" اوعا يا هاني عاوزه امشي.."
زقيت دراع هاني عشان اروح الجامعه.. راح قالي..
" الساعه 3 الفجر.. مفيش مواصلات بلبسك ده، وهتباتي هنا تاني"
قالي بكل برود وانا بلعن اليوم الي جيت فيه الحفله دي تاني..
" ألا بقي لو انتي عايزه تروحي بيت زيدان.."
قالي وهو بيبتسملي ابتسامه شريره.. روحت لطشته بالقلم وقولتله انه لازم يخرس ورجعت قعدت مع زيدان ولوسي.. والله لطاف خالص.. خصوصا الاستايل بتاع لوسي ده غريب اوي.. بس عاجبني..
قولت لزيدان يجي معايا عشان اشوف اوضه ابات فيها انهارده وامشي بكره الصبح اكمن فيفي فكست ومشيت مع صاحبها فارس ده.. وشكلي هفكسلهم كلهم واسيبلهم الجامعه وامشي.. بس ده مستحيل..
طلعت لقيت الاوضه الي كنت بايته فيها المره الي فاتت.. دخلت انا وزيدان لقيت واد سكران مرمي علي سرير من السريرين وبيشخر بصوت عالي جدا..
" لو عايزه تيجي البيت عندي.. تنامي علي الارض هناك.. اصله البيت منغير عفش.."
عزم زيدان عليا عزومه مراكبيه.. بس انا رفضت طبعا.. بيجيب بنات كتير فالشقه اكيد وانا مش هطيق انام..
" لأ انا هنام هنا لحد بكره الصبح.. شكرا يا زيدو.."
قولتله وابتسملي وخرج وقفل الباب وراه.. روحت انا اترميت علي السرير وبصيت علي الواد الي نايم عالسرير التاني وبيشخر برضه.. مش عرفه هنام ازاي هنا.. بس هحاول..
ارتحت علي السرير ونمت.. محتش بنفسي بس..
" انتي ايه؟ .."
اتخضيت من الواد السكران الي كان نايم انه فجأه واقف قدامي وبيستكشفني.. حد قاله انه عالم اثار واني موميا..
" انتي مين يا مزه؟"
قالي وهو شكله سكران طينه.. خوفت منه لحسن يعمل حاجه فيا.. يما...
" متخافيش انا مش هأذيكي، بس انا عاوز ابوس بس.."
قالي وهو بيريل وبيقرب مني.. كده اوفررر.. روحت زقيته برجلي خليته يطير ويخبط في باب الاوضه.. زيدان غبي انه سابني مع واحد متحرش..
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
