباب تفتح لقاني مقابلو وخالتي تشف وانا كيشفت صمد في يدو روحي رجعت ليا .نضت نجري نحيتهولو نشوف معاه ونفيريفي كاش مابيه ولا حاجة ونبوس ونحضن وهو غلق الباب وبقى يتفرج ويديه وراه .شفت ليه غمزلي تاع يعني أفهمي روحك _حطيت راسي على صمد وغمضت عينيا بحرقة وغصة في قلبي بصح تكوراجيت وقدمت لأصيل حطيت يدي على صدرو وقدمت بوجهي لعند خدو قبل مايلحقو شفافي ليه جبد روحو عليا وهمسلي في وذني مازااال ليل طويل ومازال نزيد نشوف جرأتك وين توصل .دخل وخلاني هكداك بهاداك الموقف .رحت غسلت لصمد ورضعتو بصح يبان شبعان يكون شربلو خليتو يرقد وخرجت شفتو فشمبرة مع لبيسي .دخلت لكوزينة درت عشاء تاع ليه ليه ورحت ليه برجل لقدام ورجل لور _هيا تتعشى _طلع راسو وغلق البيسي وبقا يشوف ليا من لفوق لتحت .هادي الحالة ليراكي فيها تستقبلي راجلك شوفي روحك مع لمرايا دايرة كما هادوك ليخارجين من لقبر روحي دوشي وبدلي عليا هادا دلفين ليلابساتو وتزيني وتفحفحي لراجلك ولا حتا نقولك واش ديري واش تلبسي _هززت براسي وجيت خارجة وليت تفكرت بلي شاري ليا لقش رجعت هزيت لبسة ورحت لدوش رخيس يذل فيا وزيد يبهدل فيا بصح نتحمل وراح يجي يوم ونرجعلو كل ضربة متضاعفة ماش راح نسكت وننساهالا والله ندمو عليها .لبست كان سروال جين مزير وتريكو تاعو واصل للسرة ويتربط لونو بيض ودرت مكياج وتفحفحت على زهري المسود وخرجتلو كما الورة المتفتحة .سخنت لعشاء كان برد وعاودت سربيت ورحت ليه كان مازال مع البيسي كيشافني ناض وبقى يشوف ليا ويتبسم _هادي هيا مرتي كينشوفها المورال يطلع وتزهالي دار نتي درك ماناقصك والو بصح انا ناقصني _فهمت عليه وليت قدمت بطولي وعرضي وحضنتو وهو حط يدو على ظهري حسيت بيه كيراح يستعمل قوتو ومرضو فيا بصح تراجع فيساع ورماني لسرير _تبعيني تتعشاي _حكمت دمعتي واستغفرت وتبعتو قعدت على الطابلة بجنبو باسكو كيدخلت للقيت كرسي قدامو وحاط يدو عليه _مرتي نحبها تقلشني وتدللني وتهدر وتضحك وتتبسم ماش باردة ودايرة كيف الصنم _كل كلمة كان يقولها كانا كيف سيف يقطع في كرامتي .هزيت المغرف ومرة على مرة نوكلو ومن فوقها نتبسم ونقولو ادا نزيدلك والهدرة جبتها غير واش قالو طبيب على صمد منها نهدر منها نطمن المهم خلاني ندير امور بدون ارادة مني وغير نحتم على روحي كمل وناض قالي وجديلي الدوش وقشي _استغربت واش نوجدلو كلش قدامو متطور ماهوش تاع نسخن الماء والباسينة .نضت جبدتلو بيجامة ومنشفة حطيتهملو وسخنتلو دوش وخبرتو دخل كيخرج لقاني فالبيت _واش يالالة واش ديري هنا ياك طفل راقد مالا لبلاصتك _رحت لشمرة لقيتو مطفي ضوء ومخلي غير ضوء تاع الحيط موف. تكسلت فوق سرير وهو ينشف في شعرو كيشفتو بدا ينحي في  قشو دورت وعطيتو ظهري حسيت بيه كيحكم بلاصتو ونفس تاعو قريب مني .انا هكداك وصبعو بدا يمشي فيها على ظهري _نوضي لبسي نويزات وارواحي تدلعي راجلك ليلة ليلتو_نضت هزيت نويزات لبستها فدوش ورجعت ليه قعدت على حافة سرير معرفتش كيفاه نبداه _أصيل راني قدامك بركا ماتعدب فيا كتر دير واش حاب وماتسناش مني انا ندير كلشي والله مانقدر اتفهمني تعيش_ارواحي لعندي .قتلك هيا ارواحي .قدمت ليه تكسلت وحطيت راسي على دراعو وحط يدو على شعري ويتلمس فيه بيه بوجهي .ديراكت خطفني ليه وحضني بقوة كبيرة ويديه كون صابو عصروني نفس تاعو قاوي وسخون على رقبتي رجليه مشبكين رجليا صح حسيت بالنفور بصح قاومت قد مانقدر مانبينش كنت حاسبة خلاص راح يرحمني ويدخل عليا ونتهنى بصح شوكاني كيرخف روحو عليا وقابلني بوجهو ليا _حابك تحاوليني ندخل عليك حابك ليلة نكون انا السلطان ونتي غير جارية _جيت نوض حكمني .وجداان ماتخلينيش نعاود الهدرة ياك نتي وافقتي لازمك تتحملي وديري لينطلبو .
