قعدت امي نص ساعه توصيني مجيش جمب هاني تاني واني افكني من الحفلات بتاعت فيفي ومروحش معاها في حته تاني، كده اوفر.. كل ده عشان ضربت محشي وكوارع مع هاني وشربت 50 ازازه بيره تعمل فيا كل ده.. علي العموم مش مهم هي فكست لموضوع البيره وركزت في موضوع اني اعتديت علي هاني ده وقعدت حللت الموضوع واكتشفت ان هاني بيستهبل..
" يلا يا تيسير قومي ألبسي هنروح نشتري شويه حاجات.."
قالتلي امي وهي بتطبطب علي كتفي.. روحت واخده بعضي وقومت استحميت ولبست وجهزت وروحت خرجت بره الاوضه لقيت هاني قاعد علي الارض ماسك سبحه..
" اا.. ايه!!"
ملقتش كلام اقوله من الدهشه.. راح لقيته بصلي وفي نفس الوقت امي ونوال جم بالصدفه وقالو يقفو يتفرجو علي المشهد الجديد..
بص هاني عليا نظره كده استغربته.. هو صدق ولا ايه..والنعمه ما عملت فيه حاجه..
" اللهم قوي أيمانك ياشيخ هاني.."
قولتله ولاقيته بيبص عليا وبيضربني بالقلم..
حطيت ايدي علي خدي بصدمه ولقيته بيقولي..
" ايه اللبس الي انتي لبساه ده، احتشمي يا وليه.."
بصيت علي نفسي بأستغراب.. انا لابسه بلوزه بنص كم.. هاني الي واقف قدامي ده بيديني درس فالأحتشام كان لسه قالع ملط في الحفله..
" هاني، متنساش نفسك يا هاني.."
قولتله ولقيته بيقولي..
" طبعا، ما بعد المشهد الي جوا لازم احترم نفسي واتوب.. بعد الي انتي عملتيه فيا.."
قال اخر جمله وبص علي الارض بحزن.. وامي ونوال واقفين.. وانا واقفه في النص.. قربت اصدق اني اعتديت عليه فعلا.. بس لقيت نفسي بضحك بغباء.. وامي ونوال كانو عمالين يضحكو زيي ويمكن اكتر.. وامي من الضحك كانت عماله تطوح في نوال.. وهاني كان حاسس انه بوظ الدنيا..
" انت دلوقتي اثبت ليا انك تنفع تروح تعمل فيلم حلاوه روح بدل هيفاء يا هاني.."
قولتله ولقيته بيضحك بصوت واطي وقالي..
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
