رجعت الجامعه بعد يوم طويل مع هاني بندور علي عربيات وبناكل كبده ملوثه.. كان يوم طويل.
اتفقت مع ابوه الحج اني هروح انا وزيدان ولبان هنقضي عندهم اليوم وهاني لسه مضايق مني لأنه مكنش عايز يروح.. عيل بايخ.. يعني طنط تعمل مسقعه ومحشي ومحدش يروحلها؟ ده احنا هنروح نعيش عندها.
المهم وانا طالعه بفكر في هاني، هو هيحبني بجد امتا بقي؟ زي نوال المعفن الي اعرفه ده.. ولا انا بائسه للأبد ولا ايه الي بيحصل.. افكر اكلمه اسأل عليه تلاقيه مزهق امي في عيشتها.. ههيهيهي
المهم وصلت وفتحت باب الاوضه وكانت الدنيا هاديه هم الناس بتذاكر ولا ايه؟ معتقدش.
اعتقد كلهم في الحمام الجماعي عاملين حفله عري هناك.. جامعه ظريفه اوي.
"كنتي فين لحد الساعه دي ياتيسير؟" سمعت فيفي ولقيتها قاعده بالعبايه ومربعالي رجلها وباصه عليا بصات شك، الساعه مجتش تلاته العصر البت الصايعه الضايعه دي!
المهم قلعت الجزمه الاول وخدت نفسي واترميت علي السرير وقولتلها..
"كنت بدور علي عربيه"
"ولقيتي عربيات فين؟"
"لسه ملقيتش ولا عربيه عدله بس روحنا ورش ندور علي عربيات مستعمله انا مش هشتري جديد..."
المهم قعدت ارغي معاها بتاع ساعه كده عن العربيات وعربيه احلامي والفلوس الي معايا متجيبش توكتوك.
وبعد شويه الباب خبط وقامت فيفي تفتح الباب، المهم هاني الي كان بيخبط.. اووووف!
"بتعمل ايه هنا يازفت؟!" قولتله وانا مضايقه فشخ، قام داخل الاوضه بكل اللاطه ووقف قدام سريري وهو ايده في جيب الجلابيه.
دعيت ربنا بسرعه ميجبش سيره خروجه انهارده قدام فيفي عشان مقولتلهاش اني خرجت معاه، ممكن ابقي اقولها بعدين لكن لما تطلع منه مش هتبقي لطيفه لأننا متفقين اني مش هصيع مع هاني.
"كنت عاوز اقولك بما انك ملقيتيش عربيه انهارده وبتاع، ايه رأيك اوصلك عند الحج انهارده برضه؟" قالي وحسيت ان فيفي هتشنق نفسها ورا، فكرت.. شويه.. هو مال هاني احلو في الساعه الي سبته فيهم كده ليه؟ شكله استحمي.
"وبصي لو مش عايزه، انا عرضت عليكي يعني.. متطلبيش اوبر عشان خاطري" قال اخر حاجه بصوت واطي، من امتا بطلب اوبر طالماً هنهن ونيني وباقي اصحابه بعربياتهم موجودين.
"ماشي موافقه" قولتله وابتسمتله وابتسملي برضه، ايه جو الابتسامات ده قومت شخرتله وضحك بصوت عالي.
"اشطه تجهزي انهارده اتيسوره ع الساعه سته ونص كده؟" قال بعد ما خلص ضحك.
"ماشي اشطه.." قولتله وبعدين لسه هيلف ويمشي قومت قولت بسرعه..
أنت تقرأ
AFTER (بالمصري)
Roman d'amourتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
