Old Flames (COMPLETE)

Chapter 4 (Konting Mild SPG)

 KINABAHAN si Haley nang tumawag isang gabi ang kanyang mommy. Nasa kanyang bag ang cellphone niya at naka-silent iyon dahil nanonood sila ng sine kanina ni Dixon. Palabas na sila ng mall nang masagot niya ang tawag ng ina.

"Where are you? Naka-ilang misscall na ako sa iyo kanina pa. Tumawag naman ako sa bahay at wala ka daw doon," pangangastigo nito sa kanya.

"N-nanood ako ng movie," sagot niya dito sa boses na pilit pinakalma sabay tingin kay Dixon na humawak naman nang mas mahigpit sa kanyang kamay.

"Sino kasama mo?"

"It's just me."

"Kelan ka pa nanood ng sine na walang kasama?"

"E, w-wala naman po akong mayaya. Wala naman kayo dito, saka si Vernon naman ay laging wala sa bahay nila. Saka hindi ko naman 'yun mayayang manood ng romantic movies, alam niyong allergic iyon sa mga ganoon."

"Well, what about your friends?"

What friends? "You mean 'yung mga kaibigan ko dati sa college? Alam niyo namang after graduation ay hindi na kami masyadong nagkikita-kita. Busy na sila sa kani-kanilang mga buhay."

"Hindi ko gustong lumalabas ka sa gabi nang nag-iisa, Haley. Delikado 'yan."

"Hinatid naman ako ng driver natin. I'll be alright, Mom. I'm almost twenty-one years old. It's about time na matuto na akong lumakad mag-isa, kahit pa sa gabi."

"Pero madaming nagkalat na masasamang loob sa gabi! Mga snatchers, holduppers, rapists! Dios mio. Baka kung anong mangyari sa iyo diyan!" nagpa-panic na palatak ng ina.

Napailing siya. Kung naikuwento lamang niya siguro sa ina ang pagiging biktima niya ng snatcher ay nungkang papayagan pa siya nitong lumabas ng bahay nang nag-iisa. Baka umupa pa ito bigla ng boodyguards niya!

"Mom, please, relax. I'll be fine, just trust me, okay?"

"Umuwi ka na."

Tumingin siya uli kay Dixon saka kumindat dito. "Mamaya na lang."

"Haley! Ano pa'ng gagawin mo diyan sa labas? Saan ka pa pupunta sa ganitong oras diyan?"

"Maglalakad-lakad lang ako dito sa loob ng mall hanggang magsara sila. I liked it here, being in the house is so boring."

"Kaya nga kita sinasama sa tour na ito para hindi ka ma-bore sa bahay, hindi ba?"

"Mom, pagtatalunan na naman ba natin 'yan? Sige na, matulog na kayo diyan. I'll call you back in the morning." Nakangiti siyang ibinalik sa kanyang bag ang cellphone saka binalingan si Dixon. "And the whole night is ours, babe!" masayang palatak niya dito.

"Baka hanapin ka naman ng mga kasama niyo sa bahay," nag-aalalang sabi naman ni Dixon.

"Ako'ng bahala," ika naman niya dito. "Hindi ako ibubuking ng mga iyon kay Mommy."

Gusto niyang sulitin ang mga pagkakataong kagaya nito dahil malapit nang bumalik sa bansa ang kanyang ina. Who knows kung hanggang kailan siya makakatakas mula dito upang makapiling lamang ang nobyo niya? Ngayon pa lamang ay hindi na niya kayang isipin ang magiging sitwasyon nila ni Dixon. Hanggang kailan sila magtatago ng relasyon mula sa kanyang ina?

"Punta uli tayo sa Tagaytay," yaya niya sa binata. "Doon sa dati nating pinuntahan. I kinda liked it there. Tahimik, malayo sa ingay at usok."

"Pero gabi na."

"I just wanna be with you all night, Dixon. Tutal ay wala ka namang trabaho bukas dahil national holiday hindi ba?"

"Pero—"