الحلقة 50
بقلم لينا صبرينة
انا مرتك ماش وحدة جارية ورخيسة عندك احترمني نحترمك قادرني نقادرك _هاديك بكري كون رضختيلي وتقبلتيني بسهولة . بصح نتي درتيها لروحك خسرتي دلالي وحبي واحترامي وتقديري تحملي المسؤولية وهيا تعبيني شوي بدلالك وخليني نرقد _وادا رفضت نديرها _كف مني نجيبك فالأرض متغاشية منا تفطني ولدك باااح قتلك راكي رجعتي تحت رحمتي _(في قلبي سبيتو ودعيت عليه )بصح تحتمت عليا نفدت واش طلب وبقيت نطلب فيه يدخل عليا ويعاشرني وهو يرفض ويذل فيا وعاجبو الحال وليت تقربت منو كتر وحطيت وجهي في رقبتو غير باه يضعف ويهينيني بصح والو يقاوم في روحو عرفتو من لغة جسدو انو حاكم روحو بسيف عليا سيرتو كيشفتو حاكم قبضة يدو بقوة ونفسو يتقطع وكيماقدرش كتر يقاوم نوضني من شعري ورماني فالأرض بكل همجية كيف هادوك لبنات رخاس ليبيعو رواحهم تاع الملاهي هكدا حسيت نفسي .روحي لفوق الفوتاي مقابلني ورقدي _بصح صغير ياك درتلك كلشي واش نزيد _ياالله ديري ليقتلك وماتزيديش تقربي مني راني عفتك_أصيييل_تروحي ولا نجي نوريك أصيل على أصولو _علاه ديرلي هكدا _باه تفهمي بلي أصيل كيحبك حبك حب حقيقي يعني حبك روح وجسد ماش غير على جال جسمك برك انا حبيتك تكوني ليا وحدي من روحك وجسمك ونفسك وماضيك وحاضرك ومستقبلك كلشي ليا وحدي ومانسمح لحد يشاركني فيك حاب نمتلكك ونمتلك كلشي بخصك لنفسي برك ودرك سمعيني سكوتك__لصباح كان خارج حتا لقيتو قرب مني .ماتعبيش روحك وتبقاي تحوسي على كواغطك ولا على مفاتح ماش راح تلقايهم وردي بالاك تغلطي راح تسلكيها غالية وأول درس ليك لبارح_كيخرج رحت قعدت فشلت وحكمت قلبي بيدي يعني فاقلي بلي حوست عليهم وماش موحال انو يكون قاري أفكاري عليها هادا الراجل راح يكون خطر على حياتي لازم عليا ناخد حدري كتر وكتر وفي نفس الوقت نخمم على حيلة نسلك بيها روحي منو ومانخليلو حتا فرصة بقدر يآذيني بيها لازم عليا ننقد روحي  ___بقيت يامات وليالي على نفس التصرفات وراضخة ليه بصح غير بالفعل نحاول فيه ونترجاه ونفد طلباتو بصح ماحبش يرحمني مرات يفقد سيطرتو وينسى على روحو معايا بصح مايطولش ويبعدني عليه ويرخسني ويطلب ماكتر رجعت انا وبنات الملاهي نتشابهو برك انا كنت نتقرب منو بالساكتة .