ركبت العربيه وهاني راح فتح الباب وقعد في كرسيه، مع اني كنت بحاول مشوفهوش طول الاسبوع الي فات ده ودلوقتي هو بيخطفني اهو ومش عارفه هيوصلني البيت انهارده ولا بكره ولا ايه.. هيههيهي احيه.
متفش في وشي طول الطريق، بس لما طلعنا الدائري كده قال..
"انتي عملتي نيولوك جديد ليه؟"
"مش عارفه، فيفي قالت تجرب حاجه جديده عليا.."
قولت وانا باصه من الشباك علي الطريق، وقال..
"مش ملاحظه ان الميك اب اوفر شويه؟"
"وانت مال امك؟"
قولت وانا مضايقه ولقيته اتكتم، وبعدين زعقت..
"مكنش لازم توصلني انهارده يازفت! وبعدين انا لو كنت اعرف انك هتيجي انهارده مكنتش جيت ابداً!!"
"خلااص.. هدي اعصابك اترسير، انا كل الي كنت اقصده ان المكياج الي فيفي حطاه عليكي اوفر"
"مطلبتش رأيك برضه، لو عايز هي هتفتح مركز تجميل ابقي روح احلق شنبك هناك"
قولتله وفجأه لقيته بيسيب الديركسيون وبيتعدل علي الكرسي وبيبص عليا..
"انا مسمحلكيش تقولي حاجه علي شنبي! انا بهددك.. لو قولتي عليه حاجه تانيه هيحصلك حاجات مش كويسه!"
في ظل ما هو بيهددني انا مسكت الدركسيون ووجهت العربيه لحسن نعمل حادثه ونلبس في اي حاجه، وبعدين قولت..
"شنب اعدادي المعفن بتاعك ده بتسميه شنب علي اي اساس؟"
قولتله ولقيت العربيه بتشحر في نص الطريق وفي صوت عربيات كتير ورانا بتقف وفي عربيه طارت من فوقينا.. احيه!
"انتي قولتي ايه!!!!!!"
زعق روحت قولت بسرعه..
"مقولتش حاجه ياهاني.. خلاص هدي اعصابك ياعم مش كده"
قولتله وراح رجع قعد وشغل العربيه وكملنا الطريق..
"استغفر الله العظيم.. متعدي يااااااااااااااااعمممم!!!!"
فتح الشباك وزعق للعربيه الي قدامنا، ماشيه علي براحه علي طريق سريع، وبعد ما عدينا من جمب العربيه وكملنا الطريق قالي..
"انا مكنتش بغلط في لبسك، منظرك.. هدومك، ممكن اكون قولت كده؟ ممكن، بس لو عملنا مقارنه مابين لبسك دلوقتي وعبايتك قبل كده، يستحسن ترجعي تلبسي عبايات"
قالي ودمي اتحرق، قومت لطشاه حتت دين قلم، هيعلم علي خده اسبوع.. احسن!
"اااااااه! ليه ده؟"
قال وهو حاطط ايده علي خده وبيتألم، احسن احسن!
"لو مش عاجبك لبسي متبصش عليا ياظريف! فاهم!"
أنت تقرأ
AFTER (بالمصري)
Любовные романыتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
