Fallback Girl : Days to Fall (Chat MD Series #3)

Day 84 : More than just a kiss

More than just a kiss
-----

Binuksan ko ang pinto ng apartment. Mabilis na humakbang papasok si JT. Napahakbang naman ako paatras.

It's been sixteen days. He looked so tall inside the apartment. Hinahanap ko ang galit sa mukha niya pero wala akong makita.

"Pa'no mo—"

"There you are," sabi niya at nagbuga ng hangin. Tuloy-tuloy ang hakbang niya palapit sa akin.

"—nalaman na nandito ako?"

Umatras pa 'ko hanggang pader na ang nasa likod ko.

"I miss you," sabi ni JT.

Napalunok ako. I should say something, too. Kahit ano.

"Uhm—"

Natahimik ako sa paglapat ng labi niya sa'kin. He was cupping my face. Napahawak ako sa braso niya sa kawalan ng kakapitan.

I wanted not to kiss him but my lips knew otherwise. Sanay sumunod sa kanya. Sanay gumagad.

I savor the taste of our kiss. Nagpakalasing ako hanggang sa ihiwalay niya ang labi niya sa'kin. I reminded myself not to lick my lips nor bite it.

Niyakap ako ni JT pagkatapos.

"You're bad," sabi niya habang nagbubuga ng hangin. "Baliw na pagong."

Bumuntonghininga ako nang bitawan niya 'ko.

"Bakit ka nandito? Pa'no mo 'ko nahanap?" tanong ko sa kanya.

Kaysa sagutin ako ay lumakad siya sa loob ng apartment. He checked the kitchen. Then, the rooms.

"This is where you hide for sixteen days?"

"Pa'no mo 'ko nakita?" tanong ko pa rin.

Lumingon siya sa'kin at naglakad pabalik sa kusina.

"Masakit ang ulo ko. May kape ka?"

Sumimangot ako.

"Kape, Hannah Pagong," sabi niya at ngumiti.

Nagpapa-cute ba siya? O nababaliw na 'ko?

Lumapit ako sa coffeemaker, kumuha ng coffee beans, at nagsalang. Naupo naman siya sa high chair sa mesa sa kusina.

Hindi ko na alam ang itatanong ko kung ayaw niya namang sumagot.

We were quiet for a minute.

"Nagkagulo kami kung saan ka hahanapin. Wala ka sa mga katrabaho mo at sa probinsiya n'yo. Dahil wala nang maisip sina Mama, Papa, at Ate Henny, naghanap na kami sa mga schoolmates mo no'ng college at high school," simula ni JT.

Napakunot ang noo ko sa narinig. Did he just call my family Mama, Papa, at Ate? Nagkakila-kilala na ba sila?

"I remember that you have two friends. Isang nasa Germany at isang nandito sa Cebu. I checked your college yearbook to look for them.

"Tinawagan ko si Salve pero wala ka raw sa Germany. Naisip kong baka itinatago ka lang niya. Pero bago ako pumunta ro'n, lumipad muna ako rito sa Cebu.

"Nakausap ko si Dette kanina at sinabi niyang pinahiram niya sa'yo 'tong lumang unit niya. She gave me the address. I promised her na hindi kita kakausapin kung ayaw mo.

"Tapos, nakita kitang nag-dinner kanina sa fastfood sa kanto. Sinundan na lang kita rito para hindi mo 'ko matakasan."

Naghinang ang mata namin ni JT.