وصلنا للجراج ولسه هنروح للعربيه سمعنا حد بينده علي هاني من ورانا..
"عبغفوووور!" بصينا للي بينده شوفنا نيني ومعاه مديحه.. ايه الي هي لابساه .. جلابيه حمرا ورابطه وسطها.. ايه الي بيحصل عالصبح؟
"ازيك ياتيسير.. جبتيني كلي خلاص" قالت وهي بتضحك، ابتسمتلها ابتسامه صفرا وقولت "هاي ياختي"
وفضلت واقفه مابين هاني ونيني الي كان بيكرمشله فلوس.. هو سايس ولا ايه هخههه
"خلاص اتيسير بقي شوفي انتي هتروحي فين.. " قالي وسلم عليا ونيني شاورلي وهم ماشيين.. ايهلخرا ده مش قال هيوصلني لحد المبني بالعربيه؟
"يلا ياهاني انجز" نده عليه نيني قمت بصاله من فوق لتحت ..
"عندكوا مشوار مفاجئ كده.. ومديحه دي جايه معاكوا ليه؟" قولتله وبصيت عليها وبصيتله..
"كبري دماغك بقي ياتيسير هتعملنا ايه يعني.. اشوفك بعدين بقي" قال وقام لف وسابني وراحوا ركبوا العربيه.. وانا واقفه علي الرصيف بتفرج عليهم وهم بيركبوا ولقيتها بتركب جمبيه.. لألأ.. البت دي قاصده تغيظني!
معرفتش اجيبها من شعرها الوليه دي عشان مشيوا علي طول، وقررت اخدها لحد اوضتي مشي.. وبفكر في اد ايه هاني ده خاين وحيوان وعميل ومعندوش عزيز الا اصحابه بس ومهما عملي هيفضل غدار.. ويخونني مع خمسين بنت!
فتحت باب الاوضه ولقيت فيفي بتمسك فيا علي طول "جايه انهارده؟"
"جايه فين بس اسكتي بقي" دخلت الاوضه وسبتها ولقيت تامر ده قاعد باصصلها وحاطط ايده علي خده..
"ياديني عالمحن.." قولت وانا بلف وبحاول اطلع تاني.. بس بصراحه لو هاني اتموحن ليا كده هحبه عادي يعني.
"ايوه يعني مفهمتش هتيجي معانا ولا لا؟" قالت تاني وهي بتقفل الباب ورانا..
"لا هتنيل اقعد اذاكرلي كلمتين.. مذاكرتش من اسبوعين."
"يشيخه مذاكره ايه دي تاني سنه ليا اهي ومفتحتش كتاب..."
"ايوه يعني عيزاني اعمل ايه؟"
"ولا حاجه ياتيسير اقعدي انتي ذاكري.. هروح انا وتموره نشتري حبه حاجات" قالتلي واخدتني بالحضن وخدوا بعضهم ومشيوا، فضلت انا بقي قاعده باكل في نفسي عشان هاني ابنلكلب ده الي معصبني..
لقيت امي بتتصل بيا قعدت كلمتها بقي عن الدنيا وانها غداره وقولتلها علي دار الغروب واني روحتها قالتلي خدي بالك من نفسك وشيلي معاكي سلاح.. خايفه عليا اوي الست دي بس قالتلي كملي فيها وسألتني عن نوال قولتلها معرفش اتهد راح فين.. وحكيتلي عن شغلها وكده وقفلت معايا بعد حوالي ساعتين رغي.
وبعدين مسكت الورق والقلم ولسه هذاكر افتكرت هاني.. بجلابيته.. بالعمه بتاعته.. والجبه والقفطان.. اد ايه دخل حياتي وغيرها وخلاها.. زي الخرا.
أنت تقرأ
AFTER (بالمصري)
Romansaتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