شمبرة عاد يخليها مفتوحة كيروح يخدم بصح ولا نهار نسى المفتاح ولا خلالي الباب تاع برا مفتوح دايما غالق عليا ويما عيطتلها غير بعد ماحاولتو باه قبلي هدرت معاها وماخبرتهاش بلي تزوجت من جيهة خايفة من أصيل لأنو حدرني ومن جيهة خايفة يما ماتقدرش تتفهم ظروفي وتلومني سيرتو كيرجعت تضغط عليا باه نرجع لدزاير وليت درتلها سبة بالباسبور ماعنديش ولازم نصبر __هادييك ليلة صمد مرضلي بالحمة وبقيت عساسة عليه وزيد تعبني راه غير يبكي وهو سمعتو ينفض في روحو وليت ديتلو سرير لشمبرة _مازال عندو سخانة _لالا صايي هبطتلو بدواء بصح ماحبش يسكتلي _ناض جاء عندو هزو وبقى قاعد ويهزز في روحو وييلعب معاه بالهدرة ويضحكلو باسكو صمد مالازمش نهززوه بزاف .شوي وسكت على يدو حتا رقد حطو في بلاصتو وبقى يشوف ليه تمنيت سامي في بلاصتو وهو ليراه ساهر عليه ويهزو ويعسو وبشوف ليه بهادي النظرة بصح القدر غير كلشي في هاديك اللحظة قعدت بجنبو واستغليتها فرصة وهو بهاديك الحنية مع صمد وتجرأت حطيت يدي على رجلو .دور ليا وتقابلو عينينا وتبسمت. أصيل انا بروحي وجسمي راهم ليك عاشرني ودخل عليا وهنيني وهني روحك راهم في عينيك شوق ورغبة ليا ماتخليش هادو ليالي يروحو باطل ليوم راني عايشة وقدامك بدمي ولحمي وغدوا راني ميتة ومدفونة تحت التراب وراح تاكلك ندامة _اشش بعيد الشر عليك ليوم راكي معايا غدوا معايا وماتفرقنا الموت غير وحنا مع بعض في نفس لقبر كون تروحي قبلي راح نلحقك اكيد وعندك حق مالزمش نضيعو ياماتنا _قربت ليه وحضنتو وهمستلو في وذنو .مالا راني ليك وحابة نشوف حبك ليا بحنانتك _كيقلتهالو حضني بقوة وانا من داخل راني نافرة منو وكلامي كلو كان عكس واش في قلبي كارهاتو ومشمأزة منو حتا عايفة روحي كيراني نرخس في روحي عليه وقريبة منو بصح دايما ندامة تجي هيا الأخيرة _وجدااان _ممممم_ علابالك علاه زدت تعلقت بيك وحبيتك كتر_علاه ؟! _باسكو عندك خبث في عقلك تعرفي تلعبي على الوتر الحساس وقوتك تكشفيها غير كيتلفو أعصابك وماتقدريش تستحملي كتر .
