"انا بحب البيت اوي" قولت وانا داخله الشقه وشغلت الدفايه عشان الجو تلج جوه واضح اني نسيت اقفل شباك من الشبابيك، لاقيت هاني داخل ورايا وقعد علي الكرسي بتاع الانتريه.
"الجو تلج، انا هطلع بطانيه ليك هنا" قولتله ودخلت وجبت البطاطين واحده ليه والتانيه ليا لأني هقعد علي الكنبه.
لبست البيجامه الصفرا الفرو المفضله بتاعتي وشبشبي الاصفر برضه الي ماشي مع باقي البيجامه، واخدت البطاطين وطلعت ولسه هقعد..
"ايه دول؟!" قالي علي الشبشب الي هو عباره عن وش دبدوب والباقي فروه..
"شبشبي المفضل.. بيدفي وجميل"
"حلو، ابقي هاتيلي واحد شبهه" قالي وقام لبس الجلباب بتاعه في اقرب فرصه جاتله، كويس انه لابس بس، انا بقي انتخت علي الكنبه وشغلت التلفزيون اشوف ايه الي شغال.
"هتعملي ايه فالكريسماس صحيح؟" هاني سألني.
"حلوه دي ياظريف، مش هعمل حاجه" قولتله، عايزني احتفل بالكريسماس كمان هو ف اه؟
"ايوه يعني ممكن نخرج او نعمل حاجه كده ولا كده، احنا هنبقي اجازه عشان السنه الجديده"
"نخرج نعمل ايه يعني؟" سألته.
"نروح البلد، زي ما وعدتك.. عشان تزوري امي" قالي وافتكرت انه واعدني صحيح.
أنت تقرأ
AFTER (بالمصري)
Romanceتيسير هونج، فتاه جامعية عندها 18 سنه درجاتها عاليه وحبيبها زي الفل، علي طول بتخطط للمستقبل لحد ما قابلت الفتي الصعيدي ابن الكلب الي اسمه هاني عبفغور البرعي عنده كوليكشن سواطير وسكاكين كتيره دمرلها الخطط الي حطتها. تحذير- الكتاب ده بيضم تفاصيل مضحكه...
