Getting His Attention (Completed)

Chapter 15

GHA Chapter 15

"Ikaw si Jillian Chen Cojuangco? Pinapatawag ka sa OSAS."

Kakatapos lang ng break time namin at hindi pa kami nakakapasok ni Kyela sa loob ng classroom, ito na agad ang bumungad sa akin.

Kyela nudged my side and leaned closer to me. "Anong ginawa mo?"

Nagkibit balikat ako. Wala talaga akong ginawa na kalokohan ngayong araw. Hindi ko inaasahan na may lalapit sa akin na student officer para ipaalam sa akin na pinapatawag daw ako sa discipline office.

Baka... binilang na nila lahat ng record ko roon at ngayon nila sasabihin na kick-out na ako?

"Puntahan ko muna, baka may surprise sila sa'kin," pabiro kong paalam sa kaibigan.

"Good luck Chen!"

Napailing ako at sumunod na sa student officer patungo sa OSAS. Tatlong pares ng mga mata ang bumaling sa akin paglapit ko sa table ni Mrs. Prima.

"Pinatawag niyo raw po ako Mrs. Prima?" paninigurado ko na tinugon niya ng simpleng pagtango at pagpapa-upo sa akin sa bakanteng upuan na nasa tapat niya.

"Uhm... Anong mayro'n? Open forum?" basag ko sa katahimikan sabay lingon sa dalawa pang naka-upo na sina Errol at Arby.

"Nag-away ang dalawang lalaki na ito sa loob ng classroom ninyo," dismayado niyang pahayag. Salitan niyang tinignan ang dalawang lalaki at napa-iling.

"And I'm involved because?"

"They were fighting because of you, Jillian," mariin niyang tugon.

Umarko nang bahagya ang aking kilay at pinasadahan ng tingin ang dalawang lalaki na hindi magawang salubungin ang mga mata ko, marahil nahihiya sa akin either dahil sa ginawa nila o sa itsura nila ngayon.

Pasimple akong napangisi sabay hawi sa ilang hibla ng aking buhok. The amount of attention I am getting is quite overwhelming.

"I want to hear your side or opinion regarding this issue. As much as possible, dapat pinag-uusapan ninyo ito nang maigi para hindi humantong sa gulo. Kailangan ma-settle na ito ngayon," seryosong sambit ni Mrs. Prima habang matalim kaming tinititigan.

I don't know what to react. Hindi ko plano na mag-away silang dalawa at wala akong kamalay-malay na ako ang ginawa nilang dahilan. Nakakaabala sila sa totoo lang.

"Dito ka muna maupo Alfante. Printing na ang hinihingi mong documents. Hintayin mo na lang dito, kung ayos lang sa'yo."

"No problem, sir."

Nagawi ang tingin ko sa pinanggalingan ng ingay.

May dalawang lalaki ang lumabas sa Guidance and Testing Center, isa itong extension office for recording of student information and requesting of documents. Nasa gilid ito ng table ni Mrs. Prima kaya kitang-kita ko kung sino ang lumalabas at pumapasok dito. Lalo na ang mga umuupo sa waiting area...

Gaya ni Cyron.

I felt like I wanted to hide or vanish right away when his eyes met mine. Fuck... I was caught off guard! He caught me looking at him!

"Are you listening, Jillian?" Bumalik ang aking tingin sa harapan at wala sa sariling tumango.

I can't focus. I know for sure that he might have heard us; he might have witnessed my, yet again, embarrassing moment!

Sana pala hindi na ako pumunta rito. O kaya, sana hindi siya nagpakita. Wrong timing talaga! Sinusubukan ko na nga pagandahin ang imahe ko sa kaniya, nangyari naman ito! Ano na lang ang iisipin niya?