لحلقة 51
بقلم لينا صبرينة
جبدت روحي منو وعقدت حواحبي واش تقصد _استغيليتي ضعفي وتقربتي مني باه غير ترحمي نفسك من لعداب _اصيل عندي يامات وانا نحاول فيك وين شفت الخبث_ماش عليا وجدان انا كون جيت ليهمني منك هو جسمك كون من نهار جبتك وانا كل ماتنفحلي نعاشرك بصح ستنيت لحلال وتقربت منك بطريقة ضريفة ونتي صديتيني بالضرب ولبزاق وبالماضي تاعك وهكدا زدت حكمت روحي وماتعديتش عليك بالقوة ولا اغتصبتك حاب كلشي برضاك ودرك انا مانيش قابلك وزيد مرة خلاف كيتقربي مني ماتجينيش بهادي الحالة عندك قش تاع نهار وتاع ليل وتاع رقاد وتاع الإغراء لبسي على حساب الوقت وحاوليني ممكن نضعف ونعاشرك اما درك ماش نافحتلي .بقيت غير نشوف ليه بكل حقد _حقا نزيد نقولك حاجة نهار ليتنفحلي ونقبل نعاشرك راح تتوجعي وراح تحسبيها ليلة دخلتك لأول مرة معايا _اااه اصلا اسكت عليا واش هادي الهدرة _ضحك وناض .ايه علاه مستغربة وحاشمة باينة مادام كنتي متزوجة سنين يعني راه عندك بير وانا نحب لجديد ليمتعني بصح قلبي طاح فيك ولازم نديك في كل أحوالك عليها وصيتهم يسكرولك البير ويخيطوك زوج مرات ويااااربي _حكمت روحي قد مانقدر وبقيت غير نستغفر داخلي وهو نحى قشو وحكم بلاصتو بصح عندو مارخسني وذلني بكلامو وصلت بيه الجرأة والذناءة لهادا الحد يهدر هكدا مع ليكانت مرت خوه الله يلعنو يجي نهار ونوريلو البير واش يدير فيه خامج __لغدوا فليل كيدخل قالي روحي ترقدي غدوا عندنا طريق لولاية الفلانية _علاه نروحو لتم _ماتخافيش نروحو للقنصلية برك يسقسوك أسئلة جاوبيهم ونرجعو هادا ماكان لازم نتي تكوني حاضرة باسكو طلبوك _ونتا وين تعرف بلي طلبوني اصلا ماعنديش اقامة مستقرة كيف الناس باه يبعتولي ولا بعتوها لداري لتم _لالا انا كيجددت كواغطك درتلك اقامة وهمية عند راجل صاحب ثقة وعاد كلشي يخصك يوصل لعندو ثم وهو يعيطلي واكيد نضال فاق وراح لهاديك دار بصح مالقاكش جايح على روحو نسى بلي وجدان راهي محمية من أصيل وأصيل واحد مايلعبهالو _بقيت نشوف ليه بحيرة يعني صح هادا يقدر يدير كلش كل مرة يأكدلي بلي يخوف وماش معاه لعب _اسمعي كينروحو ماكالاه تقوليلي نروحو لدار ونجيب ومانجيب راهي ماكانش روحة لتم وزيدي ديريلي مشكل _ماتخافش انا ليمانروحش _صاحيتي __ليلة هاديك كيلعادة رخست روحي معاه ورفضني بالاك للمرة الالف وانا غير مستحملة وموجدة خطة في بالي غدوا كينخرج باسكو هادو ليام كامل ليرفضني كيخممت ضهرو فيهم الخير ليا عليها يقولو كل عطلة فيها خير .مالا نهار تاع غدوا نستغلو لصالحي وحتا كاينة خطة تانية ادا خلاني وحدي فاالقنصلية راح تكون ليا فرصة نشكي بيه بصح هاديك الخطة متأكدة تفشل ماهوش انسان غبي يكون دايرلها حسابها __لغدوا نضنا وديمارينا بصح بطلوع الروح كان حاب صمد ماندوهش معانا ونخلوه عند رقية باسكو طريق طويلة وماتساعدوش بصح انا رفضت قلت ادا تقدرت و مات يموت في حضني ماتزيدش نخليه دقيقة بعيد عليا .كيماقدرليش رجع قبل ندوه معانا __كيوصلنا هز عليا طفل .