بعد ما وصلنا الحفله بالسلامه وكنا هنعدي منغير سلامات ولا حاجه لاقينا اكتر خلقه مش عايزين نشوفها في يومنا ده.. بوحسن!
هاني شافه من هنا ووشه اتقلب ولف بص عليا وكان باين عليه انه متوقعش انه يشوفه واتفاجئ زيي، شوفته بيدور علي الساطور بتاعه في جيوبه ومسكت دراعه ووقفته انه يعمل اي عمل متهور في وسط الناس مش ناقصه فضايح.
"متوقعتش اني اشوفكو انتو الاتنين هنا في وقت زي ده، أكمن انكو قايلين مش هتقدروا تيجوا الحفله بتاعتي علي المركب" قال لهاني وهو واقف علي السلم وهاني واقف قدامه وانا وراه بحاول استخبي من الاحراج والخوف في نفس الوقت.
"ايوه احنا جينا هنا عشان..." بدأ هاني يقول وقطع كلامه..
"ااااه.. انا فهمت خلاص انت ليه جيت هنا" قال وجزيت علي سناني لما بص عليا بضحكه صفرا وشريره.. هو ليه عامل كده؟
"منوره ياتيسير.." قال ومكنتش فاهمه طريقته بس حاولت اطلع الكلام..
"بنورك يازماله" وعرفت غلطتي لما هاني لف وبص عليا بصه (زماله؟ وحيات امك؟!)
"كويس انكو مجيتوش المركب علي النيل البوليس جه وقفلنا الحفله فجينا نقلناها هنا" قالنا وفكرت ياتري كانت ايه كميه الوساخه الي في الحفله لدرجه ان الشرطه تفتكر شغلانتها وتقفلهالهم.
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
