بعد ما وصلت هاني لبيته وسبته حسيت بفراغ غريب ومريب حسسني اني مثيره للشفقه.. او مثيره بس عشان انا الي وصلته لشغله.. ايا كان هاني عاطل اصلاً معرفش بيجيب فلوسه منين عشان يصرف علي اصحابه.
قررت ارجع تاني للأوضه وحسيت بفراغ تاني هاني هو الي دايماً مسليني في الطريق ومنغيره الدنيا عاديه وممله، ممله اوي!
بعد ما طلعت كالعاده فيفي مش موجوده وحسيت انها مشيت خالص انا مش فاكره اخر مره شوفتها كانت امتي، بس انا مبسوطه دلوقتي عندي المكان كله لنفسي.. بصيت علي جدولي فوق المكتب عشان هشوف هنيل ايه اكتشفت ان بكره الاحد.. اول يوم شغل ليا في دار الغروب ولازم اذاكر بس مش عارفه هلبس ايه.. هجيب ايه معايا في الشنطه؟ اعمل سندوشتات؟ هقولهم ايه لما اروح؟ اقول ايه لفتحي السكرتير الي اكيد هيعاكسني واكيد هقول لهاني واكيد هاني هيجي يتخانق معاه؟
طلعت النوت بوك وقررت اكتب هعمل ايه كل يوم شغل زي اكني بقرأ المستقبل، هقوم الصبح اجيب قهوه واروح لحد الشغل اقول صباح الخير للموظف الي بمضي عنده قدام المبني وهسأله هطلع لمين.. لأ لأ انا عارفه انا طالعه لمين.. صح؟
رميت النوت بوك عشان وترتني اكتر وفتحت الدولاب اشوف هلبس ايه، طلعت جيبه سوده وبلوزه لونها اخضر وجزمه كعب مترين عشان اطق طق طق ويقولوا عليا جايه اشوف شغلي مش جايه اهزر، الكعب عالي شويه عمري ما لبسته قبل ما اقابل هاني.. هاني غير شخصيتي ومبقتش اخاف زي زمان.. بس لو شافني بالطقم ده مش عارفه هيقولي احتشمي ولا هيعجبه.
أنت تقرأ
AFTER (بالمصري)
Roman d'amourتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
