The Thoughts of a Girl with a Pen and Paper: A Literary Compilation

Paasa

~•~•~•~

"P.A.A.S.A"

Paasa. Isang salita. Isang maikling salita, na gagamitin ko para ilarawan ka. Ilalarawan kita gamit ang salitang ito, dahil ikaw mismo ang salitang ito. Paasa. Isa-isahin natin ang mga letra ng salitang paasa, para mailarawan ka.

P. Pa. Paano mo 'ko napaikot? Paano mo 'ko napaniwala na mahal mo rin ako? Paano? Paano ka ba binabagabag ng konsensya mo, at kayang-kaya mo magkunwari na ako ay mahal mo? Paano?

Sumunod na letra. A. A. Ang husay mo. Ang husay mong gumawa ng matatamis na salita na hindi ko maalis sa isipan ko. Ang husay mo. Ang husay mo dahil ikaw lang ang kayang magparamdam saakin ng sobrang saya at sobrang sakit. Napakahusay mo, dahil ikaw lang ang may karapatan na saktan ako kahit saan at kahit kailan. Dahil sayo ko ipinagkatiwala ang puso ko. Ipinagkatiwala ko ito sayo, dahil 'dyan sa kahusayan mo.

A ulit. A. Aamin ka na ba? Aamin ka na ba na palabas lang ang lahat? Aamin ka na ba na ginamit mo lang ako bilang pangpalipas ng oras? Aamin ka na ba na mawawalan ka na ng oras kasama ako, dahil ibibigay mo na ito sakanya? Aamin ka na ba na hanggang dito lang tayo? Aamin ka na ba?

S. Sa. Sana hindi nalang ako umasa. Sana hindi kita minahal. Sana, sana ako nalang. Sana ako nalang yung mahal mo. Sana, lahat ng sana na 'toh, maging totoo.

At ang huling letra. A. A. Aasa nanaman ba ako? Aasa nanaman ba ako na lahat ng sinabi mo ay totoo? Aasa nanaman ba ako na ako ang pipiliin mo? O papalitan ko ang salitang aasa ng ayoko?

Ayoko na. Ayoko na makinig sa mga matatamis 'mong salita. Ayoko nang ngumiti tuwing nakikita ka. Ayoko nang makita kang masaya sa piling ng iba. At higit sa lahat, ayoko na umasa, sa isang katulad mo na paasa. Pero salamat. Salamat sa mga matatamis na salita. Salamat sa mga nakakakilig na alaala. Salamat dahil nakilala kita. Salamat dahil pinaasa mo ako. Dahil sisiguraduhin ko, na hindi na uli ako mahuhulog sa isang katulad mo.

~•~•~•~