I've Got You (SPG Girls #5)

002xxxx

002xxxx
Meet Storm

Lumipas ang isang buwan at nag-aaya na naman si Jett lumabas. I guess Kia and him have parted ways. Napailing na lang ako. Hindi ko matanto kung kailan magbabago ang lalaking 'yun.

If you're wondering why we're so close, yun ay dahil madalas kaming maging magkaklase noon sa general subjects. Minsan ding sumabak sa Psych 'yang isang 'yan kaya naging magka-institute kami. Madalas mag-shift parang si Gray pero hindi namin pinapakialaman dahil alam naman din namin na hindi sila makikinig.

They were CK and Gage's friends before we met through Loislane and the rest is history.

Parating nagkaka-ayaan mga blockmates ko na lumabas noon and he does not pass up an opportunity. Through the years, we've somewhat become best buddies. Best wingperson for each other, that is.

I felt my phone vibrate against my pocket kaya kinuha ko iyon at binasa ang text. It was from Stefen. I admit, he was hot, pero habang tumatagal lumalala siya. Biruin niyo he wants me to stay away from my guy friends. As if it will happen.

Lumalabas lang kami tapos gano'n na siya umasta. Nope. It's a hard pass for me.

Right now, gusto niya na magkita daw kami at susunduin niya ako kung nasaan man ako.

"Sasama pa ba ako dito o hindi na?" Tanong ko sa kambal na kasalukuyang nagsusukat sa magkatabing cubicle ng fitting room.

"Is that Stefen?" Tanong ni Teyah na siyang sinang-ayunan ko.

"Iwanan mo na. OA eh," Thea voiced out her opinion. Asar siya dito dahil mukha daw bading sa kaputian.

"Sunduin daw niya ako. Malamang date ulit. I'm not in the mood to deal with his demands."

"Bitawan mo na, Ate. 'Wag mo na entertain. Text mo ngayon na busy ka kasama mo maganda mong kaibigan." Teyah huffed before getting out and letting me judge the dress.

I ended up not replying to Stefen because I got preoccupied. Mas masaya kaya mag-shopping kesa mamroblema dahil sa lalaki. Not that I have frequent experiences with guy troubles and these girls are proving that they are fun to be with.

Medyo masakit nga lang sa ulo dahil they are both very opinionated at hindi nagpapatalo sa isa't isa. I guess Pao have had worst experiences with them.

"Hindi na lang ako mag-boyfriend kaya. Parang ang exaggerated naman kasi kapag ganyan 'yung lalaki," Thea sighed dahil nakita niyang tumatawag uli si Stefen. Hindi ko na ito pinansin kasi once na akong nag-text na mag-uusap kami kapag nakauwi na ako.

"Doesn't he have a life? Kailangan every hour tumatawag siya? Exhausting." Irita na talaga sila kaya matatawa ako. Mas iritado pa sila kesa sa akin.

"Alam niyo, it's okay. Hayaan niyo siya. 'Pag hindi pa rin tumigil, hindi ko na uli kikitain. I'll cut my ties with him."

Tumango sila pareho at patuloy kaming naglibot sa mall. Dapat talaga si Pao ang kasama nila kaso may last minute change ng sched sa kanila dahil may nakipagpalit, pinakiusapan niya muna ako that's why I'm here and not sleeping.

Kanina pa sila nagtatanong kung kailan ang uwi ni Loislane samantalang kahit ako walang alam. Hindi pa rin yata sure kung kailan pero panigurado na unang nakakaalam nun ay si Pao at Anne.

"Kailan tayo uli lalabas? Masaya pala lumabas-labas 'no? Enjoy!" Tanong ni Teyah na halata mong excited na pumarty uli. Humalakhak ako. Napakasuwail pa naman ng isang 'to. Kapag pinagbawalan, lalong gagawin.

"Itanong mo muna kay Pao. Alam mo namang ayaw nun na sumasama ka. Pero wala kaming labas ngayon, wala pa namang plano. Siguro pagdating na ni Loislane saka uli magpa-plano."