AFTER (بالمصري)

Chapter 30

صحيت من النوم الصبح بدري عشان اذاكر، طفيت المنبه واخدت القرار خلاص.. محدش يقدر يمنعني! هذاكر..

قومت روحت الحمام غسلت وشي وسناني وسرحت شعري، وبعدين رجعت الاوضه وطلعت كميه كتب وملازم رهيبه، جبتهم امتا دول؟ وبعدين بصيت افتكرت اني صورت شويه ملازم من نيني عشان اذاكرهم.. لول.

المهم  فتحت اول صفحه وابتديت اقرها.. اني افهم كلمه مفهمتش خالص. هاني احتل منطقه الفهم في دماغي.

قعدت اقرأ كده في الادب ده وحليت الاسئله وبعدين بصيت علي اللاب توب وافتكرت الفيلم المفضل بتاعي، اغراني بصراحه.. روحت مسكاه وشغلته وحطيت الهيدفون وقعدت اتفرج..

المهم بعد شويه فالفيلم سمعت حد بره الاوضه بيشتم شتايم سواقين مكروباص، تجاهلت الشتيمه دي وعليت الصوت وكملت الفيلم، وبعدين الشتيمه دي بقت عاليه فشخ جمب الباب وكان في صوت بنت وشكلها خناقه، بعدين ركزت اكتشفت ان ده صوت هاني.. احيه.

قومت بسرعه من عالسرير اتشقلبت علي الارض عشان كنت هتكعبل، فتحت الباب لقيت هاني هو وجلابيته وشكله متبهدل قاعد عالأرض، وفي واحده شعرها اصفر كده ولابسه عبايه وواقفه قدامه وحاطه ايدها علي وسطها.. حسيتها من بلدياته برضه اصل هاني معارفه كتير.. بس شكلها مطلعه عين الواد..

"هاني.."

قولت بصوت عالي شويه وبص عليا وابتسم ابتسامه كبيره فشخ..

"تيسير"

قال وبعدين البت دي لفت وبصت عليا وقالت وهي بتمضغ لبانه بطريقه غريبه كده..

"قولي للأستاذ ده ينضف الدور، كان طالع ماسك شوال نجيله من الي بيغيروها فالجنينه تحت ووسخ التورئه كلها! لو منضفتوهاش انا هنزل اشتكيكو عند المدير!"

قالت وحسيت اننا ساكنين في منطقه شعبيه ودي جارتنا مديحه وجايه تردحلي عشان الواد ابني عمل بيبي علي الفراخ بتاعتها.. وبعد مامشيت قعدت اضحك وبصيت لهاني لقيته بيضحك معايا.. لول..

وبعدين لقيت هاني بيقوم من عالأرض وبيدخل الاوضه، روحت مسكته قبل ما يدخل..

"رايح فين يابتاع النجيله! ممنوع"

قولتله وقالي بصوت واحد سكران طينه..

"متخافيش مش هقتل نوال.. سيبيني اخشششششش"

قال وهو بيحاول يدخل بس انا مسكاه من بطنه، وبعدين قعد يفلفص مني بس انا اخدته ووقعنا قدام الباب بره الاوضه برضه، واتفشخ ضحك وهو واقع عالأرض جمبي..

المهم قام من عالأرض ولسه هيدخل منعته..

"مش نوال هنا؟"

سألني وقولتله بقرف..

"لأ مش موجود"

"خلاص سيبيني ادخل"

"لأ! انت سكران!"