The Empire Series 1: Vander Lewis Rushed

14: Kontrata

Turn the table upside down once in a while. –jazlykdat

Aubrey

Kung siya ang masusunod, ayaw na niyang ituloy ang deal sa VLF Empire kaya lang magmula noong pumayag si Vander na sa kanila ibigay ang deal ay hindi na siya tinigilan ng kaibigan. Araw-araw siyang kinukulit na pirmahan na yung kontrata para maibigay na sa opisina ng asawa.

Maraming tanong ang gumugulo sa isip niya. Siguradong alam ni Vander na co-owner siya ng travel agency kaya siguro nito inopen ang deal. Ilang beses niyang pinapaamin si Lily kung kinausap siya nito pero mariin naman itong tumanggi. Sinabi lang nito na nabasa nito ang invitation to bid sa newspaper.

If she doesn't know Lily, iisipin niyang kasabwat ito ni Vander. But why would he do that? Revenge? Hindi naman sana. Mula nang huli silang nagkita ay hindi na siya nito ginulo.

Tumira siya sa private in-land resort nina Lily sa Cavite nang umalis siya hanggang sa nakapanganak. Doon na rin nila inumpisahan ang travel agency na matagal na nilang pinaplano. Nang makapanganak siya ay saka sila lumipat ng Manila.

Huminga siya ng malalim habang nakatingala sa mataas na building ng VLF Empire. Ang alam niya sa building na ito nag-oopisina ang magkakapatid na Filan maliban kay Vanna. May sarili din namang opisina ang hipag sa building pero hindi nga lang ito naglalagi doon.

Dala-dala niya ang kontrata para dalhin kay Vander. Hindi niya alam kung bakit siya pumayag na dalhin ang kontrata sa opisina. Marahil ay umaasa siya na magiging civil na sila ng asawa sa isa't-isa kahit para na lang sa mga anak nila. Gusto na rin kasi niyang sabihin ang totoo sa asawa.

Isang buwan pa lang matapos siyang nagpakalayo-layo ay nalaman niyang buntis pala siya. She was sure it was Vander's child dahil wala namang ibang lalaking nakagalaw sa kanya. Kahit na naging sila noon ni Charlie, hindi naman naging intimate ang pagsasama nila.

Noong buntis siya ay binalak na rin niyang makipagkita rito pero natatakot siya sa maaaring mangyari kaya ipinagpaliban na lamang niya. The pain was still so fresh, then. A part of her is still mad for what happened. It took a while before she finally accepted that things really happened as it should be.

Wala na siyang balita kay Vander simula noon maliban lang sa ilang detalye mula sa society pages ng dyaryo.

"Ano pong pangalan niyo ma'am?" tanong agad ng guwardiya sa bukana ng building lobby. Mahigpit talaga ang seguridad ng building noon pa man. Ito kasi ang central office ng business empire nila.

"Aubrey--" she stopped for a moment. Nag-alangan kasi siya sa sasabihing apelyido. Kahit kailan naman kasi ay Filan ang ginagamit niya kahit noong nagpunta siya ng Dubai at Canada.

"Aubrey Filan po?" sabad agad ng guwardiya. May mga pinindot ito sa monitor at lumabas ang mukha niya sa screen.

"Ma'am sama na po kayo sa akin. Ihahatid ko kayo sa opisina ni Sir Vander," saad nung isa pang guwardiya. Huminga siya ng malalim at sumunod na sa guwardiya. Mukhang hinihintay talaga ng asawa ang pagpunta niya ng opisina nito.

They rode on the elevator. Pagtigil sa 25th floor ay iginiya siya nito isang pintuan. A lot of uniformed staffs are walking along the corridor. Pagpasok nila ay namangha pa siya sa dami ng cubicles at employees. Abala ang mga ito sa telepono, parang isang call-center company.