جري هاني ورايا وانا رايحه اركب عربيه لبان عشان ارجع الجامعه بعد الحفله المنيله بستين نيله دي مرديتش عليه وكمل "استني ياابت"
لفيت وانا ناويه الطشه قلم جديد "عايز ايه تاني يحيوان!"
"تيسير انا.. اناااا.. ااناااااااا.."
فضل يقول قمت بصيتله وخلاص هولع فيك.. قال
"انا بحبك ياتيسير!"
شهقت وكأن حد سحب الاوكسجين مني وبصيت علي مولي لقيتها اغمي عليها فجأه واو.. بس هو هاني بيقول ايه....
رجعت تاني وقولت اتقلي يابت ياتيسير علي الرز عشان ميتحرقش وفتحت باب العربيه عشان اركب لقيته وقفني..
"هي دي الحقيقه ياتيسير مش استهبال.. انا بحبك حقيقي وبجد!"
"انت اتجننت ياهاني؟ لا بجد؟" قولت ولسه هركب لاحظت انه بيدمع شويه.. هيعيط؟ عشاني؟ هاني عبغفور بذات شخصه بيعيط عشاني.
قمت مدياله بكوعي "كان الكلام ده يتقال لصحابك من بدري يحبيبي! دلوقتي غور من وشي بدموع الحداية بتاعتك دي"
ركبت العربيه وزعقت للبان "اطلع بسرعه يالبان.. اطلع!"
مشي لبان بالعربيه بسرعه بعد ما هاني نط علي العربيه ومسك في المساحات الي ورا "احيه!"
"استني ياتيسييياااااااااار!"
لبان مخدش باله وهاني مسك في شجره واحنا بنلف ووقع علي الرصيف، مبصيتش عليه عشان ميشوفنيش وانا بعيط من الضحك.
"هو هاني عمل ايه ياتيسير؟"
"ولا حاجه.. قال يتعلوق عليا قدام الناس"
"بس انا الي سمعته ده صح.. يعني... انه بيحبك؟"
"لا ده اتنشن هور مقلهاش غير قدام عامه الناس"
"طب استني ما يمكن يعني..يقصدها فعلاً اصل ده هاني"
"لا يا لبان هاني مبيحبش حد غير نفسه واعتقد انت عارف كده برضه لما راح فشخلكوا البيت وخرشمك مره ولما اتعور في صباعه اغمي عليه افتكر انه هيموت"
"عندك حق بس انا صاحبه.. انتي.. انتي صاحبته.. الي بيحبها"
"اخرس يالبان ووديني الجامعه"
وسكتنا شويه وهو بدأ كلام "بصي ياتيسير انا في صفك ودايماً هبقي في صفك بس انتي مشوفتيش شكله.. انا بقالي اتناشر سنه فالجامعه دي واول مره اشوف هاني بيعيط علي واحده"
ضحكت بأستهزاء "اه عشان بيخطفهم وبيحبسهم في القبو بتاع بيته وبيقتلهم عشان هو سيكوباتي؟"
فضلنا ساكتين وبص عليا وقالي "انتي بتحبيه ياتيسير؟"
"لا يا لبان.. مش بحبه.. عشان هو وسخ.. ومش بيحب غير نفسه.. احنا خرجنا مع بعض شهرين فالسنه كلها وبقولك اهو.. كلها خناقات وانا مستحيل احب حد بتخانق معاه"
أنت تقرأ
AFTER (بالمصري)
Любовные романыتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