ادخلي وحدك مانقدرش ندخل معاك وهاكي كواغطك كلهم ويسقسوك على لادراس قوليلهم اسمها &&&& غير باه يتأكدو من المعلومات وراح يسقسوك شوي على سامي جاوبيهم وكون تصيبي جنسيتك تقدري تبدليها وتسهليها عليا _واش قصدك نبدل جنسيتي موحال نبدلها _كون تتحتم راكي تبدليها ويديك على راسك _تحلم انا جزائرية حرة ونبقى جزائرية مانكرش أصلي وفصلي_فهمنا هيا ادخلي وديري ثقة في روحك وقوي شخصيتك قدامهم _كاش اوامر خلاف .جبد ثلفون تاعي ويخربش فيه ومدهولي عيط لروحو وهز _خلي ثلفون مفتوح في يدك كون تسكريه وتغلطي في كاش حاجة راكي علابالك ماش حاب نبقى نهدد وزيد ولو تشكي بيا مايلقاو حتا اثباث لكلامك ويلقاو معلوماتك غالطين نتي تسلكيها _أايه فهمت اتهلى فيه نكمل ونجي _رحت دخلت وكنت متأكدة هادي النقطة يكون دايرها حساب الكلب ربطلي يديا .من دخلت للبيرو وراجل يسقسي فيا وانا نجاوب _ فهمت عليهم كما قالي هو يتأكدو من معلومات برك وشحال المدة ليبقيت فيها في تونس وماخرجتش منها بصح فهمت نقطة انو طلب أصيل ليقدمو باه يتزوجني قانونيا ادا موافقة عليه لتم حصلت بصح اكيد ماش بسهولة يقبلو الطلب تاعو يبقى هو عسكري تونسي وانا أجنبية عليه ادا تونس قبلت فالدزاير راح ترفض ديجا شارشيت عليها قبل .عطيتهم القبول ومضيت على وراقي ومدولي كواغطي وخرجت بسيف. بقيت تم كتر من ساعة وثلفون في يدي .ركبت وهو بقى يضحك_واش ليضحك ؟_ضحكني اسلوبك فالهدرة حسيتك كما هادوك الامبراطورات والله كنت نسخايل في وجك ونتي شابحتيه قتلك ديري ثقة في روحك بصح ماش من دخلتي ونتي تهدري لونغلي وفرونسي جايبتيها زعما وحدة قارية ومثقفة بصح عجبتيني هكدا خير .
الحلقة 52
بقلم لينا صبرينة
خمسة في عينيك هاتلي طفل لحجري_مدهولي وديمارا كيشفت بازار قدامو فارماسي حبستو _احبس وارجع منين البازار _علاه _عندي قش نشريه خاصني مانقدرش نقولك عليه امور تاع نساء _رجع للبازار وقارا قدامو .هاتلي دراهم _حاوليني نمدلك _أصيل تعيش اعطيلي دراهم _جبد دراهم جيت نحكمهم عليه جبد يدو حاب يلعبلي على أعصابي بسيف مدهملي بعد محاولات مني المرهوج قد مايدير هكدا على قد مانزبد نحقد عليه .قبل مانهبط دورت ليه .منا نجي نكمل ونخلص روح جيبلي كاسكروط كبدة حابة ناكلو داخل الطونبيل ماش لبرا  _ايه قتلك تاكلي الاخضر واليابس عليها حاشمة تاكلي برا وناس يشوفوك وترجعي تبهديلة مافهمتكش كيفاه ماسمنتيش نورمالمو الباب مايدخلكش يابن عمي أكولة بالاك عندك حنش في كرشك ياكل معاك  _علابالك نتا كون تستدعيني للمسامح كريم وتبقى تطلب فسماح مانسامحكش _ضخك بصوت .اتا سي عبد الرزاق الشابي مايعجبينش نستعديك منين خوه مع سي علاه هاداك يجي جونتي وطبايعو يشبهولي وجريئ كينحكيلو واش ندير فيك يفهمني وحتا يرجع يسخايلك هو اكيد يعطيني الحق _هههه قتلتني بالضحك تاافه _ماتبدايش تخلطي فالهدرة وهبطي درك نجيبلك تاكلي ونجي وردي بالك تغلطي متفاهمين _ايه _نزلت دخلت للبازار وبقيت عند الباب منين مايشوفنيش .شوي وديمارا بصح حبس قريب من البازار ستنيتو حتا دخل ريسطو وخرجت رحت لافارماسي شريت من عندو دواء تاع منع الحمل وتاع رقاد ليكنت نشرب فيه هاداك الوقت بصح هاد المرة نشربهولو ليه نوريلو زنبع تاعنا وين يتباع وزدت شريت ليبوند .