سيرافينا "لعنة الكواكب"| seravena

الفصل الثاني "جـ٢ـ" (وأنا اللي كنت فاكرك فاكرك طلعت اتاريك اتاريك)

وكأن صاعقة كهربائية ضربت كل خلية من جسد ريان الذي طالع أزوراكس بحقد وتوعد وأردف

="إنت بتعمل ايه هنا؟!"

رمقه أزوراكس ببرود وهو يزيل قطع الزجاج المتناثرة على الأرض وأجابه

-"أهكذا ترحب بالضيوف في بيتك؟"

أثارت كلماته الغضب في نفس ريان لكنه اخفى غضبه خلف قناع اللا مبالاة وقرر استفزازه كما فعل هو معه ليبتسم بعدها بهدوء ملتفتًا نوح الباب ليخرج

="الضيف دا اللي بنبقى عزمينه أو قايل إنه جي، مش بيلقح جتته، على العموم منور"

ثم عاد بعض الخطوات مطالعًا أزوراكس ذو الملامح الباردة قائلًا

="صحيح، نضف الأرض كويس، ولا إنت ملكش في النضافة؟"

قال كلماته بابتسامة صفراء وخرج من المطبخ تاركًا أزوراكس يغلي من الغيظ داخله ونظرات الشباب منها المحروج من تصرافت ريان ومنها السعيدة بما فعله.
اقترب نديم من أزوراكس ومعه نيوس ليساعدوه في تنظيف المكان بينما هرع جاد خلف ريان ندى خرجت لتأخذ والدها وتصعد قبل أن يرى أزوراكس وبمجرد خروجها من الشقة أشار إيهان لجاد بالاقتراب وسأله عما يحدث ليخبره جاد بما حدث بضيق مما جعل إيهان يغطي وجهه بكلتا يديه بتململ قائلًا

-"امتى هيخلص العته دا؟! داخلين في ٤ شهور ومش عارفين نوصل لحاجة ترجعهم مطرح ما جم"

أجبه جاد بتنهيدة

~"مجاش من وراهم غير المصايب والتعب، مش صعبان عليا في كل دا غير ريان"

-"عشان سيد يعني؟"

~"مش بس كده، عشان المخفي اللي في المطبخ دا كمان اللي كأنه قاصد يظهر عشان يعكنن عليه، ولا فرح اللي ظهرت فجأة وعايزة ترجعله"

تنهد إيهان بأسى على حال صديقه الذي لا يستحق كل تلك المعاناه فتابع جاد

~"تعب كتير في حياته ومش عارف اساعده إزاي، ريان اكتر من اخويا وهو الوحيد اللي كان معايا في اكتر وقت كنت ضعيف فيه. المهم، تعالى يلا ندخل نقعد معاه"

استند إيهان على كتف جاد وتحركا نحو الغرفة القابع بها ريان ليجدوه متمدد على السرير ممسكًا هاتفه ببرود وكأن شيءً لم يكن، جلس إيهان على السرير الموازي بينما جلس جاد قرب ريان المستلقي ببرود ليأتيه صوت اشعار من هاتفه، امسك جاد بالهاتف ليجد رسالة من حبيبته الجديدة فتوسعت ابتسامته ليطالعه ريان بريبة ثم قال

="إنت ناسي بوقك مفتوح، اقفله قبل ما دبانة تدخل"

أجابه جاد دون أن يزيح عينه عن الهاتف

~"مالك إنت يا سنجل، دي الجماعة بتاعتي"

="انهي واحدة فيهم؟ سمر ولا هالة؟"