أسفه ياجماعه علي التأخير بس الشابتر ده انا عوضت فيه وعملته طويل، لو مش فاكرين الاحداث فاتت هنفتكرها مع بعض في الاحداث الجايه X'D
وفي مسابقه تانيه علي الشابتر ده، اكتر "خمسه" هيجيبو عدد كومنتات كبير وفوتات علي كل البارتات اسمهم هيتحط في الشابتر الجي :D
انبسطو <3
___________
صحيت الصبح علي صوت المنبه، افتكرت ايه الي حصل امبارح وانا باخد الموبيل وبقفله، هاني كان هنا واتفرج علي الساطور والسفله معايا مش عارفه ليه بس هاني بقي لطيف والله يعني شكل الاغاني الحزينه بتغيره.
فتحت عيني وقفلت المنبه لقيت هاني قاعد جمبي وبيبص عليا ومبتسم كده والشمس ضاربه في خلقته، استغربت وقومت..
"انت قاعد كده ليه؟" سألته وحط ايده علي خده..
"كنت مستنيكي تصحي ياتيسوره، صباح الخير"
"صباح النور، طب مصحتنيش ليه المنبه هو الي صحاني"
"اصلي فضلت مبحلق فيكي، شكلك كيوت لما بتبقي نايمه... بس" قال وبحلقت فيه وحسيت اني فرحانه كده، هنهن اتغير وبقي يحبني.. هييييه..
"المهم انا هروح انهارده اشوف عربيه.. ممكن تفضل او تمشي وقت مانت عايز الاوضه اوضتك" قولتله وانا بقوم من عالسرير وقالي..
"يووه، طب ماتنزلي بليل خليكي دلوقتي، عملتلك نسكافيه وجبتلك بقسومات من الي بتحبيه"
"بجد، مكنتش تتعب نفسك ياهاني والله.. بس مش عايزه اعطلك اكيد انت عايز تروح لخالتك فالبلد" قولتله وحسيت اني بكلمه بقرف كده مش عارفه بس لما بصحي من النوم ببقي كده.. قالي..
"خالتي جت القاهره مقولتلكيش؟"
"جت امتا؟"
"جت امبارح.. احتمال اخدك ونروحلها زياره وحشتني اوي، ونجيبلها التموين بالمره عشان امي موصياني"
"ماشي.." قولتله، وبعدين روحت عشان اجيب هدومي واروح الحمام لقيته بيقولي..
"طب انا عايز اجي معاكي"
"عشان تشوف معايا العربيه؟ ليه؟"
"مالك ياتيسير محسساني اني هقتلك مثلاً؟" قال وهو بيقوم وبيقف..
"مانت معاك ساطور ياهاني وكميه مطاوي مش طبيعيه مش عايزني اخاف ازاي؟" قولت وانا بضحك، لول! خايفه اخرج معاه لكن مش خايفه اني مقفول عليا دلوقتي وممكن معرفش اهرب ويقتلني عادي.
"مش هقتلك، انا عايز اقتل لبان"
"متقتلوش!" قولتله بتهديد..
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