وزربت رجعت للبازار بلا مايشوفني وحطيت الدواء داخل ليبوند باه مايشوفهمش  وسكرت ساشي .درت آكشن مع روحي . شريت شوي صوالحي بزربة سلكتهم جيت خارجة قبل مانوصل للباب قابلني وجه كان آخر واحد نقدر نلقاه هنا _علاه مستغربة هكدا انا وين نشم ريحتك نجي نجري _كيفاه عرفت بلي راني هنا نضال _كنت عارف بلي استدعاوك من القتصلية العصافير خبروني _بعد من طريقي _مبروك عليك ولدتي وجبتي طفل وحطيتيه على اسم سامي _ولدو حاجة باينة نحطو على اسمو _وانا ماقلت والو بصح لازمك تخبريني وينك واش من بلاصة راكي فيها _مادخلكش _عارفة راكي مع أصيل وهو راهو يحمي فيك وعاونك وكلشي وحتا حاب يتزوج بيك راني عارف _راك غالط مانيش معاه _وثاني دافعي عليه راني جيت وشفتك خرجتي وركبتي معاه وجابك هنا كنت وراكم وحتا شفتك دخلتي لافارماسي .قوليلي راكي عايشة معاه ؟ متزوجك فالسر؟_ماش معاه ولا تزوجنا لا والو مايقدرش وانا موحال نتزوجي راه صاحب راجلي ادا نسيت _عارف مايقدرش يتزوجك من خدمتو وصعيبة بزااف كما كنت أنا بصح عرفي يقدر  _ وانا قتلك موحال تصرا  هيا راه برا يستنى كون يشوفك يصرا مشكل فبعد من طريقي _علاه خايفة منو واش دايرلك شوفي ليا انا كما قتلك نادم على كلشي صرا من قبل وواحد ندير أي حاجة على جالك _(في لحظة خممت وقلت نشوف زهري ادا ايجابي فانا رابحة وادا سلبي ماش راح ننضر ) .ادا حاب نقبل اعتدارك اول حاجة ديرها تروح عند والديا وتحكيلهم بلي خاطيني كلشي صرا معايا وترجعلي كرامتي وصورتي ليشوهتها نتا لتم تعود هدرة خلاف _ايه قابل ماش مشكل راح نحكيلهم ونبرئك قدامهم _انا كينشوف النتيجة لتم نسامحك _ماش تسامحيني برك تتزوجيني انا حابك في حياتي وادا تحبي باه تتأكدي انو ماش طامع فيك نديرو شروط بالوثيقة يعني بالقانون ماش راح ناخد منك حاجة _دير ليقوتلك وزواجي منك نخمم فيه ووعد مني ودرك بعد من طريقي قبل لا يدخل ويكشفك _ماراح ندير والو حتا تعيطيلي وتعاودي تأكديلي هاتي نيميرو تاعك _ماجبتش ثلفون اكتبلي نيميرو تاعك ونعيطلك نأكدلك _هزز ببراسو وراح لاكاس كتب نيميرو في ورقة ومدهولي _وجدان أتأكدي بلي تبدلت بزااف و راني نادم وطالب سماح من قلبي وهاد المرة نيتي صافية _ليام بيناتنا .مشيت وانا نيتي غير نستغلو برك وننتقم منو موحال نصدقو وندير فيه لامان .خرجت لقيتو كان راح يدخل _علاه طولتي هكدا ؟؟ _الغاشي برك هيا نركبو تعبت _رحنا للطونوبيل لقيت صمد حطو لور في بلاصتو وانا كرفست النيميرو بيدي _وجداان كاش مابيك _اااا والو علاه _توسوستلك علابالك وجهك يبين بلي بيك حاجة وزيد متوترة داخلة بعضك وابتسامتك ماهيش نورمال _ماكان والو ديماري _لقيت وجهو تبدل وخبط الفولو بيدو. لآخر مرة نسألك واش كاين! _خفت موت يزييد يشوفو ولا يشوف نيميرو يعني فاقلي وكان باين كلشي فيا كل مرة نحب ندير حاجة لصالحي نلقاها عكسي بصح منها قدرت نكتشف سر كبير على ماضي أصيل مع عايلتو ومنها تحتمت عليا نشوف مع جانب جديد ونخرج شخصية جديدة لنفسي .