Bad-ass Teacher

BT 18 : Protect Sensei

-Nica's Pov-

Tatlong linggo na ang nakakalipas at patuloy pa rin ang paggaling ng lima. Bukas ay maaari na silang idischarge sa hospital.
Tatlong linggo....

Hanggang ngayon ay hindi ko pa rin nahahanap si George. Maging sila Nico ay sinubukang hanapin si George pero katulad ko ay hindi rin sila nagtagumpay,

Nandito ako ngayon sa gym ng mansyon.
Sa tatlong linggong nakalipas ay halos hindi ko na alam ang gagawin mahanap lang si George. Sa tatlong linggong yun ay halos sa gym na ito ako namalagi. At ang punching bag na ito ang tanging pinagbubuhusan ko ng sama ng loob.

Suntok,sipa. Suntok, sipa.
Kung maaari lamang sigurong magsalita ang punching bag na ito ay baka wala ng preno ang bibig nito kakareklamo.

Sa tatlong linggo na nakalipas ay halos puro pasa at gasgas ang makikita sa katawan ko.

Dahil sa pagod ay napahiga na lang ako sa sahig.
Itinaas ko ang aking kamay at itinapat sa ilaw na animo'y hinahawakan ko ito.

Hanggang ngayon ay sinisisi ko pa rin ang sarili ko sa nangyari.

*sigh*

Nagleave na rin muna ako sa trabaho para mas mabigyan ko ng oras ang paghahanap kay George. Hindi ako titigil hanggat hindi kita nababawi sa kanila George. Hintayin mo lang ako. Hintayin mo si Sensei

------------------------

Kinabukasan

-GLENN's POV-

Sa araw na ito ay maaari na kaming lumabas ng hospital. Tatlong linggo din kaming namalagi dito and I swear sobrang nakakabagot na. Puro puting dingding, puting kisame, puting unan.
Actually nagising kami mga 1week after the incident. The rest naman ng pamamalagi ay puro check ups, monitoring at kung ano-ano pang pinaggagawa sa amin. Ni kesyo kailangan pa daw naming maobserbahan dahil sa mga nafractured na parte ng katawan namin. Buti nga hindi ako nawalan ng ngipin di katulad ni Ivan na natanggalan ng dalwa. And take note, front teeth !
Napangiti ako dahil sa naiisip. Siguradong puros reklamo maririnig namin sa kanya kapag nagkita-kita kaming lahat---

Biglang nawala ang ngiting kanina ay nakapaskil sa mukha ko ng maalalang wala pa si George.
Kinuha nila si George at hindi ko alam kung bakit.
Wala man lang kaming nagawa para mailigtas siya.

Ahhh ! Stupid Glenn ! Ni hindi mo nga naipagtanggol ang sarili mo !

Napapikit na lang ako dahil sa mga naiisip ko.

Sa tatlong buwan na namalagi kami dito ay isang beses ko lang nakitang dumalaw rito si Sensei.

Naalala ko kung ano ang nangyari three weeks ago

-flashback-

*ring*

Oh? Sino kaya itong nagtext sa akin?

Kinuha ko ang cellphone ko at binasa ang text mula kay...

Unknown number?

HO,6pm

Yun lang nakalagay sa text message kaya napakunot-noo ako.

Sino naman kaya sa lima ang nagtext nito? Si Misaki kaya?

Oh well, baka may importante silang sasabihin.
Tinignan ko ang wrist watch ko at 5;30 pm na pala. Tumayo ako at dumiretsong banyo para maligo at makapag-ayos na.

After 30 minutes ay nagawa ko na ang lahat. Kinuha ko ang susi ng motorbike ko at dumiretso ng parking lot ng condo. Agad-agad ko namang pinasibad ito ng makasakay.